- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
فۋتبول، باسكەتبول، ۆولەيبول سپورتىن رايونىمىز دەنە تاربيە كاسىبىنىڭ دامۋىنداعى «سەركەگە» اينالدىرايىق
دۇڭ لياڭ
2016.09.02 13:49 كەلۋ قاينارى : شينجياڭ گازەتى
جەڭىس حابارى ارت - ارتىنان كەلىپ، قۋانىشتار مولايدى
«قوس كورمەنىڭ» اشىلۋ قارساڭىندا، ىشكى ولكەدەن ءبىر قۋانىشتى حابار كەلىپ، شينجياڭداعى ءار ۇلت ۇلاندارى شاتتىققا شومدى.
27 - تامىزدا جۇڭگو فۋتبول بىرلەستىگىنىڭ A دارەجەلى بىرلەسپە جارىسىنىڭ 24 - كەزەگىندە تيانشان بارىس كومانداسى قوناق الاڭدا بەيجيڭ رىنحى كومانداسىمەن جارىسۋدان بۇرىن، شينجياڭ تيانشان بارىس فۋتبول كلۋبى «جۇڭگو دارەجەدەن تىسقارى بىرلەسپە جارىسىنا كىرۋدى» وسى جارىس ماۋسىمىنداعى اقتىق نىسانا ەتكەندىكتەرىن تۇڭعىش رەت رەسمي جاريالادى.
جۇڭگو A دارەجەلى بىرلەسپە جارىسىنداعى كلۋپتار اياماي قارجى قوسقان، دۇنيە جۇزىندەگى سورپا بەتىنە شىعار سپورتشىلار دامىلسىز كەلگەن جاعدايدا، قوسىلعان قارجى سالىستىرمالى از تيانشان بارىس كومانداسى جارىس ماۋسىمى العاش باستالعانداعى كوزگە تۇسپەيتىن كوماندادان قازىر 11 رەت جەڭۋ، 6 رەت تەڭ بولۋ، 7 رەت جەڭىلۋدەي ناتيجەمەن 39 ءنومىر جيناپ، جارىستا 5 - ورىنعا شىقتى، «سەركەدەن» نەبارى 8 ءنومىر كەم جينادى، وسى جارىس ماۋسىمىنداعى ەڭ ۇلكەن «بەلگىسىز جۇيرىك» اتاندى. اقىرعى ەسەپتە «جۇڭگو دارەجەدەن تىسقارى بىرلەسپە جارىسىنا » كىرسىن - كىرمەسىن، قۇرىلعانىنا نەبارى 3 جىل عانا بولعان شينجياڭداعى بۇل تۇڭعىش كاسىپتىك فۋتبول كلۋبىنىڭ وسىنداي ناتيجەگە قول جەتكىزۋى شينجياڭدىق فۋتبول جان كۇيەرلەرىن قايران قالدىرادى.
30 - تامىز كۇنى كەشتە شينجياڭ ۋوجياڭ ايەلدەر باسكەتبول كومانداسى جاڭا جارىس ماۋسىمىنداعى جۇڭگو ايەلدەر باسكەتبول بىرلەسپە جارىسىنىڭ (WCBA) سارالاۋ جارىسىندا جياڭسۋ كومانداسىن جەڭىپ، 3 جارىستا بىردەي جەڭۋدەي ناتيجەمەن داعدىلى جارىستاعى ورنىن ءبىر كەزەك بۇرىن تۇراقتاندىردى. وتكەن جارىس ماۋسىمىنان كەيىن، ۋوجياڭ ايەلدەر باسكەتبول كومانداسى تاعى دا قۋانارلىقتاي ناتيجەمەن WCBAنىڭ داعدىلى جارىسىنا قادام الدى.
وتكەن جارىس ماۋسىمىنداعى جارىستار شينجياڭ باسكەتبول جان كۇيەرلەرىنىڭ كوز الدىنان كەتپەيدى. ەندى عانا قۇرىلعان «بەلگىسىز جۇيرىك» ۋوجياڭ ايەلدەر باسكەتبول كومانداسى داعدىلى جارىستا 1 - بولىپ، ماۋسىم سوڭىنداعى جارىسقا جول الدى ءارى سان بوگەتتەردى بۇزىپ، WCBAنىڭ شەشۋشى جارىسىنا قاتىناسىپ، اقىرعى ەسەپتە جۇلدەگەر بولىپ، جۇڭگو ايەل باسكەتبولشىلار سالاسىنداعى «كايسەرسىلاۋترىن كەرەمەتىن» جاراتتى. «شينجياڭ رۋحى» ادامدى يلاندىرادى
وتكەن ايدا عانا اياقتاعان ريو - دە - جانەيرو وليمپيادا سپورت جارىسىندا جۇڭگو ەرلەر باسكەتبول كومانداسىنىڭ ناتيجەسى تىم شىركىن - اي بولماعانىمەن، ساقا سپورتشى ي جيانلياننىڭ باسشىلىعىندا، جۇڭگو باسكەتبول كومانداسىنداعى جاس جەتكىنشەكتەر قىمباتتى تاجىريبە توپتادى. جۇڭگو ەرلەر باسكەتبول كومانداسىندا شينجياڭ گۋاڭحۇي ۇشار جولبارىس ەرلەر باسكەتبول كلۋبىنان كەلگەن جوۋ چي مەن لي گىن ەكەۋى دە وليمپيادا سپورت جارىسىنا تۇڭعىش رەت قاتىناستى، مۇنداي كەشىرمەنىڭ ولاردى ءتىپتى دە قايراتتانا قۇلشىنۋىنا قوزعاۋشى كۇش بولارى حاق.
بەرتىنگى جىلداردا ۇشار جولبارىس ەرلەر باسكەتبول كومانداسى جۇڭگو باسكەتبول ەڭ جوعارعى بىرىككەن جارىسىندا ىنتىماقتاسا كۇرەسىپ، كوپتەگەن قۋانارلىقتاي تابىسقا قول جەتكىزدى. ۇشار جولبارىس ەرلەر باسكەتبول كومانداسىنىڭ ءشىراليجان مۇحتار، قىرانبەك ماكەن، جوۋ چي، لي گىن باستاعان باسكەتبولشىلارى ەلىمىزدەگى باسكەتبول جان كۇيەرلەرىنە تانىلدى ءارى ولاردىڭ كوكەيلەرىندەگى «قاھارمانعا» اينالدى، سونىمەن قاتار بۇل كلۋپتان كوپتەگەن ادام جۇڭگو ەرلەر باسكەتبول مەملەكەتتىك كومانداسىنا، مەملەكەتتىك وليمپيادا كومانداسىنا ىركەس - تىركەس مۇشە بولدى. وسىلايشا ۇشار جولبارىس ەرلەر باسكەتبول كومانداسى شينجياڭنىڭ «دەنە تاربيە جۇلدىزى» بولىپ جارقىرادى.
بيىل شىلدەنىڭ باس شەنىندە شينجياڭ دەنە تاربيە ورتالىعى ءساتتى وتكىزگەن 2016 - جىلعى مەملەكەتتىك قايراڭ ۆولەيبولى جۇلدەلى جارىسىندا شينجياڭنىڭ ەرلەر، ايەلدەر قايراڭ ۆولەيبول كومانداسى جاس سپورتشىلاردى جارىسقا قاتىناستىردى، ولار جارىستا ەرەكشە قايسارلىق بايقاتىپ، ەلىمىزدىڭ جەر - جەرىنەن كەلگەن جاتتىقتىرۋشىلار مەن سپورتشىلاردىڭ جاقسى باعاسىنا يە بولدى.
«شينجياڭ ەلىمىزدەگى تەڭىزدەن ەڭ الىس رايون بولعانىمەن، بۇل ارادان شىققان قايراڭ ۆولەيبولشىلارى وتە كوپ. شينجياڭنىڭ قايراڭ ۆولەيبولشىلارى قاجىرلى دا ەڭبەكشىل رۋحىمەن بۇكىل ەلگە تانىلعان، ولار ۇيرەنۋىمىزگە ابدەن تاتيدى»، - دەدى جارىستا ايەلدەر قايراڭ ۆولەيبول ءتۇرى بويىنشا اعا جۇلدەگەرلىكتى العان شاندۇڭ قۇراماسىنىڭ مۇشەسى ما يۋانيۋان. ول بىلاي دەدى: «مەملەكەت قۇراماسىنداعى اپەكەمىز ۋاڭ جيە وليمپيادادا 2 - جۇلدەنى العان، قازىرگى ارىپتەسىم شيا شين - ي ەڭ جاس الەمدىك اعا جۇلدەگەر رەكوردىن جاڭالادى. جۇڭگو قايراڭ ۆولەيبولىنىڭ كوپتەگەن رەكوردىن شينجياڭنىڭ ساڭلاقتارى جاڭالاعان، ولار جۇڭگو قايراڭ ۆولەيبولىنىڭ ماقتانىشى».
مەيلى فۋتبول، باسكەتبول، الدە قايراڭ ۆولەيبولى بولسىن، رايونىمىزدىڭ سپورتشىلارى ەلىمىزدەگى، حالىقاراداعى جارىستاردا ىنتىماقتاسا كۇرەس جۇرگىزۋ رۋحىن، ەلىمىزگە، جۇيەدەن، دۇنيە جۇزىنە «شينجياڭ رۋحىن» ايگىلەدى. مىعىم نەگىز قالاپ، «فۋتبول، باسكەتبول، ۆولەيبول» سىندى سپورتتى دامىتۋعا دەم بەرەيىك
سوڭعى جىلدارى رايونىمىزدا فۋتبول، باسكەتبول، ۆولەيبول سىندى سپورتپەن شۇعىلداناتىنداردىڭ كوپتەپ شىعۋى رايونىمىزدىڭ وسى ءبىر سپورت تۇرلەرىنەن ەل ءىشى جانە حالىقارالىق جارىستاردا ناتيجە جاراتۋىنا شابىت بەردى، رۋحاني جاقتاعى جەبەۋ رولىنان تىس، ءبىز فۋتبولدىڭ، باسكەتبولدىڭ، ۆولەيبولدىڭ رايونىمىزداعى تەرەڭ تاريحي مادەنيەتتىك ءمانى مەن بۇقارالىق نەگىزى سىندى ماڭىزدى فاكتورىن ەسكەرۋسىز قالدىرماۋىمىز كەرەك.
قىزىلسۋ قىرعىز اۆتونوميالى وبلىسىنىڭ اتۇش قالاسىنداعى «100 جىلدىق فۋتبول قىستاعىنىڭ» − ەكىساق قىستاعىن نەگىز ەتكەن فۋتبول تاريحى 19 - عاسىردىڭ سوڭىنان باستاۋ الادى. مۇندا 1927 - جىلى ەكىساق قىستاعىنىڭ فۋتبول قۇراماسى ۇلى بريتانيانىڭ قاشقارداعى كونسۋلحانا كونسۋلىنىڭ ۇسىنىس ەتۋىمەن قازىرگى كەزدە فۋتبولدا مىقتى ۇلى بريتانيالىقتارمەن جانە شۆەتسيالىقتارمەن جارىسقا ءتۇسىپ، ولاردى بىرگە قارسى 2 ۇپايمەن جانە نولگە قارسى 7 ۇپايمەن جەڭىپ العان ەدى. وسى ءبىر تاڭعاجايىپ قازىرگە دەيىن ەل اۋزىنان تۇسكەن ەمەس.
فۋتبول سپورتى جەرگىلىكتى ورىندا الىگە دەيىن تارالىپ كەلەدى، ەر - ايەل، كارى - جاس دەمەي تۇگەلدەي فۋتبولعا قىزىعادى، ۇل بالالار دەرلىكتەي فۋتبول سپورتشىسى بولۋدى كىشكەنتايىنان ارمانداپ كەلەدى. اتۇش قالالىق مادەنيەت، دەنە تاربيە، راديو - كينو مەكەمەسى پارتيا باسشىلىق گرۋپپاسىنىڭ مۇشەسى لۋ جىگونىڭ تانىستىرۋىنا قاراعاندا، بيىل جىل باسىندا اتۇش قالاسىنىڭ ءارقايسى اۋىل - قالاشىقتارى اراسىندا وتكەن فۋتبول جارىستارىندا ۇيىمداستىرۋ كوميسسياسى قالا ءوڭىرىنىڭ قاتىناسىنا كەدەرگىلىك جاساۋدان الاڭداپ، جارىستى قالا وڭىرىنەن 10 نەشە كيلومەتر شالعايداعى الاڭدا ورىستەتسە دە 40 مىڭنان استام اۋىلداس تاماشالاۋعا بارعان ەكەن. «بۇكىل قالادا 260 مىڭنان استام جان سانى بار، سول كەزدەگى قىزمەتتەگىلەردەن، ۇيرەنۋدەگىلەردەن جانە ءجۇرىپ - تۇرۋى قولايسىز قارتتاردان تىس، كەلە الاتىنداردىڭ ءبارى تۇگەلدەي كەلدى»، - دەدى لۋ جىگو.
كەزىندەگى ءدال وسى تاريحتىڭ ىقپالىنان فۋتبول سپورتى رايونىمىزدىڭ قاشقار ايماعى، قىزىلسۋ وبلىسىنان تۋىنداپ، وڭتۇستىك، سولتۇستىك جانە شىعىس شينجياڭنىڭ ءارقايسى ايماق، وبلىستارىنا تارالعان، رايونىمىزداعى ءار ۇلت بۇقاراسىنىڭ فۋتبولعا قىزعىندىلىعى، سونداي - اق جالپىلاسۋ دەڭگەيى ىشكى ولكەدەگى دامىعان ولكە، قالالاردان قالىسپادى. سوڭعى بىرنەشە جىلدا اۆتونوميالى رايوندىق دەنە تاربيە مەكەمەسى وقۋ - اعارتۋ مەكەمەسىمەن بىرلەسىپ، مەكتەپ فۋتبول بىرىككەن جارىسىن وزدىرىپ، ءۇرىمجى قالالىق 5 - باستاۋىش مەكتەبى، بۋرىلتوعاي اۋدانى جەتارال اۋىلى باستاۋىش مەكتەبى، قاشقار قالاسى 1 - ورتا مەكتەبى، اتۇش قالاسى 1 - ورتا مەكتەبى، حوتان 5 - ورتا مەكتەبى سياقتى مەكتەپتەردىڭ اتىن ەل ىشىندەگى، حالىقاراداعى جارىستاردا شىعانداتتى.
مۇنان تىس، الدىڭعى عاسىردىڭ 50-، 60 - جىلدارىندا رايونىمىز شاڭحاي، تيانجين، حۋبەي سياقتى جەرلەردەن دەنە تاربيە ساڭلاقتارىن كوپتەپ ەنگىزىپ، ماشىقتانۋ دەڭگەيى مەن جارىس ناتيجەسىن جوعارىلاتۋعا دەم بەردى. وسى دارىندىلاردىڭ كومەگىندە، بۇكىل شينجياڭداعى ءار ۇلت سپورتشىلارىنىڭ قاجىرلىلىقپەن ماشىقتانۋى مەن قۇلشىنۋىندا فۋتبول، باسكەتبول، ۆولەيبولدى قامتىعان شينجياڭ سپورتىنىڭ جالپى دەڭگەيى جاپپاي جوعارىلادى. 1963 - جىلى شينجياڭ ايەلدەر باسكەتبولى مەملەكەتتىك ايەلدەر باسكەتبول جارىسىندا «1 - تامىز»، «شاڭحاي» سياقتى ەجەلدەن باسىم ورىندا كەلە جاتقان كوماندالاردى جەڭىپ، ءبىر ءداۋىردىڭ اڭىزىنا اينالدى.
رايونىمىزدىڭ فۋتبول، باسكەتبول، ۆولەيبول سپورتى الدىڭعى عاسىردىڭ 90 - جىلدارىنىڭ ورتاڭعى، سوڭعى مەزگىلىندە تاريحي فاكتورلاردىڭ اسەرىنەن كىدىرىپ قالسا دا، «100 جىلدىق فۋتبول قىستاعىنىڭ» «تاڭعاجايىبى»، شينجياڭ ايەلدەر باسكەتبول كومانداسىنىڭ جۇلدەگەر بولۋى سياقتى شۇعىلالى تاريحتار ۇشقىننان جالىن قاۋلاتتى. ەكونوميكا دامىعان، قوعام ورنىقتى بۇل كۇندە اۆتونوميالى رايوندىق پارتكوم مەن ۇكىمەتتىڭ وسكەلەڭ تۇردە ءمان بەرۋىندە رايونىمىزدىڭ ءار ۇلت ۇلاندارى شۇعىلالى تاريحتى قايتا كورسەتۋگە ۇزبەي قۇلشىنا كۇرەسۋدە.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
