بازاردى باقىلاۋ – باسقارۋ باس مەڭگەرمەسى بالالار باقشاسىنىڭ ازىق – تۇلىك حاۋىپسىزدىگىن باقىلاۋ – باسقارۋ بەلگىلەمەسى تۋرالى اشىق پىكىر قابىلدايدى 

ءتىلشىنىڭ 3 – ايدىڭ 25 – كۇنى مەملەكەتتىك بازاردى باقىلاۋ – باسقارۋ باس مەڭگەرمەسىنەن ۇعىسۋىنشا، باس مەڭگەرمە وقۋ – اعارتۋ مينيسترلىگىمەن بىرگە دايىنداعان «بالالار باقشاسىنىڭ ازىق – تۇلىك حاۋىپسىزدىگى جاعىنداعى نەگىزگى تۇلعالىق جاۋاپكەرشىلىگىن تياناقتاندىرۋ جونىندەگى باقىلاۋ – باسقارۋ بەلگىلەمەسى (پىكىر الىناتىن نۇسقا)» تۋرالى اشىق پىكىر قابىلدايتىن بولعان.

پىكىر الىناتىن نۇسقا جيىنى 32 تارماقتان قۇرالعان، ازىق – تۇلىك حاۋىپسىزدىگىنە ساياتىن ”ءتورت ءتۇرلى قاتاڭ تالاپتى“ تياناقتاندىرىپ، بالالار باقشاسىنىڭ ازىق – تۇلىك حاۋىپسىزدىگىنە باقشا باستىعى جاۋاپتى بولۋ ءتۇزىمىن اتقارىپ، ازىق – تۇلىك حاۋىپسىزدىگى باس باقىلاۋشىسىن، حاۋىپسىزدىك قىزمەتكەرىن ورنالاستىرۋ، ”كۇندەلىكتى باسقارۋ، اپتا سايىن ءبىر – بىرلەپ تەكسەرۋ، اي سايىن رەتتەپ وتىرۋ“ ءتۇزىمى مەن مەحانيزمىن تياناقتاندىرۋ ءارى بالالار باقشاسىنىڭ ازىق – تۇلىك حاۋىپسىزدىگىنە ساياتىن حاۋىپ – قاتەرلەردىڭ ەرەكشەلىكتەرىمەن ۇشتاستىرىپ، تاماقپەن قامداۋ فورماسى، ازىق – تۇلىك ماتەريالدارىن ساتىپ الۋ جانە تەكسەرىپ وتكىزىپ الۋ، مانەرلەۋ – جاساۋ بارىسىن مەڭگەرۋ، حاۋىپ – قاتەر ىقتيمالدىعى جوعارى ازىق – تۇلىكتەردى شەكتەۋ، ىدىس – اياقتاردى جۋىپ ديزەنفەكسيالاۋ قاتارلى ماڭىزدى تۇيىندەردى توڭىرەكتەي وتىرىپ، جاۋاپكەرشىلىك تالاپتارىن ايقىنداعان. (ءتىلشى داي شياۋحى)

كەلۋ قاينارى: حالىق تورابى