- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان كەريادا اپاتتان كەيىنگى قايتا قۇرۋ قىزمەتىن تەكسەردى
اپاتقا ۇشىراعان بۇقارانى جىل اياعىنا دەيىن جاڭا ۇيگە كوشىرۋدى باسا دارىپتەدى
2014.03.21 16:45 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 19 - ناۋرىز كۇنى قاپالاقتاپ جاۋعان قارعا قاراماستان كەريا اۋدانى اچچان اۋىلى پىشكا قىستاعىنا بارىپ، جەر سىلكىنىسى اپاتى بولعان ءوڭىردىڭ قۇرىلىس جاعدايىن تەكسەردى ءارى اپاتقا ۇشىراعان اۋىلداستارعا امانداسىپ، ولاردان حال سۇرادى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 19 - ناۋرىزدان 20 - ناۋرىزعا دەيىن حوتان ايماعىنىڭ كەريا اۋدانىندا بولىپ، «12 - اقپان» جەر سىلكىنىسىندە اپاتقا ۇشىراعان بۇقاراعا امانداستى جانە ولاردان حال سۇرادى، اپاتتان كەيىنگى قايتا قۇرۋ قىزمەتىنىڭ احۋالىن تەكسەردى. ول مىنانى باسا دارىپتەدى: اپاتقا ۇشىراعان قاۋىمدى لايىقتى جاقسى ورنالاستىرۋ، بارلىق جاقتىڭ كۇشىن توپتاپ، بەرەكە - بىرلىكتە بولىپ، ءوزارا كومەكتەسىپ، ءوز كۇشىنە سۇيەنىپ الۋەتتەنىپ، ءبىر تۇتاس جوسپارلاپ، اپاتتان كەيىنگى قايتا قۇرۋ قىزمەتىن ويداعىداي ىستەۋ، قايتا قۇرۋدىڭ ساپاسىنا شىنايى كەپىلدىك ەتۋ، اپاتقا ۇشىراعان بۇقارانىڭ وسى جىل ىشىندە جاڭا ۇيلەرگە كوشىپ كىرۋىنە كەپىلدىك ەتۋ، جەر سىلكىنىسى اپاتىنا قارسى اتتانىپ، اپاتتان قۇتقارۋ، اپاتتان كەيىنگى قايتا قۇرۋ قىزمەتى ارقىلى وڭ ەنەرگيانى ساۋلەلەندىرىپ، جۇرت تىلەگىن توعىستىرىپ، قوعامدىق نەگىزدى بارىنشا جاقسى قالاۋ كەرەك.
12 - اقپاندا كەريا اۋدانىندا 7.3 بال جەر سىلكىنگەننەن كەيىن، پارتيا ورتالىق كوميتەتى بۇعان وسكەلەڭ ءمان بەردى، باس شۋجي شي جينپيڭ، لي كىچياڭ زۇڭلي، ساياسي كەڭەستىڭ ءتوراعاسى يۇي جىڭشىڭ جەر سىلىكىنىسىنە قارسى اتتانىپ، اپاتتان قۇتقارۋ، اپاتتان كەيىنگى قايتا قۇرۋ جونىندە ماڭىزدى نۇسقاۋلار بەردى؛ اۆتونوميالى رايوندىق پارتكوم مەن ۇكىمەت تاباندا ورنالاستىرۋ جاسادى؛ اپات بولعان وڭىردەگى ايماقتىڭ، اۋداننىڭ باسشىلارى دەر كەزىندە اپات بولعان جەرگە بارىپ، قۇتقارۋ - كومەكتەسۋ قىزمەتىن ورىستەتتى، قۇتقارۋ - كومەكتەسۋ كۇشتەرى اپات بولعان وڭىرگە جەدەل جەتىپ، قۇتقارۋ - كومەكتەسۋ، ورنالاستىرۋ، قايتا قۇرۋ قىزمەتتەرىن تارتىپپەن ورىستەتتى. قازىر اپات بولعان ءوڭىردىڭ ءتارتىبى قالىپتى، اپاتقا ۇشىراعان جۇرتشىلىق لايىقتى ورنالاستىرىلدى، كيىم، تاماق، جاتىن ورىن، ەمدەلۋ سياقتىلار تۇگەل قامتاماسىز ەتىلىپ، قايتا قۇرۋ قىزمەتى جابال ورىستەتىلدى.
وسى جولعى كۇشتى جەر سىلكىنىسىندە 3 ايماقتىڭ 6 اۋدانى اپاتقا ۇشىرادى، 13 مىڭ 821 وتباسىنىڭ ءۇيى قۇلادى. اپات ەڭ اۋىر بولعان كەريا اۋدانىندا جيىنى 250 مىڭنان استام ادام اپاتقا تاپ بولدى، 30 مىڭعا جۋىق ادام حاۋىپسىز ورىندارعا شۇعىل كوشىرىلدى. كۇشتى سىلكىنىستە بەرتىنگى جىلدارى سالىنعان حالىقتى اۋقاتتاندىرۋ نىسانىنداعى بەيقۇت ۇيلەردەن بىردە - بىرەۋى بۇلىنگەن جوق، دەسەدە اۋدان بويىنشا 6000 بولمەدەن ارتىق كونە ءۇي قيرادى جانە اۋىر دارەجەدە ءبۇلىندى.
جاڭ چۇنشيان قاتارلىلار قارلى بوراندا اۆتوموبيلمەن 200 كيلومەتردەي جول باسىپ، اپات ەڭ اۋىر بولعان اچچان اۋىلىنا باردى.
پىشكا قىستاعىندا جاڭ چۇنشيان شاتىرعا كىرىپ، اپاتقا ۇشىراعان بۇقارانىڭ تۇرمىس احۋالىن ەگجەي - تەگجەيلى ۇعىستى. ۋاقىتشا تىگىلگەن ماقتالى شاتىردا قىستاق تۇرعىندارى ءوز ۇيلەرىنىڭ الما، شاپتول، جۇمىرتقا سياقتى دامدەرىن الىپ شىعىپ، جاڭ چۇنشيان شۋجيگە ءدام تاتقىزدى. كوپشىلىك: جەر سىلكىنگەننەن كەيىن، كادىرلار بىزگە ۇنەمى ازىق - تۇلىك اكەلىپ بەرىپ تۇردى، ءبىز مۇندا بولماساق تا، كادرلار شاتىرىمىزعا تاماق اكەپ قويىپ كەتىپ ءجۇردى، قازىر كيىم، تاماق، جاتىن ورىن سياقتىلاردان قام قىلمايمىز، - دەستى.
تاراعىز قىستاعىندا اپاتتان قۇتقارۋعا ارنالعان شاتىرلاردا كوپشىلىك جاپا - تارماعاي بىلاي دەدى: ءبىزدىڭ بۇل ارادا جەر سىلكىنگەننەن كەيىن، پارتيا ورتالىق كوميتەتى توتەنشە كوڭىل ءبولدى، باس شۋجي شي جينپيڭ 2 رەت نۇسقاۋ بەردى، كادرلار مۇنى بىزگە جەتكىزدى، ءبىز بۇعان قاتتى اسەرلەندىك، پارتياعا، ۇكىمەتكە راقىمەت. اپات بولعان جەردەگى ۇكىمەت ورىندارى دا بىزگە كوپ كومەك كورسەتتى، دەسەدە ءبىز ۇكىمەتكە بۇكىلدەي يەك سۇيەپ الساق بولماس، ءوزىمىز قۇلشىنىپ، اتا مەكەندى قايتا كوركەيتۋىمىز كەرەك.
قىستاق تۇرعىنى، 56 جاستاعى حايرۇلحان تەمىر جاڭ چۇنشياندى كورگەندە كوزىنە جاس الدى. مۇگەدەك قىزى ەكەۋى ءبىر - بىرىنە ارقا سۇيەيدى ەكەن، جەر سىلكىنگەننەن كەيىن، ونىڭ وتباسى تۇرمىسى قيىنداي ءتۇسىپتى. مۇنى بىلگەن جاڭ چۇنشيان جەرگىلىكتى كادرلارعا: ەرەكشە قيىنشىلىعى بار ۇيلەرگە ەرەكشە كومەك كورسەتۋ جانە قامقورلىق جاساۋ كەرەك، اپاتقا ۇشىراعان بۇقارانىڭ كيىمنەن، تاماقتان تارىقپاۋىنا، ەمدەلۋىنە، جاتىن ورنى بولۋىنا كەپىلدىك ەتۋ ءتيىس، قىستاقتار ارا دا، كورشى - قولاڭدار ارا دا ءبىر - بىرىنە قارايلاسىپ، اتا مەكەندى بىرگە قايتا قۇرۋى قاجەت، - دەپ قاداعالاي تاپسىردى.
19 - ناۋرىز كەشتە جاڭ چۇنشيان حوتان ايماعىنداعى، كەريا اۋدانىنداعى نەگىزگى جاۋاپتى جولداستارمەن اڭگىمە ءماجىلىس وتكىزىپ، اپاتتان كەيىنگى قايتا قۇرۋ قىزمەتىن ىشكەرىلەي اقىلداسىپ ورنالاستىردى.
جاڭ چۇنشيان بىلاي دەدى: اپاتتان كەيىنگى قايتا قۇرۋ قىزمەتىندە اۆتونوميالى رايوندىق پارتكومنىڭ ورنالاستىرۋى بويىنشا، جوبا - جوسپاردى تىڭعىلىقتى جاساۋ كەرەك. تۇيىندەردى كورنەكتىلەندىرىپ، ءبىر تۇتاس جوسپارلاپ، تەڭ ءمان بەرىپ، قيراعان ۇيلەردى قايتا سالۋ، ەرەكشە قيىنشىلىعى بار وتباسىلارىنا ەرەكشە قولداۋ كورسەتۋ ءتيىس. اپاتقا ۇشىراعان بۇقارانى جىل سوڭىنان ىلگەرى جاڭا ۇيلەرگە كوشىرۋ قاجەت. اپاتتان كەيىنگى قايتا قۇرۋ قىزمەتىن «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىمەن، 2 - توپتاعى بۇقارالىق لۋشيان تاربيەسى جانە امالياتتىق قيمىلمەن، حوتان ايماعىندا جۇرگىزىلىپ جاتقان 3 قيمىلمەن ۇشتاستىرۋ كەرەك. جەر سىلكىنىسى اپاتىنا قارسى اتتانىپ، اپاتتان قۇتقارۋ، اپاتتان كەيىنگى قايتا قۇرۋ قىزمەتى ارقىلى وڭ ەنەرگيانى ساۋلەلەندىرىپ، جۇرت تىلەگىن توعىستىرىپ، قوعامدىق نەگىزدى بارىنشا جاقسى قالاۋ ءتيىس. كەريا اۋدانىنداعى كەزىندە جاڭ چۇنشيان قىستاقتارعا ءتۇسىپ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ورىستەتىپ جاتقان قىزمەت گرۋپپاسىنداعىلارعا دا امانداسا باردى.
چاي شيانفۋ − پىشكا قىستاعىندا تۇراتىن قىزمەت گرۋپپاسىنىڭ باستىعى، ول توسەگىنىڭ باس جاعىنا «قۇلشىنعاندا عانا وزگەرتۋگە بولادى، قۇلشىنساق عانا وزگەرتە الامىز» دەگەن سوزدەردى جازىپ، ءىلىپ قويىپتى.
جاڭ چۇنشيان: جۇمىس تىندىرۋدا وسىنداي جىگەر بولۋ كەرەك، قىزمەت گرۋپپاسىنىڭ وسى ارادا تۇرلىشە قىزمەتتەردى جاقسى ىستەپ، قىستاق تۇرعىندارىنىڭ اپاتتان كەيىنگى قايتا قۇرۋ جۇمىسىنا كومەكتەسۋىن ءۇمىت ەتەمىن، - دەدى. كوكيار اۋىلىنىڭ بوستانتەرەك قىستاعىنا بارعاندا، جاڭ چۇنشيان اۆتونوميالى رايوندىق مەملەكەت مەنشىگىندەگى مال - مۇلىكتى باسقارۋ كوميتەتىنەن قىستاققا تۇسكەن قىزمەت گرۋپپاسىنداعىلارعا امانداستى. جاڭ چۇنشيان كوپشىلىكتىڭ بۇل ارانىڭ تۇرمىسىنا داعدىلانىپ قالعان - قالماعانىن، تۇندە سۋىق بولاتىن - بولمايتىنىن، جايشىلىقتا تاماق ماسەلەسىن قالاي شەشەتىندىكتەرىن سۇرادى ءارى ولاردىڭ قىزمەتتى قالاي ورىستەتىپ جاتقانىن دا ەگجەي - تەگجەيلى ۇعىستى.
كوپشىلىكپەن اڭگىمە بارىسىندا جاڭ چۇنشيان قىستاققا تۇسكەن كادرلارعا بىلاي دەدى: پارتيامىزدىڭ ءتۇبىرلى ماقساتى − حالىق ءۇشىن قىزمەت ىستەۋ، ەگەر ءبىز نەگىزگى ساتىداعى قاۋىممەن ارالاسپاساق، نەگىزگى ساتىنىڭ احۋالىن بىلمەسەك، بۇقارا اراسىنا بارماساق، ولاردىڭ ارمان - تىلەگىن بىلە المايمىز، وندا حالىق ءۇشىن قىزمەت ىستەۋ دەگەننەن مۇلدە اۋىز اشۋعا بولمايدى. اۆتونوميالى رايون 200 مىڭ ورگان - مەكەمە كادرىن نەگىزگى ساتىعا ءتۇسىرىپ، «حالىقتىڭ جاعىدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ورىستەتە باستادى، سىزدەر − اتويشىل قوسىنسىزدار، باستاما كورسەتۋشىسىزدەر، اۆتونوميالى رايون بۇل قيمىلدى جاقسى ورىستەتە الاتىندىعىنا كامىل سەنەدى، سەنىمنىڭ ءوزى كوپشىلىكتىڭ قىزمەتىنەن، اسقاق رۋحاني كۇيىنەن باستاۋ الادى، بۇل − بۇل رەتكى قيمىل جونىندەگى ەڭ جاقسى جارناما. كوپشىلىكتىڭ ءار ۇلت كادرلارىمەن، بۇقارامەن جاقىن - جاناشىرداي ىشتەسىپ، قىستاق تۇرعىندارىمەن توننىڭ ىشكى باۋىنداي ارالاسىپ، مۇمكىندىكتىڭ بارىنشا ولاردى ۋايىمنان ارىلتىپ، قيىنشىلىعىن شەشىپ، قىزمەتتەردى جاقسى ىستەپ، قيمىلدى شىن مانىندە ويداعىداي ورىستەتىپ، ونى «جارناماعا، ۇگىت قوسىنىنا، تۇقىم سەبكىشكە» شىنايى اينالدىرۋلارىڭىزدى ءۇمىت ەتەمىن.
اۆتونوميالى رايوننىڭ باسشىلارىنان باي جىجيە بىرگە تەكسەرىپ - زەرتتەۋ جۇرگىزدى. حوتان ايماعىندا تۇرىپ، قىزمەت ىستەپ جاتقان اۆتونوميالى رايوننىڭ باسشىسى كۇراش ماحمۇت تا تەكسەرىپ - زەرتتەۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
