- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك ساياسي كەڭەستىڭ جاڭا جىل بايلانىسىمەن وتكىزگەن شاي ماجىلىسىندە سويلەنگەن ءسوز
(2016 - جىلى 30 - جەلتوقسان)
شي جينپيڭ
2017.01.03 15:07 كەلۋ قاينارى : شينجياڭ گازەتى
جولداستار، دوستار:
2017 - جىل كەلۋ الدىندا تۇر. جىل اينالىپ، بار الاپ جاڭاردى. بۇگىن ءبىز اراعا شاتتىقپەن باس قوسىپ، اقتارىلا شۇيىركەلەسىپ، مەملەكەت ءىسىن اقىلداسىپ، جاڭا جىلدى شاتتىقپەن قارسى الىپ، ايرىقشا قۋانىشقا بولەنۋدەمىز.
مەن الدىمەن ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، حالىقتىق توپتارعا، بۇكىل ەلدەگى بارشا جۇمىسشىلارعا، شارۋالارعا، زيالىلارعا، كادرلارعا جانە ءار سالاداعى قايراتكەرلەرگە، حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى وفيتسەر - جاۋىنگەرلەرىنە، قوعام حاۋىپسىزدىگى كادر - ساقشىلارىنا،
شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەردەگى مۇھاجىر باۋىرلاستارعا، جۇڭگونىڭ وسىزامانداندىرۋ قۇرىلىسىنا كوڭىل ءبولىپ، قولداۋ كورسەتكەن حالىقاراداعى دوستارعا مەرەكەلىك سالەم جولداپ، ىزگى تىلەك بىلدىرەمىن! جاڭا جىلدارىڭىز قۇتتى بولسىن!
2016 - جىل جۇڭحۋا ۇلتىنىڭ ۇلى گۇلدەنۋى ساپارىنداعى توتەنشە ماڭىزدى ءبىر جىل. ج ك پ ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرا باستاپ، ەل ءىشى، حالىقارالىق جالپى جاعدايىن يگەرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن كەزەڭدەگى ۇلى جورىقتى باستاپ، قامداۋ جاعىنداعى قۇرىلىمدىق رەفورمادان قامال الۋ شايقاسىن باستاپ، كەدەيلىكتەن قۇتىلدىرۋدان قامال الۋ شايقاسىنىڭ دابىلىن قاعىپ، ءبىر نيەتپەن ىنتىماقتاسىپ، قيىنشىلىقتاردى جەڭىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جانە پارتيا قۇرىلىسىن ىلگەرىلەتۋدە تىڭ ناتيجەلەرگە قول جەتكىزىپ، «13 - بەسجىلدىق» جوبانىڭ يگى باستاماسىن كوتەردى.
وسى ءبىر جىلدا جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن سالتاناتپەن قۇتتىقتاپ، بۇكىل پارتيانى اۋەلگى ماقساتتى ۇمىتپاي، ۇدەرە العا تارتۋعا ۇندەدىك؛ جۇڭگو جۇمىسشى - ديقان قىزىل ارمياسى ۇزاق جورىعى جەڭىسىنىڭ 80 جىلدىعىن سالتاناتپەن اتاپ ءوتىپ، ۇلى ۇزاق جورىق رۋحىن اسقاقتاتىپ، جاڭا ۇزاق جورىقتى ويداعىداي ءجۇرۋدىڭ سەنىمىن بەكەمدەدىك. ج ك پ 18 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، پارتيانى جاپپاي قاتاڭ جونگە سالۋدى ارناۋلى اقىلداسىپ، ءۇشىنشى، ءتورتىنشى، بەسىنشى جالپى ماجىلىستەرىمەن بىرگە «ءتورتتى جاپپاي ورىنداۋ» ستراتەگيالىق جوباسىن جوعارى دەڭگەيدە جوبالادىق.
وسى ءبىر جىلدا ءبىز جاپپاي دوڭگەلەك داۋلەتتى قوعام قۇرۋدى تىنباي ىلگەرىلەتىپ، ەكونوميكالىق دامۋدىڭ جاڭا قالىبىنا ۇيلەسىپ، يگەرىپ، جەتەكشىلىك ەتتىك، ەكونوميكانىڭ ارتۋى دۇنيە ءجۇزى بويىنشا الدىڭعى لەكتى ۇزبەي يەلەدى، تاعى دا 10 ميلليون كەدەي حالىقتى كەدەيلىكتەن قۇتىلدىردىق. رەفورمانى جاپپاي تەرەڭدەتۋدى ۇزبەي ىلگەرىلەتىپ، 97 ءتۇيىندى رەفورما مىندەتىن ورىندادىق، ورتالىق پەن مەملەكەتتىك ورگانداردىڭ قاتىستى تاراۋلارى 194 رەفورما مىندەتىن ورىندادى، ءار جاق 419 رەفورما جوباسىن شىعاردى، نەگىزگى سالالارداعى تىرەۋ سيپاتتى رەفورمانىڭ تۇلعالىق قاڭقاسى نەگىزىنەن تۇرعىزىلدى. مەملەكەتتى زاڭ بويىنشا جاپپاي جونگە سالۋدى تىنباي ىلگەرىلەتىپ، ءادىليا ءتۇزىلىس رەفورماسىن تەرەڭدەتىپ، قوعامدىق ادىلدىك پەن تۋراشىلدىقتى كۇش سالا قورعاپ، ءادىليانىڭ ادىلدىگىن جەبەدىك. پارتيانى جاپپاي قاتاڭ جونگە سالۋدى ۇزدىكسىز ىلگەرىلەتىپ، «ەكىنى ۇيرەنۋ، ءبىر بولۋ» ۇيرەنۋ - تاربيەسىن ورىستەتىپ، پارتيانىڭ ىشكى ساياسي تۇرمىسىن قاتايتىپ، پارتيا ىشىندەگى باقىلاۋدى، ءتارتىپتى اتقارۋدى، جاۋاپقا تارتۋدى كۇشەيتىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتتىك. پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتۋگە تاباندى بولىپ، قورعانىس جانە قوسىن رەفورماسىندا ماڭىزدى ناتيجەلەرگە قول جەتكىزدىك.
وسى ءبىر جىلدا «ءبىر ەل، ەكى ءتۇزىم» باعىتىن جاپپاي دايەكتىلەندىرىپ، شياڭگاڭنىڭ، اۋمىننىڭ گۇلدەنۋىن، ورنىقتىلىعىن ساقتادىق؛ «92 - جىلعى ورتاق تانىمنىڭ» ورتاق ساياسي نەگىزىنە تاباندى بولىپ، تايۋان بۇعازىنىڭ بەيبىتشىلىگىن، ورنىقتىلىعىن كۇش سالا قورعادىق. جان - جاقتى ديپلوماتيانى تەرەڭدەتىپ، «ءبىر بەلدەۋ، ءبىر جول» قۇرىلىسىن جەدەلدەتىپ، ەلىمىزدىڭ نانحاي تەڭىزىندەگى تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن باتىل قورعاپ، 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىن ءساتتى وتكىزىپ، ءتىپتى دە جارقىن دۇنيەنى قۇرۋعا جۇڭگو جوباسىن ازىرلەدىك.ناتيجە حالىققا ءتان. حالىققا ءتىپتى دە تىعىز سۇيەنىپ، ىستەرىمىزدىڭ دامۋىنا ارىنداي العا باساتىن جويقىن كۇش ازىرلەۋىمىز كەرەك.
جولداستار، دوستار!
2017 - جىلى ج ك پ 19 - قۇرىلتايىن اشامىز. بۇل بۇكىل پارتيانىڭ، بۇكىل ەلدەگى ءار ۇلت حالقىنىڭ ساياسي ومىرىندەگى كەلەلى ءىس. 2017 - جىل ءارى «13 - بەسجىلدىق» جوبانى اتقارۋداعى ماڭىزدى جىل، قامداۋ جاعىنداعى قۇرىلىمدىق رەفورمانى ىلگەرىلەتۋدى تەرەڭدەتەتىن جىل. ج ك پ 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماركسيزمدى، لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، ج ك پ ورتالىق كوميتەتىنىڭ بيلىك جۇرگىزۋ جاڭا تانىمىن، جاڭا يدەياسىن، جاڭا ستراتەگياسىن جاپپاي دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەتىنىڭ نەگىزگى اۋەنىنەن جازباي، جاڭا دامۋ يدەياسىن بەرىك ورناتىپ جانە ونى دايەكتى تياناقتاندىرىپ، ەكونوميكالىق دامۋدىڭ جاڭا قالىبىنا ۇيلەسىپ، يگەرىپ، جەتەكشىلىك ەتىپ، قامداۋ جاعىنداعى قۇرىلىمدىق رەفورمانى ىلگەرىلەتۋدى جەلى ەتۋدەن جازباي، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن جاپپاي ويداعىداي ىستەپ، ەكونوميكانىڭ ورنىقتى، اقاۋسىز دامۋى مەن قوعامنىڭ جاراسىمدىلىعىن، ورنىقتىلىعىن جەبەپ، ج ك پ 19 - قۇرىلتايىن سۇبەلى ناتيجەلەرىمىزبەن قارسى الۋىمىز كەرەك.
نەگىزگى زاڭ مەن ءتۇبىرلى زاڭ بويىنشا ءىس ىستەپ، شياڭگاڭنىڭ، اۋمىننىڭ ەكونوميكانى دامىتۋىنا، حالىق تۇرمىسىن جاقسارتۋىنا قولداۋ كورسەتىپ، «ءبىر ەل، ەكى ءتۇزىم» امالياتىنىڭ بۇلجىماۋىنا، اۋىتقىماۋىنا، وزگەرمەۋىنە كەپىلدىك ەتۋىمىز قاجەت. «92 - جىلعى ورتاق تانىمنىڭ» ورتاق ساياسي نەگىزىنە تاباندى بولىپ، ەكى جاعالاۋدىڭ ەكونوميكاسىنىڭ، قوعامىنىڭ توعىسپالى دامۋىن ىلگەرىلەتىپ، ەكى جاعالاۋداعى باۋىرلاستاردىڭ جۇرەكتەرىن توعىستىرىپ، ەكى جاعالاۋ قاتىناسىنىڭ بەيبىت دامۋى، وتاننىڭ بۇكىلدەي تۇتاستىعىن جۇزەگە اسىرۋ جولىندا تالىقپاي قۇلشىنۋىمىز ءتيىس. بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، دەربەس وزىنە - ءوزى قوجا بولاتىن بەيبىت ديپلوماتيالىق ساياساتقا تاباندى بولىپ، الەمدىك جونگە سالۋدى كەمەلدەندىرۋگە جۇڭگو اقىل - پاراساتىن ارناۋعا كۇش سالىپ، ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن بىرگە قۇرۋىمىز كەرەك.
جولداستار، دوستار!
2016 - جىلى حالىق ساياسي كەڭەسى ج ك پ ورتالىق كوميتەتىنىڭ شەشىمدەرىن، ورنالاستىرۋلارىن دايەكتى تياناقتاندىرىپ، ىنتىماق جانە دەموكراتيا سىندى 2 ۇلكەن نەگىزگى تاقىرىپتان جازباي، وزەكتى ارقاۋ ەتىپ، جالپى جاعدايعا قىزمەت ەتىپ، سوتسياليستىك كەڭەس دەموكراتياسىنىڭ ماڭىزدى ارناسى مەن ارناۋلى كەڭەس قۇرىلىمىنىڭ رولىن ساۋلەلەندىرىپ، تىڭعىلىقتى، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ءىسىن كەڭەسۋدە سۇبەلى ناتيجەگە قول جەتكىزىپ، دەموكراتيالىق باقىلاۋ ونىمدىلىگىن ارتتىرىپ، ىنتىماق پەن دوستىقتى كەڭەيتىپ، «13 - بەسجىلدىق» جوبانىڭ يگى باستاماسىن كوتەرۋگە ماڭىزدى ۇلەس قوستى.
جاڭا ءبىر جىلدا جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگىنە جانە ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، ەڭ كەڭ كولەمدەگى وتانشىلدىق بىرلىكساپتى بەكەمدەۋىمىز جانە دامىتۋىمىز كەرەك. حالىق ساياسي كەڭەسى ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن دەن قويا اتقارىپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ءوسى ەتىپ، «13 - بەسجىلدىق» جوبانى اتقارۋ توڭىرەگىندە اقىل قوسىپ، كەڭەس بەرۋدى قىزمەت جەلىسى ەتىپ، ماسەلەنى نىشان ەتۋگە تاباندى بولىپ، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ءىسىن ءونىمدى كەڭەسىپ، كەلەلى كەڭەس بەرىپ، ىسكەرلىك شارالارىن، دامۋدىڭ ءادىس - امالدارىن كورسەتىپ، تۇتاس قوعامنىڭ تىلەگى مەن تالابىنىڭ ەڭ ۇلكەن ورتاق بولگىشىن قۇلشىنا قاراستىرىپ، حالىق تىلەگىنىڭ ەڭ ۇلكەن تىلەكتەس شەڭبەرىن سىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ وڭ ەنەرگياسىن كەڭىنەن توپتاۋىمىز كەرەك.
جولداستار، دوستار!
71 جىلدىڭ الدىندا جۇڭگو حالقىنىڭ جاپون شاپقىنشىلارىنا قارسى سوعىسى ۇلى جەڭىسكە قول جەتكىزۋ قارساڭىندا ماۋ زىدۇڭ جولداس «يۇي گۇڭنىڭ تاۋدى كوشىرۋى» دەگەن لەكسياسىن جاريالاپ، بۇكىل پارتيانى، بۇكىل ەل حالقىن سەنىمدى بەكەمدەپ، قۇربان بەرۋدەن قورىقپاي، بارلىق قيىنشىلىقتاردى جەڭىپ، جەڭىسكە قول جەتكىزۋگە ۇندەگەن بولاتىن. ازاتتىق سوعىسىندا جاپپاي جەڭىسكە قول جەتكىزۋگە، جاڭا جۇڭگو قۇرىلۋعا تاياعان 68 جىلدىڭ الدىنداعى بۇگىنگى كۇنى ماۋ زىدۇڭ جولداس جاڭا جىلعا ارناۋ ءسوزىن جاريالاپ، بۇكىل پارتيانى، بۇكىل ەل حالقىن قيىنشىلىق اتاۋلىدان تايسالماي، ءبىر نيەتپەن ىنتىماقتاسىپ، توڭكەرىستى سوڭىنا دەيىن جۇرگىزۋگە ۇندەگەن ەدى.
ءار ءداۋىردىڭ ءوز تاقىرىبى، ءار ءداۋىر ادامدارىنىڭ ءوز بورىشى بولادى. جاڭا ۇزاق جورىقتا، ءاربىر جۇڭگولىق باس كەيىپكەر بولىپ، تيەسىلى جاۋاپكەرشىلىك ارقالايدى. ءبىز يۇي گۇڭنىڭ تاۋدى كوشىرۋ رۋحىن، توڭكەرىستى سوڭىنا دەيىن جۇرگىزەتىن رۋحتى بارىنشا اسقاقتاتىپ، جۇڭگونىڭ جانە دۇنيە ءجۇزىنىڭ العا باسۋىنىڭ تاريحي اعىمىندا ىستەرىمىزدى مىزعىماي ۇزدىكسىز العا ىلگەرىلەتىپ، شۇعىلالى بەلەستەرگە شىعۋىمىز كەرەك.
كوپشىلىككە راقىمەت.
(شينحۋا اگەنتتىگىنىڭ 30 - جەلتوقساندا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
