كريستيانو رونالدو مەن مەسسيدىڭ 10 جىل بويى «مونوپوليالاۋىن» وزگەرتتى
مودريچ التىن دوپ سيلىعىنا يە بولدى
2018.12.05 15:51 كەلۋ قاينارى : حالىق تورابى
سۋرەتتە: جەرگىلىكتى ۋاقىت بويىنشا 12 – ايدىڭ 3 – كۇنى مودريچ التىن دوپ سيلىعىن تاراتۋ سالتىندا. شينحۋا اگەنتتىگى
شينحۋا اگەنتتىگى، 12 – ايدىڭ 3 – كۇنى، پاريج (ءتىلشى: سۋ بين) رەال – مادريد كلۋبىنىڭ قۇرامىنداعى حورۆاتيالىق ورتا الاڭ ويىنشىسى مودريچ مەملەكەت قۇراماسى مەن كلۋبتاعى ەرەن ونەرىمەن 12 – ايدىڭ 3 – كۇنى 2018 – جىلعى التىن دوپ سيلىعىنا يە بولىپ، كريستيانو رونالدو مەن مەسسيدىڭ اتالعان سيلىقتى 10 جىل «مونوپوليالاۋ» جاعدايىن وزگەرتتى.
33 جاستاعى مودريچ بيىل جازدا رەسەيدە حورۆاتيا قۇراماسىنىڭ تاريحتا تۇڭعىش رەت الەم چەميپوناتىنىڭ شەشۋشى جارىسىنا كىرۋىنە ۇلەس قوسىپ، اتالعان كوماندا ەكىنشى ورىنعا يە بولىپ، مودريچ الەم چەمپيوناتىنىڭ التىن دوپ سيلىعىنا يە بولعان. كلۋب جاعىنان ايتقاندا، مودريچ 2017 – 2018 سەزوندا رەال – مادريد كومانداسىنىڭ 5 جىلدان بەرى ءتورتىنشى رەت ەۆروپا چەمپيوندار ليگاسىنىڭ چەمپيونى بولىپ، ەۆروپا چەمپيوندار ليگاسىندا ۇزدىكسىز ءۇش رەت چەمپيون بولۋىنا ۇلەسىن قوسقان. وسىنىڭ الدىندا عانا ول ەۆروپا فۋتبول بىرلەستىگىنىڭ الدىڭعى سەزونداعى ەڭ ۇزدىك فۋتبولشى سيلىعىنا جانە حالىقارالىق فۋتبول بىرلەستىگىنىڭ 2018 – جىلعى الەم فۋتبول مىرزاسى اتاعىنا يە بولعان. مودريچتىڭ الدىندا كريستيانو رونالدو مەن مەسسيدەن سىرت، التىن دوپ سيلىعىنا 2007 – جىلى برازيليالىق فۋتبولشى كاكا يە بولعان.
بيىل ايەلدەر فۋتبولى جاعىندا العاش رەت تاراتىلعان التىن دوپ سيلىعىنا فرانسيانىڭ ليون كومانداسىندا ونەر كورسەتىپ جۇرگەن نورۆەگيالىق فۋتبولشى حەگەربەرگ يە بولدى. تاعى ءبىر جاڭا سيلىق، 21 جاستان تومەنگى ەڭ ۇزدىك فۋتبولشى سيلىعى ەش كۇمانسىز فرانسيالىق جاڭا جۇلدىز مباپەگە بەرىلدى.
التىن دوپ سيلىعىن «فرانسيا فۋتبولى» گازەتى 1956 – جىلدان باستاپ تاراتقان، فۋتبول سالاسىنداعى تىلشىلەر داۋىس بەرۋ ارقىلى سارالاپ شىعادى. التىن دوپ سيلىعى 2010 – جىلى حالىقارالىق فۋتبول بىرلەسىتگىنىڭ الەم فۋتبول مىرزاسى سيلىعىمەن بىرىكتىرىلىپ، حالىقارالىق فۋتبول بىرلەستىگىنىڭ التىن دوپ سيلىعى بولىپ اتالعان، 2016 – جىلى بۇل ەكى سيلىق قايتادان ءبولىندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
