- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جوۋ گويۇڭ باستاعان 3 شارۋا جۇمىسكەر سۋعا كەتكەن رايھانگۇلدى قۇتقاردى
2016.07.18 15:44 كەلۋ قاينارى : شينجياڭ گازەتى
بىرنەشە كۇننەن بەرى 3 حانزۋ شارۋا جۇمىسكەردىڭ اعىنى قاتتى توعانعا سەكىرىپ ءتۇسىپ، ۇيعۇر ايەلدى قۇتقارعان جونىندەگى اڭگىمە ءۇشتۇرپان اۋدانى اقتوعاي اۋىلى ۇستىڭگى جارباق قىستاعىندا اۋىزدان - اۋىزعا تارادى. 8 - شىلدەدە قۇتقارىلعان رايھانگۇل 4 كۇن ىزدەپ ءجۇرىپ، ءوزىن قۇتقارعان 3 ديقان جۇمىسكەردى تاپتى.
كۇيەۋىن جانىنا ەرتىپ، 6 ايلىق بالاسىن كوتەرگەن 21 جاستاعى رايھانگۇل ءۇشتۇرپان اۋدانى يمام قالاشىعىنان ءوزىن قۇتقارعان شاپاعاتشىلارىن تاپقاندا تەبىرەنگەنىنەن: بىرنەشە كۇننىڭ الدىنداعى ءىستى ويلاسام بولعانى، تۇرشىگىپ كەتەمىن. ەگەر سىزدەر بولماساڭىزدار، كۇيەۋىم مەن بالامدى ەندىگارى كورە المايتىن دا شىعارمىن، − دەدى. ليۋ يۇيتياندار: ول كەزدەگى جاعداي تىم شۇعىل، بىرەۋدىڭ سۋعا ءتۇسىپ كەتكەنىن ەستىگەندە، الدىمەن ادامدى قۇتقارۋدى عانا ويلادىق، - دەدى.
بۇل وقيعا 4 - شىلدەدە تۋىلعان. سول كۇنى تاڭەرتەڭ رايھانگۇل كۇندەگىسىنشە ەسىك الدىنداعى توعاننان سۋ اكەلىپ، گۇلدەرىن سۋارماق بولادى.
توعاننىڭ جاعاسىندا ول كاتەلىن بار پارمەنىمەن ءىلىپ الا بەرگەندە، كاتەل تىم اۋىر بولعاندىقتان، ءوزى توعانعا تايىپ ءتۇسىپ كەتەدى. رايھانگۇل سۋدا جانتالاسىپ، جان − دارمەن «قۇتقارىڭدار، قۇتقارىڭدار!» دەپ ايعاي سالادى.
«تەز كەلىڭدەر، بىرەۋ سۋعا ءتۇسىپ كەتتى». كۇرەگىن كوتەرىپ توعان جاعاسىنان ءوتىپ بارا جاتقان قۇرىلىس جۇمىسشىسى فىڭ حۇڭني بۇل جاعدايدى كورگەننەن كەيىن، دەرەۋ ايعاي سالىپ كومەك سۇرايدى.
وسى ساتتە، توعاننىڭ قارسى جاعاسىندا مەكتەپتىڭ قورعانىن سالىپ جاتقان جۇمىسشىلار ايعايدى ەستيدى دە، قۇرالدارىن تاستاي سالىپ، وزەنگە قاراي جۇگىرەدى.
قۇرىلىس جۇمىسشىسى جوۋ گويۇڭ بىلاي دەدى: سول كەزدە مەن سورەنىڭ ۇستىندە تام جيناپ جاتقان بولاتىنمىن، وزەندە ءبىر ادامنىڭ اعىپ بارا جاتقانىن كوردىم دە، قولىمداعى جۇمىسىمدى تاستاي سالىپ، سەرىكتەرىممەن بىرگە توعانعا قاراي جۇگىردىم. وزەنگە سەكىرىپ ءتۇسىپ، سەمەنت تاقتانىڭ قوسپالارىنان ۇستاپ، تومەنگى اعاردان رايھانگۇلدى ۇستاپ الماق بولدىم. وسى كەزدە قىزمەتتەستەرىم ليۋ يۇيتيان مەن حۋاڭ چىڭلي دە جەتىپ ۇلگىرىپ، سۋعا سەكىرىپ ءتۇسىپ، سۋعا كەتكەن ادامعا قاراي ءجۇزدى. وزەن سۋى ءاپ - ساتتە ولاردىڭ يىعىن كومىپ، ۇشەۋى دە سەندەلەكتەپ قالدى.
حۋاڭ چىڭلي سۋعا تۇسكەن ادامعا جاقىنداعاننان كەيىن، تومەنگى اعارداعى جوۋ گويۇڭ توعان تۇبىندەگى تاستار تابانىنا باتىپ، قانشا اۋىرتسا دا، رايھانگۇلدى جانە 2 قىزمەتتەسىن امان - ەسەن ۇستاپ الدى.
ولار تابان تىرەپ تۇرعاننان كەيىن، ۇشەۋى بىرگە رايھانگۇلدى جاعاعا يتەرىپ شىعاردى دا، سوڭىنان وزدەرى دە ءبىر - بىرىنە كومەكتەسىپ جاعاعا شىقتى، وقيعانىڭ باس - اياعىنا 5 مينۋت كەتتى.
جاعاعا شىققاننان كەيىن رايھانگۇل سۋعا شاشالىپ قايتا - قايتا جوتەلىپ، بىرنەشە مينۋتتان كەيىن ەسىن جيىپ، جوۋ گويۇڭدارعا قايتا - قايتا العىس ايتتى.
سول كۇنى كەشتە رايھانگۇلدىڭ سىرتتا جۇمىس ىستەيتىن كۇيەۋى ءسامي تۇرسىن ايەلىنەن جاعدايدى ەستىگەننەن كەيىن، ولارعا اۋىزەكى العىس ايتپاق بولدى. ەرتەڭىندە ول توعاننىڭ قارسى جاعاسىنان ولاردى ىزدەپ بارعاندا، قۇرىلىس الدەقاشان اياقتاپ كەتىپتى.
اجالدان اراشالاعان شاپاعاتشىلارىن تابۋ ءۇشىن، ەرلى - زايىپتى ەكەۋى ءۇشتۇرپان اۋداندىق پارتكوم بىرلىكساپ ءبولىمى جالپىلىق مەنشىككە جاتپايتىن شارۋاشىلىق ۇيىمى پارتيا قىزمەتى كوميتەتىنىڭ ورىنباسار شۋجيى چىن چۋانجۋعا كومەكتەسىپ ىزدەسۋدى تاپسىردى، اقىرى ليۋ يۇيتيانداردىڭ يمام قالاشىعىندا جۇمىس ىستەپ جۇرگەنىنەن حابار تاپتى.
8 - شىلدەدە ارادا 4 كۇن ءوتىپ كەتكەننەن كەيىن، ءوزىن اجال اۋزىنان امان الىپ قالعان قۇتقارۋشىلارىن قايتا كورگەندە، رايھانگۇل كوزىنە ىستىق جاس الدى. اۋدارماشىنىڭ كومەگىندە رايھانگۇل بىلاي دەدى: مەنى قۇتقارىپ قالعاندارىڭىزعا مىڭ دا ءبىر العىس، ەگەر سىزدەر بولماساڭىزدار، جارىق دۇنيەمەن قوش ايتىسار ەدىم.
حۋاڭ چىڭلي: بۇل ادام ومىرىنە قاتىستى ءىس، كىمگە كەزىكسە دە وسىلاي ىستەيدى، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
