2026 - جىلعى بۇكىل ەلىمىزدەگى قالالاردىڭ جوعارى مەكتەپ بىتىرگەن وقۋشىلار اراسىنان كوكتەم مەزگىلىندە جۇمىسقا ادام قابىلداۋ بىرلەسكەن ارناۋلى قيمىلى باستالدى 

حالىق گازەتىنىڭ ءتىلشىسى لي لينۋەي 4 – ايدىڭ 4 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا: جۋىردا، جۇمىستاندىرۋ ارقىلى بولاشاققا جەتەلەۋ — 2026 – جىلعى بۇكىل ەلىمىزدەگى قالالاردىڭ جوعارى مەكتەپ بىتىرگەن وقۋشىلار اراسىنان كوكتەم مەزگىلىندە جۇمىسقا ادام قابىلداۋ بىرلەسكەن ارناۋلى قيمىلى باستالعان، قيمىل بارىسىندا نەگىزىنەن 2026 – جىلى جوعارى مەكتەپ بىتىرەتىن وقۋشىلار مەن بۇرىنعى جىلدارى جوعارى مەكتەپ بىتىرگەنمەن جۇمىستانباعاندارعا نازار شوعىرلاندىرىلىپ، ينتەرنەت ارقىلى جانە ينتەرنەتتەن تىس جۇمىسقا قابىلداۋ ءتاسىلى ۇشتاستىرىلادى، قيمىل 5 – ايدىڭ سوڭىنا دەيىن جالعاسادى.

ينتەرنەت ارقىلى جۇمىسقا ادام قابىلداۋ جۇڭگو مەملەكەتتىك دارىندىلار تورابىندا نەگىزگى قيمىل ورنىن قۇرىپ، ارناۋلى ستون جانە ارناۋلى ايدارشا اشىپ، جەرگىلىكتى ورىندارداعى ءتۇيىندى كاسىپ سالاسى مەن دارىندىلارعا بولعان قاجەتسىنۋدى ۇشتاستىرا وتىرىپ، قالالارعا باعىتتاپ تىكە تاراتىلىم ارقىلى جۇمىس ورنىن تانىستىرۋ جەلىلەس قيمىلىن ۇيىمداستىرىپ ورىستەتەدى.

ينتەرنەتتەن تىس تاسىلمەن جۇمىسقا ادام قابىلداۋ قيمىلى بارىسىندا سيفرلى ەكونوميكا، جاسىل ەكونوميكا، وزىق جاساۋ كاسىبى، حالىقارالىق ساۋدا قاتارلى سالالارعا نازار شوعىرلاندىرىلىپ، كاسىپ سالاسىندىق ارناۋلى قيمىلدار وتكىزىلەدى؛ مەملەكەتتىك وڭىرلىك دامۋ ستراتەگياسىنا قىزمەت وتەپ، باتىس بولىك، شيۇڭ - ان جاڭا رايونى قاتارلى وڭىرلەرگە باعىتتالعان ارناۋلى قيمىلدار ۇيىمداستىرىلادى؛ بولاشاق كاسىپ سالاسى جوسپارىمەن ۇشتاستىرىپ، جوعارى ساپالى دارىندىلاردى جۇمىسقا قابىلداۋ ارناۋلى قيمىلى وتكىزىلەدى؛ جوعارى مەكتەپتەر شوعىرلانعان، جوعارى مەكتەپ بىتىرگەندەردىڭ سانى مول، ورتا، باتىس بولىكتەگى قالالار مەن شىعىس - سولتۇستىكتەگى جۇمىستاندىرۋ مىندەتى ءبىرشاما اۋىر قالالارعا باعىتتاي وتىرىپ، ۋنيۆەرسال نەمەسە كاسىپ سالاسىندىق سيپاتتاعى ءوڭىر اتتاپ ارالاپ ءجۇرىپ جۇمىسقا قابىلداۋ قيمىلىن ۇيىمداستىرىپ جۇرگىزەدى.

قيمىل مەزگىلىندە جۇمىستاندىرۋعا، شارۋاشىلىق قۇرۋعا جەتەكشىلىك ەتەتىن مامانداردى مەكتەپتەرگە، كاسىپورىندارعا، باقشا رايوندارىنا بارۋعا ۇيىمداستىرىپ، جۇمىستانۋ، شارۋاشىلىق قۇرۋ جاعىنداعى ساياساتتاردى ۇگىتتەۋ، جۇمىس ىزدەۋ جاعىندا كەڭەس بەرۋ جانە كاسىپتىك جاقتا جەتەكشىلىك ەتۋ قاتارلى قيمىلداردى ورىستەتەدى؛ جوعارى مەكتەپ بىتىرگەندەردى كاسىپورىندارعا، نەگىزگى ساتىداعى ورىندارعا، كاسىپ سالاسىندىق باقشا رايوندارىنا بارىپ ەكسكۋرسيالاۋعا جانە جۇمىس ورنىندا سىناپ كورۋگە ۇيىمداستىرادى؛ جوعارى مەكتەپ ءبىتىرىپ جۇمىس ىستەپ جاتقان قىزمەتكەرلەردىڭ اراسىنداعى وزات تيپتەردى ”جاي جۇمىس ورنىنداعى جارقىن ءومىر“ قيمىلى بويىنشا مەكتەپ اۋلاسىنا، الەۋمەتتىك اۋماقتارعا بارىپ يگى ىستەرىن ۇگىتتەۋگە ۇيىمداستىرادى.

كەلۋ قاينارى: حالىق تورابى