- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بىرگە تەر توگۋدىڭ باقىتى
چاۋ جين
2016.09.02 13:47 كەلۋ قاينارى : شينجياڭ گازەتى
شينجياڭ دەنە تاربيە عىلمي زەرتتەۋ ورنىنىڭ دەنە شىنىقتىرۋ ارقىلى ساۋىعۋ كەڭسەسىندە 47 جاستاعى گو يۇڭ - ي يوگا توسەنىشىندە جازىقتىقتا شىنتاعىمەن جانە اياعىنىڭ ۇشىمەن تايانىپ تۇرۋدى جاتتىعۋدا. كەنەت، ونىڭ بەتىنەن بۇرشاقتاي تەر تامىپ كەتتى، ول مۇنداي جاتتىعۋعا نەبارى ءبىر - ەكى سەكۋند عانا شىداي العانىمەن ءوز كەزىندە ميىنا توسىننان قان قۇيىلعان ادام ءۇشىن بۇل ۇلكەن مۇعجيزا ەدى.
گو يۇڭ - ي: ەگەر تەر توگۋ ارقىلى باقىتقا كەنەلۋگە بولاتىن بولسا بۇدان وزگەنىڭ كەرەگى نە؟ - دەيدى كۇلىمسىرەپ. 7 جىلدىڭ الدىنداعى سول ءبىر ءىستى تىلگە العان گو يۇڭ - يدىڭ ونە بويىن ازىن - اۋلاق قورقىنىش بيلەگەنىمەن قازىر بۇرىنعىعا قاراعاندا سابىرلى دا سالماقتى بولىپ قالىپتى. 2009 - جىلى 6 - ناۋرىز كەشتە ۇساق - تۇيەك ىستەرگە بولا ۇلىمەن رەنجىسىپ قالعان ونىڭ ميىنا قان قۇيىلىپ «120» شۇعىل قۇتقارۋ اۆتوكولىگىمەن شيپاحاناعا جەتكىزىلەدى. سودان كەيىن 8 كۇن ەس - ءتۇسسىز جاتىپ، ەكى رەت ومىرىنە حاۋىپ تونەدى.
گو يۇڭ - ي ەسىن جيعاننان كەيىن العاشىندا ءتىلى بايلانىپ قالادى. شيپاگەر وعان «بۇل جولعى شۇعىل اۋرۋ ءىس - ارەكەتىڭە، ەستە ساقتاۋ قابىلەتىڭە، سويلەۋىڭە شالىعىن تيگىزەدى» دەپتى. «قىبىر ەتە الماي، سۇلىق جاتىپ قالدىم، شيپاگەرلەر مەنى ورنىنان ماڭگى تۇرا الماۋى مۇمكىن دەدى». ءبىراق اسا كۇشتى ەرىك - جىگەرىنە سۇيەنگەن، تالەيى وڭىنان كەلگەن گو يۇڭ - ي ءبىر جىلدان كەيىن ورنىنان تۇرا الاتىن دەڭگەيگە جەتەدى. ارينە، بەتى مەن وڭ بىلەگى قيسايىپ قالسا دا، قولىنىڭ سەزۋ تۇيسىكتەرى جويىلىپ كەتسە دە توسەكتە جاتا بەرگىسى كەلمەي اقىرىنداپ بولسا دا ءجۇرىپ ارەكەت جاسايدى. ول ىرگۇڭ سپورت سارايىن اينالىپ جاتتىعۋدى ءار كۇنى تاباندىلىقپەن جالعاستىرادى. ءوستىپ جۇرگەن كۇندەردىڭ بىرىندە دەنە تاربيە عىلمي زەرتتەۋ ورنىنداعى تاجىريبەحانانىڭ سىرتقا اشىق ۇستاۋ قيمىلىنىڭ ۇستىنەن تۇسەدى، زەرتتەۋ ورنىنىڭ ورىنباسار باستىعى الىمجان احىمەت قيمىلعا ات سالىسۋشىلاردىڭ دەنە ساپاسىن باعالاپ جاتىر ەكەن، قاسىنا بارىپ بىردەم قاراپ تۇرادى.
سونان كەيىن باتىلدىقپەن ءبىر بەكىمگە كەلگەن ول جانىندا تۇرعان ەڭگەزەردەي ماماننان: سىزشە، مەنىڭ ناۋقاسىما ەم بار ما؟ - دەپ سۇرايدى.
ادام دەنەسىنىڭ بۇلشىق ەتتەرى جونىندە بەلگىلى تۇسىنىگى بار الىمجان وعان زەر سالا قارايدى ءارى بەرتىنگى بىرنەشە جىلداعى نەرۆ جۇيەسىندەگى ءتۇرلى زەرتتەۋ ناتيجەلەرى ارقىلى ونىڭ ارمانىن رەالدىققا اينالدىرۋعا بولاتىنىن مولشەرلەپ: ەگەر ءوزىڭىزدى اۋرۋ ادام ەمەسپىن دەپ ەسەپتەيتىن بولساڭىز، مەن سىزگە دەنە شىنىقتىرۋ ارقىلى ساۋىعۋدىڭ ءادىس - تاسىلدەرىن ۇيرەتىپ، دەنساۋلىعىڭىزدىڭ بۇنان دا جاقسى بولۋىنا ايانباي كومەكتەسەر ەدىم، - دەيدى. سونىمەن وي - ماقساتتارى ءبىر جەردەن شىققان ەكەۋى تەز ءتىل تابىستى. وسىدان كەيىنگى كۇندەردە جايشىلىقتا سپورتشىلارعا ارنالعان كاسىپتىك جابدىقتارمەن «شتاتتان تىس» ءبىر ادام جاتتىعۋ جاسايتىن بولدى. سپورتشىلار جوق كەزدەردە بۇل جەرگە گو يۇڭ - ي ۇزبەي كەلىپ تۇردى. الىمجان ونىڭ سول كەزدەگى جاعدايىنا سايكەستى دەنساۋلىعىن قالپىنا كەلتىرۋدىڭ جاڭا جوباسىن جاساپ بەردى.
بىرنەشە رەتكى جاتتىعۋدان كەيىن باسپالداققا شىعا المايتىن گو يۇڭ - ي الىمجاننىڭ شابىتتاندىرۋىندا بىرتىندەپ سىناپ كورۋ ورنىنداعى ون نەشە باسپالداقتى باسىپ شىعا الاتىن بولدى. كۇيەۋىندەگى ىلگەرىلەۋشىلىكتى كورگەن گو يۇڭ - يدىڭ ايەلى اسەرلەنگەنىنەن كوزىنە جاس الدى.
باسقا تۇسسە باسپاقشىل دەگەندەيىن، بۇگىن دە گو يۇڭ - ي ومىرگە ۇمىتكەرلىكپەن قارايدى. وڭ بىلەگىنىڭ قيسايعانى تۇزەلىپ، وڭ قولىن اشىپ - جۇما الاتىن، ءىشىنارا جەڭىل - جەلپى نارسەلەردى قينالماي ۇستاي الاتىن بولىپتى. «قازىر ۇيدە تاڭعى تاماق پەن تۇسكى استى ءوزىم دايىندايمىن!» ايەلىنە كومەكتەسىپ ءۇي جۇمىستارىنا قولعابىس ەتە العانىنا گو يۇڭ - ي قاتتى قۋاناتىندىعىن ءبىلدىردى.
«بۇل نەرۆ ۇشىنىڭ ءونىمدى مەڭگەرىلگەندىگىن اڭعارتادى». بۇل ءالى جەتەرلىك ەمەس دەپ قاراعان الىمجان ەندىگىدە ءتىپتى دە كوپ ماتەريال اقتارىپ، گو يۇڭ - يدىڭ دەنساۋلىعىن ءتىپتى دە جاقسارتۋعا كىرىسىپتى.
«مەن بۇرىن دەنساۋلىقتى قالپىنا كەلتىرۋ دەگەنىمىز دەنەنى ارەكەتتەندىرۋ دەپ ءبىلۋشى ەدىم. بۇل جولى مۇنداي كوزقاراسىم بۇكىلدەي وزگەردى. دەنساۋلىعىم، ءسوز جوق، كۇننەن - كۇنگە جاقسارا تۇسەتىن سياقتى». گو يۇڭ - ي ءتىپتى دە كوپ ادامنىڭ ءوزى سياقتى ەڭ كاسىپتىك، تاماشا «سپورت رەتسەبىنە» يە بولۋىن ءۇمىت ەتەدى. «قالاي دەگەنمەن، دەنساۋلىق باعاسىز بايلىق ەمەس پە».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
