ۇلتتىڭ گۇلدەنۋى سىندى كەلەلى مىندەتتى ارقالايتىن ءداۋىر جاڭا ادامدارىن باۋلۋ كەرەك

2021.12.14 17:21 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　انار بۇلت / شينجياڭ گازەتىنىڭ ءتىلشىسى لياڭ ليحۋا 12 - ايدىڭ 12 - كۇنى ۇرىمجىدەن حابارلايدى. 12 - ايدىڭ 12 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ شينجياڭ مەديتسينا داشۋەسىندە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى.

　　حى جۇڭيوۋ بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» ”ونعا تاباندى بولۋ “ ارقىلى پارتيانىڭ 100 جىلدىق كۇرەسىنىڭ قۇندى تاريحي تاجىريبەلەرىن قورىتىندىلادى. پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنىڭ كەلەلى ءمانىن تەرەڭ تانىپ، جۇڭگوشا سوتسياليزمنىڭ جاڭا داۋىرگە وتۋدەگى تاريحي تابىستارى مەن تاريحي وزگەرىستەرىن تەرەڭ تانىپ، پارتيانىڭ 100 جىلدىق كۇرەسىنىڭ تاريحي ءمانى مەن تاريحي تاجىريبەلەرىن تەرەڭ تانىپ، تاريحتى اينا ەتىپ، بولاشاققا جول اشۋدىڭ ماڭىزدى تالابىن تەرەڭ تانىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيانىڭ 100 جىلدىق كۇرەسى بارىسىنان اقىل - پاراسات پەن كۇش - قۋات قابىلداپ، ءتىپتى دە اسقاق بەينەمەن تىڭ جورىققا قادام تاستاپ، جاڭا داۋىرگە ۇلەس قوسۋ كەرەك.

　　حى جۇڭيوۋ بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭىزدى ساياسي مىندەت ەتىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ تانىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، رۋحاني ءمانىن جەتە ءتۇسىنىپ، وزەكتى ءمانىن يگەرىپ، جالپى ءماجىلىس رۋحىن ۇيرەنۋدىڭ، دايەكتىلەندىرۋدىڭ تەرەڭدەۋىن، جۇرەككە ۇيالاۋىن، ناقتىلانۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جاقسى جازۋ كەرەك.

　　حى جۇڭيوۋ مىنالاردى تالاپ ەتتى: پارتيانىڭ وقۋ - اعارتۋ ىستەرىنە جالپى بەتتىك باسشىلىعىنا تاباندى بولىپ، پارتيانىڭ وقۋ - اعارتۋ قىزمەتىنە باسشىلىق ەتۋ ۇقىعىن مىقتى يگەرۋ كەرەك. ءمورال ارقىلى ادام تاربيەلەۋدى ءتۇبىرلى مىندەت ەتىپ، قوعام ورنىقتىلىعى مەن باياندى تىنىشتىق باس نىساناسىنا قۋاتتى دارىندى، شەپ تىرەگىن ازىرلەۋ كەرەك. سوتسياليستىك وقىتۋ جۇرگىزۋ بەتالىسىنا تاباندى بولىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ بورىشىن قاي - قاشان دا ەستە بەرىك ساقتاپ، ۇلتتىڭ گۇلدەنۋى سىندى كەلەلى مىندەتتى ارقالايتىن ءداۋىر جاڭا ادامدارىن قۇلشىنا باۋلۋ كەرەك. ”تورتكە قىزمەت وتەۋدى“ مەكتەپ قۇرىپ، وقىتۋ جۇرگىزۋدىڭ ءتۇبىرلى باعدارناماسى ەتۋگە تاباندى بولىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى باۋليتىن وقۋ - اعارتۋ جۇيەسىن ۇزدىكسىز كەمەلدەندىرىپ، جوعارى مەكتەپتەردىڭ يدەيالىق ساياسي قىزمەتىنىڭ ءتۇبىرلى پرينسيبى مەن ءىس جۇزىندىك تالابىن دالمە - ءدال ويداعىداي يگەرىپ، جوعارى ساپالى وقىتۋشىلار قوسىنى قۇرىلىسىن تاباندىلىقپەن كۇشەيتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى وقىتۋ جۇرگىزۋ، مەكتەپ باسقارۋ، ءبىلىم بەرىپ، ادام تاربيەلەۋ جالپى بارىسىمەن توعىستىرىپ، ءار ۇلت وقىتۋشى - وقۋشىلارىنىڭ كەڭ كولەمدە ارالاسۋىن، جان - جاقتى ىشتەسۋىن، ىشكەرىلەي توعىسۋىن جەبەۋ كەرەك. سوتسياليستىك وزەكتى قۇن كوزقاراسىن بارىنشا ساۋلەلەندىرىپ، دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتىپ، جەكەنىڭ ارمان - تالپىنىسىن پارتيا جانە مەملەكەت ىستەرىمەن توعىستىرىپ، پارتيا ءۇشىن، وتان ءۇشىن، حالىق ءۇشىن كوبىرەك ۇلەس قوسۋ كەرەك.

　　ۇگىت لەكسيا جاساۋدان ىلگەرى، حى جۇڭيوۋ شينجياڭ مەديتسينا داشۋەسىنىڭ شۋەليانشان مەكتەپ رايونىندا ”ءۇش جەتكىزۋ، ەكى بايلانىس جاساۋ، ءبىر دوستاسۋ“ قيمىلىن ورىستەتۋ، سونداي - اق مەكتەپ جوباسى، قۇرىلىسى، دارىندىلاردى باۋلۋ، وقۋشىلاردىڭ ۇيرەنۋ، تۇرمىس جاعدايى سياقتىلار جونىندە تەكسەرۋ - زەرتتەۋ جۇرگىزدى.

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved