از ۇلتتاردىڭ 7 - كەزەكتى مەملەكەتتىك ادەبيەت - كوركەمونەر بايقاۋى بەيجيڭدە اياقتالدى

شينحۋا اگەنتتىگى، 9 - ايدىڭ 23 - كۇنى، بەيجيڭ. ءبىر ايدان استام ۋاقىت جالعاسقان از ۇلتتاردىڭ 7 - كەزەكتى مەملەكەتتىك ادەبيەت - كوركەمونەر بايقاۋى 9 - ايدىڭ 23 - كۇنى كەشتە بەيجيڭ ۇلتتار تەاترحاناسىندا اياقتادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جابىلۋ سالتىنداعى ادەبيەت - كوركەمونەر ساۋىق كەشىنە قاتىناستى.

«ارمانعا بىرگە قانات قاعىپ، داڭقتان بىرگە يگىلىكتەنەيىك» اتتى ساۋىق كەش الۋان ءتۇستى اسەم سۋرەت، ەكپىندەي ىلگەرىلەگەن اسەم تاراۋ سىندى 2 تاراۋدان قۇرالعان، ءماندى دە تارتىمدى بولىپ، جۇرت كوڭىلىن جەلپىندىردى. تەاتر «بايىرعى اۋەن - مەملەكەت ستيلى»، بالالار تەاترى «جاپانداعى اعاش»، اسپاپتىق مۋزىكا اۋەنى «شەشەك اتۋ»، ءبي «نۇر - شۇعىلاعا شومىپ، ارمانعا قۇلاش سەرمەۋ»... قويىلىمدار جۇڭحۋانىڭ قۇنارلى توپىراعىنا تامىر تارتىپ، ۇلتتىق ەرەكشەلىكتى ايگىلەپ، ءداۋىر اۋقىمىن بەينەلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەلىمىزدىڭ ۇلتتار ىنتىماعى، العاباسارلىعى ىستەرىندە قول جەتكەن تاريحي تابىستاردى قىزۋ ىنتامەن جىرلاپ، ءار ۇلت ۇلاندارىنىڭ ۇلى وتانعا جانە جۇڭحۋا ۇلتى ۇلى شاڭىراعىنا دەگەن شەكسىز سۇيىسپەنشىلىگىن تەرەڭ سۇيىسپەنشىلىكپەن بەينەلەدى، جۇڭحۋا ۇلتىنىڭ جۇرت تىلەگىن توعىستىرعان، رۋحاني جاقتان ءبىر - بىرىنە ارقا سۇيەگەن، اعا - باۋىرداي ەتەنە، ءبىر - بىرىنە قارايلاساتىن ايبىندى كارتيناسىن جاندى ايگىلەدى.

وسى كەزەكتى ادەبيەت - كوركەمونەر بايقاۋىن مەملەكەتتىك ۇلت ىستەرى كوميتەتى، مادەنيەت جانە ساياحات مينيسترلىگى، مەملەكەتتىك راديو - تەلەۆيزيا باس مەكەمەسى، ورتالىق راديو - تەلەۆيزيا باس ستانسياسى، بەيجيڭ قالالىق حالىق ۇكىمەتى بىرلەسىپ وتكىزدى. ادەبيەت - كوركەمونەر بايقاۋى جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسىن مىقتاپ ارقاۋ ەتىپ، حالىقتى وزەك ەتكەن جاسامپازدىق بەتالىسىنا تاباندى بولىپ، جۇڭحۋا مادەنيەتىن نەگىز ەتكەن، ءار ۇلتتىڭ مادەنيەتىنەن ءنار العان، وسى زامانعى وركەنيەتپەن توعىسقان ءبىر توپ تاڭداۋلى ساحنا كوركەمونەر تۋىندىلارىن جارىققا شىعاردى. 9 - ايدىڭ 18 - كۇنىنەن 23 - كۇنىنە دەيىن 48 تاڭداۋلى تەاتر بەيجيڭدەگى 14 تەاترحانادا 114 مايدان ويىن قويدى، تەاتر سانى تاريحتاعى ەڭ جوعارى ورەنى جاراتتى، تەاتردىڭ ءتۇرى مول، فورماسى الۋان ءتۇرلى بولىپ، تۇڭعىش رەت ءوڭىر اتتاپ بىرلەسىپ تەاتر قويىپ، نەگىزگى ساتىنىڭ جاسامپازدىق جاراتۋىنا دەم بەردى. وسى كەزەكتى ادەبيەت - كوركەمونەر بايقاۋىنىڭ جەلىدە ، جەلىدەن تىس تاماشالاۋشىلاردىڭ سانى شامامەن 180 مىڭ ادام - رەتكە جەتىپ، ءار ۇلت كادرلارى مەن بۇقاراسى اراسىندا قىزۋ اڭىس قوزعادى.

وسىدان بۇرىن اشىلۋ سالتىنداعى ادەبيەت - كوركەمونەر ساۋىق كەشى «ىنتىماقتاسا كوركەم بولاشاق جاراتايىق، ءبىر نيەتپەن بولاشاققا قادام تاستايىق» اتتى ادەبيەت - كوركەمونەر ساۋىق كەشى بەيجيڭدە وتكىزىلدى. ساۋىق كەش قانداستىق تامىرلاستىق، اتا مەكەن كەلبەتى، جۇڭحۋالىقتار تىلەكتەس سىندى 3 تاراۋدان قۇرالعان، ءان ، ءبي ، مۋزيكا، كورىنىس ويىنى، بەيزاتتىق مادەنيەت مۇرالارىن كورسەتۋ سياقتى كوركەمونەر فورمالارىنان جان - جاقتى پايدالانىپ، ءار ۇلت ۇلاندارىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭحۋا ۇلتى ورتاق تۇلعا تانىمىن بەرىك ورناتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدەگى بەرىك بەكىمىن بەينەلەدى. جۇڭحۋا ۇلتىنىڭ ۇلى ىنتىماعى ارقىلى جۇڭگو ۇلگىسىندەگى وسىزامانداندىرۋدى جەبەيتىن قۇدىرەتتى كۇش ۇيىستىردى.

يىن لي، لي گانجيە، لي شۋلەي، لوساڭجياڭسۇن، شوكىرات زاكىر، چىن ي - چين، باتىر، شيان حۇي اشىلۋ جانە جابىلۋ سالتىنداعى ادەبيەت - كوركەمونەر ساۋىق كەشىنە جەكە - جەكە قاتىناستى.

كەلۋ قاينارى: حالىق تورابى