- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كاسىپ سالاسى ارقىلى دامۋدى جەبەپ، دامۋ ارقىلى كاسىپتەنۋدى جەتەكتەدى
2016.07.20 13:36 كەلۋ قاينارى : شينجياڭ گازەتى
− قاشقار كونەشارى اۋدانى «ساۋدا باقشاسى، اۋىل - قالاشىق، قىستاق» ءبىر تۇلعالانعان كاسىپتەندىرۋ ۇلگىسىن قالىپتاستىرعاندىعى تۋرالى
جۋ ميڭجۇن
17 - ماۋسىمدا ءتىلشى قاشقار كونەشارى اۋدانىنداعى گۋاڭجوۋ شينچىڭ سيسكو ەلەكترون سەرىكتەستىگىنىڭ ءوندىرىس سەحىنا بارعاندا، وعۇساق اۋىلى حوجىلا قىستاعىنان كەلگەن ديقان اينۇر ابدۇقادر ءوندىرىس لەنياسىندا ەلەكتروندى ونىمدەردى ەپتىلىكپەن قۇراستىرىپ جاتقانىن كوردى. بيىل ساۋىردە جۇمىسقا ورنالاسقان اينۇر ايىنا 1500 يۋانداي ەڭبەكاقى الادى، بۇعان ول دا، وتباسىنداعىلار دا ەرەكشە رازى ەكەن.
اۋداننىڭ اۋىل - قالاشىقتارىنان كەلگەن اينۇر سياقتى 1000عا تارتا ديقان قازىر شەبەر تەحنيك جۇمىسشىعا اينالعان، ولار گۋاڭجوۋ شينچىڭ سيسكو سەرىكتەستىگىنىڭ ەلەكتروندى ءوندىرىس سەحىندا قاۋىرت جۇمىس ىستەيدى.
اۋدان 2016 - جىلى كەدەيلىكتەن دالمە - ءدال قۇتىلدىرۋ وزەكتى قىزمەتىن ارقاۋ ەتىپ، «كاسىپ ارقىلى دامۋدى جەبەۋ، دامۋ ارقىلى كاسىپتەنۋدى جەتەكتەۋ، كاسىپتەنۋ ارقىلى ورنىقتىلىقتى ساقتاۋ» ينجەنەرياسىن اتقارىپ، «ساۋدا باقشاسى، اۋىل - قالاشىق، قىستاق» ءبىر تۇلعالانعان، جاقىن ماڭدا كاسىپتەندىرۋ ۇلگىسىن بەلسەنە ورناتىپ، كاسىپتەندىرۋ قىزمەتىندە كورنەكتى ىلگەرىلەۋشىلىككە قول جەتكىزدى.
2016 - جىلدىڭ باس شەنىندە اۋدان گۋاڭجوۋدان جينشيۋلي ۇلتتىق كيىم - كەشەك زاۆودى، حۇڭحاۋ قولعاپ زاۆودى، يۇيلۇڭ كيىم - كەشەك زاۆودى سياقتى ەڭبەككۇش شوعىرلانعان 5 كاسىپورىندى ەنگىزىپ، 2300 ادامدى كاسىپتەندىردى، وسى 5 كاسىپورىن تۇگەلدەي ىسكە قوسىلعاننان كەيىن، 5000نان استام جۇمىسشى قابىلدايدى دەپ مەجەلەنۋدە. سونىمەن قاتار بۇل اۋدان اۋىل - قالاشىقتاردان جانە حالقى شوعىرلى قىستاقتاردان 15 اۋىل - قالاشىق سەرىك زاۆودىن قۇرىپ، اۋىل - قىستاقتاعى ارتىق ەڭبەككۇشتەردى جاقىن ماڭدا تاربيەلەپ، ءوز جەرىندە كاسىپتەندىردى. ءزامىن اۋىلى جاڭاارىق قىستاعىنداعى الماگۇل مۇسا بىلتىر قىركۇيەكتە ءۇيىنىڭ جانىنداعى سەرىك زاۆودتا بىرنەشە اي تاربيەلەنگەننەن كەيىن، بيىل ساۋىردە سيسكو ەلەكترون ونىمدەرى بازاسىنىڭ ءبىر جۇمىسشىسى بولدى، قازىر ايىنا 1800 دە 2200 يۋانداي ەڭبەكاقى الادى. الماگۇل: قىستاعىمىزدا ءبىرتالاي ادام سەرىك زاۆودتارىندا تاربيەلەنىپ، بەلگىلى تەحنيكانى يگەرگەننەن كەيىن، وسىندا كەلىپ جۇمىس ىستەيتىن بولدى، - دەدى.
سيسكو ەلەكترون سەرىكتەستىگى اۋداننان گۋاڭجوۋ شينچىڭ ساۋدا باقشاسىنىڭ باس شتاپ بازاسىن جانە 5 اۋىل - قالاشىق سەرىك زاۆودىن قۇرىپ، وسىزاماندانعان ەلەكتروندىق ءونىم ءوندىرۋ لەنياسىنان 05ىن جانە بىرنەشە 100 سايكەستى جابدىقتى ورنالاستىرىپ، 1800 ەڭبەككۇشتى ءوز جەرىندە، جاقىن ماڭدا تۇراقتى كاسىپتەندىردى، كەيبىرەۋلەر وتباسىندا مانەرلەيتىن بولدى، قىستاق تۇرعىندارىنىڭ ءبىرتالايى ءوز ۇيىندە وتىرىپ - اق كاسىپتەنىپ، كىرىسىن ارتتىردى.
سيسكو ەلەكترون سەرىكتەستىگىنىڭ جاۋاپتىسى سۋ شاۋشي: سەرىكتەستىگىمىز قاشقار ايماعىنداعى ارتىق ەڭبەككۇشتەردى جانە توڭىرەكتەگى ىرگەلەس ورتا ازيا ەلدەرىنىڭ بازارىن اسىلعا بالاپ، قارجى قوسۋ سەرپىنىن ۇزدىكسىز كۇشەيتىپ، 2 جىلدا ەلەكتروندىق عىلىم - تەحنيكا كاسىپ باقشاسىن جانە قول تەلەفون قۇراستىرۋ، مانەرلەۋ بازاسىن، مەكتەپتەر مەن كاسىپورىندار سەلبەستىك جاساسىپ، كاسىپتەنۋگە تاربيەلەۋ بازاسىن قۇرىپ، جىلىنا 15 مىڭ ادامدى تاربيەلەپ، ولاردى وسى زامانعى كاسىپ جۇمىسشىلارىنا اينالدىرۋعا قۇلشىنادى، 10 مىڭ ادامدى جاقىن ماڭدا، ءوز جەرىندە كاسىپتەندىرەدى، 10 مىڭ كەدەي وتباسىنىڭ كەدەيلىكتەن قۇتىلىپ، اۋقاتتانۋىنا جەتەكشىلىك ەتەدى، - دەدى.
ءتىلشى اۋدانداعى گۋاڭدۇڭ شينچىڭ كاسىپورىندار شارۋاشىلىق قۇرۋ، كاسىپتەندىرۋ بازاسىنان مۇنداعى كاسىپورىنداردىڭ قارجى قوسىپ، ءوندىرىس لەنياسىن قۇرۋدان سىرت، ءوندىرىس جۇمىستارىنا تاربيەلەۋ بازاسىن دا قۇرعانىن كوردى.
كاسىپورىندارعا تولىمدى ەڭبەككۇش ازىرلەۋ ءۇشىن، اۋدان شارۋالاردى اۋدان قالاشىعىنا شوعىرلاندىرۋ جانە سەنترلى اۋىل - قالاشىقتاردا ءتۇيىندى ورنالاستىرۋ تاسىلىمەن ونەرگە تاربيەلەدى؛ سونىمەن قاتار، ەڭبەككۇش شوعىرلانعان كاسىپورىندارعا تىكەلەي ورنالاستىرۋ جولىن قاراستىرىپ، «ءتىل + ونەر + كاسىپتەندىرۋ» ۇلگىسىمەن كاسىپورىنداردىڭ دەربەس تاربيەلەۋ قيمىلىن ورىستەتتى.
اۋداندىق ەڭبەككۇشتەردى سىرتقا شىعارۋ كەڭسەسىنىڭ ورىنباسار مەڭگەرۋشىسى ىدىرىس ءسىلام: اۋىل - قىستاق ەڭبەككۇشتەرىنىڭ كاسىپورىنداردا كاسىپتەنۋى ديقانداردىڭ كىرىسىن ارتتىرۋدىڭ ەڭ تىكە، ەڭ ءونىمدى، كەدەيلىكتەن دالمە - ءدال قۇتىلدىرۋدىڭ ەڭ تەز ءتاسىلى. كوپ ءتۇرلى تيىمدىلىك جاساۋ ساياساتىن قولدانىپ، كاسىپورىنداردى اۋدانىمىزداعى ارتىق ەڭبەككۇشتەردى جۇمىسقا ورنالاستىرۋعا شابىتتاندىرامىز، - دەدى.
اۋدان ەڭبەككۇش شوعىرلى كاسىپ سالالارىنىڭ كاسىپتەندىرۋ بازاسىن جانە اۋىل - قالاشىق، قىستاقتارداعى سەرىك زاۆودتارىنىڭ ءوز جەرىندە، جاقىن ماڭدا كاسىپتەندىرۋىن جەبەۋ ارقىلى جاستارعا كاسىپتەنىپ اقشا تابۋدىڭ تىڭ جولىن اشتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
