الدىڭعى 2 ايدا تۇتاس شينجياڭدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى ％54.9 ارتتى
2021.03.29 16:29 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى حي حۇڭۋي 3 - ايدىڭ 27 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىنشا، الدىڭعى 2 ايدا تۇتاس رايونىمىزدا تۇتىنۋ بۇيىمدارى بازارىندا جەدەل قايتا ارتقان تاماشا باستاما جارىققا شىعىپ، تۇتاس رايونىمىزدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 50 ميلليارد 145 ميلليون يۋان بولىپ، سايكەس مەزگىلدەگىدەن ％54.9 ارتقان.
ساندى مالىمەتتە كورسەتىلۋىنشە، الدىڭعى 2 ايدا تۇتاس رايونىمىزدا سوماسى ولشەمنەن جوعارى ورىنداردىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 22 ميلليارد 155 ميلليون يۋانعا جەتىپ، سايكەس مەزگىلدەگىدەن ％87 ارتقان. قالا، اۋىل بازارى جەدەل قايتا جاندانىپ، تۇتاس رايونىمىزداعى قالا - قالاشىق بازارىنىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 21 ميلليارد 178 ميلليون يۋانعا جەتىپ، سايكەس مەزگىلدەگىدەن ％85.9 ارتقان؛ اۋىل - قىستاقتاردا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 968 ميلليون يۋانعا جەتىپ، سايكەس مەزگىلدەگىدەن 1.1 ەسە ارتقان. سونىمەن بىرگە قونالقى، اس - سۋ كاسىبى، جاڭاشا تۇتىنۋ سياقتىلار بارىنشا ارتىپ، ۇن - ماي، ازىق - تۇلىك، اۆتوكولىك، مۇناي سياقتى تۇراقتى تۇتىنۋ تاۋارلارى، ءتۇيىندى تاۋارلار تۇگەلدەي جەدەل ارتقان.
بيىل جىل باسىندا اۆتونوميالى رايون «رايونىمىزدىڭ تاياۋ مەزگىلدەگى ساۋدالىق تۇتىنۋ ءتۇيىندى قىزمەتىن اناعۇرلىم ءبىر تۇتاس جوسپارلاپ ىلگەرىلەتۋ جونىندەگى جەتەكشى پىكىرىن» شىعارىپ، ساۋدانى، بازاردى قالپىنا كەلتىرۋدى جەدەلدەتۋدى ىلگەرىلەتۋ، ساتۋدى جەبەۋ قيمىلدارىن ورىستەتۋ، تۇتىنۋ تۇعىرى قۇرىلىسىن جەدەلدەتۋ سىندى 13 ءتۇيىندى شارانى العا قويىپ، تۇتىنۋدى جەبەدى. سونىمەن بىرگە رايونىمىز شينجياڭ ”ساپالى تۇتىنۋ، تىڭ تۇرمىس“ ءۇي جيھازدارى ماۋسىمى، جەلىدەگى مەرەكەلىك بۇيىمدار ساتۋ مەرەكەسى سىندى ينتەرنەت جەلىسىندە جانە جەلىدەن تىسقارى توعىسقان تۇتىنۋدى جەبەۋ قيمىلدارىن بەلسەنە ورىستەتتى. مەرەكەلىك تۇتىنۋدا زات تولىق، باعاسى ورنىقتى بولۋىن، تۇراقتى تۇتىنۋ نەگىزىن بەكەمدەۋدى جەبەۋ ءۇشىن، اۆتونوميالى رايون ىلگەرىندى - كەيىندى قاتىستى حۇجاتتاردى شىعارىپ، مەرەكەدە قامداۋدى قامتاماسىز ەتۋ قىزمەتىن ورنالاستىرىپ، جايعاستىرىپ، قامداۋدى قامتاماسىز ەتۋ مەجە جوباسىن اناعۇرلىم كەمەلدەندىرىپ، ىندەتتەن ساقتانۋ - تىزگىندەۋ مەن مەرەكەدە قامداۋدى قامتاماسىز ەتۋدى عىلمي دالمە - ءدال كۇشەيتىپ، ساۋدالىق قوردى ارتتىرىپ، اۆتونوميالى رايوننىڭ ساۋدا ىستەرى جۇيەسىن ءتۇيىندى قامداۋدى قامتاماسىز ەتەتىن كاسىپورىنداردىڭ ەسىمدىگىن ورناتىپ، ۇكىمەت، كاسىپورىن، بانكەنىڭ سەلبەستىگىن كۇشەيتىپ، قامداۋدى قامتاماسىز ەتۋ نەگىزىن بەكەمدەپ، بازاردىڭ قامداۋىنا بار كۇشپەن كەپىلدىك ەتتى.
اۆتونوميالى رايوندىق ساۋدا ىستەرى مەڭگەرمەسىنىڭ ورىنباسار باستىعى ليۋ بين مىنانى ءبىلدىردى: ىندەتتەن ساقتانۋ - تىزگىندەۋ جاعدايىنىڭ ۇزدىكسىز ورنىعىپ، جاقسارۋىنا ىلەسە، الداعى كەزدە رايونىمىز تۇتىنۋ بازارىنىڭ جالپى تۇلعاسىندا ۇزدىكسىز قالپىنا كەلتىرۋ سيپاتتى ارتۋ جاعدايىنىڭ جارىققا شىعاتىندىعى مەجەلەندى. دەسەدە، ىندەت تۋدىرعان تۇتىنۋ بازارىنىڭ كەرى باعىتتا تولقۋ فاكتورى ءالى دە ورىن تەبۋدە. كەزەكتەگى جاعدايدان قاراعاندا، رايونىمىزدا تۇتىنۋ بازارى تومەنگى كۇيدەن قايتا كوتەرىلدى دەي تۇرعانمەن، ىندەتتىڭ اسەرىنەن اينالىمداعى كاسىپورىندارىنىڭ شارۋاشىلىق جۇرگىزۋى قيىن بولۋ جاعدايى ناقتى ورىن تەبۋدە، اس - سۋ كاسىبى، اۆتوكولىك تۇرىندەگى تۇتىنۋدىڭ ارتۋى اناعۇرلىم بەكەمدەۋدى قاجەت ەتەدى.
كەلەسى قادامدا اۆتونوميالى رايوندىق ساۋدا ىستەرى مەڭگەرمەسى تۇلعالىق جاۋاپكەرشىلىكتى قاتايتىپ، جەر - جەردىڭ جىلدىق نىسانا مىندەتىن عىلمي، ۇيلەسىمدى بەلگىلەۋىنە جەتەكشىلىك ەتىپ، جەر - جەردىڭ، تاراۋلاردىڭ شارالاردى جىنتىكتەۋىن ءتۇيىندى ىلگەرىلەتىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋدىڭ ءىس جۇزىندىگىمەن ۇشتاستىرىپ، قاتىستى ساۋدا قوعامدارىمەن، ءتۇيىندى كاسىپورىندارمەن بەلسەنە ءتۇيىسىپ، نەگىزگى تاقىرىپتىق تۇتىنۋ قيمىلدارىن دايىنداپ جوبالايدى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
