- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇدەرە العا تارتىپ، اتويلاپ الدا جۇرەيىك
2016.06.30 14:59 كەلۋ قاينارى : شينجياڭ گازەتى
− جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قىزۋ قۇتتىقتايمىز
شىلىڭگىر شىلدەمەن بىرگە، جۇڭگو كوممۋنيستىك پارتياسى قۇرىلعاندىعىنىڭ 95 جىلدىق مەرەي تويى قاتار كەلدى.
اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا، تۇتاس شينجياڭداعى ءار سالادان، ءار شەپتەن شىققان ۇلتتار ىنتىماعى، العاباسارلىعىنداعى وزات نەگىزگى ساتى پارتيا ۇيىمدارى مەن تاڭداۋلى پارتيا مۇشەلەرى سالتاناتپەن سيلاندى. ولار ءىس جۇزىندىك ارەكەتتەرى ارقىلى جاڭا زامانداعى نەگىزگى ساتى پارتيا ۇيىمدارىنىڭ ۇيىسۋ قۋاتى مەن جاۋىنگەرلىك قۋاتىن، سونداي - اق كوممۋنيستەردىڭ رۋحاني بەينەسى مەن ءداۋىر ەرەكشەلىگىن ايگىلەپ، ءار ۇلت بۇقاراسىنىڭ شىن جۇرەكتەن القاۋىنا، قۇرمەتتەۋىنە جانە قولداۋىنا يە بولدى. ولاردىڭ ىزگى ىستەرىنەن، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ جاۋىنگەر قامالىندىق رولى مەن العاباسار ۇلگىلىك رولىن تولىق ساۋلەلەندىرگەندە عانا، حالىق بۇقاراسىنىڭ قۇدىرەتتى كۇشىن ۇيىستىرىپ، ۇلتتىڭ كوركەيۋىندەگى قۇدىرەتتى باسشىلىق ۇيتقىلىق تاريحي بورىشتى ارقالاۋعا، ورىنداۋعا بولاتىندىعىن تەرەڭ ۇعىنۋعا بولادى.
شينجياڭ قىزمەتى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ستراتەگيالىق ورىن يەلەيدى. پارتيا 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىن پارتيا مەن مەملەكەت قىزمەتى جالپى جاعدايىندا ماڭىزدى ورىنعا قويىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن اشىپ، شينجياڭ قىزمەتىنە ەرەكشە ءمان بەرىپ، قولداۋ كورسەتتى. اۆتونوميالى رايوندىق پارتكوم «پارتيا ورتالىق كوميتەتىنىڭ تالابى − ءبىزدىڭ مىندەتىمىز» دەگەننەن جازباي، تۇتاس شينجياڭداعى ءار ۇلت كادر، جۇرتشىلىعىن باستاپ، ىنتىماقتاسا كۇرەسىپ، ورشەلەنە ورگە ۇمتىلىپ، تيانشاننىڭ تۇستىگى مەن تەرىستىگىندە زور وزگەرىستەر تۋدىردى، «شينجياڭداعى تولاسسىز جاڭالىقتار» بۇكىل ەلىمىزدى ءتىپتى دۇنيە ءجۇزىن جالت قاراتتى. مىنە بۇل − «قۇلشىنعاندا عانا وزگەرىس بولادى، قۇلشىنساق بولدى وزگەرتە الامىز» دەيتىن سەنىمنىڭ ايعاعى، قالىڭ پارتيا مۇشەلەرىنىڭ اتويلاپ الدا ءجۇرىپ، ناقتى ىستەپ، ءار ۇلت بۇقاراسىنا جەتەكشىلىك ەتىپ، جۇڭگو ارمانىنىڭ شينجياڭ داستانىن قۇلشىنا بىرگە جازعاندىعىنىڭ بەلگىسى.
بۇگىندە شينجياڭ جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە قادام تاستاپ وتىر، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ مىندەتى وتە جاپالى، شينجياڭداعى ءار دارەجەلى پارتيا ۇيىمدارى مەن قالىڭ پارتيا مۇشەلەرىندە شينجياڭنىڭ ەرەكشە ورنىمەن ۇيلەسەتىن دارقاندىق جانە دەڭگەي بولۋىن، قازىرگى جاعدايمەن، مىندەتپەن ۇيلەسەتىن جاۋاپكەرشىلىك بولۋىن، ءار ۇلت بۇقاراسىنىڭ ارمان - تىلەگىمەن ۇيلەسەتىن قابىلەت جانە ستيل بولۋىن ءتىپتى كوكەي تەستىلىكپەن قاجەت ەتەدى. جاۋاپكەرشىلىكتى باتىل ارقالاپ، شينجياڭنىڭ رەفورما، دامۋ، ورنىقتىلىق ىستەرىنىڭ تىرەگى بولۋىمىز كەرەك. قازىر شينجياڭ ءدوپ كەلىپ وتىرعان جاعداي ءتىپتى كۇردەلى، مىندەتى ءتىپتى اۋىر. ءبىز باسىم كوپ ءار ۇلت بۇقاراسىن مۇمكىندىكتىڭ بارىنشا ىنتىماقتاستىرىپ جانە ولارعا سۇيەنىپ، «ءۇش ءتۇرلى كۇشپەن» ۇزاق ۋاقىت باتىل كۇرەسىپ، قوعام ورنىقتىلىعى مەن باياندى تىنىشتىق باس نىساناسىنىڭ جۇزەگە اسۋىن قامتاماسىز ەتۋىمىز؛ كەدەيلىكتەن قۇتىلدىرۋدان قامال الۋ شايقاسىن، رەفورمادا قامال الۋ شايقاسىن جەڭىسپەن جۇرگىزىپ، جىبەك جولى ەكونوميكالىق بەلدەۋى وزەك رايونىن قۇرۋ ماڭىزدى ورايىن يگەرىپ، شينجياڭنىڭ ءتىپتى جاقسى، ءتىپتى تەز دامۋىن جەبەپ، جۇڭگولىق ەرەكشەلىككە، شينجياڭدىق وزگەشەلىككە يە عىلمي دامۋ جولىمەن ءجۇرۋىمىز؛ وسى زامانعى مادەنيەت ارقىلى جەتەكشىلىك ەتۋ سىندى ءىرى ءىستى ويداعىداي ىستەپ، ءار ۇلتتىڭ ورتاق رۋحاني مەكەنىن قۇرۋىمىز، جۇڭحۋا ۇلتىنىڭ ورتاق قاۋىمداستىعى ساناسىن جەتىلدىرۋىمىز؛ ۇلتتار ىنتىماعى يدەياسىن قوعامنىڭ ءاربىر كلەتكاسىنا ءسىڭىرىپ، ءدىندى سوتسياليستىك قوعاممەن ۇيلەسۋگە بەلسەنە جەتەكتەپ، ۇلتتار ىنتىماعى مەن ءدىن جاراسىمدىلىعىن باتىل كۇشەيتۋىمىز كەرەك. بۇلاردىڭ بارلىعى ءبىزدىڭ العا باسۋ جولىمىزداعى ءبىر - بىردەن قامال الىپ جەڭۋگە ءتيىستى قيىن ماسەلەلەر. ەرلىك پەن قايسارلىق جاپا - ماشاقات ىشىندە شىڭالادى، ءىس قانشا ۇلى ءارى جاپالى بولسا، پارتيانىڭ پارمەندى باسشىلىعى مەن جاۋاپكەرشىلىگىن سونشا قاجەت ەتەدى. ءار ءتۇرلى قيىنشىلىق پەن سىن الدىندا، ءبىر پارتيا ۇيىمى − ءبىر جاۋىنگەر قامال، ءبىر پارتيا مۇشەسى − ءبىر جارقىن تۋ. اماليات ءار دارەجەلى پارتيا ۇيىمى، ءار دارەجەلى پارتيالى كادرلار مەن قالىڭ كوممۋنيستەر قيىنشىلىق پەن سىن - سايىس الدىندا كەۋدە كەرىپ العا شىعىپ بۇقارانىڭ تىرەگى، كوشباسشىسى بولا السا، قايىسپاس جاۋىنگەرلىك قۋات پەن قۇدىرەتتى ۇيىسۋ قۋاتىن ايگىلەپ، ءار ۇلت بۇقاراسىن قامال الىپ قيىنشىلىقتاردى جەڭۋگە جەتەكتەيتىن مىزعىماس تىرەككە اينالا الاتىندىعىن دالەلدەدى.
قابىلەتتى ءوسىرۋ ءۇشىن، جاۋاپكەرشىلىكتى كوتەرە الاتىن، ماڭىزدى تاپسىرمانى ارقالاي الاتىن مىقتى قابىلەتتى جەتىلدىرۋىمىز كەرەك. «جاۋاپكەرشىلىك تاۋداي اۋىر بولسا دا، قابىلەتتىلەر ۇستىنە الا الادى». شينجياڭ جاعدايىنىڭ جاڭا مىندەت، جاڭا تالاپتارىنا ۇيلەسىپ، شينجياڭدى زاڭمەن جونگە سالۋدى نەگىزگى جالپى جوبا ەتىپ، جۇڭگوشا ەرەكشەلىككە يە سوتسياليستىك زاڭمەن جونگە سالۋ جولىمەن ءجۇرىپ، شينجياڭنىڭ زاڭمەن جونگە سالۋ جۇيەسى مەن زاڭمەن جونگە سالۋ قابىلەتىنىڭ وسىزاماندانۋىن ىلگەرىلەتۋ كەرەك. قالىڭ پارتيالى كادرلار زاڭمەن جونگە سالۋ ويى مەن زاڭمەن جونگە سالۋ ءتاسىلىن قولدانا وتىرىپ رەفورمانى تەرەڭدەتۋ، دامۋدى جەبەۋ، قايشىلىقتى شەشۋ، ورنىقتىلىقتى قورعاۋ قابىلەتىن شىن مانىندە جوعارىلاتۋى كەرەك. شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ تەتىگى − پارتيا، تۇپتەپ كەلگەندە قۋاتتى كادرلار قوسىنىنا سۇيەنۋ كەرەك. «تەمىردى سوعۋ ءۇشىن، تەمىردەن قاتتى بولۋ كەرەك»، پارتيانى پارتيا باسقارۋ، پارتيانى قاتاڭ باسقارۋ كەرەك، بۇل − پارتيانىڭ ستيل قۇرىلىسىن كۇشەيتۋدىڭ، پارتيانىڭ باسشىلىق ورەسى مەن بيلىك جۇرگىزۋ قابىلەتىن ءوسىرۋدىڭ تۇزىمدىك كەپىلى. ءار دارەجەلى پارتيا ۇيىمى مەن قالىڭ پارتيالى كادرلار پارتيانىڭ تاڭداۋلى ستيلىن ساقتاپ جانە ساۋلەلەندىرىپ، «ۇشتە قاتاڭ، ۇشتە شىنايى بولۋ» جانە «ەكىنى ۇيرەنۋ، ءبىر بولۋدى» امالياتتا ايگىلەپ، «شينجياڭ ەرەكشەلىگىندەگى جاقسى كادر» بولۋعا ۇمتىلىپ، مۇرات - سەنىمدى بەكەمدەپ، باستان - اياق ءار ۇلت حالقىمەن تىنىستاس، تاعدىرلاس، جۇرەكتەس بولىپ، ءار ۇلت حالقىن قام - قايعىدان ارىلتىپ، قيىنشىلىقتارىن شەشۋگە بار ىنتامەن كىرىسىپ، ءار ۇلت حالقىنا شىنايى سۇيىسپەنشىلىكپەن پايدا جەتكىزىپ، ولاردى باقىتقا كەنەلتىپ، پارتيا مۇشەلەرىنىڭ ۇزدىكتىك، ۇلگىلىك وبرازىن شىن مانىندە ورناتىپ، نەگىزگى ساتى پارتيا ۇيىمىنىڭ قۇدىرەتتەنىپ، شينجياڭدى كوركەيتۋدىڭ، وتان ارمانىن بىرگە ورىنداۋدىڭ قۋاتتى كۇشىن توپتاۋىنا مۇمكىندىك جاساۋ كەرەك.
بۇگىن جۇڭحۋا ۇلتىنىڭ ۇلى گۇلدەنۋ نىساناسىنا تاريحتىڭ كەز كەلگەن مەزگىلىندەگىدەن ارى جاقىنداپ وتىرمىز، ءداۋىردىڭ ماڭىزدى تاپسىرماسى بىزگە جۇكتەلدى. بىزدەر − كوممۋنيستەر جالپى ماقساتتى ەستەن شىعارماي، تاريحي تاڭداۋدىڭ، حالىقتىڭ ماڭىزدى تاپسىرماسىنىڭ ۇددەسىنەن شىعىپ، باستان - اياق ءداۋىردىڭ الدىڭعى لەگىندە ءجۇرىپ، ەرلىكپەن العا ۇمتىلىپ، ۇزدىك بولايىق.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
