- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىن اشتى
2016.06.30 14:54 كەلۋ قاينارى : ءتاڭىرتاۋ تورابى
اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى 26 - ماۋسىم تۇستەن بۇرىن شينجياڭ حالىق سارايىندا سالتاناتپەن اشىلدى. جينالىس پارتيامىز قۇرىلعان 95 جىلدان بەرگى شۇعىلالى بارىستى ەسكە ءتۇسىرىپ، پارتيانىڭ كەسەك تابىستارىن، ۇلى جەتىستىكتەرىن دارىپتەپ، ءارقايسى شايقاس شەپتەرىندە توپ جارىپ، توپتان وزعان، ۇلتتار ىنتىماعى، العاباسارلىعىنداعى وزات نەگىزگى ساتى پارتيا ۇيىمدارى مەن تاڭداۋلى پارتيا مۇشەلەرىن ماداقتاپ - سيلادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ 1 - شۋجيى، 1 - ساياسي كوميسسارى جاڭ چۇنشيان جينالىسقا قاتىناستى ءارى ماڭىزدى ءسوز سويلەپ، اۆتونوميالى رايوندىق پارتكوم اتىنان بۇكىل شينجياڭداعى كوممۋنيستىك پارتيا مۇشەلەرىنە مەرەكەلىك سالەم جولدادى! ماداقتالىپ - سيلانعان وزات نەگىزگى ساتى پارتيا ۇيىمدارى مەن تاڭداۋلى پارتيا مۇشەلەرىن ىقىلاستى تۇردە قۇتتىقتادى!
جينالىس تۇستەن بۇرىنعى ساعات 10 جارىمدا باستالدى. كوپشىلىك ورىندارىنان تۇرىپ، مەملەكەت گيمىنىن شىرقادى.
اۆتونوميالى رايوندىق پارتكوم ۇلتتار ىنتىماعى، العاباسارلىعىنا جەتەكشىلىك ەتەتىن وزات نەگىزگى ساتى پارتيا ۇيىمدارى مەن تاڭداۋلى پارتيا مۇشەلەرىن ماداقتاپ - سيلاۋ ءۇشىن جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ ورايىندا قۇلجا اۋدانى جاڭاتام قالاشىعىنىڭ جاڭاتام قىستاعى پارتيا ياچەيكاسى سياقتى 50 ورىنعا، گاۋ جۇن سياقتى 200 جولداسقا اۆتونوميالى رايوننىڭ ۇلتتار ىنتىماعى، العاباسارلىعى ىستەرىندەگى وزات نەگىزگى ساتى پارتيا ۇيىمى جانە تاڭداۋلى پارتيا مۇشەسى اتاعىن بەرۋدى ۇيعاردى.
جاڭ چۇنشيان قاتارلىلار ماداقتالىپ - سيلانعان وزات نەگىزگى ساتى پارتيا ۇيىمى مەن تاڭداۋلى پارتيا مۇشەسى ۋاكىلدەرىنە سيلىق تاراتتى. ماداقتالىپ - سيلانعان ورىندار مەن جەكەلەردىڭ ۋاكىلدەرى كەۋدەلەرىنە قىزىل گۇل تاعىپ، زەر باۋ اسىنىپ مىنبەگە شىعىپ سيلىق الدى.
جاڭ چۇنشيان جۇڭگو كوممۋنيستىك پارتياسىنىڭ 95 جىلدىق ايبىندى كۇرەس بارىسى مەن بۇكىل ەلىمىزدەگى ءار ۇلت حالقىن ىنتىماقتاستىرا باستاپ سان الۋان حاۋىپ - قاتەرلەر مەن قيىنشىلىقتاردى جەڭىپ، تار جول، تايعاق كەشۋلەردى باستان وتكەرىپ، توڭكەرىستىڭ، قۇرىلىستىڭ، رەفورمانىڭ ۇلى جەڭىستەرىنە تىنباي قول جەتكىزىپ، تورتكىل دۇنيەنىڭ تاڭدايىن قاقتىرارلىق «جۇڭگو مۇعجيزاسىن» جاراتقانىن، كۇللى الەمدى جالت قاراتارلىق جۇڭگو جولىن اشىپ، جۇڭحۋا ۇلتتارىنىڭ الەم حالىقتارىمەن بىرگە ەڭسە كوتەرۋىنە مۇمكىندىك جاساعان كەسەك تابىس، ۇلى جەتىستىكتەرىن ەسكە الدى. جاڭ چۇنشيان بىلاي دەدى: 95 جىلدىق تاريح جۇڭگو كوممۋنيستىك پارتياسىنىڭ اتى زاتىنا ساي ۇلى، داڭقتى، دۇرىس پارتيا ەكەنىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ باسشىلىق وزەگى ەكەنىن تالاسسىز دالەلدەدى. كوممۋنيستىك پارتيا بولماسا جاڭا جۇڭگو بولماق ەمەس، كوممۋنيستىك پارتيا بولماسا جۇڭگوشا سوتسياليزم دە بولماق ەمەس. جۇڭگو كوممۋنيستىك پارتياسىنىڭ باسشىلىعى تاريحتىڭ، حالىقتىڭ، ءداۋىردىڭ تالعامى. تەك جۇڭگو كوممۋنيستىك پارتياسىنىڭ باسشىلىعىندا بولعاندا عانا ۇلتتىڭ گۇلدەنۋىن جۇزەگە اسىرۋعا، مەملەكەتتى قۇدىرەتتەندىرۋگە، حالىقتى باي باقىتتى ومىرگە كەنەلتۋگە بولادى.
جاڭ چۇنشيان بىلاي دەدى: پارتيانىڭ 18 - قۇرىلتايىنان بەرى، دۇنيە ءجۇزى جاعدايىندا، پارتيا جاعدايىندا، مەملەكەت جاعدايىندا تۋىلعان تەرەڭ وزگەرىستەر الدىندا شي جينپيڭ جولداس باس شۋجي بولعان پارتيا ورتالىق كوميتەتى ءداۋىر دامۋىنىڭ نەگىزگى بەتالىسىن ءداپ باسىپ ءدال يگەرىپ، ءىس جۇزىندەگى دامۋدىڭ تىڭ تالاپتارىنا عىلمي جاۋاپ قايتارىپ، حالىق جۇرتشىلىعىنىڭ تىڭ ۇمىتىنە بەلسەنە سايكەسىپ، «بەستى ءبىر تۇلعاندىرۋ» تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن ايقىنداپ، ەل باسقارۋ، بيلىك جۇرگىزۋ جونىندەگى تىڭ تانىم، سونى يدەيا، جاڭا ستراتەگيالاردى العا قويىپ، ماركسيزمنىڭ جۇڭگولانۋىنىڭ تىڭ جاعدايىن اشىپ، جۇڭگوشا سوتسياليزمگە تاباندى بولۋ جانە ونى دامىتۋدىڭ جاڭا دەڭگەيىن جاراتتى. قىسقا عانا 3 جىلدان استام ۋاقىتتا رەفورمادا، دامۋدا، ورنىقتىلىقتا، ىشكى - سىرتقى ساياساتتا، مەملەكەت قورعانىسىندا، پارتيانى، مەملەكەتتى، ارميانى جونگە سالۋدا تۇگەلدەي وراسان زور تابىستارعا قول جەتتى. پارتيانىڭ، مەملەكەتتىڭ، ارميانىڭ بەت - بەينەسى شىت جاڭا تۇسكە ەنىپ، پارتيا مەن مەملەكەت ىستەرى دامۋىنىڭ شىت جاڭا جاعدايى اشىلدى. ءبىز قازىر جۇڭحۋا ۇلتىنىڭ ۇلى گۇلدەنۋى سىندى نىساناعا تاريحتاعى ءارقانداي كەزدەگىدەن دە جاقىنداي تۇستىك، وسى نىسانانى جۇزەگە اسىرۋ سەنىمىمىز تاريحتاعى ءارقانداي كەزدەگىدەن دە بەكەم، وسى نىسانانى جۇزەگە اسىرۋداعى قابىلەت - قارىمىمىز تاريحتاعى ءارقانداي كەزدەگىدەن دە مىعىم.جاڭ چۇنشيان بىلاي دەپ اتاپ كورسەتتى: شينجياڭ − ۇلى وتانىمىزدىڭ ىرىستى ولكەسى. پارتيامىز شينجياڭ قىزمەتىنە ەجەلدەن بەرى ايرىقشا ءمان بەرىپ كەلەدى. 20 - عاسىردىڭ 30 - جىلدارىنىڭ وزىندە پارتيا ورتالىق كوميتەتى چىن يۇن، تىڭ داييۇن، دىڭ فا، چىن تانچيۋ، ماۋ زىمين قاتارلى تالايلاعان تاڭداۋلى كوممۋنيستەردى شينجياڭعا ماركسيزم - لەنينيزمدى تاراتۋعا تاڭداپ جىبەرىپ، ءار ۇلت حالقىنىڭ كوكەيىندە توڭكەرىستىڭ ۇشقىنىن لاۋلاتقان بولاتىن. جۇڭگو كوممۋنيستىك پارتياسىنىڭ باسشىلىعىندا 1949 - جىلى قىركۇيەكتە شينجياڭ بەيبىت جولمەن ازات بولىپ، شينجياڭ تاريحىنىڭ جاڭا ءداۋىرى كەلىپ جەتتى. 1959 - جىلى 1 - قازاندا شينجياڭ ۇيعۇر اۆتونوميالى رايونى قۇرىلىپ، شينجياڭ دامۋىنىڭ تىڭ پاراعى اشىلدى. كۇنى كەشەگى التى باقان الاۋىز، كەدەيلىكپەن شىرمالعان كونە شينجياڭ وسىدان باستاپ سوتسياليزم جولىنا ءتۇسىپ، قوعامدىق وزگەرىس پەن تاريحي العا باسۋدا وراسان زور ىلگەرىلەۋشىلىكتى جۇزەگە اسىردى. رەفورما جاساپ، ەسىك اشقان 30 نەشە جىلدان بەرى شينجياڭنىڭ ءتۇرلى ىستەرى جاپپاي دامىپ، ءار ۇلت حالقى ىشەر اس پەن كيەر كيىمگە جارىماعان كەزەڭدى ارتقا تاستاپ، جاپپاي دوڭگەلەك داۋلەتتى قوعامعا قاراي ارشىندى قادام تاستادى. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، وتە - موتە، پارتيانىڭ 18 - قۇرىلتايىنان بەرى شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە توتەنشە ءمان بەرىپ، ايرىقشا قولداۋ كورسەتتى. باس شۋجي شي جينپيڭ شينجياڭعا تىكە ءوزى كەلىپ تەكسەرۋ جۇرگىزىپ، قىزمەتتەرگە جەتەكشىلىك ىستەدى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن ارنايى اشىپ، قاتىستى حۇجاتتاردى العا قويىپ، شينجياڭ قىزمەتى جونىندە تالاي رەت ماڭىزدى نۇسقاۋ بەردى. وسى ارقىلى پارتيانىڭ شينجياڭدى جونگە سالۋ تاكتيكاسىنىڭ مازمۇنىن بايىتتى، دامىتتى، دەڭگەيىن كوتەردى. وسىلايشا جاڭا جاعدايداعى شينجياڭ قىزمەتىن تىڭعىلىقتى جاقسى ىستەۋدىڭ العا باسۋ باعىتىن ايقىنداپ، ماڭىزدى نەگىزگى سورابىن جۇلگەلەپ بەردى.
جاڭ چۇنشيان مىنانى اتاپ كورسەتتى: پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم «پارتيا ورتالىق كوميتەتىنىڭ تالابى − ءبىزدىڭ مىندەتىمىز» دەگەننەن جازباي، بۇكىل شينجياڭداعى ءار ۇلت كادرلارى مەن بۇقاراسىن ىنتىماقتاسا كۇرەسۋگە، ۇدەرە العا تارتۋعا جەتەكشىلىك ەتتى، تيانشاننىڭ تۇستىگى مەن تەرىستىگىندە جويقىن وزگەرىستەر جارىققا شىعارىپ، ەكونوميكانىڭ دامۋىندا جاڭا جەتىستىكتەر قولعا كەلىپ، حالىق تۇرمىسىن قامتاماسىز ەتۋ مەن جاقسارتۋ جاعىندا تىڭ ورەگە كوتەرىلىپ، رەفورما جاساۋ، ەسىك اشۋ جاعىندا تىڭ قامال الىپ، ۇلت، ءدىن ىستەرى قىزمەتىندە جاڭا قادام باسىپ، قوعام ورنىقتىلىعىن قورعاۋ قابىلەتى تىڭ دەڭگەيگە جوعارىلاپ، پارتيانى جاپپاي قاتاڭ باسقارۋ جاعىندا سونى ىلگەرىلەۋشىلىكتەرگە قول جەتكىزىپ، شينجياڭ ەكونوميكالىق، قوعامدىق دامۋى ەڭ جاقسى، ەڭ تەز، ءار ۇلت بۇقاراسى ەڭ كوپ يگىلىككە كەنەلگەن مەزگىلگە ءوتتى. شينجياڭنىڭ توڭكەرىس، قۇرىلىس، رەفورما جاقتارىنداعى ءاربىر جەتىستىگى مەن ىلگەرىلەۋشىلىگى تۇگەلدەي پارتيا ورتالىق كوميتەتىنىڭ مىعىم باسشىلىعىندا قولعا كەلگەن، ول بۇكىل شينجياڭداعى ءار دارەجەلى پارتيا باسشىلىق ۇيىمدارىنىڭ جالپى پارتيا مۇشەلەرىن، كادرلاردى جانە بۇقارانى ىنتىماقتاستىرا كۇرەسۋگە جەتەكشىلىك ەتۋىنىڭ جەمىسى. تاريحي اماليات: شينجياڭنىڭ تەك جۇڭگو كوممۋنيستىك پارتياسىنىڭ باسشىلىعىندا، وتان سىندى ۇلى شاڭىراقتىڭ استىندا جۇڭگوشا سوتسياليزم جولىنان اۋىتقىماي جۇرگەندە عانا بۇگىنگىدەي گۇلدەنىپ - كوركەيگەن تابىسى مەن ءتىپتى دە نۇرلى بولاشاعى بولاتىنىن دالەلدەدى.
جاڭ چۇنشيان مىنانى باسا دارىپتەدى: شينجياڭنىڭ دامۋ تاريحىنا قايىرىلا قارار بولساق، مىنالاردى تەرەڭ سەزىنە الامىز: شينجياڭ قىزمەتىن جاقسى ىستەۋ ءۇشىن، ءسوز جوق، ساياسيدا تاباندى بولۋىمىز، ساياسيدى دارىپتەۋدى باستى تالاپ ەتىپ، «ءتورت تانىمدى» شىنايى كۇشەيتىپ، ساياسي ءتارتىپ پەن ساياسي قاعيدانى قاتايتىپ، شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى باتىل ساقتاپ، ورتالىقتىڭ شەشىم، ورنالاستىرۋىن باتىل دايەكتى اتقارىپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن باتىل قورعاۋىمىز كەرەك. جاڭارتۋعا، وزگەرىس ەنگىزۋگە، ءسوز جوق، تاباندى بولىپ، تۇلعالىق رولدى تولىق ساۋلەلەندىرىپ، جاۋاپكەرلىكتى باتىلدىقپەن ارقالاپ، رەفورما جاساپ، جاڭالىق اشىپ، الدىمەن اتقارىپ، الدىمەن سىناپ، جونگە سالۋ قابىلەتى مەن جونگە سالۋ دەڭگەيىن ۇزبەي جوعارىلاتۋ كەرەك. مادەنيەتپەن جەتەكشىلىك ەتۋدەن جازباي، پارىقتارعا قۇرمەت ەتىپ، كەڭ قولتىق باۋىرمال بولىپ، ءبىر - ءبىرىنىڭ ارتىقشىلىقتارىن كورە ءبىلىپ، ۇلتتار ارا ارالاسۋ، ىشتەسۋ، توعىسۋدى كۇشەيتىپ، ءار ۇلت بۇقاراسىن وسى زامانعى وركەنيەتتى تۇرمىسقا تالپىنۋعا جەتەكتەپ، ءدىندى سوتسياليستىك قوعاممەن ءوزارا سايكەسۋگە بەلسەنە جەتەلەۋ كەرەك. زاڭمەن جونگە سالۋ تارتىبىنە، ءسوز جوق، تاباندى بولىپ، شينجياڭدى زاڭمەن جونگە سالۋدى نەگىزگى تاكتيكا ەتىپ، زورلىقتى كۇشكە قارسى تۇرىپ، زاڭمەن جونگە سالۋدى، ءتارتىپتى دارىپتەپ، «ءۇش ءتۇرلى كۇشكە» زاڭ بويىنشا سوققى بەرىپ، زاڭنىڭ بەدەلى مەن ابىرويىن باتىل قورعاپ، شينجياڭدى زاڭمەن جونگە سالۋدى شينجياڭدى ءمورال ارقىلى جونگە سالۋمەن ءوزارا ۇشتاستىرۋدان جازباي، قوعامدى ءتارتىپتى اينالىم جاساۋ ارناسىنا ءتۇسىرۋ كەرەك. ءسوز جوق، حالىق تۇرمىسىن الدىمەن ويلاستىرۋدان جازباي، حالىق تىلەگىنە قول جەتكىزۋ مەن حالىق تىلەگىن ۇيىستىرۋدى ماقسات ەتىپ، حالىق تۇرمىسىمەن بىتە قايناسا وتىرىپ، قارىشتاپ دامۋدى ىلگەرىلەتىپ، دامۋدى حالىق تۇرمىسىن جاقسارتۋدا، جەرگىلىكتى ورىنعا يگىلىك جەتكىزۋدە، ىنتىماقتى نىعايتۋدا تياناقتاندىرىپ، ءار ۇلت بۇقاراسىن رەفورما، دامۋ جەتىستىكتەرىنەن يگىلىكتەندىرۋ كەرەك. ءسوز جوق، ەكولوگياسى تاماشا ءوڭىر قۇرۋدان جازباي، ەكولوگيالىق قۇرىلىستى شينجياڭنىڭ تابان تىرەپ تۇرۋىنداعى ۇلى ءىس رەتىندە يگەرىپ، بايلىقتى باياندى اشۋ، ەكولوگيالىق ورتانى باياندى قورعاۋ جولىمەن ءجۇرىپ، تازا شينجياڭ قۇرۋ كەرەك. نەگىزگى ساتىنى ماڭىزدى ساناۋعا، نەگىزگى ساتىعا ءمان بەرۋگە، نەگىزگى ساتىنى كۇشەيتۋگە، نەگىزگى ساتىعا قىزمەت كورسەتۋگە، ءسوز جوق، تاباندى بولىپ، «ەكىدەن اۋىتقىماۋدى» تياناقتاندىرىپ، نەگىزگى ساتى پارتيا ۇيىمدارىنىڭ ۇيىستىرۋ قۋاتى مەن جاۋىنگەرلىك قۋاتىن ۇزبەي ارتتىرۋ كەرەك.
جاڭ چۇنشيان مىنانى اتاپ كورسەتتى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىن الادى. شينجياڭ قىزمەتىن ويداعىداي ىستەۋ مەملەكەتتىڭ رەفورما، دامۋ، ورنىقتىلىق جالپى جاعدايىنا، وتاننىڭ تۇتاستىعىنا، ۇلتتار ىنتىماعىنا، مەملەكەتتىڭ حاۋىپسىزدىگىنە، «قوس 100 جىلدىق» كۇرەس نىساناسىنا جانە جۇڭحۋا ۇلتىنىڭ ۇلى كوركەيۋىنە سايادى. كەزەكتە شينجياڭ جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە قادام قويدى، شينجياڭ قوعامىنىڭ ورنىقتىلىعى مەن باياندى تىنىشتىعىن ىسكە اسىرۋ مىندەتى اسا جاپالى. ءبىز، ءسوز جوق، مىندەتتەرگە سايكەس جاۋاپكەرلىك پەن بورىشتى ارقالاپ، جاۋاپكەرلىك تانىمىن، كوكەي تەستىلىك تانىمىن، بورىشتىلىق تانىمىن ونان ارى كۇشەيتىپ، تاسقىنداعان رۋحاني بەينەنى باستان - اياق ساقتاپ، قىزمەتتەردى كۇش سالا جاقسى ىستەپ، شينجياڭنىڭ ىستەرىن ۇزبەي العا باستىرۋىمىز كەرەك.ءبىرىنشى، قوعام ورنىقتىلىعى مەن باياندى تىنىشتىق دەگەن كوزدەۋ نۇكتەسى مەن كۇش سالۋ نۇكتەسىن مىقتاپ يگەرۋ كەرەك. بارلىق قىزمەتتە ءار ۇلت بۇقاراسىنا سەنىم ارتۋ، ارقا سۇيەۋ جانە قىزمەت ەتۋ، ءار ۇلت بۇقاراسىن «ءۇش ءتۇرلى كۇشپەن» باتىل كۇرەس جۇرگىزۋگە جۇمىلدىرۋ جانە باستاۋ، باسىم كوپشىلىك بۇقارانى نەعۇرلىم اۋقىمدى تۇردە ىنتىماقتاستىرىپ جانە ولارعا سۇيەنىپ، ات توبەلىندەي جاۋلاردى مەيلىنشە وقشاۋلاۋ جانە ولارعا سوققى بەرۋ قاجەت. سوققى بەرۋدى دە، تاربيەلەۋ مەن يكەمدەۋدى دە قاتاڭ يگەرۋگە تاباندى بولىپ، قاتاڭ سوققى بەرۋدىڭ تەگەۋرىندى كۇيىنەن جازباي، «ۇشقارىلىقتى الاستاۋدى» ءتۇيىن ەتىپ، ارنايى كۇشتەردى، تەحنولوگيالىق تاسىلدەردى جانە حالىقتىق سوعىستى ۇشتاستىرۋعا تاباندى بولىپ، «ءۇش قوسىننىڭ» رولىن تولىق ساۋلەلەندىرۋ كەرەك.
ەكىنشى، دامۋدى بارلىق ماسەلەنى شەشۋدىڭ نەگىزگى مەن تەتىگى ەتۋگە تاباندى بولۋ كەرەك. جاڭالىق اشۋ، سايكەستى، جاسىل، اشىق، بىرگە يگىلىككە كەنەلەتىن دامۋ دەگەن جاڭا يدەياعا تاباندى بولىپ، «بەستەندىرۋ» قادامىن جەدەل، قاتار ىلگەرىلەتىپ، ەكونوميكالىق دامۋدىڭ جاڭا قالىبىنا ىرىقتى تۇردە ۇيلەسىپ جانە جەتەكشىلىك ەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، وندىرىستىك قۋاتتى كەمەيتۋ، تاۋاردىڭ قوسالقى قورىن ازايتۋ، قارجى تەتىكتەرىنىڭ قولدانىلۋىن باسەڭدەتۋ، وزىندىك قۇندى تومەندەتۋ، ولقىلىقتاردى تولىقتىرۋ جۇمىستارىن كورنەكتى تۇردە جاقسى يگەرىپ، حالىق تۇرمىسىن قامتاماسىز ەتۋ مەن جاقسارتۋدى بارلىق قىزمەتتىڭ تياناعى مەن نىساناسى ەتىپ، «قورشاعان ورتانى قورعاۋعا باسىم باعىت بەرۋ، ەكولوگيالىق رايون قۇرۋ» يدەياسىن بەرىك ورناتىپ، «بايلىقتى باياندى اشۋعا، ەكولوگيالىق ورتانى باياندى قورعاۋعا» تاباندى بولىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەدەلدەتىپ، كەدەيلەردى دالمە - ءدال سۇيەمەلدەۋ مەن كەدەيلىكتەن دالمە - ءدال قۇتىلدىرۋدىڭ نەگىزگى ستراتەگياسىنا تاباندى بولىپ، دامۋ تۇيتكىلدەرىن رەفورما رۋحى، رەفورما ويى جانە رەفورما ءادىسى ارقىلى شەشىپ، جۇڭگولىق ەرەكشەلىككە، شينجياڭدىق وزگەشەلىككە يە عىلمي دامۋ جولىمەن ءجۇرۋ كەرەك.
ءۇشىنشى، وسى زامانعى مادەنيەتتى جەتەكشى ەتۋگە تاباندى بولۋ كەرەك. ايىرماشىلىقتاردى قۇرمەتتەۋگە، الۋان تۇرلىلىككە كەڭ پەيىلدى بولىپ، ءبىرىن - ءبىرىن قادىرلەۋگە تاباندى بولىپ، ءبىر تۇلعالى، كوپ نەگىزدى، توعىسپالى، اشىق، شينجياڭ ەرەكشەلىگىنە يە وسى زامانعى مادەنيەتتى بار كۇشپەن دامىتىپ، عىلىمدى ۇلىقتاپ، اقيقاتتى سۇيەتىن، سوقىر سەنىمگە قارسى تۇرىپ، ۇشقارىلىقتان اۋلاق بولاتىن تاماشا جاعداي قالىپتاستىرۋ كەرەك. مەملەكەت تانىمىن، ازاماتتىق تانىمدى، زاڭ تانىمىن، زامان تانىمىن نىعايتىپ، شينجياڭ رۋحىن اسقاقتاتىپ، ءار ۇلت بۇقاراسىن جۇڭحۋا ۇلتىنىڭ ورتاق قاۋىمداستىعى ساناسىن ورناتۋعا جەتەكتەپ، «بەس تانىمدى» كۇشەيتۋ كەرەك. مادەنيەت ءتۇزىلىسىن تەرەڭ رەفورمالاپ جانە جاڭالاپ، مادەنيەت شارۋاشىلىعىنىڭ جاڭا فورماتسيالارىن جەتىلدىرىپ، مادەنيەتتىڭ «ادام تاربيەسى» رەتىندەگى ماڭىزدى رولىن تولىق ساۋلەلەندىرۋ كەرەك.
ءتورتىنشى، ۇلتتار ىنتىماعى مەن دىندەر جاراسىمدىلىعىن تاباندى تۇردە كۇشەيتۋ كەرەك. ۇلت، ءدىن ماسەلەسىن شەشۋدىڭ جۇڭگوشا ەرەكشەلىگىنە يە دۇرىس جولىنان جازباي، ۇلتتاردىڭ تەڭدىگىنە تاباندى بولىپ، ۇلتتىق تەرريتوريالىق اۆتونومياعا تاباندى بولىپ جانە ونى كەمەلدەندىرىپ، ۇلتتار ىنتىماعى، العاباسارلىعى بويىنشا وزات ورىن قۇرۋ قيمىلىن ىشكەرىلەي ورىستەتىپ، «ۇلتتار ىنتىماعى، العاباسارلىعى جىلىنداعى» 27 ماڭىزدى شارانى ويداعىداي تياناقتاندىرىپ، ۇلتتار ىنتىماعى يدەياسىن قوعامنىڭ ءاربىر كلەتكاسىنا ءسىڭىرۋ كەرەك. جۇڭگوشا ەرەكشەلىككە يە سوتسياليزمنىڭ ءدىن نازارياسىنا، پارتيانىڭ ءدىن قىزمەتىنىڭ نەگىزگى باعىتىنا، «زاڭدىنى قورعاۋ، زاڭسىزدى تيۋ، ۇشقارىلىقتى توسۋ، كەۋلەپ كىرۋدەن ساقتانۋ، قىلمىسقا سوققى بەرۋ» نەگىزگى پرينسيبىنە تاباندى بولىپ، «ۇشقارىلىقتى الاستاۋدى» كورنەكتى مىندەت ەتۋدەن جازباي، وتانشىل ءدىني قايراتكەرلەردىڭ رولىن ساۋلەلەندىرۋگە باسا ءمان بەرىپ، «ءتورت شارانى قاتار قولدانىپ»، «بەس كىلتتى» ۇتىمدى پايدالانىپ، ۇلتتار ىنتىماعى مەن دىندەر جاراسىمدىلىعى قىزمەتتەرىن تىڭعىلىقتى تۇردە جاقسى ىستەۋ كەرەك.
بەسىنشى، شينجياڭدى زاڭمەن جونگە سالۋدى جاپپاي ىلگەرىلەتۋ كەرەك. شينجياڭدى زاڭمەن جونگە سالۋدى نەگىزگى ستراتەگيا ەتىپ، جۇڭگولىق ەرەكشەلىككە يە سوتسياليزم جولىنان اۋىتقىماي، قوعام ورنىقتىلىعى مەن باياندى تىنىشتىقتىڭ باستى نىساناسىن ارقاۋ ەتىپ، شينجياڭدى زاڭمەن جونگە سالۋ مەن مورالمەن جونگە سالۋدى ۇشتاستىرۋعا تاباندى بولىپ، شينجياڭدى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ كەرەك. «بىرگە قارسى تۇرىپ، ەكىنى دارىپتەۋگە» تاباندى بولىپ، «ءۇش ءتۇرلى كۇشكە» زاڭ بويىنشا سوققى بەرۋ مەن تاماشا زاڭمەن جونگە سالۋ ورتاسىن قالىپتاستىرۋدى كورنەكتىلەندىرۋ كەرەك. زاڭ تۋرالى ۇگىت - ءناسيحاتتى كەڭ كولەمدى، ىشكەرىلەي ورىستەتىپ، بۇكىل قوعامنىڭ زاڭ بويىنشا ءىس جۇرگىزەتىن ويلاۋ ۇلگىسى مەن ارەكەت نورماسىن جەتىلدىرۋىن ىلگەرىلەتۋ كەرەك. پارتيالى باسشى كادرلار «شەشۋشى ازشىلىق» رەتىندە زاڭدى ۇلىقتاۋ، زاڭدى ۇيرەنۋ، زاڭعا بويسۇنۋ، زاڭدى قولدانۋدىڭ ۇلگىسىن كورسەتۋى كەرەك.
التىنشى، پارتيانى پارتيا باسقارۋعا، پارتيانى قاتاڭ باسقارۋعا تاباندى بولىپ، شينجياڭ ەرەكشەلىگىنە يە جاقسى كادرلار قوسىنىنىڭ قۇرىلىسىن بارىنشا كۇشەيتۋ كەرەك. پارتيانىڭ يدەيا، ۇيىم، ستيل، ءتۇزىم جانە جەمقورلىققا قارسى تۇرىپ، پاكتىكتى دارىپتەۋ قۇرىلىستارىن رەفورما جاساۋ، جاڭالىق اشۋ رۋحىمەن جاپپاي كۇشەيتىپ، باس شۋجي شي جينپيڭنىڭ ماڭىزدى سوزدەرىمەن وي - سانانى قاناعاتتاندىرۋعا تاباندى بولىپ، ساياسي تانىمدى، جالپى جاعداي تانىمىن، ۇيتقىلىق تانىمدى جانە ساپ تۇزەۋ تانىمىن ۇزدىكسىز كۇشەيتىپ، سانالى تۇردە پارتيا ورتالىق كوميتەتىنە، پارتيانىڭ نازارياسى مەن لۋشيان، باعىت، ساياساتتارىنا قاراپ ساپ تۇزەپ، پارتيا ورتالىق كوميتەتىنىڭ مارتەبەسىن باتىل قورعاپ، شي جينپيڭ جولداس باس شۋجي بولعان پارتيا ورتالىق كوميتەتىمەن يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاۋ كەرەك. پارتيانىڭ ءتارتىبى مەن قاعيدالارىنا قاتاڭ بويسۇنىپ، نەگىزگى ساتىعا ءمان بەرۋگە، نەگىزگى ساتىنى كۇشەيتۋگە، نەگىزگى ساتىعا قىزمەت ەتۋگە تاباندى بولىپ، «ۇعىسۋ، تيىمدىلىك جاساۋ، توعىستىرۋ» قيمىلىن ونان سايىن تەرەڭدەتىپ، «ۇشتە قاتاڭ، ۇشتە شىنايى بولۋ» تالابى بويىنشا، شينجياڭ ەرەكشەلىگىنە يە جاقسى كادرلار قوسىنىنىڭ قۇرىلىسىن بارىنشا كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا قۇدىرەتتى كۇش توپتاۋ كەرەك. جاڭ چۇنشيان مىنانى باسا دارىپتەدى: پارتيا قۇرىلعانىنىڭ 95 جىلدىعى قارساڭىندا، «ەكىنى ۇيرەنۋ، ءبىر بولۋ» ۇيرەنۋ - تاربيەسىن ورىستەتۋدىڭ ايرىقشا ماڭىزدى ءمانى بار، ءار دارەجەلى پارتيا ۇيىمدارى مەن بارلىق پارتيا مۇشەسى ۇيرەنۋدى نەگىز، قولدانۋدى تەتىك ەتۋگە تاباندى بولىپ، ماسەلەگە سايكەس ۇيرەنىپ، ماسەلەگە باعىتتاي تۇزەتۋى، باسشىلار باس بولىپ، جوعارعى تومەنگىگە ۇلگى كورسەتىپ، پارتيا مۇشەلەرىنىڭ اۆانگاردتىق - ونەگەلىك وبرازىن ورناتىپ، پارتيانىڭ العاباسارلىعى مەن كىرشىكسىزدىگىن ماڭگى ساقتاۋ كەرەك.
جاڭ چۇنشيان مىنانى اتاپ كورسەتتى: وسى رەت ماداقتالعان ۇلتتار ىنتىماعى، العاباسارلىعىنداعى وزات نەگىزگى ساتى پارتيا ۇيىمدارى مەن تاڭداۋلى پارتيا مۇشەلەرى − بۇكىل شينجياڭداعى ءار دارەجەلى پارتيا ۇيىمدارى مەن پارتيا مۇشەلەرىنىڭ كورنەكتى ۋاكىلدەرى. ولاردىڭ ىزگى ىستەرى مەن ۇلگىلى ارەكەتتەرى جاڭا داۋىردەگى نەگىزگى ساتى پارتيا ۇيىمدارىنىڭ ۇيىمداستىرۋشىلىق جانە جاۋىنگەرلىك قابىلەتتەرىن، جاڭا داۋىردەگى كوممۋنيستەردىڭ رۋحاني بەينەسى مەن زاماناۋي كەلبەتىن تولىق ايگىلەدى. بۇكىل شينجياڭداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى وزاتتاردى ونەگە ەتىپ، ولاردىڭ ۇلگىلى ىستەرى مەن وسكەلەڭ رۋحىنان بارىنشا ۇيرەنىپ جانە ونى ساۋلەلەندىرىپ، ءوز جۇمىسىن تياناق ەتىپ، ءار قادامدى نىق باسىپ، شينجياڭدى گۇلدەندىرىپ، شينجياڭعا ۇلەس قوسىپ، ناقتى ارەكەتىمەن پارتيا تۋىن نۇرلاندىرا ءتۇسۋى كەرەك.
جينالىستى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باسقاردى.
اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن ماداقتاۋ - سيلاۋ قارارىن وقىدى.
كوكتوعاي اۋدانى كوكتوعاي قالاشىعى پارتكومىنىڭ شۋجيى سۇڭ حۇڭگاڭ، قۇمىل قالاسى شەكارا قورعانىس تارماق اترەتى اراتۇرىك اۋدانى ۇلكەن اترەتى باي شەكارا قورعانىس بولىمشەسى پارتيا ياچەيكاسىنىڭ شۋجيى ديڭ بيڭرىن جانە ءۇرىمجى قالاسى ميدۇڭ رايونى گۋمۋدي شىعىس جولى اۋماعى باسقارۋ كوميتەتىنىڭ ورىنباسار مەڭگەرۋشىسى ارزىگۇل ياسىن، مەكىت اۋدانى قۇنقۇسار اۋىلى تومەنگى قادىلىق قىستاعى پارتيا ياچەيكاسىنىڭ شۋجيى حۋاڭ يىڭجيە وزات نەگىزگى ساتى پارتيا ۇيىمدارى مەن تاڭداۋلى كوممۋنيستەر اتىنان سوزگە شىقتى.
جينالىس ينتەرناتسيونال انىمەن جابىلدى.
نايىم ياسىن، نۇرلان ءابىلماجىن ۇلى، چى جۇن، سۇن جينلۇڭ، جۋ حايلۇن، حۋاڭ ۋي، شاۋكەت يمىن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، پىڭ جيارۇي جانە اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ باسشىلىق القاسىنىڭ مۇشەلەرى، شينجياڭ اسكەري رايونى مەن بيڭتۋاننىڭ باسشىلارى؛ اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ باسشىلارى؛ اۆتونوميالى رايوندىق پارتكومنىڭ ءبولىم، كوميتەتتەرىنىڭ، اۆتونوميالى رايوننىڭ ءبولىم، كوميتەت، كەڭسە، مەڭگەرمە، مەكەمەلەرىنىڭ، حالىقتىق توپتاردىڭ، جوعارى مەكتەپتەردىڭ، اۆتونوميالى رايونعا توتە قاراستى ءىرى، ورتا كاسىپورىنداردىڭ، ورتالىقتىڭ شينجياڭدا تۇراتىن ورىندارىنىڭ جاۋاپتىلارى؛ ءار ۇلت، ءار سالا كادر - جۇرتشىلىعىنىڭ ۋاكىلدەرى جانە ماداقتالىپ - سيلانعان كوللەكتيۆتەر مەن جەكە ادامدار جينالىسقا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
