شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى

شينحۋا اگەنتتىگى، 9 - ايدىڭ 22 - كۇنى، بەيجيڭ. 9 - رەتكى ”جۇڭگو شارۋالار مول ءونىم مەرەكەسى“ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ شارۋالار مەن اۋىل شارۋاشىلىعى، اۋىل - قىستاق، شارۋالار شەبىندە ىستەپ جاتقان جولداستارعا مەرەكەلىك سالەم جولدادى جانە شىنايى حال سۇرادى.

شي جينپيڭ مىنالاردى اتاپ كورسەتتى: بيىل ەلىمىزدە جازعى استىقتىڭ ءونىم مولشەرى تاعى دا تىڭ دەڭگەيگە كوتەرىلدى، ەرتە پىساتىن كۇرىشتىڭ ءونىمى ورنىقتى بولدى، كۇزگى استىقتان مول ءونىم الۋدان ءۇمىت بار.

شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ ونىمدىلىگىن جوعارىلاتىپ، اۋىل شارۋاشىلىعىنىڭ جالپىلىق ءوندىرىس قۋاتى مەن ساپا ونىمدىلىگىن كۇش سالا جوعارىلاتىپ، شارۋالاردىڭ كىرىسىن ارتتىرىپ، اۋقاتتانۋ ارناسىن كەڭەيتىپ، جەرگىلىكتى جاعدايعا قاراي قونىستانۋعا، شارۋاشىلىق جۇرگىزۋگە قولايلى جانە كورىكتى اۋىل - قىستاق قۇرىپ، قالىڭ شارۋالاردىڭ تۇرمىسىن اناعۇرلىم باقىتتى، تاماشا ەتۋگە قۇلشىنۋى كەرەك.

كەلۋ قاينارى: حالىق تورابى