- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دەنە تاربيە كاسىپ سالاسىنىڭ توعىسۋى شينجياڭنىڭ اتاق - ابىرويىن اسپانداتتى
2016.09.02 13:46 كەلۋ قاينارى : شينجياڭ گازەتى
2016 - جىلعى جۇڭگو دەنە تاربيە مادەنيەت كورمەسى، جۇڭگو دەنە تاربيە ساياحات كورمەسى (تومەندە قىسقارتىلىپ «قوس كورمە» دەلىندى) 2 - قىركۇيەكتەن 5 - قىركۇيەككە دەيىن ۇرىمجىدە وتكىزىلمەك. بۇل مەملەكەتتىك 13 - كەزەكتى قىسقى سپورت جارىسىنان كەيىن شينجياڭدا وتەتىن جوعارى دەڭگەيدەگى تاعى ءبىر سالتاناتتى دەنە تاربيە جينالىسى. ول شينجياڭنىڭ ءتۇرلى جاقتارداعى باسىمدىلىقتارىن، بايلىقتارىن جانە حيكىمەتتەرىن ايگىلەيدى، بۇل ءارى شينجياڭ دەنە تاربيەسىنىڭ جانە سوعان قاتىستى كاسىپ سالاسىنىڭ دامۋى الا كەلگەن قولعا كەلە بەرمەيتىن وراي سانالادى.
دەنە تاربيە مەن ساياحاتتىڭ توعىسۋى شينجياڭنىڭ دەنە تاربيەسىنە شەكسىز ومىرشەڭدىك كۇش باعىشتادى
28 - تامىز كۇنى «جىبەك جولىندا زاۋلاۋ - قاھارمان ارمانىن جۇزەگە اسىرۋ − زىمىراۋ - شاتتانۋ - باسىپ وزۋ» باس تاقىرىبىنداعى تۇڭعىش كەزەكتى تيانشان الىپتارىنىڭ (TSG) سايرام كولىن اينالۋ بويىنشا ەرەكشە مارافون جارىسى تابىسپەن اياقتادى، بۇكىل ەلدىڭ جەر - جەرىنەن كەلگەن 005دەن استام مارافون اۋەسكەرى بايگەنىڭ قۋانىشىن ءبولىستى.
سوڭعى جىلدارى اۆتونوميالى رايونىمىزدىڭ دەنە تاربيە ساياحات كاسىبىنىڭ دامۋىندا كورنەكتى تابىستارعا قول جەتتى. دالالىق اۆتوموبيلمەن، موتوتسيكلمەن تاكلاماكان ءشولىن اينالۋ راللي جارىسى، جۇڭگو شينجياڭ حالىقارالىق ءشول سەيىل - سەرۋەن سپورت جارىسى، جۇڭگو حالىقارالىق لاگەر جينالىسىنىڭ شينجياڭ ايالداماسىنداعى جارىسى، جۇڭگو شينجياڭ سايرام كولىن ۆەلوسيپەدپەن اينالۋ جارىسى، جۇڭگو − تۇرپان «ايدىنكول» دالالىق موتوتسيكل راللي جارىسى سياقتى رايونىمىزداعى ارناۋلى بىرەگەي جارىستار جارىس وتەتىن لەنياداعى رايونداردىڭ ەكونوميكاسىنىڭ، ساياحاتىنىڭ دامۋىن بارىنشا جەبەپ، شينجياڭدى ۇگىتتەپ، شينجياڭنىڭ ەل ىشىندەگى، حالىقاراداعى اتاق - ابىرويىن جوعارىلاتۋدىڭ تەرەزەسىنە، سونداي - اق شينجياڭنىڭ جاندى ەن - تاڭباسىنا اينالدى.
مىسالى، تاكلاماكاندى اينالۋ راللي جارىسى دەنە تاربيە، اقپارات قۇرالدارى، اۆتوموبيل - موتوتسيكل مادەنيەتى، ساياحات سىندى 4 ۇلكەن كاسىپ سالاسى ءبىر تۇلعالانعان، دەنە تاربيە ونەرى مەن اقپارات قۇرالدارىنىڭ حابارى ءوزارا ۇشتاسقان فورمامەن ورتا شىعىس پەن باتىس بولىكتىڭ، ەل ءىشى - سىرتىنىڭ مادەنيەت قارىم - قاتىناسىن، ەكونوميكالىق بارىس - كەلىسىن جەبەۋمەن بىرگە، باتىس بولىكتىڭ ساياحات كاسىبىنىڭ دامۋىن دا ىلگەرىلەتتى، ول اۆتونوميالى رايونىمىزدىڭ دەنە تاربيە ساياحات كاسىبىنىڭ دامۋىنداعى ءبىر تابىستى ۇلگى سانالادى.
دەنە تاربيە ساياحاتى − ءتۇرلى - ءتۇستى دەنە تاربيە قيمىلدارىن تاماشالاۋدى، ونان ءلاززاتتانۋدى جانە وعان قاتىناسۋدى ماقسات ەتكەن ساياحات، سەيىل - سەرۋەن قيمىلى، دەنە تاربيە مەن ساياحات توعىسقان ءبىر ءتۇرلى تۇرمىس ءتاسىلى، ونىڭ بۇقارالىق سيپاتقا، قاتىناسۋ سيپاتىنا، كوزىمەن كورۋ سيپاتىنا، تۇتىنۋ سيپاتىنا، جالپىلىق سيپاتىنا يە كورنەكتى ەرەكشەلىكتەرى بار. دەنە تاربيە ساياحاتى ءبىرشاما ەرتە باستاۋ العان ەۆروپا، امەريكا ەلدەرىندە دەنە تاربيە ساياحاتى ءبىرشاما كەمەلدى كاسىپ تىزبەگىن قالىپتاستىرعان ءارى حالىق شارۋاشىلىعىنداعى تىرەكتى كاسىپ سالاسىنا اينالعان. سوڭعى جىلداردان بەرى جالپى حالىقتىق دەنە شىنىقتىرۋ قيمىلىنىڭ ىشكەرىلەي ورىستەتىلۋىنە بايلانىستى شينجياڭداعى بارعان سايىن كوبەيە تۇسكەن ساياحات كورىنىس رايوندارى، كورىنىس تۇيىندەرى بايلىق باسىمدىلىقتارى مەن كەڭىستىك باسىمدىلىقتارىنان تولىق پايدالانىپ، دەنە تاربيە ساياحات نىساندارىن سالىپ جانە كاسىپ قالىبىن جاساپ، ءتۇرلى - ءتۇستى، باي مازمۇندى دەنە تاربيە ساياحات قيمىلدارىن ورىستەتىپ، دەنە تاربيە ساياحاتىنىڭ سونى ءورىسىن اشتى. مەملەكەتتىك 13 - كەزەكتى قىسقى سپورت جارىسىنان تۋىنداعان «دەنە تاربيە + » اسەرى
مەملەكەتتىك 13 - كەزەكتى قىسقى سپورت جارىسىنىڭ تابىستى ءوتۋى شينجياڭنىڭ دەنە تاربيە كاسىپ سالاسى مەن ساياحات كاسىبىنىڭ قاۋىرت دامۋىن بارىنشا جەبەپ قانا قالماي، ونىمەن تىعىز قاتىناستا بولعان قىزمەت وتەۋ كاسىبى، مادەنيەت جاسامپازدىعى كاسىبى سياقتى كاسىپتەردى دە ىلگەرىلەتتى. وسىنشالىق كولەمدى دەنە تاربيە جارىستارىنداعى ەڭ تەز نازار اۋدارعانى، ارينە، قىزمەت وتەۋ كاسىبى. مەملەكەتتىك 13 - كەزەكتى قىسقى سپورت جارىسىنان كەيىن، وسى جارىستىڭ كاسىپ سالاسىنا بولعان رولىنىڭ، اسەرىنىڭ بىرتىندەپ كورنەكتىلەنۋىنە وراي، قىزمەت وتەۋ كاسىبى دامۋىنىڭ سەرپىنى اۋەلگىدەي كۇشەيدى. فۋكاڭ قالالىق ساياحات مەكەمەسىنىڭ باستىعى يان فىڭمەي: مەملەكەتتىك 13 - كەزەكتى قىسقى سپورت جارىسى كەزىندە فۋكاڭ قالاسىنىڭ، اۋەلى، ونىڭ توڭىرەگىندەگى جەرلەردىڭ قىزمەت وتەۋ كاسىپتەرى جاپپاي جانداندى، فۋكاڭ قالاسىنىڭ جالپىلىق كۇتىپ الۋ قىزمەت وتەۋى سياقتى كوپتەگەن جاقتارداعى ساپاسى مەن دەڭگەيى جاڭا ورلەۋگە كوتەرىلدى. بۇل جاز كەلگەننەن بەرى ۇزدىكسىز جاندانعان بوعدا ساياحاتىنا تاماشا نەگىز قالادى، - دەدى.
مەملەكەتتىك 13 - كەزەكتى قىسقى سپورت جارىسى كەزىندە، جىلجىمالى حابارلاسۋ، بىرلەسپە حابارلاسۋ، تەلەگراف سياقتى حابارلاسۋ كاسىپتەرى بەرگەن جان - جاقتى ينفورماتسيا، حابارلاسۋ قىزمەت وتەۋ قامتاماسىزدىعى جۇرتشىلىقتىڭ ينتەرنەت داۋىرىندەگى دەنە تاربيە جارىستارىنا كوڭىل ءبولۋدىڭ جوعارى ونىمدىلىكتەگى قولايلىلىقتارىنان پايدالانۋىنا مۇمكىندىك تۋدىردى. شينجياڭ تەلەگرافى پايدالانعان قىرۋار مولشەردەگى بۇلتتىق ەسەپتەۋ، حابار - وشارلاردىڭ قۇپيالىعىن ساقتاۋ، بەينە جازىلىمدى باقىلاۋ - مەڭگەرۋ، قول تەلەفونمەن سويلەسۋ، ەلەكتر جولى سياقتى ءار تۇردەگى ينفورماتسيالانعان ونىمدەر مەملەكەتتىك 13 - كەزەكتى قىسقى سپورت جارىسىنىڭ «زەردەلى» بولۋىنا مۇمكىندىك جاسادى، وسى سپورت جارىسى ينفورماتسيالانا دامۋدا بەلگىلى ىلگەرىلەتۋ رولىن اتقاردى. بۇل كەلەشەكتە شينجياڭنىڭ ينفورماتسيالاندىرۋ اياق الىسىنىڭ ۇزدىكسىز تەزدەۋىنە بايلانىستى ءداستۇرلى سپورتتىڭ عىلىم - تەحنيكا فاكتورىن بارعان سايىن كوپتەپ قابىلداپ، دەنە تاربيە كاسىپ سالاسى مەن ينفورماتسيالاندىرۋدىڭ اناعۇرلىم تىعىز بىرلەسەتىنىن دە كورسەتەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
