- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەرەكشە ترانسفورماتور سەرىكتەستىگى − حالىقارا بويىنشا ءوندىرىس قۋاتىن سىرتقا شىعارۋدى كاسىپ ەتكەن حالىق باسقارۋىنداعى كاسىپورىنداردىڭ سەركەسى
2016.09.02 13:53 كەلۋ قاينارى : شينجياڭ گازەتى
شينجياڭنىڭ اۋىر، ءىرى جابدىق جاساۋ كاسىپورنى − ەرەكشە ترانسفورماتور سەرىكتەستىگى «ءبىر بەلدەۋ، ءبىر جولدىڭ» وزەكتى وڭىرىنە جايعاسقان شينجياڭنىڭ جاعراپيالىق ورىن ابزالدىلىعى مەن گۋمانيتارلىق ابزالدىلىعىنان تولىق پايدالانىپ، شىلىڭگىر ىستىق بولاتىن وڭتۇستىك ازياداعى پاكيستان، ءۇندىستاننان قىزىلشۇناق اياز تۇسەتىن ورتا ازياداعى تاجىكستان، قىرعىزستانعا دەيىن سوزىلعان ۇشى - قيىرسىز كەڭ - بايتاق القاپتا «ەلەكتر كۇشى جىبەك جولى» قۇرىلىسىن جانە الەمدىك ەنەرگيا تورى قۇرىلىسىن ىلگەرىلەتىپ، دامۋ تاسىلىنە بۇرىلىس جاساپ، حالىقارا بويىنشا ءوندىرىس قۋاتىن سىرتقا شىعاراتىن جانە سەلبەستىك ورناتاتىن جاساۋ كاسىبى سالاسىنداعى حالىق باسقارۋىنداعى كاسىپورىنداردىڭ سەركەسىنە اينالدى.
2015 - جىلى مامىر، «جۇڭگو - پاكيستان ەكونوميكالىق ءدالىزىنىڭ» بويىنداعى پاكيستاننىڭ پەنجاپ ولكەسى باحاۋالپۋر ايماعىنىڭ تار شولىندە قاز - قاتار تىزىلگەن قارا كوك ءتۇستى باتەريا تاقتالارى بەينە قۇبا شولدەگى «تەڭىزگە» ۇقسايدى. پاكيستانداعى تۇڭعىش 100 مەگاۆاتتىق ءىرى تۇرپاتتى كۇن نۇرى فوتوۆولتتىق ەلەكتر ستانسياسى وسىندا رەسمي ىسكە قوسىلدى. دۇنيە ءجۇزى بويىنشا سيرەك كەزدەسەتىن، جوعارى ولشەمدە، جوعارى دەڭگەيدە جوبالانعان وسى ءىرى كۇن نۇرى ەلەكتر ستانسياسىن سالۋ جۇمىسىن جۇڭگونىڭ ەرەكشە ترانسفورماتور سەرىكتەستىگى ۇستىنە الىپ، نەبارى 10 اي ىشىندە سالىپ شىققان. ول ەلەكتر ستانسياسى ماڭىنداعى پەنجاپ ولكەسىن ءار كۇنى 500 كيلوۆات - ساعات توكپەن قامداپ، جەرگىلىكتى ورىننىڭ ەلەكتر تاپشى بولۋ جاعدايىن ءونىمدى شەشتى، سونىمەن بىرگە «جۇڭگو - پاكيستان ەكونوميكالىق ءدالىزىنىڭ» الدىڭعى مەرزىمدىك قۇرىلىستارىنىڭ ىشىندەگى ۇلگى كورسەتەتىن قۇرىلىسقا اينالدى.
ەرەكشە ترانسفورماتور سەرىكتەستىگى قارجى قوسىپ قۇرعان، كەرنەۋ وزگەرتۋ - ەلەكتر جەتكىزۋ جاعىندا وزىق جابدىق وندىرەتىن كاسىپ باقشاسى − ەرەكشە ترانسفورماتور ەنەرگيا (ءۇندىستان) شەكتى جارنا سەرىكتەستىگىنىڭ ەرەكشە جوعارى كەرنەۋ وزگەرتكىش زەرتتەۋ، جاساۋ بازاسى جۋىقتا ءۇندىستاننىڭ گۋجرات ولكەسىنىڭ بارودا قالاسىندا رەسمي قۇرىلدى، ول جۇڭگونىڭ ءۇندىستاننىڭ جابدىق جاساۋ سالاسىنا قارجى قوسىپ قۇرعان ەڭ كولەمدى كاسىپورنى سانالادى، سونىمەن بىرگە ەلىمىزدىڭ ەرەكشە جوعارى كەرنەۋلى كەرنەۋ وزگەرتۋ - ەلەكتر جەتكىزۋ ءونىمىنىڭ تۇڭعىش رەت مەملەكەت ەسىگىنەن اتتاپ شىعۋى. ەرەكشە ترانسفورماتور سەرىكتەستىگىنىڭ باسالقاسى جاڭ شين بىلاي دەدى: سەرىكتەستىگىمىز وسى بازانى شىعار ءتۇيىن ەتىپ، جەل كۇشى مەن كۇن نۇرى ءبىر - ءبىرىن تولىقتايتىن، قايتا تۋىندايتىن ەنەرگيالى ەلەكتر ستانسياسىنىڭ ينتەگرالدى تەحنيكاسى، كۇن نۇرى ەنەرگياسىن ەلەكتر كۇشىنە اينالدىراتىن وزەكتى بولشەكتەردى جاساۋ تەحنيكاسى، ەلەكتر سىمىن جانە كابەل زەرتتەپ جاساۋ تەحنيكاسى جانە ەلەكتر مەن ەلەكتروندى شوعىرلاۋ تەحنيكاسى سياقتى جاسامپاز تەحنيكالاردى توڭىرەكتەي وتىرىپ، ەرەكشە ترانسفورماتور ەنەرگيا (ءۇندىستان) شەكتى جارنا سەرىكتەستىگىن دۇنيە جۇزىندە بىرەگەي جوعارى، جاڭا تەحنيكا كاسىپ بازاسى ەتىپ قۇرىپ شىعۋعا قۇلشىنادى. مۇنان تىس، ەرەكشە ترانسفورماتور سەرىكتەستىگى ا ق ش، رەسەي، برازيليا سياقتى 60تان استام مەملەكەت پەن رايوندى جاسىل، ورتانى لاستامايتىن، زەيىندى تەحنيكا، سەنىمدى دە جوعارى ءونىمدى ەنەرگيا جابدىقتارىمەن جانە سيستەما شوعىرلاۋ جاعىنان قىزمەت وتەۋمەن قامدادى؛ سونداي - اق تاجىكستان، قىرعىزستان، فيليپپين، پاكيستان، زامبيا، كەنيا سياقتى 10 نەشە مەملەكەتتىڭ ەلەكتر جۇيەسىن جوبالاۋ جانە ەلەكتر قاينارى، ەلەكتر تورابى قۇرىلىستارىنا ات سالىسىپ، بارلاۋ، جوبالاۋ، قۇرىلىس جۇرگىزۋ، ورناتۋ، سايكەستىرۋ، سىناق جۇرگىزۋ، تاربيەلەۋ - جەتىلدىرۋ، تيجارات جۇرگىزۋ، كۇتىمدەۋ ءبىر تۇلعالانعان «كىلت تاپسىرۋ ينجەنەرياسىنا» ات سالىستى جانە جۇيەنى ءبىر جايلى ەتۋ جوباسىن دايىنداپ بەردى.
جاڭ شين بىلاي دەدى: سەرىكتەستىگىمىز وسى نىسانداردى جۇرگىزۋ ارقىلى سەلبەستىك ورناتقان سەرىكتەرىمەن جانە قاريدارلارمەن سەرىكتەستىكتىڭ كەرنەۋ وزگەرتۋ - ەلەكتر جەتكىزۋ تەحنيكاسى جاعىندا دۇنيە ءجۇزى بويىنشا الدىڭعى ورىندا تۇراتىن ەنەرگيا ۇنەمدەۋ، جاڭالىق اشۋ ينجەنەرياسى سانالاتىن 1000 كيلوۆولتتىق ەرەكشە جوعارى كەرنەۋلى اينىمالى ەلەكتر تەحنيكاسى، 800± كيلوۆولتتىق ەرەكشە جوعارى كەرنەۋلى تۇراقتى ەلەكتر تەحنيكاسى، ءبىر ميلليون كيلوۆاتتىق ءىرى كولەمدى يادرولىق ەلەكتر تەحنيكاسى، ءىرى كولەمدى سۋ ەلەكتر، وت ەلەكتر ستانسياسى جانە قايتا تۋىندايتىن بايلىق سالاسىنداعى تابىستى تاجىريبەلەرىنەن ورتاق يگىلىكتەنىپ، شينجياڭنان شىققان «جۇڭگو وندىرگەن» جاسامپاز عىلىم - تەحنيكا ارقىلى دۇنيە ءجۇزىن «جابدىقتادى».
دۇنيە ءجۇزى بويىنشا جابدىق جاساۋدىڭ وزىق تەحنيكاسىنا يە ەرەكشە ترانسفورماتور سەرىكتەستىگى جۇڭگونىڭ باتىس سولتۇستىگىندەگى شالعاي شينجياڭدا دۇنيەگە كەلگەن. قازىر «جىبەك جولى ەكونوميكالىق بەلدەۋىندە» تەبىندى وركەندەپ كەلە جاتقان شينجياڭداعى ەڭ ۇلكەن جوعارى جاڭا تەحنيكا كاسىپورنى جانە اۋىر، ءىرى جابدىق جاساۋ كاسىپورنى بولعان ەرەكشە ترانسفورماتور سەرىكتەستىگى عىلىم - تەحنيكادا جاڭالىق اشۋ ارقىلى جۇڭگو بازارىن يەلەۋمەن عانا تىنباي، «ءبىر بەلدەۋ، ءبىر جولدىڭ» بويىنا ورنالاسقان ەلدەر مەن وڭىرلەرگە كوز تىگىپ، حالىقارالىق ءوندىرىس قۋاتى سەلبەستىگىن سەرىكتەستىكتىڭ دامۋ تاسىلىنە بۇرىلىس جاساۋداعى ماڭىزدى قوزعاۋشى كۇشى ەتتى.
ەرەكشە ترانسفورماتور سەرىكتەستىگىنىڭ اتقارۋشى ءتوراعاسى حۋاڭ حانجيە بىلاي دەدى: الەم ەكونوميكاسىنىڭ سۇرەڭسىز تۇسىندا، ءوندىرىس قۋاتى اۋىر دارەجەدە ارتىپ قالعان، كاسىپورىندار جابىلىپ، بىرىگىپ، باسقا كاسىپكە كوشىپ جاتقان قيىن جاعدايدا، ەرەكشە ترانسفورماتور سەرىكتەستىگى كۇردەلى جاعداي مەن حاۋىپ - قاتەر، سىن - سايىستارعا ىرىقتىلىقپەن توتەپ بەرىپ، ءوز كاسىبىندە تاباندى بولىپ، زەيىن - زەردەسى مەن كۇش - قۋاتىن جاساۋ كاسىبىنە شوعىرلاندىرىپ، دەربەس جاڭالىق اشۋ قابىلەتىن كۇشەيتىپ، توڭىرەكتىڭ ءتورت بۇرىشىنان دارىندى توپتاپ، «جىبەك جولى ەكونوميكالىق بەلدەۋى» ەلەكتر ءدالىزىن الدىمەن سالىپ، «ءبىر بەلدەۋ، ءبىر جولدىڭ» ەلەكتر قۋاتى جاعىنداعى ءوزارا بايلانىسۋ، توعىسۋ قۇرىلىسىن ساپالى ونىممەن قامداپ، تۇتقالىق رول اتقاردى، جابدىق جاساۋ جانە الەمدىك ەنەرگيا تورى جاعىنداعى مىعىم كۇشىنە سۇيەنىپ، دۇنيە ءجۇزىنىڭ ەنەرگيا ىستەرىنىڭ دامۋىنا قىزمەت كورسەتتى.
حۋاڭ حانجيەنىڭ تانىستىرۋىنشا، سەرىكتەستىك ءار جىلى ساتۋدان كىرگەن تابىسىنىڭ %5 -3 دەربەس جاڭالىق اشۋعا جۇمسايدى ەكەن، سەرىكتەستىك جۇڭگوداعى ەڭ جوعارى دەڭگەيدەگى مەملەكەتتىك كاسىپورىن تەحنيكا ورتالىعى، ينجەنەريا تاجىريبەحاناسى، پاسدوكتورلاردىڭ عىلمي زەرتتەۋ ورنى بولۋ سىندى ابزالدىلىعىن ارقاۋ ەتىپ، دەربەس جاڭالىق اشىپ، ەل ءىشى - سىرتىنداعى 100دەن استام ولشەم بەلگىلەۋ نىسانىنا ات سالىسىپ، دەربەس وندىرۋدەن جۇيەنى شوعىرلاندىرۋدى جاڭالاۋعا ويىسىپ، ءوندىرۋ قۋاتى مىعىم ەلدەن جاراتۋ قابىلەتى بار ەلگە اينالىپ، بازار ءورىسىن جۇڭگودان دۇنيە جۇزىنە كەڭەيتىپ، جۇڭگونىڭ ولشەمىن دۇنيە جۇزىنە جالپىلاستىرۋدى ىلگەرىلەتىپ، جۇڭگونىڭ ۇلتتىق ونەركاسىپ ماركاسىن جاراتتى.
بولاشاق دامۋ جوسپارىندا، ەرەكشە ترانسفورماتور سەرىكتەستىگى «جىبەك جولى ەكونوميكالىق بەلدەۋىنىڭ» بويىنداعى ەلدەرگە كوز تىكتى. جاڭ شين بىلاي دەدى: جاسىل ءتۇستى، ەنەرگيا ۇنەمدەيتىن ەرەكشە ترانسفورماتور سالاسىندا الەمدىك وزىق دەڭگەيدەگى تەحنيكاسىن ارقاۋ ەتە وتىرىپ، سەرىكتەستىگىمىز «ەكى بازاردان، ەكى ءتۇرلى بايلىقتان» ۇتىمدى پايدالانىپ، بازار ءورىسىن دۇنيە جۇزىنە كەڭەيتۋگە كۇش سالادى. وسى كەمەلدى نىسان قۇرىلىستارىنىڭ ارقاسىندا جۇڭگو وندىرگەن 5 ميلليارد دوللار قۇنعا يە وزىق ماشينا - ەلەكتر ونىمدەرى ەكسپورت ەتىلدى، نەشە ون مىڭداعان ادام شەتەلدەرگە بارىپ اقىل - پاراساتى مەن ەڭبەگىن سارىپ ەتىپ، جۇڭگو كاسىپورىندارىنىڭ حالىقاراداعى باسەكەلىك قۋاتى مەن ىقپال كۇشىن جوعارىلاتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
