حالىق ىستەرى مينيسترلىگى: ورتا نەمەسە ونان جوعارى دارەجەدەگى قابىلەتىنەن ايىرىلعان قارتتاردىڭ زەينەتكەرلىككە قىزمەت وتەۋ، تۇتىنۋ قوسىمشا قاراجاتى نىسانىنان ءبىر ميلليون 50 مىڭنان استام ادام يگىلىكتەندى

شينحۋا اگەنتتىگىنىڭ 3 – ايدىڭ 24 – كۇنى بەيجيڭنەن بەرگەن حابارى. حالىق ىستەرى مينيسترلىگىنەن ۇعىسۋىنشا، قازىرگە دەيىن ورتا نەمەسە ونان جوعارى دارەجەدەگى قابىلەتىنەن ايىرىلعان قارتتاردىڭ زەينەتكەرلىك قىزمەت وتەۋ تۇتىنۋ قوسىمشا قاراجاتى نىسانى بۇكىل ەل كولەمىندە جيىنى 3 ميلليون 328 مىڭ دانا تۇتىنۋ بەلەتىن انىقتاپ ەسەپتەن شىعارعان، انىقتاپ ەسەپتەن شىعارۋ سوماسى 2 ميلليارد 350 ميلليون يۋان بولىپ، زەينەتكەرلىك قىزمەت وتەۋ تۇتىنۋ سوماسى 11 ميلليارد 500 ميلليون يۋان بولعان. ءبىر ميلليون 50 مىڭنان استام قابىلەتىنەن ايىرىلعان قارتتار يگىلىككە كەنەلدى.

حالىق ىستەرى مينيسترلىگى بىلاي دەدى: كەلەسى قادامدا حالىق تۇرمىسىنا تيىمدىلىك جاساۋ جانە تۇتىنۋدى جەبەۋ بەتالىسىنا تاباندى بولىپ، نىسانداردى اتقارۋ بارىسىنداعى بوگەتتەردى، قيىن تۇيىندەردى قاداعالاپ، جۇمىس ءتارتىبىن ۇزدىكسىز ساپالىلاندىرىپ، قىزمەت وتەۋدى جوعارىلاتىپ، باقىلاۋ ـ باسقارۋدى كۇشەيتىپ، يگىلىككە كەنەلۋدىڭ قامتۋ كولەمىن ۇزدىكسىز كەڭەيتىپ، قىزمەت وتەۋدىڭ دالدىگىن جوعارىلاتىپ، ءتىپتى دە كوپ قارتتاردىڭ رەفورما، دامۋ جەتىستىكتەرىنەن بىرگە يگىلىكتەنۋىنە مۇمكىندىك جاسايمىز.

كەلۋ قاينارى: حالىق تورابى