التى تاراۋ پىكىر جاريالادى، كونەرگەن كوشەلەر مەن زاۆود رايوندارىن وزگەرتىپ سالۋدى ىلگەرىلەتەدى 

ءتىلشىنىڭ 10 – ايدىڭ 23 – كۇنى تۇرعىن ءۇي جانە قالا – اۋىل قۇرىلىسى مينيسترلىگىنەن ۇعىسۋىنشا، تۇرعىن ءۇي جانە قالا – اۋىل قۇرىلىسى مينيسترلىگى، ونەركاسىپ جانە ينفورماتسيالاندىرۋ مينيسترلىگى قاتارلى التى تاراۋ «كونەرگەن كوشەلەر مەن زاۆود رايوندارىن وزگەرتىپ سالۋدى، دارەجەسىن جوعارىلاتۋدى ىلگەرىلەتۋ جونىندەگى جەتەكشى پىكىردى» بىرگە باسىپ تاراتىپ، ءتۇرلى كونەرگەن كوشەلەر مەن زاۆود رايوندارىن وزگەرتىپ سالۋدىڭ، دارەجەسىن جوعارىلاتۋدىڭ باستى تۇيىندەرىن ايقىنداعان.

تالاپقا ساي، جەر – جەر قالانىڭ جاعدايىن تەكسەرۋ ناتيجەسىمەن ۇشتاستىرا وتىرىپ، ۇيلەر مەن قالانىڭ نەگىزدىك قۇرىلعىلارى كونەرگەن، الەۋمەتتىك قىزمەت وتەۋ مەن الەۋمەتتىك كەڭىستىكتىك كەمشىل بولعان، فۋنكتسيالىق كاسىپ سالاسى مەن دامۋدىڭ ومىرشەڭدىك قۋاتى جوعارىلاتۋدى قاجەت ەتەتىن كوشەلەر مەن زاۆود رايوندارىن وزگەرتۋ، دارەجەسىن جوعارىلاتۋ وبيەكتىسى ەتىپ، وزگەرتۋ، دارەجەسىن جوعارىلاتۋ كولەمى مەن اتقارۋ ءتارتىبىن ءبىر تۇتاس جوسپارلاپ بەكىتۋى كەرەك. سونىمەن بىرگە، كونەرگەن كوشەلەر مەن زاۆود رايوندارىن وزگەرتۋ جانە دارەجەسىن جوعارىلاتۋ نىسانىن اتقارۋ جوباسىن بەلگىلەپ، قالانى جوبالاۋ تالابىن نىساندى اتقارۋ جوباسىنا ەنگىزىپ، كوشەلەر مەن زاۆود رايوندارىن جوعارى ساپالى وزگەرتۋگە جانە ونىڭ دارەجەسىن جوعارىلاتۋعا جەتەكشىلىك ەتەدى.

مۇندا، ءتۇيىندى تۇردە مىناداي بەس ءتۇرلى قىزمەتتى ويداعىداي ىستەۋ كەرەك:

· كونە زاۆود رايوندارىنىڭ يقۋاتىن اۋىستىرۋدى ىلگەرىلەتۋ

• كونە ساۋدالىق كوشەلەردىڭ كاسىپ كۇيىنىڭ دارەجەسىن جوعارىلاتۋدى ىلگەرىلەتۋ

· تۇرعىندار ورنالاسقان كونەرگەن كوشەلەردىڭ ساپاسىن جوعارىلاتۋدى ىلگەرىلەتۋ

• كونەرگەن قاتىناس توراپتارى مەن ونىڭ توڭىرەگىندەگى كوشەلەردىڭ توعىسا دامۋىن ىلگەرىلەتۋ

· تاريحي، مادەني كورىنىستىك كوشەلەر، قالاشىقتاردى قورعاۋ جانە ودان پايدالانۋ كۇشەيتىلەدى

قاتىستى قىزمەتتەردى ويداعىداي ىستەۋ ءۇشىن، جەر – جەر تۇتاس بارىستىق اتقارۋ مەحانيزمىن كەمەلدەندىرىپ، ۇكىمەتتىڭ جەتەكشىلىك ەتۋ رولىن ساۋلەلەندىرىپ، ساياساتتىق قولداۋ كورسەتۋ تەبىنىن ارتتىرۋى كەرەك. سونىمەن بىرگە، باياندى قارجى قوسۋ – قارجى شوعىرلاندىرۋ ۇلگىسىن ورناتىپ، ءتۇرلى كاسىپورىنداردىڭ كونەرگەن كوشەلەر مەن زاۆود رايوندارىن جاڭالاۋعا، دارەجەسىن جوعارىلاتۋعا قاتىناسۋىنا قولداۋ كورسەتىپ، ىسكە قوسىلۋ ءتارتىبى بازارلانۋعا بەيىمدەلگەن بولۋ قاتارلىلاردى جۇيەگە ءتۇسىرۋ قاجەت.

(باس ستانسيا ورتالىق تەلەۆيزياسىنىڭ ءتىلشىسى ياڭ شياۋ، شۇي جيڭ)

كەلۋ قاينارى: حالىق تورابى