يدەيالىق ستيل دۇرىستاۋدى ورىستەتىپ، ساياسي رەتتەۋ - جاتتىعۋدى تەرەڭدەتىپ، ارميا قۇرىلعاندىعىنىڭ 100 جىلدىعىن شىت جاڭا ساياسي بەينەمەن قارسى الۋ كەرەك

4 - ايدىڭ 8 - كۇنى تۇستەن بۇرىن بۇكىل ارمياداعى جوعارى دارەجەلى كادرلاردى تاربيەلەۋ كۋرسى مەملەكەت قورعانىسى داشۋەسىندە ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىنا قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگى ءتىلشىسى لي گاڭ تۇسىرگەن

شينحۋا اگەنتتىگى، 4 - ايدىڭ 8 - كۇنى، بەيجيڭ. (ءتىلشى مەي چاڭ - ۋەي). بۇكىل ارمياداعى جوعارى دارەجەلى كادرلاردى تاربيەلەۋ كۋرسى 4 - ايدىڭ 8 - كۇنى تۇستەن بۇرىن مەملەكەت قورعانىسى داشۋەسىندە ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىنا قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، يدەيالىق ستيل دۇرىستاۋدى ورىستەتىپ، ساياسي رەتتەۋ - جاتتىعۋدى تەرەڭدەتىپ، ارميامىزدىڭ كادرلار قوسىنىنىڭ توڭكەرىستىك شىڭدالۋىن كۇشەيتىپ، حالىق ارمياسىنىڭ كىرشىكسىزدىگىن باستان - اياق ساقتاپ، ارميا قۇرىلعاندىعىنىڭ 100 جىلدىعىن شىت جاڭا ساياسي بەينەمەن قارسى الۋ كەرەك.

شي جينپيڭ بىلاي دەپ اتاپ كورسەتتى: پارتيامىز بەن ارميامىز مۇرات - سەنىم ارقىلى ۇيىسقان، وسى پارتياعا، وسى ارمياعا قاتىناسۋدا ماركسيزمگە شىنايى سەنۋىمىز كەرەك، پارتيانىڭ سەنىمىنە، پارتيا ۇيىمىنا، پارتيا ىستەرىنە ادال بولۋىمىز كەرەك. پارتيانىڭ جاڭالىق جاراتۋ نازارياسىن مۇقيات ۇيرەنىپ، وعان سىڭىرىلگەن ماركسزيمدىك مايدان، كوزقاراس، ءادىستى يگەرىپ، نازاريالىق جاقتاعى سەرگەكتىك ارقىلى ساياسي جاقتاعى تاباندىلىققا كەپىلدىك ەتۋىمىز كەرەك. ارمياداعى باسشى كادىرلار، اسىرەسە، جوعارى دارەجەلى كادرلار پارتيا ىشىندەگى ساياسي تۇرمىستى باستاماشىلىقپەن قاتايتىپ، شىنايى سويلەۋدىڭ ۇلگىسى بولىپ، كەڭ پەيىل بولۋى، ناقتى جاعدايدى ايتاتىن، اقىل - كەڭەس بەرەتىن، باتىلدىقپەن كۇرەس جۇرگىزەتىن قويۋ راي قالىپتاستىرۋى كەرەك.

شي جينپيڭ بىلاي دەپ باسا دارىپتەدى: پارتيامىز باستان - اياق قالىڭ حالىقتىڭ ءتۇبىرلى مۇددەسىنە ۋاكىلدىك ەتەتىن ماركسيزمدىك ساياسي پارتيا، ءوزىنىڭ ەشقانداي ەرەكشە مۇددەسى جوق، باس پايداعا سالىنۋ، شىرىكتەسۋ يدەياسى مەن ارەكەتى پارتيانىڭ سيپاتىمەن، ماقساتىمەن وتاسا المايدى. ارمياداعى ءار دارەجەلى كادرلار ءوزىن سانالى تۇردە دۇرىس ورىنعا قويىپ، بۇقارالىق مايداندا بەرىك تۇرىپ، بۇقارادان قول ۇزەتىن بارلىق جەكە مۇددەنى جويۋى كەرەك. جوعارى دارەجەلى كادرلار پارتيامىز بەن ارميامىزدىڭ تاڭداۋلى ءداستۇرىن باستاماشىلدىقپەن قالپىنا كەلتىرىپ جانە ساۋلەلەندىرىپ، ءمانسابىن بۇلداماي، توڭكەرىستىك اسكەريلەردىڭ قاسيەتىنە قايتا ورالىپ، جاڭا ستيل، دۇرىس سالتتىڭ اسكەري بولىمدەردە اناعۇرلىم تولىسۋىنا مۇمكىندىك جاساۋى كەرەك. زاڭ - ءتارتىپتى ءبىلۋ، قاعيدانى ايقىنداۋ، يمەنۋدى ءبىلۋ، زاڭ - ەرەجە ءتۇزىمى الدىندا بارلىق ادامنىڭ تەرەزەسى تەڭ بولۋ، زاڭ - ەرەجە تۇزىمىنە بويسۇنۋدا ەرەكشە بولماۋ، زاڭ - ەرەجە ءتۇزىمىن اتقارۋدا قاعىس قالماۋى كەرەك.

شي جينپيڭ بىلاي دەپ اتاپ كورسەتتى: پارتيامىز بەن ارميامىز ءتۇرلى قاتە يدەيالىق ستيلدەرگە قارسى تۇرۋ كۇرەسى بارىسىندا ۇزدىكسىز دامىپ ۇلعايدى. جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، حالىق ارمياسىنىڭ، ءسوز جوق، جاڭا تاريحي شارت - جاعدايدا بۇرىن بولىپ كورىلمەگەن دارەجەدە ىنتىماقتاسىپ، بىرلىككە كەلىپ، توڭكەرىستىك اعا بۋىندارعا، 100 جىلدىق نەگىزگە، ۇلى داۋىرگە لايىق ارميانى قۇدىرەتتەندىرۋدىڭ، ارميانى كوركەيتۋدىڭ تىڭ داستانىن جازاتىندىعىنا سەنەمىن.

ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ شىڭمين ساباق باستاۋ سالتىن باسقاردى. بۇكىل ارميانىڭ 1 - كەزەكتى جوعارى دارەجەلى كادرلاردى تاربيەلەۋ كۋرسىنىڭ كۋرسانتتارى، اسكەري ىستەر كوميتەتى ورگانىنداعى تاراۋلاردىڭ، ارميانىڭ بەيجيڭدە تۇراتىن قاتىستى ورىندارىنىڭ نەگىزگى جاۋاپتى جولداستارى قاتارلىلار قاتىناستى. ساباق باستاۋ سالتى تەلەۆيزور - تەلەفون ءماجىلىسى فورماسىندا ۇيىمداستىرىلىپ، بۇكىل ارمياداعى قاتىستى كورپۋس دارەجەلىدەن جوعارى ورىنداردا بولىمشە ءماجىلىس الاڭى ورنالاستىرىلدى.

كەلۋ قاينارى: حالىق تورابى