اۋىل - قىستاقتاعى كاسىپسىز اۋىر دارەجەدەگى ەرەسەك مۇگەدەكتەر ”جالعىز نوپوس“ بويىنشا ەڭ تومەنگى تۇرمىستى قامتاماسىزداندىرۋ ءوتىنىشىن بەرۋىنە بولادى

شينحۋا اگەنتتىگىنىڭ 3 – ايدىڭ 24 – كۇنى بەيجيڭنەن بەرگەن حابارى. ءتىلشىنىڭ 3 – ايدىڭ 24 – كۇنى جۇڭگو مۇگەدەكتەر بىرلەستىگىنەن ۇعىسۋىنشا، كوپتەگەن تاراۋ تاياۋدا بىرگە پىكىر باسىپ تاراتىپ، اۋىل – قىستاقتاعى كاسىپسىز ەرەسەك اۋىر دارەجەدەگى مۇگەدەكتەردىڭ ”جالعىز نوپوس“ بويىنشا ەڭ تومەنگى تۇرمىستى قامتاماسىزداندىرۋ ءوتىنىشىن بەرۋىنە بولاتىندىعىن، ەڭ تومەنگى تۇرمىستى قامتاماسىزداندىرۋ كولەمىنە كىرمەيتىن وتباسىلارىنداعى اۋىر دارەجەدەگى مۇگەدەكتەردىڭ، سالماقتى ناۋقاسقا شالدىققانداردىڭ ”جالعىز نوپوس“ دەگەن ءتۇر بويىنشا ەڭ تومەنگى تۇرمىسىن قامتاماسىزداندىرۋ كولەمىنە كىرەتىندىگىن ايقىندادى.

پىكىردە قوعامدىق قامتاماسىزداندىرۋدىڭ ەڭ تومەنگى شەكتەن تۇسىرمەۋ تەبىنى ايقىن ارتتىرىلدى. قيىنشىلىعى بار مۇگەدەكتەرگە بەرىلەتىن تۇرمىستىق قوسىمشا قاراجات پەن اۋىر مۇگەدەكتەردى كۇتىمدەۋگە قوسىمشا قاراجات بەرۋ ولشەمىن يكەمدى رەتتەۋ مەحانيزمىن كەمەلدەندىرىپ، شارت - جاعدايى بار رايوندار ەڭ تومەنگى تۇرمىستى قامتاماسىزداندىرۋ جيەگىندەگى وتباسىلارىنداعى مۇگەدەكتەردى جانە باسقا دا قيىنشىلىعى بار مۇگەدەكتەردى قيىنشىلىعى بار مۇگەدەكتەرگە تۇرمىستىق قوسىمشا قاراجات بەرۋ كولەمىنە ەنگىزۋىنە بولادى. شارتقا ۇيلەسەتىن مۇگەدەكتەردىڭ بەلگىلەمە بويىنشا قالا - اۋىل تۇرعىندارىنىڭ نەگىزگى ەمدەلۋىن قامسىزداندىرۋ جانە ۇزاق ۋاقىت كۇتىمدەۋدى قامسىزداندىرۋعا قارجىلاي كومەك بەرۋ ساياساتى، نەگىزگى زەينەتكەرلىك قامسىزداندىرۋ قاراجاتىن ۋاكىلەتتىكپەن تاپسىرۋ ساياساتى سياقتىلاردان يگىلىكتەنۋىنە بولادى. شارتقا ۇيلەسەتىن مۇگەدەك وتباسىلارىن دەر كەزىندە اۋىل - قىستاقتاعى قاتەرلى ۇيلەردى جاڭالاۋ ساياساتىن قولداۋ كولەمىنە ەنگىزۋ كەرەك.

بۇدان سىرت، پىكىردە مىنالار العا قويىلدى: وقۋ جاسىنداعى مۇگەدەك بالالار مەن ورەندەردىڭ مىندەتتى وقۋ ـ اعارتۋ بويىنشا وقۋعا ءتۇسۋىن باقىلاۋ ـ تەكسەرۋ جۇيەسىن كەمەلدەندىرىپ، ءاربىر مۇگەدەك بالانى لايىقتى ورنالاستىرىپ، وقۋ جاسىنداعى مۇگەدەك بالالاردىڭ كەز كەلگەن ۋاقىتتا، جاقىن ماڭدا وقۋعا تۇسۋىنە كەپىلدىك ەتۋ كەرەك؛ وتباسى مۇشەلەرى كاسىپتەنگەننەن كەيىن وتباسىنىڭ جان باسىندىق كىرىسى جەرگىلىكتى ورىننىڭ ەڭ تومەنگى تۇرمىستى قامتاماسىزداندىرۋ ولشەمىنەن اسىپ كەتكەن مۇگەدەك وتباسىلارىنا پرينسيپتىك جاقتان 6 ايدان اسپايتىن بىرتىندەپ شەگىنۋ مەرزىمىن بەرۋگە بولادى؛ شارت - جاعدايى بار اۋىر مۇگەدەك وتباسىلارىن جەردى اينالىمعا سالۋ، جارنا قوسىپ پايدا ءبولۋ، اماناتتاپ قىزمەت وتەۋ قاتارلى تاسىلدەر ارقىلى كىرىستى ارتتىرۋعا جەتەكتەۋ كەرەك؛ شارتقا ۇيلەسەتىن اۋىر مۇگەدەك ادامداردى تۇگەلدەي ەرەكشە قيىنشىلىعى بارلاردى باعىپ - قاعۋدىڭ ەڭ تومەنگى شەكتەن تۇسىرمەي قامتاماسىزداندىرۋىنا ەنگىزۋ كەرەك؛ اۋىل - قىستاقتاعى مۇگەدەك وتباسىلارىنىڭ ءجۇرىس – تۇرىسىنداعى كەدەرگىنى وزگەرتۋ جانە اۋىل - قىستاقتاعى بوگەتسىز ورتا قۇرىلىسىن سالۋ قاتارلىلاردى ىلگەرىلەتۋ كەرەك.

مۇگەدەكتەردى سۇيەمەلدەۋ ونىمدىلىگى ۇنەمىلىك سۇيەمەلدەۋ ناتيجەسىن باعالاۋدىڭ ماڭىزدى مازمۇنى ەتىلەدى. جەر ـ جەر، قاتىستى تاراۋلار ۇدايىلانعان كومەكتەسۋ ـ سۇيەمەلدەۋ ساياسات ـ شارالارىن اقاۋسىزداندىرىپ جانە كەمەلدەندىرىپ، مۇگەدەكتەردىڭ كەدەيلىكتەن ساقتانۋ وبيەكتىلەرىن دالمە - ءدال پارىقتاۋدى جانە ينفورماتسيادان ورتاق يگىلىكتەنۋدى كۇشەيتىپ، ءبىر وتباسىندا كوپ مۇگەدەك بولۋ، قارتايعان ءارى مۇگەدەك بولعاندار، اۋىرعان ءارى مۇگەدەك بولعاندار، اۋىر مۇگەدەك بولعاندار، قارتتار مۇگەدەكتەردى باعىپ قالعان جاعداي سياقتى ەرەكشە قيىنشىلىعى بار مۇگەدەك وتباسىلارىنا ءتۇيىندى تۇردە نازار اۋدارۋ كەرەك.

كەلۋ قاينارى: حالىق تورابى