شي جينپيڭ تەلەگرامما جولداپ سۋ ليننىڭ ۆيەتنامنىڭ مەملەكەت ءتوراعاسى بولىپ سايلانعاندىعىن قۇتتىقتادى

شينحۋا اگەنتتىگى، 4 - ايدىڭ 7 - كۇنى، بەيجيڭ. 4 - ايدىڭ 7 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ سۋ لينگە تەلەگرامما جولداپ، ونىڭ ۆيەتنامنىڭ مەملەكەت ءتوراعاسى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ۆيەتنام ستراتەگيالىق مانگە يە تاعدىرلاس ورتاق تۇلعا. تاياۋ جىلداردان بەرى ەكى پارتيا، ەكى ەل باسشىلارىنىڭ بىرگە جەتەكشىلىك ەتۋى مەن جەبەۋىندە، جۇڭگو - ۆيەتنام قارىم - قاتىناسى قارىشتاپ دامىپ، جالپى بەتتىك ستراتەگيالىق سەلبەستىكتە سۇبەلى تابىستارعا قول جەتكىزىلىپ، ەكى ەل حالقىنا ناقتى باقىت جاراتتى. بيىل جىل باسىنان بەرى ەكى جاق جوعارى جىكتەگىلەردىڭ ستراتەگيالىق قارىم - قاتىناسىن ساقتاپ، جان - جاقتى ءوزارا ءتيىمدى سەلبەستىكتى ۇزدىكسىز ىلگەرىلەتىپ، ”جولداستىق ۇستىنە باۋىرلاستىق“ تەرەڭ سۇيىسپەنشىلىكتى تولىق ايگىلەدى.

شي جينپيڭ بىلاي دەپ باسا دارىپتەدى: جەدەل قۇبىلعان دۇنيە ءجۇزىنىڭ 100 جىلدىق وزگەرىسى الدىندا، جۇڭگو مەن ۆيەتنامنىڭ ىنتىماقتى، سەلبەستىكتى كۇشەيتۋى ەكى پارتيانىڭ، ەكى ەلدىڭ ورتاق مۇددەسىنە ۇيلەسەدى. مەن جۇڭگو مەن ۆيەتنام پارتيالارىنىڭ، ەلدەرىنىڭ قارىم - قاتىناسىنىڭ دامۋىنا ايرىقشا ءمان بەرەمىن، باس شۋجي، مەملەكەت ءتوراعاسى سۋ لينمەن بىرگە قۇلشىنىپ، دامۋدى، گۇلدەنۋدى بىرگە جوسپارلاپ، جۇڭگو مەن ۆيەتنامنىڭ تاعدىرلاس ورتاق تۇلعاسى قۇرىلىسىن ۇزدىكسىز العا باسۋعا باستاپ، ءوز - ءوزىنىڭ سوتسياليزم ىستەرىن ۇزدىكسىز زورايتىپ، ەكى ەل حالقىن اناعۇرلىم ويداعىداي باقىتقا كەنەلتىپ، وڭىرگە، ءتىپتى، دۇنيە جۇزىنە ورنىقتىلىق پەن وڭ ەنەرگيا ۇستەۋدى قالايمىن.

سول كۇنى مەملەكەتتىك كەڭەستىڭ زۇڭليى لي چياڭ تەلەگرامما جولداپ لي ميڭشيڭنىڭ ۆيەتنام ۇكىمەتىنىڭ زۇڭليى بولىپ سايلانعانىن قۇتتىقتادى، لي ميڭشيڭ زۇڭليمەن بىرگە قۇلشىنىپ، ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن ءتۇبىرلى ولشەم ەتىپ، ءوزارا پايدا جەتكىزىپ، تەڭ يگىلىككە كەنەلەتىن سەلبەستىك جاعدايىن جەدەل قالىپتاستىرىپ، ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسى قۇرىلىسىن ىلگەرىلەتۋگە بەلسەندى ۇلەس قوسۋدى قالايتىندىعىن ءبىلدىردى.