بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.10.22 16:10 كەلۋ قاينارى : حالىق تورابى
بەيجيڭ ۋاقىتى بويىنشا 10 – ايدىڭ 22 – كۇنى تاڭ سارىدە، گوللانديانىڭ روتتەردام قالاسىندا وتكىزىلگەن 54 – كەزەكتى دۇنيە جۇزىلىك گيمناستيكا جۇلدەلى جارىسىندا ايەلدەردىڭ توپتىق جارىسى اياقتالدى، جۇڭگونىڭ گيمناستيكا ايەلدەر كومانداسى جالپى ناتيجە بويىنشا 165.764 نومىرمەن التىن مەدالعا يە بولىپ، اراعا 20 جىل سالىپ، تاعى دا دۇنيە جۇزىلىك جۇلدەلى جارىستىڭ سيلىق ساحناسىنا كوتەرىلدى. ا ق ش كومانداسى مەن جاپونيا كومانداسى جەكە - جەكە ەكىنشى، ءۇشىنشى ورىنعا يە بولدى.
وسى جارىس ماۋسىمىندا كى چينچين، جاڭ چيڭيىڭ، چيۋ چييۋان، جاڭ يحان، دۋ سى - يۇي قاتارلىلاردان ۇيىمداسقان جۇڭگو گيمناستيكا كومانداسى ازيا گيمناستيكا جۇلدەلى جارىسىندا جانە ازيا سپورت جينالىسىندا گيمناستيكا ءتۇرى بويىنشا ايەلدەردىڭ توپتىق تۇرىندە التىن مەدالعا يە بولعان. وسى رەتكى الەمدىك جۇلدەلى جارىسقا جۇڭگو كومانداسى وسى سپورتشىلاردى قاتىناستىرعان ءارى تولىمدىلىق جارىسىندا ءبىرىنشى بولۋ ارقىلى ايەلدەر توپتىق ءتۇرى بويىنشا شەشۋشى جارىسقا جولداما العان. شەشۋشى جارىستا، جۇڭگو كومانداسى باسپالداقشا تۋرنيك پەن تەڭگەرمە اعاش سىندى 2 تۇردەگى جارىستا ۇزدىك ناتيجەنى قولعا كەلتىرىپ، جالپى ناتيجە بويىنشا الدىڭعى ورىنعا شىققان. ەڭ سوڭعى اينالىمداعى ەركىن گيمناستيكا باسەكەسىندە، جارىسقا قاتىناسقان جاڭ چيڭيىڭ، كى چينچين جانە چيۋ چييۋاندار ورنىقتى ونەر كورسەتىپ، جۇڭگو كومانداسى الدىڭعى ورىندى ەڭ سوڭعى اينالىمعا دەيىن ساقتاعان.
ايتۋعا تاتيتىنى، وسى التىن مەدال ارقىلى جۇڭگو كومانداسى 2028 – جىلى لوس – انجەلەستە وتكىزىلەتىن وليمپيادا سپورت جارىسىندا گيمناستيكادان ايەلدەر توپتىق تۇرىنە قاتىناسۋ تولىمدىلىعىنا يە بولدى.
كەلۋ قاينارى: حالىق تورابى
