- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك ساياسي كەڭەس جاڭا جىل بايلانىسىمەن شاي ءماجىلىسىن وتكىزدى
شي جينپيڭ ماڭىزدى ءسوز سويلەدى
2017.01.03 15:03 كەلۋ قاينارى : شينجياڭ گازەتى
لي كىچياڭ، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناستى، يۇي جىڭشىڭ ءماجىلىستى باسقاردىشينحۋا اگەنتتگىنىڭ 30 - جەلتوقساندا بەيجيڭنەن بەرگەن حابارى. جۇڭگو حالىق ساياسي ءماسليحات كەڭەسى مەملەكەتتىك كوميتەتى 30 - جەلتوقسان تۇستەن بۇرىن مەملەكەتتىك ساياسي كەڭەستىڭ جيىن زالىندا جاڭا جىل بايلانىسىمەن شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلىلار دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، ورتالىقتىڭ جانە مەملەكەتتىك ورگانداردىڭ قاتىستى جاقتارىنىڭ جاۋاپتىلارىمەن، سونداي - اق استاناداعى ءار ۇلت، ءار سالا قايراتكەرلەرىنىڭ ۋاكىلدەرىمەن قۋانىشپەن ءبىر اراعا باس قوسىپ، 2017 - جىلعى جاڭا جىلدى بىرگە قارسى الدى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاي ماجىلىسىندە ماڭىزدى ءسوز سويلەدى. ول مىنالاردى باسا دارىپتەدى: ءار ءداۋىردىڭ ءوز تاقىرىبى، ءار ءداۋىر ادامدارىنىڭ ءوز بورىشى بولادى. جاڭا ۇزاق جورىقتا، ءاربىر جۇڭگولىق باس كەيىپكەر بولىپ، تيەسىلى جاۋاپكەرشىلىك ارقالايدى. يۇي گۇڭنىڭ تاۋدى كوشىرۋ رۋحىن، توڭكەرىستى سوڭىنا دەيىن جۇرگىزەتىن رۋحتى بارىنشا اسقاقتاتىپ، جۇڭگونىڭ جانە دۇنيە ءجۇزىنىڭ العا باسۋىنىڭ تاريحي اعىمىندا ىستەرىمىزدى بۇلجىماي ۇزدىكسىز العا ىلگەرىلەتىپ، شۇعىلالى بەلەستەرگە شىعۋىمىز كەرەك.
شي جينپيڭ ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، حالىقتىق توپتارعا، بۇكىل ەلدەگى بارشا جۇمىسشىلارعا، شارۋالارعا، زيالىلارعا، كادرلارعا جانە ءار سالاداعى قايراتكەرلەرگە، حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى وفيتسەر - جاۋىنگەرلەرىنە، قوعام حاۋىپسىزدىگى كادر - ساقشىلارىنا، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەردەگى مۇھاجىر باۋىرلاستارعا، جۇڭگونىڭ وسىزامانداندىرۋ قۇرىلىسىنا كوڭىل ءبولىپ، قولداۋ كورسەتكەن حالىقاراداعى دوستارعا مەرەكەلىك سالەم جولداپ، ىزگى تىلەك ءبىلدىرىپ، جاڭا جىلدارىنا قۇتتى بولسىن ايتتى.
شي جينپيڭ مىنالاردى اتاپ كورسەتتى: 2016 - جىل جۇڭحۋا ۇلتىنىڭ ۇلى گۇلدەنۋى ساپارىنداعى توتەنشە ماڭىزدى ءبىر جىل. ج ك پ ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرا باستاپ، ەل ءىشى، حالىقارالىق جالپى جاعدايىن يگەرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن كەزەڭدەگى ۇلى جورىقتى باستاپ، قامداۋ جاعىنداعى قۇرىلىمدىق رەفورمادان قامال الۋ شايقاسىن باستاپ، كەدەيلىكتەن قۇتىلدىرۋدان قامال الۋ شايقاسىنىڭ دابىلىن قاعىپ، ءبىر نيەتپەن ىنتىماقتاسىپ، قيىنشىلىقتاردى جەڭىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جانە پارتيا قۇرىلىسىن ىلگەرىلەتۋدە تىڭ ناتيجەلەرگە قول جەتكىزىپ، «13 - بەسجىلدىق» جوبانىڭ يگى باستاماسىن كوتەردى.
شي جينپيڭ مىنالاردى باسا دارىپتەدى: وسى ءبىر جىلدا جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن سالتاناتپەن قۇتتىقتاپ، بۇكىل پارتيانى اۋەلگى ماقساتتى ۇمىتپاي، ۇدەرە العا باسۋعا ۇندەدىك؛ جۇڭگو جۇمىسشى - ديقان قىزىل ارمياسى ۇزاق جورىعى جەڭىسىنىڭ 80 جىلدىعىن سالتاناتپەن اتاپ ءوتىپ، ۇلى ۇزاق جورىق رۋحىن اسقاقتاتىپ، جاڭا ۇزاق جورىقتى ويداعىداي ءجۇرۋدىڭ سەنىمىن بەكەمدەدىك. ج ك پ 18 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، پارتيانى جاپپاي قاتاڭ جونگە سالۋدى ارناۋلى اقىلداسىپ، ءۇشىنشى، ءتورتىنشى، بەسىنشى جالپى ماجىلىستەرىمەن بىرگە «ءتورتتى جاپپاي ورىنداۋ» ستراتەگيالىق جوباسىن جوعارى دەڭگەيدە جوبالادىق. شي جينپيڭ مىنالاردى اتاپ كورسەتتى: وسى ءبىر جىلدا ءبىز جاپپاي دوڭگەلەك داۋلەتتى قوعام قۇرۋدى تىنباي ىلگەرىلەتتىك، ەكونوميكانىڭ ارتۋى دۇنيە ءجۇزى بويىنشا الدىڭعى لەكتى ۇزبەي يەلەدى، تاعى دا 10 ميلليون كەدەي حالىقتى كەدەيلىكتەن قۇتىلدىردىق. رەفورمانى جاپپاي تەرەڭدەتۋدى ۇزبەي ىلگەرىلەتىپ، 97 ءتۇيىندى رەفورما مىندەتىن ورىندادىق، ورتالىق پەن مەملەكەتتىك ورگانداردىڭ قاتىستى تاراۋلارى 194 رەفورما مىندەتىن ورىندادى، ءار جاق 419 رەفورما جوباسىن شىعاردى، نەگىزگى سالالارداعى تىرەۋ سيپاتتى رەفورمانىڭ تۇلعالىق قاڭقاسىن نەگىزىنەن تۇرعىزدىق. مەملەكەتتى زاڭ بويىنشا جاپپاي جونگە سالۋدى تىنباي ىلگەرىلەتىپ، ءادىليا ءتۇزىلىس رەفورماسىن تەرەڭدەتتىك. پارتيانى جاپپاي قاتاڭ جونگە سالۋدى ۇزدىكسىز ىلگەرىلەتىپ، «ەكىنى ۇيرەنۋ، ءبىر بولۋ» ۇيرەنۋ - تاربيەسىن ورىستەتىپ، پارتيانىڭ ىشكى ساياسي تۇرمىسىن قاتايتىپ، پارتيا ىشىندەگى باقىلاۋدى، ءتارتىپتى اتقارۋدى، جاۋاپقا تارتۋدى كۇشەيتىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتتىك. پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتۋگە تاباندى بولىپ، قورعانىس جانە قوسىن رەفورماسىندا ماڭىزدى ناتيجەلەرگە قول جەتكىزدىك. «ءبىر ەل، ەكى ءتۇزىم» باعىتىن جاپپاي دايەكتىلەندىرىپ، شياڭگاڭنىڭ، اۋمىننىڭ گۇلدەنۋىن، ورنىقتىلىعىن ساقتادىق؛ «92 - جىلعى ورتاق تانىمنىڭ» ورتاق ساياسي نەگىزىنە تاباندى بولىپ، تايۋان بۇعازىنىڭ بەيبىتشىلىگىن، ورنىقتىلىعىن كۇش سالا قورعادىق. جان - جاقتى ديپلوماتيانى تەرەڭدەتىپ، «ءبىر بەلدەۋ، ءبىر جول» قۇرىلىسىن جەدەلدەتىپ، 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىن ءساتتى وتكىزىپ، ءتىپتى دە جارقىن دۇنيەنى قۇرۋعا جۇڭگو جوباسىن ازىرلەدىك.
شي جينپيڭ مىنالاردى باسا دارىپتەدى: 2017 - جىلى ج ك پ 19 - قۇرىلتايىن اشامىز. بۇل بۇكىل پارتيانىڭ، بۇكىل ەلدەگى ءار ۇلت حالقىنىڭ ساياسي ومىرىندەگى كەلەلى ءىس. 2017 - جىل ءارى «13 - بەسجىلدىق» جوبانى اتقارۋداعى ماڭىزدى جىل، قامداۋ جاعىنداعى قۇرىلىمدىق رەفورمانى ىلگەرىلەتۋدى تەرەڭدەتەتىن جىل. ج ك پ 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماركسيزمدى، لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، ج ك پ ورتالىق كوميتەتىنىڭ بيلىك جۇرگىزۋ جاڭا تانىمىن، جاڭا يدەياسىن، جاڭا ستراتەگياسىن جاپپاي دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەتىنىڭ نەگىزگى اۋەنىنەن جازباي، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن جاپپاي ويداعىداي ىستەۋىمىز كەرەك. شياڭگاڭنىڭ، اۋمىننىڭ ەكونوميكانى دامىتۋىنا، حالىق تۇرمىسىن جاقسارتۋىنا قولداۋ كورسەتىپ، «ءبىر ەل، ەكى ءتۇزىم» امالياتىنىڭ بۇلجىماۋىنا، وزگەرمەۋىنە كەپىلدىك ەتۋىمىز قاجەت. «92 - جىلعى ورتاق تانىمنىڭ» ورتاق ساياسي نەگىزىنە تاباندى بولىپ، ەكى جاعالاۋ قاتىناسىنىڭ بەيبىت دامۋى، وتاننىڭ بۇكىلدەي تۇتاستىعىن جۇزەگە اسىرۋ جولىندا تالىقپاي قۇلشىنۋىمىز ءتيىس. بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، ادامزاتتىڭ تاعدىرلاس ورتاق تۇلعاسىن بىرگە قۇرۋىمىز كەرەك.
شي جينپيڭ مىنالاردى اتاپ كورسەتتى: جاڭا ءبىر جىلدا حالىق ساياسي كەڭەسى ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن دەن قويا اتقارىپ، ماسەلەنى نىشان ەتۋگە تاباندى بولىپ، تەكسەرۋ - زەرتتەۋ جۇرگىزۋدى تەرەڭدەتىپ، ۇكىمەت ءىسىن ءونىمدى كەڭەسىپ، كەلەلى كەڭەس بەرىپ، ىسكەرلىك شارالارىن، دامۋدىڭ ءادىس - امالدارىن كورسەتىپ، تۇتاس قوعامنىڭ تىلەگى مەن تالابىنىڭ ەڭ ۇلكەن ورتاق بولگىشىن قۇلشىنا قاراستىرىپ، حالىق ارمانىنىڭ ەڭ ۇلكەن تىلەكتەس شەڭبەرىن سىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ وڭ ەنەرگياسىن كەڭىنەن توپتاۋى كەرەك.
شاي ءماجىلىسىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ءتوراعاسى يۇي جىڭشىڭ باسقاردى. ول بىلاي دەدى: باس شۋجي شي جينپيڭ سوزىندە بىرلىكساپتىڭ جانە حالىق ساياسي كەڭەسىنىڭ ءبىر جىلدان بەرگى قىزمەتتەرىن تولىق تۇراقتاندىردى ءارى ەڭ كەڭ كولەمدەگى وتانشىلدىق بىرلىكساپتى بەكەمدەۋ، دامىتۋ جانە حالىق ساياسي كەڭەسى قىزمەتىن ويداعىداي ىستەۋ جونىندە جاڭا ۇمىتتەر مەن تالاپتار قويدى. باس شۋجي شي جينپيڭنىڭ ماڭىزدى سوزدەرىنىڭ رۋحىن، ءسوز جوق، دەن قويا ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، بىرگە كۇرەس جۇرگىزۋدىڭ يدەيالىق نەگىزىنە، ىنتىماق جانە دەموكراتيا سىندى 2 ۇلكەن نەگىزگى تاقىرىپتان جازباي، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ءوسى ەتىپ، «13 - بەسجىلدىق» جوبانى اتقارۋ توڭىرەگىندە اقىل قوسىپ، كەڭەس بەرۋدى قىزمەت جەلىسى ەتىپ، ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، ۇكىمەت ءىسىن ءونىمدى كەڭەسىپ، جۇڭگوشا سوتسياليزم ىستەرىن دامىتۋعا تىڭ ۇلەس قوسىپ، جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرىمىزبەن قارسى الۋىمىز كەرەك.
جۇڭگو دەموكراتيالىق العاباسار پارتياسىنىڭ ءتوراعاسى يان جۇنچي دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، سەلبەستىك اۋەلگى ماقساتىن ۇمىتپاي، قول ۇستاسىپ العا باسىپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزەتىندىكتەرىن ءبىلدىردى.
شاي ماجىلىسىندە شي جينپيڭ باستاعان باسشىلار ءار سالادان كەلگەن قايراتكەرلەردىڭ اراسىنا بارىپ، ولارمەن شىن ىقىلاسپەن قول الىسىپ، ءوزارا امانداسىپ، جاڭا جىل بايلانىسىمەن ىزگى تىلەك ءبىلدىرىستى. وسىدان سوڭ مەملەكەتتىك ساياسي كەڭەستىڭ ءىشىنارا مۇشەلەرى مەن ادەبيەت - كوركەمونەر قىزمەتكەرلەرى تارتىمدى ويىندار قويدى. سوڭىندا تۇتاس زالداعىلار «جۇڭگو كوممۋنيستىك پارتياسى بولماسا جاڭا جۇڭگو بولماق ەمەس» دەگەن ءاندى بىرگە اسقاقتاتا شىرقاپ، زال ءىشى مەرەكە شاتتىعىنا شومدى.
ج ك پ ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ ءىشىنارا باسشىلارى، مەملەكەتتىك ساياسي كەڭەستىڭ باسشىلارى جانە كەزىندە مەملەكەتتىك ساياسي كەڭەستىڭ ورىنباسار ءتوراعالارى مىندەتىن وتەگەن بەيجيڭدەگى ساقا جولداستار شاي ماجىلىسكە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
