ورتانى قورعاۋ جاعىندا ەلەكتر باعاسىن باقىلاۋ – باسقارۋدى ساپالىلاندىرۋمەن قاتىستى، بازاردى باقىلاۋ – باسقارۋ باس مەڭگەرمەسى اشىق تۇردە پىكىر قابىلدادى 

جۇڭگو اقپارات تورابى 10 – ايدىڭ 13 – كۇنى حابارلايدى. بازاردى باقىلاۋ – باسقارۋ باس مەڭگەرمەسىنىڭ ۋيشين تەكشەسىنىڭ حابارلاۋىنشا، كومىر جاعۋ ارقىلى ەلەكتر شىعارۋ بارىسىندا تۋىلاتىن لاس زاتتاردى ىعىستىرۋدى ازايتۋ مەن وسى سالانىڭ جوعارى ساپالى دامۋىن ءبىرتۇتاس ىلگەرىلەتۋ، ەلەكتر شىعاراتىن كاسىپورىندار مەن ەلەكتر قولدانۋشىلاردىڭ زاڭدى ۇقىق – مۇددەسىن شىنايى قورعاۋ، سايكەسىمدى دە جوعارى ونىمدىلىكتەگى ورتانى قورعاۋ سيپاتىنداعى ەلەكتر باعاسىن باقىلاۋ – باسقارۋ مەحانيزمىن ورناتۋ ءۇشىن، جۋىردا بازاردى باقىلاۋ – باسقارۋ باس مەڭگەرمەسى «ورتانى قورعاۋ سيپاتىنداعى ەلەكتر باعاسىن باقىلاۋ – باسقارۋ جۇمىستارىن جاقسارتۋ جونىندەگى ۇقتىرۋدى (پىكىر الىناتىن نۇسقا)» دايىنداعان، وسى قۇجات جونىندە 10 – ايدىڭ 13 – كۇنىنەن 10 – ايدىڭ 20 – كۇنىنە دەيىن جۇرتشىلىقتان اشىق پىكىر الىنادى.

«پىكىر الىناتىن نۇسقادا»، باستىسى، مىناداي ءۇش جاقتى مازمۇن قامتىلعان:

بىرىنشىدەن، تۇرگە ءبولىپ باقىلاۋ - باسقارۋ ۇلگىسى ساپالىلاندىرىلىپ، ەلەكتر شىعاراتىن كاسىپورىنداردىڭ تيجاراتىنا ءتيىمسىز ىقپالىن ازايتۋ كەرەك. لاس زاتتاردى ىعىستىرۋ قويۋلىعىنىڭ ساعاتتىق ورتاشا ءمانى شەكتەلگەن ماننەن اسىپ كەتكەن جاعدايدا، ەلەكتر تورى كاسىپورىندارى ەكولوگيالىق ورتانى قورعاۋعا ارنالاتىن ەلەكتر باعاسى بويىنشا سايكەستى قاراجاتتى تىكەلەي كۇشىنەن قالدىرادى، مۇندا، ورتانى قورعاۋ قۇرىلعىلارى ۇيلەسىمدى سەبەپسىز توقتاتىلسا نەمەسە جۇمىس ىستەۋى قالىپسىز بولسا، ونىڭ سالدارىنان لاس زاتتاردىڭ ىعىستىرىلۋى شەكتەلگەن مولشەردەن ءبىر ەسە نەمەسە وداندا كوپ مولشەردە اسىپ كەتسە، بازاردى باقىلاۋ – باسقارۋ تاراۋلارى زاڭ بويىنشا جازالايدى؛ ەرىكتەن تىس وبيەكتيۆ سەبەپتەرمەن ورتانى قورعاۋ قۇرىلعىلارىنىڭ جۇمىس ىستەۋى قالىپسىز بولسا، باعاعا قاتىستى زاڭعا قايشى ارەكەت دەپ قارالمايدى.

ەكىنشىدەن، تاراۋلاردىڭ قىزمەت جاۋاپكەرلىگى مەن جۇمىس ءبولىسىن رەتتەپ، بازاردى باقىلاۋ – باسقارۋ، دامۋ جانە رەفورما، ەكولوگيالىق ورتانى قورعاۋ قاتارلى تاراۋلاردىڭ جۇمىس ءبولىسى بويىنشا جاۋاپكەرشىلىك ارقالاۋى، ساندى مالىمەتتەردى ورتاق پايدالانۋى، ناتيجەلەردى ءوزارا جولداۋى سىندى سايكەسۋ مەحانيزمىن قالىپتاستىرادى.

ءۇشىنشى، قاراجاتتى باسقارۋ مەن پايدالانۋ جۇيەگە تۇسىرىلەدى، كومىر جاعۋ ارقىلى ەلەكتر شىعاراتىن كاسىپورىندارعا اقشالاي ايىپ سالۋ بارىسىندا، ەلەكترمەن قامدايتىن كاسىپورىنداردىڭ لاستانۋدى ازايتۋ جۇمىسىنا پايدالاناتىن شىعىسى ەڭ الدىمەن قامتاماسىزداندىرىلادى؛ ەلەكتر تورى كاسىپورىندارى ەسەپتەن كۇشىنەن قالدىرعان ورتانى قورعاۋ سيپاتىنداعى ەلەكتر اقىسى بەلگىلەمە بويىنشا پايدالانۋشىلارعا قايتارىلىپ، پايدالانۋشىلاردىڭ ەلەكتردەن پايدالانۋداعى وزىندىك قۇنى تومەندەتىلەدى.

كەلۋ قاينارى: حالىق تورابى