لي چياڭ اۆستراليانىڭ زۇڭليى البانيسپەن تەلەفوندا سويلەستى

شينحۋا اگەنتتىگى، 4 - ايدىڭ 7 - كۇنى، بەيجيڭ. 4 - ايدىڭ 7 - كۇنى تۇستەن كەيىن مەملەكەتتىك كەڭەستىڭ زۇڭليى لي چياڭ اۆستراليانىڭ زۇڭليى البانيسپەن تەلەفوندا سويلەستى.

لي چياڭ مىنالاردى ءبىلدىردى: قازىر حالىقارالىق جاعدايدا وزگەرىس، بىلىقپالىق قاباتتاسىپ، دۇنيە ءجۇزى ەكونوميكاسى وڭىرلىك الاساپىراندىق، قورعانىمپازدىق سياقتىلاردىڭ ۇزدىكسىز سوققىسىنا ۇشىرادى. جۇڭگو مەن اۆستراليا _ ماڭىزدى سەلبەستىك سەرىكتەرى، ەكى ەل قارىم - قاتىناسىنىڭ دۇرىس باعىتىن دۇرىس يگەرىپ، تاماشا ورتانى قۇلشىنا جاراتىپ جانە قورعاپ، ەكى جاقتى قارىم - قاتىناستىڭ جانە سەلبەستىكتىڭ تاماشا اۋقىمىن بەكەمدەۋى كەرەك. جۇڭگو جاق اۆستراليا جاقپەن ءتوراعا شي جينپيڭنىڭ بىلتىر زۇڭلي مىرزامەن كەلىسكەن ماڭىزدى ورتاق تانىمىن ويداعىداي تياناقتاندىرىپ، جوعارى جىكتەگىلەردىڭ بارىس - كەلىسىن ساقتاپ، پىكىرلەسۋدى، سايكەسۋدى كۇشەيتىپ، ساياسي سەنىمدىلىكتى بەكەمدەپ، ءوزارا ءتيىمدى سەلبەستىكتى تەرەڭدەتىپ، كوپ جاقتىلىقتى، ەركىن ساۋدانى بىرگە قورعاپ، ەكى ەلدىڭ دامۋىنا اناعۇرلىم كوپ قوزعاۋشى كۇش ۇستەپ، ءوڭىر مەن دۇنيە جۇزىنە اناعۇرلىم كوپ ورنىقتىلىق ازىرلەۋدى قالايدى.

لي چياڭ بىلاي دەپ اتاپ كورسەتتى: جۇڭگو مەن اۆستراليانىڭ ەكونوميكا - ساۋدا سەلبەستىگى اسا كۇشتى ىشكى قوزعاۋشى كۇشكە يە، ۇزاق بولاشاقتان قاراعاندا ءالى دە وراسان زور كومەسكى كۇشى بار. ”15 - بەسجىلدىق“ كەزىندە جۇڭگو ىشكى سۇرانىمدى ۇلعايتۋ سىندى ستراتەگيالىق نەگىزگى تۇيىنگە تاباندى بولىپ، تۇتىنۋدى بارىنشا سەرپىلتىپ، تۇرعىنداردىڭ تۇتىنۋ مولشەرىنىڭ كورنەكتى جوعارىلاۋىن جەبەپ، بازار قاجەتىن ۇزدىكسىز اشادى. جۇڭگونىڭ ءىرى بازارى باستان - اياق دۇنيە جۇزىنە اشىق ۇستالادى. جۇڭگو جاق اۆستراليا جاقتىڭ ءتىپتى دە كوپ ساپالى ونىمدەرىن يمپورت ەتىپ، اۆستراليا جاقپەن بىرگە ەكى جاقتى ساۋدانىڭ ۇزدىكسىز كەڭەيۋىن، ساپاسىن جوعارىلاتۋدى ىلگەرىلەتىپ، ەكى ەل كاسىپورىندارىنىڭ بازار پرينسيبى بويىنشا سەلبەستىك ورىستەتۋىن قولداپ، ءوزارا پايدا جەتكىزىپ، تەڭ يگىلىككە كەنەلۋدى جەبەيدى. ەكى جاق ەكى جاقتى ەركىن ساۋدا كەلىسىمىن قاراۋ مەن دارەجەسىن جوعارىلاتۋ جونىندەگى تالقىنى جەدەلدەتىپ، ەكى ەلدىڭ سەلبەستىگىن اناعۇرلىم ساپالى تۇزىمدىك كەپىلمەن قامداۋى كەرەك. جۇڭگو مەن اۆستراليانىڭ جاسىل سەلبەستىگىنىڭ بولاشاعى زور، جۇڭگو جاق اۆستراليا جاقپەن ابزالدىقتار ارقىلى ءبىرىن - ءبىرى تولىقتاۋدى كۇشەيتىپ، تازا ەنەرگيا، جاڭا ەنەرگيالى اۆتوموبيل، ەنەرگيا ساقتاۋ، كومىر قىشقىل گازىن ازايتۋ سياقتى سالالارداعى سەلبەستىكتى تەرەڭدەتىپ، جاسىل ەكونوميكالىق دامۋدىڭ قوزعاۋشى كۇشىن قول ۇستاسا زورايتۋدى قالايدى.

البانيس مىنالاردى ءبىلدىردى: اۆستراليا ۇكىمەتى جۇڭگومەن ورنىقتى، پىسىپ - جەتىلگەن جانە سىندارلى قارىم - قاتىناستى دامىتۋعا باستان - اياق كۇش سالىپ كەلەدى. قازىرگى حالىقارالىق جاعدايدا اۆستراليا - جۇڭگو قارىم - قاتىناسىنىڭ ورنىقتى دامۋى توتەنشە ماڭىزدى. اۆستراليا جاق ۇزاق ۋاقىتتان بەرى ءبىر جۇڭگو ساياساتىنا تاباندى بولىپ كەلەدى، جۇڭگو جاقپەن جوعارى جىكتەگىلەردىڭ بارىس - كەلىسىن كۇشەيتىپ، ساۋدا، قارجى قوسۋ، كەن شارۋاشىلىعى، تازا ەنەرگيا، گۋمانيتارلىق سياقتى سالالارداعى اۋىس - كۇيىس پەن سەلبەستىكتى كەڭەيتىپ، ءوزارا قۇرمەت ەتۋ رۋحى بويىنشا الاۋىزدىقتاردى ۇيلەسىمدى تىزگىندەپ، اۆستراليا مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ دامۋىن ىلگەرىلەتۋدى قالايدى. مەن جۇڭگوعا بارىپ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 2026 - جىلعى بەيرەسمي ماجىلىسىنە قاتىناسۋدى ءۇمىت ەتەمىن. اۆستراليا جاق جۇڭگو جاقپەن كوپ جاقتى قارىم - قاتىناستى، سايكەسۋدى كۇشەيتىپ، دۇنيە جۇزىلىك سايىستارعا توتەپ بەرىپ، دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن جەبەۋدى قالايدى.