پارتيا 20 - قۇرىلتايىنىڭ ۋاكىلدەرىن سايلاۋ قىزمەتىن جوعارى ساپامەن جاقسى ىستەيىك
□ حالىق گازەتىنىڭ شولۋشىسى
2021.12.08 16:24 كەلۋ قاينارى : شينجياڭ گازەتى
پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 20 - قۇرىلتايىن 2022 - جىلدىڭ سوڭعى جارتىسىندا بەيجيڭدە اشۋدى ۇيعاردى. جۋىردا پارتيا ورتالىق كوميتەتى حابارلاندىرۋ باسىپ تاراتىپ، ۋاكىلدەردى سايلاۋ قىزمەتى جونىندە جان - جاقتى ورنالاستىرۋ جاسادى. 20 - قۇرىلتاي ۋاكىلدەرىن سايلاۋ قىزمەتىن جاقسى ىستەۋ ءار دارەجەلى پارتيا ۇيىمدارىنىڭ كەلەلى ساياسي مىندەتى.
پارتيانىڭ 20 - قۇرىلتايى − پارتيامىز جاپپاي سوتسياليستىك وسىزاماندانعان مەملەكەت قۇرۋدى باستاپ، ەكىنشى 100 جىلدىق كۇرەس نىساناسىنىڭ جاڭا جورىعىنا اتتاناتىن ماڭىزدى ساتتە اشىلاتىن ءبىر رەتكى توتەنشە ماڭىزدى قۇرىلتاي، پارتيا مەن مەملەكەتتىڭ ساياسي ومىرىندەگى ءىرى ءىس. 20 - قۇرىلتايدى ويداعىداي اشۋ بۇكىل پارتيانىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، حالىقتى ىنتىماقتاستىرىپ، باستاپ، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردە جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزدىكسىز كۇرەس جاساۋى جونىنەن كەلەلى دە تەرەڭ ماڭىزعا يە. بارلىق پارتيا مۇشەلەرىنىڭ تانىستىرۋىمەن، كورسەتۋىمەن، ءار دارەجەلى پارتيا ۇيىمدارىنىڭ دارەجە بويىنشا تاڭداۋىمەن سايلانىپ شىعاتىن 20 - قۇرىلتايدىڭ 2300 ۋاكىلى 95 ميلليوننان استام پارتيا مۇشەسىنىڭ، 4 ميلليون 800 مىڭنان استام نەگىزگى ساتى پارتيا ۇيىمىنىڭ ماڭىزدى تاپسىرماسىن ارقالايدى، بۇكىل پارتيانىڭ ەرىك - جىگەرىن توپتايدى، حالىقتىڭ ءۇمىت - تىلەگىن ارقالايدى، قاسيەتتى مىندەت جاۋاپكەرشىلىگىن ارقالايدى. قۇرىلتاي كەزىندە ۋاكىلدەر ورتالىق كوميتەتتىڭ بايانداماسىن تىڭدايدى جانە تەكسەرەدى، ورتالىق ءتارتىپ تەكسەرۋ كوميتەتىنىڭ بايانداماسىن تەكسەرەدى، قالىڭ پارتيا مۇشەلەرىنىڭ، بۇقارانىڭ پىكىرلەرى مەن تالاپتارىن اڭىس ەتەدى، پارتيانىڭ كەلەلى ماسەلەلەرىن تالقىلايدى ءارى ۇيعارادى، جاڭا كەزەكتى ورتالىق كوميتەتىن جانە ورتالىق ءتارتىپ تەكسەرۋ كوميتەتىن سايلايدى. ساپاسى تاڭداۋلى، قۇرىلىمى ۇيلەسىمدى، تارالۋى كەڭ، پارتيا مۇشەلەرى قولدايتىن ۋاكىلدەردى سايلاپ شىعۋ 20 - قۇرىلتايدىڭ ءساتتى اشىلۋىنا، قۇرىلتايدىڭ ءتۇرلى مىندەتتەرىن تابىسپەن ورىنداۋعا شىنايى كەپىلدىك ەتۋدىڭ ماڭىزدى نەگىزى، ول پارتيانىڭ باسشىلىق ۇيتقىلىق رولىنىڭ تولىق ساۋلەلەنۋىنە سايادى، پارتيا مەن مەملەكەت ىستەرىنىڭ كوركەيىپ - گۇلدەنۋىنە، باياندى تىنىشتىعىنا سايادى. ۋاكىلدەردى سايلاۋ قىزمەتىن ويداعىداي ىستەۋ پارتيانى جاپپاي قاتاڭ باسقارۋعا تاباندى بولۋدىڭ، پارتيا ىشىندەگى ساياسي تۇرمىستى كۇشەيتۋدىڭ جانە ارناعا ءتۇسىرۋدىڭ جاندى امالياتى، بۇكىل پارتيانىڭ كۇش - قۋاتىن ۇيىستىرىپ، اۋەلگى ماقساتتى، بورىشتى ەستە بەرىك ساقتاپ، جاڭا ەمتيحان تاپسىرۋ جولىمەن ويداعىداي جۇرۋگە پارمەندى جۇمىلدىرۋ بولىپ تابىلادى.ءار دارەجەلى پارتيا ۇيىمدارى 20 - قۇرىلتاي ۋاكىلدەرىن سايلاۋ قىزمەتىن جاقسى ىستەۋدىڭ كەلەلى ماڭىزىن جەتە تانىپ، ساياسي جاۋاپكەرشىلىك سەزىمى مەن تاريحي بورىشتىلىق سەزىمىن شىن مانىندە كۇشەيتىپ، مىندەت جاۋاپكەرشىلىكتەرىن مۇقيات وتەپ، زەيىن قويا ۇيىمداستىرىپ اتقارىپ، ۋاكىلدەردى سايلاۋ قىزمەت مىندەتىن جوعارى ساپامەن ورىنداۋ كەرەك.
پارتيا 20 - قۇرىلتايىنىڭ ۋاكىلدەرى كوممۋنيستىك پارتيا مۇشەلەرىنىڭ اراسىنداعى ۇزدىك ەلەمەنتتەر بولۋى، كوممۋنيستىك پارتيا مۇشەسىنىڭ العاباسارلىعىنا يە بولۋى ءتيىس، ءسوز جوق، ۋاكىلدەردىڭ تولىمدىلىق شارتىن قاتايتىپ، كانديداتتاردىڭ ساياسي وتكەلى مەن پاكتىك وتكەلىن قاتاڭ يگەرۋ كەرەك. ساياسي ولشەمدى ماڭداي الدى ورىنعا قويۋعا تاباندى بولىپ، كانديداتتاردىڭ مۇرات - سەنىمىن، ساياسي قاسيەتىن جانە ءمورالدىق جەتىلىمىن كورنەكتىلەندىرە تەكسەرىپ، ”ءتورت سەنىمدى“ كۇشەيتكەن - كۇشەيتپەگەندىگىن، ”ءتورت تانىمدى“ بەكەمدەگەن - بەكەمدەمەگەندىگىن، ”ەكىنى قورعاۋدى“ ورىنداعان - ورىنداماعاندىعىن، ءبىرشاما كۇشتى ساياسي تۇجىرىمداۋ قابىلەتى، ساياسي ءتۇسىنۋ قابىلەتى، ساياسي اتقارۋ قابىلەتى بار - جوقتىعىن، كەلەلى ماسەلەلەردە ويى سەرگەك بولاتىن - بولمايتىندىعىن، شەشۋشى ساتتە سىننان وتە الاتىن - المايتىندىعىن، سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاعان - ساقتاماعاندىعىن دەن قويا ۇعىسىپ، ساياسي ساپاسىن تەكسەرۋدى كۇشەيتىپ، ساياسيدا تولىمدى بولماعاندارىن ءبىر بەلەتپەن تەرىستەۋ، ساياسي ءتارتىپ پەن ساياسي قاعيداعا بويسۇنباۋ، ”جەتى ءتۇرلى نىساي“، سونداي - اق ”سولقىلداقتىق“، ”ءارى - سارىلەر“، ”ەكىبەتكەيلەر“ سياقتى ماسەلەلەر بار بولسا بولعانى بارلىعىن باتىل تۇردە قاتارعا الماۋ كەرەك. كانديداتتاردىڭ پاكتىك تومەنگى شەگىن مىقتاپ يگەرىپ، ”ءتورتتى، ءسوزسىز، ورىنداۋ“ تالابى مەن پاكتىك پىكىرىندەگى ”قوس قول قويۋ“ بەلگىلەمەسىن مۇقيات تياناقتاندىرىپ، شارلاۋ، شارلاپ تەكسەرۋ، حات ارقىلى جاعداي ۇعىسۋ، قازىنالىق تەكسەرۋ، ارناۋلى قۋزاۋ - تەكسەرۋ سياقتىلاردىڭ ناتيجەسىنەن پايدالانۋعا كوڭىل ءبولىپ، پاكتىك ماسەلەسىندە استە كەشىرىم ەتپەي، ”كىناراتى بارلاردى كورسەتۋدەن“، ”كىناراتى بارلاردى سايلاۋدان“ باتىل ساقتانۋ كەرەك. يدەيا، ساياسي، قابىلەت، ستيل، جۇمىس ناتيجەسى، مىندەت اتقارۋ سياقتى جاقتارداعى بەينەسىن، جاعدايىن ءدال تەكسەرۋ، ناقتى تەكسەرۋ ارقىلى وتكەلدى ساتى سايىن يگەرىپ، جاقسىلاردىڭ اراسىنان ۇزدىكتەردى تاڭداپ، ۋاكىلدەردىڭ ساپاسىنا شىنايى كەپىلدىك ەتۋ كەرەك.
پارتيا 20 - قۇرىلتايىنىڭ ۋاكىلدەرىندە كەڭ كولەمدى ۋاكىلدىك سيپات بولۋ ءتيىس، ءسوز جوق، ۋاكىلدەر قۇرىلىمىن اناعۇرلىم ساپالىلاندىرۋ كەرەك. ءوندىرىس پەن قىزمەتتىڭ ءبىرىنشى شەبىندەگى ۋاكىلدەردىڭ سالىستىرماسىنا كەپىلدىك ەتىپ، جۇمىسشى، شارۋا جانە كاسىپتىك تەحنيكالىق قىزمەتكەر پارتيا مۇشەلەرىنىڭ اراسىنان وزات ونەگەلى تۇلعالاردى، اسىرەسە، مەملەكەتتىڭ كەلەلى دامۋ ستراتەگياسىن اتقارۋ، ءۇش ۇلكەن قامال الۋ شايقاسىن ويداعىداي جۇرگىزۋ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ، اپاتتان ساقتانۋ، اپاتتان قۇتقارۋ سياقتى شۇعىل، قيىن، قاتەرلى، اۋىر مىندەتتەر مەن جاپالى ورتاداعى بەينەسى كورنەكتى بولعان تاڭداۋلى كوممۋنيستىك پارتيا مۇشەلەرىن كورسەتۋگە ءمان بەرۋ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە، پارتيا تاريحىن ۇيرەنۋ تاربيەسىندە اعالاپ العا شىققان ءوندىرىس پەن قىزمەتتىڭ ءبىرىنشى شەبىندەگى وزات تيپتەردى، جاڭا جۇڭگو قۇرىلعاندىعىنىڭ 70 جىلدىعىن، پارتيا قۇرىلعاندىعىنىڭ 100 جىلدىعىن قۇتتىقتاۋ سياقتى ماداقتاۋ - سيلاۋ قيمىلدارىندا ماداقتالىپ - سيلانعان نەمەسە داڭق اتاعى بەرىلگەن وزات ۇلگىلى پارتيا مۇشەلەرىن كورسەتۋگە ءمان بەرۋ كەرەك. كاسىپتەردى، سالالاردى جانە وڭىرلىك ورنالاسۋدى جالپىلىق ويلاستىرىپ، ءار سالانىڭ، ءار ساتىنىڭ، ءار جاقتىڭ بارلىعىنان ۋاكىل بولۋىن مۇمكىندىكتىڭ بارىنشا ورىنداۋ، ايەل پارتيا مۇشەلەرى مەن از ۇلت پارتيا مۇشەلەرىنىڭ ۋاكىلدەرى بەلگىلى سالىستىرمانى ۇستاۋ ءتيىس. كانديداتتاردىڭ سالاۋات وتكەلىن قاتاڭ يگەرىپ، شىندىقتى ءىس جۇزىنەن ىزدەۋگە تاباندى بولىپ، سالاۋاتىن دالمە - ءدال تۇراقتاندىرىپ، بىرەۋدىڭ ورنىنا بىرەۋ ءتۇسۋ، كوز بوياۋشىلىق ىستەۋ، ”اتىن جامىلۋ“ سياقتى ماسەلەلەردەن باتىل ساقتانىپ، ءوندىرىس پەن قىزمەتتىڭ ءبىرىنشى شەبىندەگى ۋاكىلدەردىڭ سانىن يەلەپ الۋدان ساقتانىپ، سايلانىپ شىققان 20 - قۇرىلتاي ۋاكىلدەرىنىڭ پارتيا ورتالىق كوميتەتى ورتاعا قويعان قۇرىلىمدىق سالىستىرما تالابىنا ۇيلەسۋىنە، ءار سالاداعى، ءار كاسىپتەگى، ءار جاقتاعى پارتيا مۇشەلەرىنىڭ قالاۋىنا ۋاكىلدىك ەتۋىنە جانە ونى بەينەلەۋىنە شىنايى كەپىلدىك ەتۋ كەرەك.
20 - قۇرىلتاي ۋاكىلدەرىن سايلاۋ قىزمەتىنىڭ مىندەتى اۋىر، جاۋاپكەرشىلىگى كەلەلى، بورىشى داڭقتى. پارتيانىڭ باسشىلىعىن كۇشەيتۋدى ۋاكىلدەردى سايلاۋ قىزمەتىنىڭ تۇتاس بارىسىمەن ساباقتاستىرىپ، ۇيرەنۋ - ۇگىتتەۋ، ۇيىمداستىرۋ - جۇمىلدىرۋ، تانىستىرۋ - كورسەتۋ، ءماجىلىس وتكىزىپ سايلاۋ، ءتارتىپتى قاتايتۋ سياقتى قىزمەتتەردى تىڭعىلىقتى جاقسى ىستەۋ ارقىلى ۋاكىلدەردى سايلاپ شىعۋ بارىسىن شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ بارىسىنا اينالدىرىپ، جاڭا داۋىردەگى پارتيا قۇرىلىسىنىڭ جالپى تالابىن جانە جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋدىڭ، تياناقتاندىرۋدىڭ بارىسىنا اينالدىرىپ، مۇرات - سەنىم تاربيەسىنىڭ جانە پارتيالىلىق، پارتيا ستيلى، پارتيا ءتارتىبى، پارتيا تاريحى تاربيەسىنىڭ بارىسىنا اينالدىرىپ، پارتيا ىشىندەگى ساياسي تۇرمىستىڭ جاندى امالياتىنا جانە دەموكراتيالىق ورتالىقتاندىرۋ ءتۇزىمى تاربيەسىنىڭ بارىسىنا اينالدىرىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىن سانالى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا قۇرۋ ۇلى رۋحىن اسقاقتاتىپ، قامال الىپ، قيىنشىلىقتى جەڭۋدىڭ، ءىس تىندىرىپ، ناتيجە شىعارۋدىڭ بەلسەندىلىگىن، ىرىقتىلىعىن قاۋلاتىپ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ىشكەرىلەي كۇشەيتىپ، جاڭا داۋىردە كۇرەس جاساپ، جاڭا جورىقتا ەكپىندەي ىلگەرىلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن ۇيىستىرۋعا جەتەكتەۋ كەرەك.
(شينحۋا اگەنتتىگىنىڭ 12 - ايدىڭ 6 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
