كوپ تاراۋ ەكولوگيالىق ورتانى باقىلاۋ ـ تەكسەرۋ قۇرىلىمدارىنىڭ كوز بوياۋشىلىق ىستەۋ ماسەلەسىن قاتاڭ جونگە سالادى

شينحۋا اگەنتتىگىنىڭ 9 - ايدىڭ 19 – كۇنى بەيجيڭنەن بەرگەن حابارى. ءتىلشىنىڭ 9 - ايدىڭ 19 - كۇنى ەكولوگيالىق ورتا مينيسترلىگىنەن ۇعىسۋىنشا، ەكولوگيالىق ورتا مينيسترلىگى قاتارلى تاراۋلار بىرىككەن كۇش قالىپتاستىرىپ، ەكولوگيالىق ورتانى باقىلاۋ - تەكسەرۋ قۇرىلىمدارىنىڭ كوز بوياۋشىلىق ماسەلەسىن قاتاڭ جونگە سالادى.

بىرنەشە كۇننىڭ الدىندا ەكولوگيالىق ورتا مينيسترلىگى قاتىستى تاراۋلارمەن بىرلەسىپ بەيجيڭدە ەكولوگيالىق ورتانى باقىلاۋ ـ تەكسەرۋ قۇرىلىمدارىنىڭ كوز بوياۋشىلىق ىستەۋ ماسەلەسىنە ىشكەرىلەي سوققى بەرۋ جونىندە ورنالاستىرۋ جاساۋ، ىلگەرىلەتۋ ءماجىلىسىن اشتى. ەكولوگيالىق ورتا مينيسترلىگىنىڭ مينيسترى حۋاڭ رۇنچيۋ بىلاي دەدى: باقىلاۋ ـ تەكسەرۋ قۇرىلىمدارىنىڭ كوز بوياۋشىلىق ىستەۋ ماسەلەسى ءالى دە اۋىر، جاعداي ءالى دە قيىن، ءسوز جوق مۇلدەم جول قويماۋ پوزيتسياسىنا باستان ـ اياق تاباندى بولىپ، وسى ماسەلەنى قاتاڭ جونگە سالىپ، ەكولوگيالىق ورتانى باقىلاۋ ـ تەكسەرۋ ساپاسىنىڭ تومەنگى شەگىن شىنايى بەكەمدەۋ كەرەك. ”جاي ـ جاپسارىن انىقتاۋ، شوعىرلى رەتتەۋ ـ تۇزەتۋ، جۇيەلى جۇمىس جۇرگىزۋ“ سىندى 3 ساتىعا ساي، باقىلاۋ ـ تەكسەرۋ قۇرىلىمدارىنىڭ كوز بوياۋشىلىق ىستەۋ ماسەلەسىنە ىشكەرىلەي سوققى بەرۋدى ورنالاستىرىپ، كاسىپ سالاسى ەكولوگياسىنىڭ ۇزدىكسىز تازارۋىن، باقىلاۋ ـ تەكسەرۋ ارەكەتىنىڭ ءونىمدى ارناعا ءتۇسۋىن ىلگەرىلەتۋ كەرەك.

ەكولوگيالىق ورتا مينيسترلىگى مىنالاردى تالاپ ەتتى: جاي ـ جاپسارىن جاپپاي انىقتاپ، اتتانىسقا كەلتىرۋ، ورنالاستىرۋ جاساۋدى مىقتى يگەرىپ، باقىلاۋ ـ تەكسەرۋ قۇرىلىمدارىنىڭ ءوزىن - ءوزى قاتاڭ ارناعا تۇسىرۋىنە جەتەكشىلىك ەتىپ، ماسەلە ەسەپ داپتەرىن ورناتۋ كەرەك. شوعىرلى تۇردە رەتتەپ ـ تۇزەتىپ، كوز بوياۋشىلىق ىستەۋ ماسەلەلەرىن زاڭ بويىنشا، تۇرلەر بويىنشا ءبىر جاقتى ەتىپ، باقىلاۋ ـ تەكسەرۋ قۇرىلىمدارىنا كومەكتەسۋ ـ سۇيەمەلدەۋدى، جەتەكشىلىك ەتۋدى كۇشەيتىپ، ماسەلەلەردى رەتتەۋ ـ تۇزەتۋدىڭ تياناقتانۋىن شىنايى ىلگەرىلەتۋ كەرەك. ۇلگى الىپ تەكسەرۋدى كۇشەيتىپ، قاتە مالىمدەۋ، مالىمدەمەي قالۋ، جاسىرۋ، سونداي ـ اق رەتتەۋ ـ تۇزەتۋگە نەمقۇرايدى قاراۋ، جالعان رەتتەۋ ـ تۇزەتۋ قاتارلى ارەكەتتەردى باتىل تەكسەرىپ ءبىر جاقتى ەتۋ كەرەك. قالىپتى ارناعا ءتۇسىرىپ، باسقارۋ نەگىزىن بەكەمدەپ، قاتىستى باسقارۋ قۇجاتتارىن جەدەل شىعارىپ، ەكولوگيالىق ورتانى باقىلاۋ ـ ولشەۋ، باسقارۋ، قىزمەت وتەۋ تۇعىرىن ويداعىداي قۇرىپ جانە ودان ويداعىداي پايدالانىپ، باقىلاۋ ـ تەكسەرۋ قۇرىلىمدارىنىڭ تولىمدىلىق رۇقسات وتكەلىن، اسپاپتاردى پايدالانۋ وتكەلىن، ارەكەتتى ارناعا ءتۇسىرۋ وتكەلىن، زاڭ بويىنشا شەگىنىپ شىعۋ وتكەلىن شىن مانىندە ويداعىداي يگەرىپ، لاس شىعاراتىن ورىندار مەن تەحنيكالىق قىزمەت وتەۋ قۇرىلىمدارىن ارناعا ءتۇسىرىپ باسقارۋدى ۇزدىكسىز كۇشەيتۋ كەرەك.

ەكولوگيالىق ورتا تاراۋلارى بازاردى باقىلاۋ ـ باسقارۋ، قوعام حاۋىپسىزدىگى، پروكۋراتۋرا، سوت قاتارلى تاراۋلارمەن تىعىز سەلبەسىپ، قىلمىس كۇمانى تاعىلعان دەلولاردى زاڭ بويىنشا، باتىل، دەر كەزىندە وتكىزىپ بەرىپ، جوعارى مەن تومەن بىرلەسىپ قيمىلدايتىن، وڭ مەن سولدى سايكەستىرەتىن، بىرگە يگەرىپ، بىرگە باسقاراتىن تاماشا قىزمەت جاعدايىن قالىپتاستىرادى.

كەلۋ قاينارى: حالىق تورابى