”ۇلى ۇزاق جورىق — جۇڭگو جۇمىسشى - شارۋا قىزىل ارمياسى ۇزاق جورىق جەڭىسىنىڭ 90 جىلدىعىن ەسكە ءتۇسىرۋ تاقىرىپتىق كورمەسى“ بەيجيڭدە وتكىزىلدى

«حالىق گازەتى»، 9 - ايدىڭ 22 - كۇنى، بەيجيڭ. ”ۇلى ۇزاق جورىق — جۇڭگو جۇمىسشى - شارۋا قىزىل ارمياسى ۇزاق جورىق جەڭىسىنىڭ 90 جىلدىعىن ەسكە ءتۇسىرۋ تاقىرىپتىق كورمەسىنىڭ“ اشىلۋ سالتى 9 - ايدىڭ 22 - كۇنى تۇستەن بۇرىن جۇڭگو حالىق توڭكەرىستىك اسكەري ىستەر مۇراجايىندا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ءسوز سويلەدى ءارى كورمەنىڭ اشىلعاندىعىن جاريالادى.

تۇستەن بۇرىن ساعات 10 دا جۇڭگو حالىق ازاتتىق ارمياسىنىڭ اسكەري وركەسترى «ەرىكتىلەر مارشىن» ورىندادى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. وسىدان كەيىن بۇكىل زالداعىلار ايبىندى بەينەمەن تۇرىپ، ۇزاق جورىقتا ەرلىكپەن قۇربان بولعان توڭكەرىستىك قۇرباندارعا ءۇنسىز ازا ءبىلدىردى.

ساي چي سوزىندە بىلاي دەپ اتاپ كورسەتتى: 90 جىلدىڭ الدىندا جۇڭگو كوممۋنيستىك پارتياسى جۇڭگو جۇمىسشى - شارۋا قىزىل ارمياسىنا باسشىلىق ەتىپ، قات - قابات قيىنشىلىقتاردى جەڭىپ، وراسان زور قۇرباندىقتار بەرىپ، دۇنيە ءجۇزىن ءدۇر سىلكىندىرىپ، تاريح بەتىنەن ماڭگى وشپەيتىن ۇزاق جورىقتى جەڭىسپەن ورىندادى. ۇزاق جورىقتىڭ جەڭىسى جۇڭگو كوممۋنيستىك پارتياسى مەن جۇڭگونىڭ توڭكەرىستىك ىستەرىنىڭ ساتسىزدىكتەن جەڭىسكە بەت الۋى سىندى ۇلى بۇرىلىستى جۇزەگە اسىردى، جۇڭگو كوممۋنيستىك پارتياسىنىڭ ۇلتتىڭ تاۋەلسىزدىگى، حالىقتىڭ ازاتتىعى جولىندا كۇرەس جۇرگىزۋىنىڭ جاڭا ۇلى جورىعىن باستادى، ول — جۇڭحۋا ۇلتىنىڭ ۇلى گۇلدەنۋى سىندى تاريحي ۇردىستەگى ايبىندى ەسكەرتكىش. جۇڭگو كوممۋنيستەرى مەن قىزىل ارميا جاۋىنگەر - ساربازدارىنىڭ ومىرىمەن، ىستىق قانىمەن سومدالعان ۇلى ۇزاق جورىق رۋحى جۇڭحۋا ۇلتىنىڭ قان تامىرى مەن جان دۇنيەسىنە تەرەڭ ءسىڭىپ، جۇڭگو حالقىن ۇزدىكسىز قامال الىپ، قيىنشىلىقتاردى جەڭىپ، جەڭىستەن جەڭىسكە جەتۋگە شابىتتاندىراتىن جانە جىگەرلەندىرەتىن قۇدىرەتتى رۋحاني قوزعاۋشى كۇشكە اينالدى.

ساي چي بىلاي دەدى: نەگىزگى تاقىرىپتىق كورمە پارتيانىڭ قىزىل ارمياعا باسشىلىق ەتىپ ۇزاق جورىق جاساعان شۇعىلالى بارىسىن، باعالى تاجىريبەلەرىن، ۇلى ماڭىزىن، تەرەڭ ىقپالىن تولىق ايگىلەپ، ۇزاق ۋاقىتتان بەرى، اسىرەسە، پارتيا 18 - قۇرىلتايىنان بەرى پارتيانىڭ حالىققا باسشىلىق ەتىپ توڭكەرىستىك داستۇرگە مۇراگەرلىك ەتىپ جانە ونى ساۋلەلەندىرىپ، جاڭا، تاريحي، شۇعىلالى ايبىندى جورىقتى ۇزدىكسىز جاراتىپ، مۇرات - سەنىم تاربيەسىن، وتانشىلدىق تاربيەنى جانە توڭكەرىستىك ءداستۇر تاربيەسىن ورىستەتۋگە ماڭىزدى تۇعىر ازىرلەدى. بۇل كورمەنى وتكىزۋدەگى ماقسات قالىڭ كادرلار مەن بۇقارانى قىزىل بيلىكتىڭ وڭاي - وسپاق قولعا كەلمەگەندىگىن، جاڭا جۇڭگونىڭ وڭاي - وسپاق قولعا كەلمەگەندىگىن، جۇڭگوشا سوتسياليزمنىڭ وڭاي - وسپاق قولعا كەلمەگەندىگىن تەرەڭ تانىپ، پارتيا مەن قىزىل ارميانىڭ سۇبەلى ەڭبەگىن ماڭگى ەستە بەرىك ساقتاپ، توڭكەرىستىك اعا بۋىندار اشقان ۇلى ىستەردى ۇزدىكسىز العا ىلگەرىلەتۋگە باستاۋ ءۇشىن بولماق. جاڭا جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ۇلى ۇزاق جورىق رۋحىن زور كۇشپەن اسقاقتاتىپ، جاڭا داۋىردەگى ۇزاق جورىقتى ويداعىداي باسىپ، باتىلدىقپەن العا باسىپ، ەرلىكپەن العا ۇمتىلىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋ كەرەك.

ساي چي قاتارلى باسشى جولداستار ءار سالاداعى بۇقارانىڭ ۋاكىلدەرىمەن بىرگە تاقىرىپتىق كورمەنى ەكسكۋرسيالادى.

يىن لي، لي شۋلەي، جاڭ شىڭمين، لوساڭجياڭسۇن، ۋاڭ يۇڭ قاتىناستى.

ورتالىقتاعى پارتيا، ۇكىمەت، ارميانىڭ قاتىستى تاراۋلارى مەن بەيجيڭ قالاسىنداعى جاۋاپتى جولداستار، بەيجيڭدە تۇراتىن اسكەري بولىمدەردىڭ كوماندير - جاۋىنگەرلەرى مەن بەيجيڭدەگى ءار سالا بۇقارا ۋاكىلدەرىنەن 600 دەي ادام قاتىناستى.

نەگىزگى تاقىرىپتىق كورمە 7 بولىمگە ءبولىنىپ، 357 سۋرەت، كەستە، 1061 مادەني مۇرا قۇجاتى كورمەگە قويىلدى.

كەلۋ قاينارى: حالىق تورابى