ەمدەلۋدى قامسىزداندىرۋ سالاسىندا اقى تولەۋدىڭ قولايلى تۇرلەرىن پايدالانۋدى ىلگەرىلەتەتىن تۇڭعىش توپتاعى وڭىرلەردىڭ تىزىمدىگى جاريالاندى 

ءتىلشىنىڭ 4 - ايدىڭ 8 - كۇنى مەملەكەتتىك ەمدەلۋدى قامتاماسىزداندىرۋ مەڭگەرمەسىنەن ۇعىسۋىنشا، مەملەكەتتىك ەمدەلۋدى قامتاماسىزداندىرۋ مەڭگەرمەسى الپەت تانىتۋ ارقىلى اقى تولەۋ، ءبىر كودپەن اقى تولەۋ، جىلجىمالى اقى تولەۋ، سەنىمدىلىك ينفورماتسياسى ارقىلى اقى تولەۋ قاتارلى قولايلى اقى تولەۋ تۇرلەرىن ىلگەرىلەتۋ قىزمەتىن جوسپارلاپ، ءبىرتۇتاس جوسپارلاناتىن وڭىرلەردەن 119 ءوڭىردى العاشقى توپتا ىلگەرىلەتەتىن ءوڭىر رەتىندە تاڭداپ، اقى تولەۋ ءۇشىن وشىرەتكە تۇرۋ ۋاقىتىن بارىنشا قىسقارتۋعا، ەمدەۋدى قامسىزداندىرۋعا قاتىناسقان بۇقارانىڭ وشىرەتكە تۇرۋى مەن ابىگەرگە ءتۇسۋىن ءونىمدى جەڭىلدەتۋگە كۇش سالدى.

قولايلى اقى تولەۋدى العاشقى توپتا ىلگەرىلەتەتىن وڭىرلەر تىزىمدىگى. (سۋرەتتىڭ كەلۋ قاينارى: مەملەكەتتىك ەمدەلۋدى قامتاماسىزداندىرۋ مەڭگەرمەسى)

بيىل 1 - ايدا، مەملەكەتتىك ەمدەلۋدى قامتاماسىزداندىرۋ مەڭگەرمەسى قۇجات شىعارىپ، جۇرتشىلىقتىڭ ەمدەلگەن كەزدە اقى تاپسىرۋ ءۇشىن ”كوپ رەت وشىرەتكە تۇرۋى“، ”ۇزاق وشىرەتكە تۇرۋى“ قاتارلى ماسەلەلەرىن شەشىم ەتۋگە نازاردى شوعىرلاندىرىپ، ەمدەلۋدى قامسىزداندىرۋدان قولايلى اقى تولەۋدىڭ حاۋىپسىز، قولايلى، ءونىمدى، تولىسقان جۇيەسىن 3 جىل اينالاسىندا جالپى بەتتىك قۇرىپ شىعۋعا كۇش سالاتىنىن ايقىن تۇراقتاندىرعان.

يۇننان ولكەسىنىڭ كۇنميڭ قالاسى ”سەنىمدىلىك ينفورماتسياسى ارقىلى ەمدەلۋدى“ جاڭالىق اشا ورىستەتىپ، ”الدىمەن ەمدەلىپ، ونان سوڭ اقى تولەۋ“ فورماسىمەن ەمدەۋ سالاسىندا قىزمەت وتەۋدىڭ دارەجەسىن جوعارىلاتتى؛ ىشكى موڭعۇلدىڭ شيلينعول ايماعى الپەت تانىتۋ ارقىلى اقى تولەۋ، جىلجىمالى اقى تولەۋ قاتارلى قولايلى اقى تولەۋ تۇرلەرىنىڭ ىسكە اسىرىلۋىن ىلگەرىلەتتى؛ بەيجيڭدەگى 200 دەن استام ەمدەۋ قۇرىلىمدارى ەمدەلۋدى قامسىزداندىرۋ قورىنان جىلجىمالى اقى تولەۋگە مۇمكىندىك جاسادى، قامسىزداندىرۋعا قاتىناسقان تۇرعىندار تەلەفونى ارقىلى ەمدەلۋدى قامسىزداندىرۋ قورىنان ينتەرنەت ارقىلى ەسەپ جاساۋدى ورىنداي الادى... كوپتەگەن جەرلەر وسى جونىندە بەلسەندى ىزدەنىس جاسادى.

حابارعا قاراعاندا، مەملەكەتتىك ەمدەلۋدى قامتاماسىزداندىرۋ مەڭگەرمەسى جۋىردا ءارقايسى ولكەلەردى تاجىريبە اۋىستىرۋعا بەلسەندى ۇيىمداستىرىپ، تاجىريبەلەر مەن تاسىلدەردى قورىتىندىلاپ جانە جالپىلاستىرىپ، رەفورمانى ىلگەرىلەتۋ قادامىن جەدەلدەتەدى. (تىلشىلەر: شۇي پىڭحاڭ، پىڭ يۇنجيا)

كەلۋ قاينارى: حالىق تورابى