- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ ءىسلام ءدىنى وتانشىل ءدىني قايراتكەرلەر كۋرسى ساباق باستادى
ءدىني قايراتكەرلەردىڭ ەرەكشە رولىن تولىق ساۋلەلەندىرۋ كەرەك
2014.03.21 16:16 كەلۋ قاينارى : ءتاڭىرتاۋ تورابى
اۆتونوميالى رايوننىڭ 2014 - جىلعى 1 - كەزەكتى ءىسلام ءدىنى وتانشىل ءدىني قايراتكەرلەر كۋرسى ءارى 12 - كەزەكتى ورتا جاس، جاس ءدىني قايراتكەرلەر كۋرسى 20 - ناۋرىزدا ساباق باستادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر ساباق باستاۋ سالتىندا مىنالاردى اتاپ كورسەتتى: قالىڭ وتانشىل ءدىني قايراتكەرلەر − پارتيا مەن ۇكىمەتتىڭ دىنگە سەنەتىن قاۋىممەن بايلانىس جاساۋىنىڭ ماڭىزدى دانەكەرى، دىنگە سەنەتىن قاۋىمدى قالىپتى ءدىني قيمىلدار وتكىزۋگە ۇيىمداستىرىپ جانە باستاپ، ەكونوميكالىق قۇرىلىسقا بەلسەنە ات سالىسىپ، وزدەرىنىڭ ەكونوميكالىق، قوعامدىق دامۋدى جەبەۋدەگى بەلسەندى رولىن ساۋلەلەندىرىپ، دىنگە سەنەتىن قالىڭ قاۋىمدى ءدىني قيمىلدارمەن زاڭ بويىنشا شۇعىلدانۋعا جەتەلەپ، ءدىن سالاسىنىڭ قوعامنىڭ ورنىقتىلىعىن، باياندى تىنىشتىقتى قورعاۋداعى بەلسەندى رولىن ايگىلەۋى كەرەك.
وتانشىل ءدىني قايراتكەرلەر كۋرسىن اشۋ − اۆتونوميالى رايوندىق پارتكوم مەن حالىق ۇكىمەتىنىڭ وتانشىل ءدىني قايراتكەرلەر قوسىنى قۇرىلىسىن كۇشەيتىپ، رايونىمىزدا ءدىن قىزمەتىن ىلگەرىلەتۋدەگى كەلەلى شارالارىنىڭ ءبىرى. بۇل كۋرس 2001 - جىلدان باستاپ اشىلعاننان بەرى، ءۇرتىس 13جىل جالعاستى. باۋلۋ - تاربيەلەۋدىڭ ارقاسىندا، قالىڭ وتانشىل ءدىني قايراتكەرلەر يدەيانى بىرلىككە كەلتىرىپ، تانىمدى جوعارىلاتىپ، مەملەكەت جونىندەگى ساناسىن، ازاماتتىق ساناسىن جانە زاڭ ساناسىن ونان ارى كۇشەيتتى، ۇلتتىق بولشەكتەۋشىلىككە قارسى تۇرۋ، ۇلتتار ىنتىماعىن، قوعام ورنىقتىلىعىن قورعاۋ مايدانىن بەكەمدەپ، قوعامنىڭ ورنىقتىلىعىن قورعاۋدا، ەكونوميكالىق، قوعامدىق دامۋدى جەبەۋدە بەلسەندى رول اتقاردى.
نۇر باكىر بىلاي دەدى: قالىڭ وتانشىل ءدىني قايراتكەرلەردىڭ دىنگە سەنەتىن قاۋىم اراسىندا بەلگىلى ىقپالى جانە بەدەلى بار، پارتيا مەن ۇكىمەت ءدىن سالاسىنا سەنىم ارتىپ، ءۇمىت كۇتىپ وتىر. ول مىنالاردى اتاپ كورسەتتى: ۇلتتىق بولشەكتەۋشىلىك − ءالى دە شينجياڭنىڭ قوعام ورنىقتىلىعىنا ىقپال كورسەتەتىن باستى قاتەر، تاياۋ جىلداردان بەرى، مەيلى باتىستاعى جۇڭگوعا قارسى كۇشتەر، مەيلى ىشكى - سىرتقى «ءۇش ءتۇرلى كۇش» بولسىن، دىننەن پايدالانىپ، رايونىمىزعا توپ بويىنشا جالبىزبالاپ كىرۋ جانە ءبۇلدىرۋ ارەكەتىن تولاسسىز زورايتۋدا، قالىڭ وتانشىل ءدىني قايراتكەرلەر بۇل جونىندە سەرگەك تانىمدا بولىپ، قاي - قاشان دا قىراعى بولۋى، مايداندا بەرىك تۇرۋى ءتيىس. كىمدە - كىمنىڭ وتانىمىزدى بولشەكتەۋىنە، قوعامدىق، ساياسي ورنىقتىلىقتى بۇلدىرۋىنە استە جول بەرىلمەيدى.
نۇر باكىر مىنالاردى تالاپ ەتتى: وتانشىل ءدىني قايراتكەرلەر جاۋاپكەرلىك سەزىمدى شىن مانىندە كۇشەيتىپ، ەرەكشە رولىن تولىق ساۋلەلەندىرىپ، ءدىن سالاسىنىڭ ورنىقتىلىعىن ساقتاپ، سول ارقىلى قوعام ورنىقتىلىعىن جەبەۋى؛ جاۋاپكەرلىكتى اناعۇرلىم ىرىقتىلىقپەن ارقالاپ، قوعام ورنىقتىلىعىن قورعاۋداعى بەلسەندى كۇشكە اينالۋى؛ دۇرىس پەن بۇرىستىڭ شەك - شەكاراسىن جەتە ايقىنداپ، ءدىني ۇشقارى يدەيانىڭ جالبىزبالاپ كىرۋىنە تيىم سالىپ، دىنگە سەنەتىن قاۋىمعا ۇگىت جۇرگىزەتىن تىرەكتى كۇشكە اينالۋى؛ ونەگەلىك رولىن بارىنشا ساۋلەلەندىرىپ، نەگىزگى ساتى ۇيىمدارىنا سەلبەسىپ، ءدىني ىستەردى باسقارۋداعى باستاماشى كۇشكە اينالۋى ءتيىس. ول قالىڭ وتانشىل ءدىني قايراتكەرلەردىڭ وڭاي - وسپاق قولعا كەلە بەرمەيتىن ۇيرەنۋ ورايىن قادىرلەپ، دەن قويا ۇيرەنىپ، وزدەرىنىڭ جالپىلىق ساپاسىن قۇلشىنا جوعارىلاتىپ، ساياسيدا تولىمدى، ءبىلىمى مول، قالىڭ قاۋىمدى ءمورالدىق قاسيەتىمەن يلاندىرا الاتىن، شەشۋشى ساتتەردە سىننان وتەتىن وتانشىل ءدىني قايراتكەرگە اينالۋىن ءۇمىت ەتتى.
نۇر باكىر ءار دارەجەلى پارتكومداردىڭ، ۇكىمەتتەردىڭ وتانشىل ءدىني قايراتكەرلەردى باۋلۋ قىزمەتىنە وسكەلەڭ ءمان بەرۋى، جەر - جەردىڭ بيىلعى باۋلۋ قىزمەتىن شىن مانىندە جاقسى ورنالاستىرۋى كەرەكتىگىن باسا دارىپتەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
