ەلىمىزدە دۇنيە ءجۇزى بويىنشا ەكىنشى ورىنداعى سيرەك كەزدەسەتىن جەڭىل جەر مەتالى كەنى بايقالدى

ءتىلشىنىڭ جاراتىلىستىق بايلىق مينيسترلىگىنەن ۇعىسۋىنشا، ەلىمىز جاڭا كەزەكتى كەن اشۋدا جەتىستىككە جەتۋ ستراتەگيالىق ارەكەتىندە جاڭا ناتيجەگە قول جەتكىزدى. سىچۋان ولكەسى مياننىڭ اۋدانىنداعى ماۋنيۋپيڭ كەن وڭىرىندە، ەلىمىز دۇنيە ءجۇزى بويىنشا ەكىنشى ورىنداعى سيرەك كەزدەسەتىن جەڭىل جەر مەتالى كەنىن بايقاعان.

تانىستىرۋعا قاراعاندا، سىچۋان ولكەسى مياننيڭ اۋدانىنداعى ماۋنيۋپيڭ كەن وڭىرىندەگى سيرەك كەزدەسەتىن جەر مەتالدارى كەنىنىڭ بايلىق قورىن تەكسەرۋ نىسانى بارىسىندا، جاڭادان 9 ميلليون 665 مىڭ 600 توننا سيرەك كەزدەسەتىن جەر مەتالىنىڭ وتتەكتى قوسىلىسى ارتقان، ارتقان قور مولشەرى %300 تەن اسقان، بۇل دۇنيە جۇزىندەگى قازىر قازىلۋ ۇستىندەگى سيرەك كەزدەسەتىن جەر مەتالدارى كەندەرىنىڭ بايلىق قورى بويىنشا دۇنيە جۇزىندە ەكىنشى ورىندا تۇرادى. سيرەك كەزدەسەتىن جەر مەتالدارىنىڭ وتتەكتى قوسىلىستارى ماگنيتتىك ماتەريالدار، جارىق شىعاراتىن ماتەريالدار قاتارلى سالالاردا كەڭىنەن قولدانىلادى، ول وسىزامانعى ونەركاسىپ پەن جوعارى دەڭگەيدەگى جاساۋ كاسىبىندە كەم بولسا بولمايتىن ەلەمەنت.

سيرەك كەزدەسەتىن جەر مەتالىنىڭ وتتەكتى قوسىلىسىنان سىرت، سىچۋان ولكەسى مياننيڭ اۋدانىنداعى ماۋنيۋپيڭ كەن وڭىرىنەن 27 ميلليون 135 مىڭ توننا فلۋوريت، 37 ميلليون 228 مىڭ توننا باريت قاتارلى قوسالقى بايلىقتار دا جاڭادان بايقالعان، ولار تۇگەلدەي ەرەكشە ۇلكەن كولەمگە جەتكەن. مامانداردىڭ تىلشىگە ايتۋىنشا، ماۋنيۋپيڭدەگى فلۋوريت پەن باريت تۇگەلدەي سيرەك كەزدەسەتىن جەر مەتالىنىڭ قوسالقى كەنى سانالادى. فلۋوريت فتورلى كالتسي دەپ تە اتالادى، ونىڭ باستى قۇرامى فتورلى كالتسي، فلۋوريت قايتا تۋىندامايتىن بايلىق قاينارى، ونەركاسىپتىك فتور ەلەمەنتىنىڭ كەلۋ قاينارى، جاڭا گۇلدەنگەن سالالار مەن بولاشاقتىق كاسىپ سالالارى جونىنەن شەشۋشى ماڭىزعا يە.

كەلۋ قاينارى: حالىق تورابى