مەملەكەتتىك ساقتانۋ باس قولباسشىلىق شتابى مەن شۇعىل جاعدايلارعا توتەپ بەرۋدى باسقارۋ مينيسترلىگى شاڭحاي، جىجياڭ، فۋجيان ولكەلەرىندە تاسقىننان ساقتانۋ، تايفىڭ داۋىلىنان ساقتانۋ قىزمەتى بارىسىندا 4 – دارەجەلى شۇعىل جاعدايلارعا توتەپ بەرۋ شارالارىن اتقاردى 

ورتالىق تەلەۆيزيا تورابىنىڭ حابارى: بيىلعى 30 – ءنومىرلى تايفىڭ داۋىلى ”چياڭپيدىڭ“ (ەرەكشە كۇشتى تايفىڭ داۋىلى) سەنترى 10 – ايدىڭ 22 – كۇنى ساعات 5 تە تايۋاننىڭ تايبەي قالاسىنىڭ شىعىس – وڭتۇستىك باعىتىنان شامامەن 750 كيلومەتر قاشىقتىقتاعى جەرگە جەتتى، داۋىل سەنترىنىڭ ماڭىنداعى ەڭ زور جەل كۇشى 16 (سەكۋندىنا 55 مەتر) بولدى. ورتالىق اۋا رايى ستانسياسىنىڭ مەجەلەۋىنشە، ” چياڭپي“ تايفىڭ داۋىلى 10 – ايدىڭ 23 – كۇنى تۇندە شىعىستىق نانحاي تەڭىزىنىڭ وڭتۇستىك بولىگىندەگى تەڭىز الابىنا وتكەننەن سوڭ، سولتۇستىككە قاراي ويىسادى، 10 – ايدىڭ 24 – كۇنى تۇندە جىجياڭنىڭ شىعىس بولىگىندەگى تەڭىز الابىندا شىعىس - سولتۇستىككە قاراي ويىسادى، تايۋاننىڭ شىعىس – سولتۇستىك بولىگىندەگى تەڭىز جاعالاۋىنان جاناسا ءوتۋ ىقتيمالدىعى دا بار. ونىڭ ىقپالىمەن، 10 – ايدىڭ 23 – كۇنىنەن 26 – كۇنىنە دەيىن شاڭحاي، جىجياڭ، فۋجيان قاتارلى جەرلەردە قالىڭ جاڭبىر نەمەسە نوسەر جاۋادى، ءىشىنارا جەرلەردە قالىڭ نوسەر جاۋادى. ورتالىق اۋا رايى ستانسياسى 10 – ايدىڭ 22 – كۇنى ساعات 6 دا تايفىڭ داۋىلىنان ساقتانۋ تۋرالى كوك ءتۇستى ساقتىق دابىلىن قاقتى.

«مەملەكەتتىڭ تاسقىننان ساقتانۋ، قۋاڭشىلىقپەن كۇرەسۋ جاعىنداعى شۇعىل جاعدايعا توتەپ بەرۋ جوباسى» جانە قاتىستى بەلگىلەمەلەرگە ساي، مەملەكەتتىك تاسقىننان ساقتانۋ – قۋاڭشىلىقپەن كۇرەسۋ باس قولباسشىلىق شتابى مەن شۇعىل جاعدايلارعا توتەپ بەرۋدى باسقارۋ مينيسترلىگى 10 – ايدىڭ 22 – كۇنى ساعات 8 دە شاڭحاي، جىجياڭ، فۋجيان ولكەلەرىندە تاسقىننان ساقتانۋ، تايفىڭ داۋىلىنان ساقتانۋ قىزمەتى بارىسىندا 4 – دارەجەلى شۇعىل جاعدايلارعا توتەپ بەرۋ شارالارىن اتقارۋدى ۇيعاردى ءارى قىزمەت گرۋپپاسىن جىجياڭ ولكەسىنە بارىپ، تاسقىننان ساقتانۋ، تايفىڭ داۋىلىنان ساقتانۋ قىزمەتىنە كومەكتەسۋگە جانە وعان جەتەكشىلىك ەتۋگە جىبەردى.

كەلۋ قاينارى: حالىق تورابى