اۋىل شارۋاشىلىعى جانە اۋىل – قىستاق مينيسترلىگى: شارۋالاردى زارلاتۋ - زيانداۋ، استىق حاۋىپسىزدىگىنە زيان جەتكىزۋ قاتارلى زاڭعا قايشى ارەكەتتەرگە قاتاڭ سوققى بەرىلەدى 

جۇڭگو اقپارات تورابى 3 – ايدىڭ 24 – كۇنى حابارلايدى. اۋىل شارۋاشىلىعى جانە اۋىل – قىستاق مينيسترلىگىنىڭ تورابى جاريالاعان اقپاراتقا قاراعاندا، اۋىل شارۋاشىلىعى سالاسىندا زاڭ اتقارۋدىڭ اۋىل شارۋاشىلىعىنىڭ، اۋىل – قىستاقتىڭ، شارۋالاردىڭ دامۋىن قورعاۋ رولىن تولىق ساۋلەلەندىرۋ ءۇشىن، اۋىل شارۋاشىلىعى جانە اۋىل – قىستاق مينيسترلىگى جۋىردا «2026 – جىلعى ”جاسىل سەمسەرمەن استىق حاۋىپسىزدىگىن قورعاۋ“ اتتى زاڭ اتقارۋ ارەكەتىن ورىستەتۋ جونىندەگى ۇقتىرۋدى» (تومەندە «ۇقتىرۋ» دەپ قىسقارتىلىپ الىنادى) جاريالاپ، جەر – جەردى شارۋالاردى زارلاتۋ - زيانداۋ، استىق حاۋىپسىزدىگىنە جانە اۋىل شارۋاشىلىعى ونىمدەرىنىڭ ساپالىق حاۋىپسىزدىگىنە زيان جەتكىزۋ جاعىنداعى زاڭعا قايشى ارەكەتتەرگە زاڭ بويىنشا قاتاڭ سوققى بەرىپ، حالىق جۇرتشىلىعىنىڭ ”ءتىل ۇشىنداعى حاۋىپسىزدىگىن“ قورعاۋعا، مەملەكەتتىڭ استىق حاۋىپسىزدىگى نەگىزىن ۇزدىكسىز بەكەمدەۋگە قۋزاعان ءارى جەتەكشىلىك ەتكەن.

«ۇقتىرۋدا» مىنالار كورسەتىلگەن: كومەسكى حاۋىپ – قاتەردى ءبىر – بىرلەپ تەكسەرۋدى كۇشەيتىپ، ەرتە بايقاۋ، ەرتە جونگە سالۋ كەرەك. جەر – جەر ءبىرىنشى شەپكە ىشكەرىلەي بارىپ زاڭعا قايشى ارەكەتتەردىڭ دەرەكتەرىن جان – جاقتى، ءبىر – بىرلەپ تەكسەرۋدى، بىرتەكتەس دەلولاردىڭ زاڭدىلىعىن قورىتىندىلاۋ جانە اۋقىمعا تالداۋ جاساۋدى كۇشەيتۋى كەرەك. تەكسەرۋ اۋماعىن ۇيلەسىمدى ءبولىپ، تەكسەرۋ جيىلىگىن جاقسارتىپ، تۇرگە ءبولىپ تەكسەرۋ جۇرگىزىپ، زاڭ اتقارۋ بارىسىندا تەكسەرۋدىڭ باعىتتامالىلىعى مەن دالدىگىن جوعارىلاتۋى كەرەك. زاڭعا قايشى دەرەكتەردى جونگە سالۋدى قاتاڭ جۇيەگە ءتۇسىرىپ، ماسەلەنى بايقاۋ مولشەرى مەن زاڭعا قايشى ارەكەتتەردى جازالاۋ مولشەرىن جوعارىلاتۋى كەرەك.

كەلۋ قاينارى: حالىق تورابى