شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ قۇرىلىسى تەزدەتىلدى
ءبىر جىلعا تاياۋ ۋاقىتتا قول قويىلعان 130 نىساننىڭ قارجىسى 71 ميلليارد 100 ميلليون يۋاننان استى
2021.11.27 11:45 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋي يۇڭگۇي 11 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى وتكىزگەن اقپار جاريالاۋ ماجىلىسىنەن ۇعىسۋعا قاراعاندا، ءبىر جىلعا تاياۋ ۋاقىتتان بەرى، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسى ايتا قالسىن ناتيجەگە قول جەتكىزگەن: ساۋداگەر شاقىرىپ، قارجى ەنگىزۋ بويىنشا توپتىق قول قويۋ جينالىسىن ارت - ارتىنان 8 رەت وتكىزىپ، 130 نىسانعا قول قويىلعان، ونىڭ قارجىسى 71 ميلليارد 195 ميلليون يۋان بولعان؛ سىناق رايونىنداعى الدىمەن دامىتۋ اۋماعىنىڭ 1 - توپتاعى 45 ءتۇيىندى نىسانى جەدەل ىلگەرىلەتىلگەن؛ بيىل 1 - ايدان 10 - ايعا دەيىن يمپورت - ەكسپورت ساۋدا سوماسى 752 ميلليون دوللار بولىپ، سايكەس مەزگىلدەگىدەن ％253.05 ارتقان.
2020 - جىلى 12 - ايدىڭ 7 - كۇنى مەملەكەتتىك كەڭەس شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىن قۇرۋدى بەكىتتى. بۇل سىناق رايونى − ەلىمىزدىڭ باتىس سولتۇستىك وڭىرىندەگى شەكارا بويىنداعى بىردەن - ءبىر ءتۇيىندى دامىتۋ، ەسىك اشۋ سىناق رايونى.
”سىناق رايونى ەلىمىزدىڭ ورتا ازيا ەلدەرىمەن سەلبەستىكتى تەرەڭدەتۋدەگى، باتىسقا ەسىك اشۋداعى ماڭىزدى تەرەزەسى“. اقپار جاريالاۋ ماجىلىسىندە اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى ماۋ حۇي بىلاي دەپ تانىستىردى: مەملەكەتتىك دامۋ جانە رەفورما كوميتەتى باسىپ تاراتقان «شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسىن اتقارۋ جوباسى» سىناق رايونىنا ”جىبەك جولى ەكونوميكالىق بەلدەۋىنىڭ ماڭىزدى تىرەگى، ورتا ازيا ەلدەرىمەن سەلبەستىكتى تەرەڭدەتۋدەگى ماڭىزدى تۇعىر، شەكارا بويىنداعى وڭىرلەردىڭ ەكونوميكالىق دامۋداعى جاڭا ارتۋ ۇيەگى، شەكارانى جانە مەملەكەت جەرى حاۋىپسىزدىگىن قورعاۋدىڭ ماڭىزدى قالتقىسى“ سىندى 4 ۇلكەن ستراتەگيالىق ورىن بەردى. اۆتونوميالى رايون باسىپ تاراتقان «شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسىنىڭ جالپى تۇلعالىق جوباسى» سىناق رايونىنىڭ كاسىپ سالاسى ورنالاسىمىن جانە دامۋ ورنىن ايقىندادى ءارى «شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ جوعارى ساپالى قۇرىلىسىن جەدەل ىلگەرىلەتۋ جونىندەگى ءبىرقانشا ساياساتتى» شىعارىپ، سىناق رايونىنا ەرەكشە ساياساتتىق قولداۋ كورسەتتى.
”سول جىلى باستاۋ، 3 جىلدا العاشقى قادامدا قاڭقاسىن تۇرعىزۋ، 5 جىلدا تۇلعالاۋ، 10 جىلدا قۇرىپ بولۋ“، تارباعاتاي ايماقتىق پارتكومنىڭ ورىنباسار شۋجيى، ايماقتىق اكىمشىلىك مەكەمەسىنىڭ ءۋاليى ايدىن تولەۋقان بىلاي دەدى: ”ءبىز سىناق رايونى قۇرىلىسىندا جۇرەكتىلىكپەن رەفورما جاساپ، باتىلدىقپەن جاڭالىق اشىپ، ەرلىكپەن العا ۇمتىلىپ، كوشىرىپ قولدانۋعا، جالپىلاستىرۋعا بولاتىن ءبىر توپ تاجىريبە، ءادىس قالىپتاستىرۋدى قۇلشىنا ىلگەرىلەتەمىز“.
كەزەكتە تارباعاتاي ايماعى مەملەكەت پەن اۆتونوميالى رايوننىڭ قاتىستى ساياساتتارىن بەلسەنە دايەكتىلەندىرىپ، تياناقتاندىرىپ، سىناق رايونىن جوعارى ساپالى قۇرۋدى ىلگەرىلەتەتىن جۇيەلى، سايكەستى ساياساتتار مەن شارالاردى بەلگىلەپ، سالىق، فينانس، كاسىپ سالاسى، جەر، سىرتقا ەسىك اشۋ، دارىندىلاردى توپتاۋ، شارۋاشىلىق - ساۋدا ورتاسى سياقتى جاقتاردا ءتۇرلى ساياساتتاردان جەتكىلىكتى، ويداعىداي پايدالاندى. مۇنىڭ ىشىندە مىنالار قامتىلدى: سىناق رايونىن باسقارۋ قۇرىلىمىنىڭ اۆتونوميالى رايونداعى ءارقايسى تاراۋلارمەن ”توتە بايلانىس جاساۋ“ ءتۇزىمىن ورناتۋ؛ سىناق رايونىنىڭ شاۋەشەك قالاسىمەن جانە ءارقايسى بولىمشە رايوندار قاراستى جەرلەرمەن مۇددەدەن بىرگە يگىلىكتەنۋ مەحانيزمىن ورناتۋ؛ تارباعاتاي شەكارالىق ەكونوميكالىق سەلبەستىك رايونىنىڭ قازىنا، كادرلار سياقتى بايلىقتارىنان بىرگە يگىلىكتەنىپ، قۇرۋ بىرىككەن كۇشىن قالىپتاستىرۋ؛ سىناق رايونىنىڭ ينجەنەريا قۇرىلىسى نىساندارىن تەكسەرىپ بەكىتۋ ىستەرىن وكىلەتتى ءبىتىرۋدى، كومەكتەسىپ ءبىتىرۋدى اتقارۋ جوباسى سياقتى تۇزىمدەردى جاسامپازدىقپەن شىعارىپ، شارۋاشىلىق - ساۋدا ورتاسىن ءۇرتىس ساپالىلاندىرۋ؛ ارتىقشىلىعى باسىم كۇشتەردى شوعىرلاندىرىپ، تارباعاتاي ايماعىنىڭ مەملەكەت قارجىلاندىراتىن، ايماق قارجىلاندىراتىن مەملەكەت مەنشىگىندەگى 8 قارجى قوسۋ تۇعىرى سەرىكتەستىگىن ۇيىمداستىرىپ قۇرىپ، كەلەلى نىسان قۇرىلىستارىن ىلگەرىلەتۋ، ت. ب؛ سىناق رايونىنىڭ كاسىپ سالاسىن دامىتۋ قورىن زەرتتەپ قۇرۋ، ت. ب.
ايدىن تولەۋقان بىلاي دەدى: ”ءبىز كىرمە جەر ساۋداگەر شاقىرۋ، ينتەرنەتتە ساۋداگەر شاقىرۋ، شينجياڭعا كومەكتەسۋشى ولكە، قالالاردىڭ ساۋداگەر شاقىرۋىنا سۇيەنۋ سياقتى كوپ ءتۇرلى تاسىلدەردى قولدانىپ، ساۋداگەر شاقىرىپ، قارجى ەنگىزىپ، جوعارى مەكتەپتەردى عىلمي زەرتتەۋ قۇرىلىمدارىن قۇرۋعا باۋرادىق. مەملەكەتتىك ەلەكتر قۋاتى قارجى قوسۋ توبى شەكتى سەرىكتەستىگى، سان - ي اۋىر ونەركاسىبى سياقتى ءبىر توپ ءىرى كاسىپورىندار ىرگە تەپتى، ءبىزدىڭ سىناق رايونىن ەكونوميكاسى گۇلدەنگەن، ەكولوگياسى تاماشا، كاسىپكە قولايلى، قونىسقا جايلى، ۇلتتار ىنتىماقتى، كورشىلەر تاتۋ - بەرەكەلى، ەسىك اشۋعا جول باستايتىن جىبەك جولى جاڭا قالاسى ەتىپ قۇرىپ شىعۋعا سەنىمىمىز، بەكىمىمىز بار“.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
