- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭنىڭ كەڭىستىك بازارىن يەلەۋ
جيڭ بو
2016.09.02 13:52 كەلۋ قاينارى : شينجياڭ گازەتى
تومەن كەڭىستىكتە قالىقتاۋ، پاراشوتپەن ۇشۋ اترەتتەرىنىڭ تارتىمدى ويىنى، قىسقا ارالىقتى كەڭىستىك تاسىمال لەنياسى، 19 - شىلدەدە شينجياڭ قاناس ايفيكى كەڭىستىك جالپىلىق تۇرلەرى رەسمي ىسكە قوسىلدى، مىنە بۇل جۇڭگو اۆياتسيا توبى جالپىلىق اۆياتسيا شەكتى جاۋاپكەرشىلىك سەرىكتەستىگىنىڭ «جالپىلىق اۆياتسيا＋ساياحات+Χ» تۇرلەرىنىڭ شينجياڭدا جاپپاي سالىنا باستاعاندىعىنىڭ ءارى وسى سەرىكتەستىكتىڭ شينجياڭنىڭ كەڭىستىك بازارىن يەلەۋگە بەلدى بەكەم بايلاعاندىعىنىڭ بەلگىسى.
بيىل مامىردا مەملەكەتتىك كەڭەس «جالپىلىق اۆياتسيا ىستەرىنىڭ دامۋىن جەبەۋ جونىندەگى جەتەكشى پىكىردى» شىعاردى، بۇل جالپىلىق اۆياتسيا ىستەرىنىڭ بولاشاق دامۋى جونىنەن جاقسى حابار ءارى تومەن كەڭىستىكتىڭ بىرتىندەپ اشىق ۇستالعاندىعىن قۇلاق قاعىس ەتكەندىك، مۇنىڭ جالپىلىق اۆياتسياعا قارجى قوسۋ قىزعىندىعىن ارتتىرا تۇسەتىندىگى شىندىق، بىرنەشە جاقتىڭ ۇتىمدى ۇشتاسۋى كەڭىستىك دەنە تاربيە كاسىبىنىڭ دامۋ بولاشاعىنا ۇمىتپەن قاراعاندىعىنىڭ بەلگىسى.
كوركى كوز سۇرىندىرەتىن تابيعاتتىڭ تاماشا كورىنىستەرى قيىر شالعايداعى، قاتىناسى قولايسىز جەرلەردەن تابىلادى. شينجياڭنىڭ جەرى كەڭ، زور قۇرامالى، زور پارىقتى جەر ءبىتىمى، جەر ءپىشىنى، كەڭىستىك دەنە تاربيەسىن وراسان زور كاسىپ ورىسىنە يە ەتىپ وتىر.
جۇڭگو اۆياتسيا ونەركاسىپ توبى جالپىلىق اۆياتسيا شەكتى جاۋاپكەرشىلىك سەرىكتەستىگىنىڭ باس ديرەكتورى تاۋ گوفي تىلشىگە مىنانى ايتتى: شينجياڭ ايفيكى جالپىلىق نىسانى بۋىرشىننان حالىقارالىق كەڭىستىك ساياحات باقشا رايونىن قۇرىپ، جالپىلىق تۇلعا كولەمىندە ۇشۋعا ماشىقتانۋ، جالپىلىق اۆياتسيا كورمەسى، اۆياتسيا عىلىم - تەحنيكاسىن ۇيرەنۋ، جالپىلىق اۆياتسيا تاسىمالى سياقتىلار ورنالاستىرىلعان «جالپىلىق اۆياتسيا＋ساياحات+Χ» جاڭا قالىبىن قالىپتاستىرماقشى.
ورتا، باستاۋىش مەكتەپ وقۋشىلارىن قىزىقتىرۋ
ۇشقىشسىز ۇشاقپەن نەكە جۇزىگىن جەتكىزگەن كوپىر تالايلاعان ادامنىڭ نازارىن اۋداردى. قازىر نەكە سالتىن وتكىزۋ، دالالىق قۇتقارۋ، اۋەدەن سۋرەتكە ءتۇسىرۋ سياقتىلاردىڭ بارىندە ۇشقىشسىز ۇشاق كەم بولسا بولمايتىن قۇرالعا اينالدى.
ۇشقىشسىز ۇشاقتىڭ كەڭىنەن جالپىلاسۋى بەرتىنگى جىلدارداعى كەڭىستىك دەنە تاربيە كاسىبىنىڭ گۇلدەنگەنىنىڭ ءبىر بەينەسى عانا، شينجياڭ جاستارى مەن ورەندەرىنىڭ 10 نەشە جىل وتكىزىلگەن اۆياتسيا - عارىش مودەلى تاربيەسى جارىسى كوپتەگەن بالانىڭ زەڭگىر كوكتە قالىقتاۋ ارمانىنا قانات ءبىتىردى. مەكتەپتەن تارتىپ، جەرگىلىكتى ورىنعا دەيىن، ءار جىلى تۇرلىشە نىسان، تۇردەگى جارىستار ورتا، باستاۋىش مەكتەپ وقۋشىلارىن ۇشاق مودەلىنىڭ شاتتىعىنا شومدىردى.
شينجياڭ جاستار مەن ورەندەر اۆياتسيا - عارىش مودەلى تاربيەسى جارىسى − رايونىمىزداعى جاستار مەن ورەندەردىڭ اۆياتسيا - عارىش مودەلىنىڭ ەڭ جوعارى دەڭگەيدەگى جارىسى. شينجياڭ كەڭىستىك سپورتى قوعامىنىڭ باس حاتشىسى ياڭ جۇن بىلاي دەپ تانىستىردى: شينجياڭ بۇل جارىستى 1994 - جىلدان باستاپ وتكىزدى. بۇعان العاشىندا 30 نەشە ادام عانا قاتىناسقان بولاتىن، قازىر 700 نەشە ادامعا جەتتى، بۇعان قاتىناسقان جاستار مەن ورەندەردىڭ ءار جىلى ورنىقتى قاداممەن ارتۋى جاستار مەن ورەندەردىڭ بۇل نىساندى قانشاما ۇناتاتىنىن تۇسىندىرەدى.
ۇشاق مودەلى سپورتىنىڭ كەڭ كولەمدى قارسى الىنۋى شينجياڭنىڭ كەڭىستىك دەنە تاربيە سپورتى جاعىندا ەداۋىر مول زاپاس كۇشتەردى باۋلىعانىن، سونداي - اق وسى سپورتقا قاتىستى كاسىپتىڭ دامۋىن جەبەگەنىن تۇسىندىرەدى. ياڭ جۇن بىلاي دەدى: بىرەر جىلدىڭ الدىندا، شينجياڭدا ۇشقىشسىز ۇشاق ساتاتىن بىردە - ءبىر ورىن جوق بولاتىن، قازىر مۇنى ساتاتىن، جالپىلاستىراتىن سەرىكتەستىكتەردىڭ سانى نەشە ونعا جەتتى. قوعامنىڭ قارىشتاي دامۋىنا جانە جۇرتتىڭ تۇرمىس ورەسىنىڭ جوعارىلاۋىنا، سونداي - اق جەكەلەردىڭ تۇرمىس سۇرانىسىنىڭ وسۋىنە ساي، كەڭىستىك عىلىم - تەحنيكالىق دەنە تاربيە قيمىلدارى جاڭا دا كەڭ تارالعان سپورت تۇرىنە اينالدى، بۇعان قاتىستى ونىمدەرگە دەگەن سۇرانىس تا قاۋىرت ارتتى. كەڭىستىككە ۇشۋ بازاسىن قۇردى
«10 جىلدان كەيىن، كەڭىستىك دەنە تاربيەسى كاسىبى دۇنيە جۇزىندە ءبىرىنشى ورىنعا شىعادى!». ياڭ جۇننىڭ ءسوزى باتىلدىقپەن جاسالعان تۇسپال بولۋمەن قاتار، وسى كاسىپ سالاسىنا دەگەن تولىق سەنىم.
ءىس جۇزىندە، مەملەكەتتەن تارتىپ جەرگىلىكتى ورىنعا دەيىن شىعارعان كوپتەگەن ساياساتتاردا كەڭىستىك سپورتىنىڭ، كەڭىستىككە ۇشۋ بازاسىنىڭ ورنى تۇراقتاندىرىلدى جانە بۇلار جونىندە ورنالاستىرۋ جاسالدى.
بىلتىر اۆتونوميالى رايون «دەنە تاربيە كاسىبىن جەدەل دامىتىپ، دەنە تاربيە تۇتىنۋىن جەبەۋ جونىندەگى اتقارۋ پىكىرىن» جاريالاپ، شينجياڭنىڭ كەڭ - بايتاق كەڭىستىك بايلىعىنىڭ باسىمدىلىعىنان پايدالانىپ، مەملەكەتتىك اۆياتسيا ىستەرىن باسقارۋ ورتالىعىمەن، جۇڭگو كەڭىستىك سپورتى قوعامىمەن بىرلەسىپ، حالىقارالىق دارەجەلى ايگىلى جارىستاردى جانە كەشەندى كەڭىستىك سپورتى كاسىپ بازاسىن بەلسەنە قۇرۋدى، جارىس، كورمە، ۇشۋ ويىنى، ۇشۋدى سەزىنۋ، تالقى مىنبەرى، تاربيە جانە كوڭىل اشۋ، ساياحات سياقتى ەرەكشە قيمىلداردى ورىستەتىپ، العاشقى ساتىداعى ۇشاق، ديناميكالى قاناتتى ءۇش بۇرىش، قالقىما پاراشوت، ديناميكالى قالقىما پاراشوت، جىلى اۋا شارى، قالقىما ۇشاق، اينالما قاناتتى ۇشاق، ميكرو ۇشقىشسىز ۇشاق، ۇشاق مودەلى سياقتى كەڭىستىك سپورتى ۇشۋ جابدىقتارىن ءوندىرۋ جانە ساتۋدى جەبەۋدى، قوعامدىق كۇشتەردى ءتۇرلى كەڭىستىككە ۇشۋ بازاسىن قۇرۋعا قاتىناسۋعا جەتەكتەۋدى، كەڭىستىك دەنە تاربيەسى قوعامدىق ۇيىمدارىنىڭ رولىن ساۋلەلەندىرىپ، كەڭىستىك دەنە تاربيەسىن باسقارۋدى ارناعا ءتۇسىرىپ، كەڭىستىك دەنە تاربيەسى سپورتىن جالپىلاستىرۋدى جەدەلدەتۋدى ايقىن اتاپ كورسەتتى.
«مەملەكەت 2020 - جىلعا جەتكەندە، كەڭىستىككە ۇشاتىن 2000 بازا قۇرۋدى العا قويدى، شينجياڭ مۇندا كورنەكتى رول اتقارادى». ياڭ جۇن زور سەنىممەن: شينجياڭ كەمىندە كەڭىستىككە ۇشاتىن 30 بازا قۇرادى، - دەدى.
ياڭ جۇن بىلاي دەدى: مەملەكەت پەن جەرگىلىكتى ورىن ءتيىمدى ينفورماتسيالاردى ىركەس - تىركەس جاريالاعان بۇگىنگى تاڭدا، شينجياڭنىڭ كەڭىستىك دەنە تاربيە كاسىبى گۇلدەنىپ - كوركەيدى. كەڭىستىك دەنە تاربيەسى كاسىبىنىڭ دامۋىن جەدەلدەتۋ دەنە تاربيە كاسىبىنىڭ قامداۋ جاعىنداعى قۇرىلىمدىق رەفورماسىن ورىستەتۋدىڭ ماڭىزدى شاراسى بولىپ، شينجياڭنىڭ ساياحات تۇتىنۋىنىڭ ارتۋىن جەدەلدەتەتىنىنە، كاسىپ سالاسىنىڭ دامۋ تاسىلىنە بۇرىلىس جاساپ، دەڭگەيىن جوعارىلاتۋدى ىلگەرىلەتۋدە بەلسەندى جەبەۋ رولىن اتقاراتىنىنا سەنەمىن. كەڭىستىك دەنە تاربيەسى: زەڭگىر كوكتە شارىقتايىق
بالا كەزىندە بار ادام اسپانعا ۇشا السام دەپ ارماندايدى: قۇستىڭ قاناتى سياقتى قاناتىم بولىپ، كەڭىستىكتە قالىقتاپ جۇرسەم دەگەن قيالى بۇگىنگى كۇنى پاراشوتپەن قالىقتاپ ۇشۋ، ديناميكالى قاناتتى ءۇش بۇرىش سياقتى كەڭىستىك دەنە تاربيە قيمىلدارى ارقىلى ورىندالعانداي.
شينجياڭنىڭ كەڭىستىك دەنە تاربيە كاسىبىنىڭ دامۋى دا سول قيالمەن قارايلاس: مەكتەپ اۋلالارىندا، كەڭىستىكتە ۇشۋعا قاتىستى جارىستار ۇنەمى وتكىزىلىپ تۇرادى؛ ساياحات كورىنىس رايوندارىندا، ديناميكالى پاراشوت، پاراشوتپەن كەڭىستىكتە قالىقتاپ ۇشۋ، جىلى اۋا شارى سياقتى ويىن تۇرلەرىنەن مەيلىنشە قاناعاتتانۋعا بولادى، ال اتاعى جەر جارعان ۇشقىشسىز ۇشاق ۇلگىلەرىن دە كەزىكتىرە الاسىز.
شينجياڭ كەڭىستىك دەنە تاربيە كاسىبىن جەدەل دامىتىپ، كەڭىستىكتە ۇشۋ ارمانىن جۇزەگە اسىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
