ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «ۇقتىرۋ» باسىپ تاراتتى
بۇكىل ەلدەگى «حالىق رازى بولاتىن ۇكىمەت قىزمەتكەرلەرىن» جانە «حالىق رازى بولاتىن ۇكىمەت قىزمەتكەرلەرى كوللەكتيۆتەرىن» كورسەتۋ، باعالاۋ قىزمەتىن ويداعىداي ىستەۋ كەرەك
2022.04.25 16:10 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 24 - كۇنى، بەيجيڭ. ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «بۇكىل ەلدەگى <حالىق رازى بولاتىن ۇكىمەت قىزمەتكەرلەرىن> جانە <حالىق رازى بولاتىن ۇكىمەت قىزمەتكەرلەرى كوللەكتيۆتەرىن> كورسەتۋ، باعالاۋ قىزمەتىن ويداعىداي ىستەۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتتى.
«ۇقتىرۋدا» مىنالار اتاپ كورسەتىلدى: پارتيا ورتالىق كوميتەتى، مەملەكەتتىك كەڭەس بيىل تۇڭعىش رەت پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى «حالىق رازى بولاتىن ۇكىمەت قىزمەتكەرلەرىن» جانە «حالىق رازى بولاتىن ۇكىمەت قىزمەتكەرلەرى كوللەكتيۆتەرىن» ماداقتاۋدى ۇيعاردى.
«ۇقتىرۋدا» مىنالار تالاپ ەتىلدى: كورسەتۋ، باعالاۋ قىزمەتىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ساياسي ولشەمدى ماڭداي الدى ورىنعا قويىپ، ەڭبەك ناتيجەسىنە قاراۋدى كورنەكتىلەندىرىپ، بۇقارانىڭ جاپپاي مويىنداۋىنا ءمان بەرىپ، تاياۋ جىلداردان بەرى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتى تياناقتاندىرۋ بارىسىندا كورنەكتى ناتيجە جاراتقان، داۋىرلىك ەرەكشەلىگى ايقىن، بۇقارانىڭ القاۋىنا يە بولعان ۇكىمەت قىزمەتكەرلەرىنىڭ وزات تيپتەرىن تاڭداپ، قالىڭ ۇكىمەت قىزمەتكەرلەرىن «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» ونان ارى كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا قۇرۋ ۇلى رۋحىن زور كۇشپەن اسقاقتاتىپ، پارتيانىڭ قىزىل قان تامىرىن جالعاستىرىپ، پارتيانىڭ 100 جىلدىق كۇرەس بارىسىنان اقىل - پاراسات جانە كۇش - قۋات الىپ، جاپپاي سوتسياليستىك وسىزاماندانعان ەل قۇرۋدىڭ جاڭا جورىعىندا قاجىرلىلىقپەن ىستەپ، ەرلىكپەن العا باسىپ، پارتيا مەن حالىق ءۇشىن اناعۇرلىم زور داڭق اپەرۋگە شابىتتاندىرۋ جانە جەتەكتەۋ كەرەك.
«ۇقتىرۋدا» مىنالار دارىپتەلدى: باعالاۋ، ماداقتاۋ - سيلاۋدىڭ ماڭىزدى ءتۇيىنىن نەگىزگى ساتىعا جانە قىزمەتتىڭ ءبىرىنشى شەبىنە باعىتتاۋ كەرەك. كەلەلى كۇرەسكە توتەپ بەرۋ، شۇعىل، قيىن، قاتەرلى، اۋىر مىندەتتەردى ورىنداۋ بارىسىندا بەينەسى كورنەكتى جەكەلەر مەن كوللەكتيۆتەردى كورسەتۋگە ءمان بەرۋ، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى مەن پارتيا تاريحىن ۇيرەنۋ تاربيەسىندە جارىققا شىققان وزات تيپتەردى كورسەتۋگە ءمان بەرۋ كەرەك. «حالىق رازى بولاتىن ۇكىمەت قىزمەتكەرلەرى» جانە «حالىق رازى بولاتىن ۇكىمەت قىزمەتكەرلەرى كوللەكتيۆتەرى» پارىقتى سان بويىنشا تانىستىرىلادى. تومەننەن جوعارىعا، جوعارىدان تومەنگە قاراي ۇشتاستىرۋ ءتاسىلى قولدانىلىپ، كەڭ كولەمدە پىكىر الۋ، تولىق اقىلداسىپ تالقىلاۋ، قاتىستى ورگاندار مەن تاراۋلاردىڭ پىكىرىن الۋ، بۇكىل ەل بويىنشا اشىق جاريالاۋ نەگىزىندە ماداقتاۋ - سيلاۋ وبيەكتىلەرى اقىلداسىپ تۇراقتاندىرىلادى.
«ۇقتىرۋدا» كورسەتۋ، باعالاۋ شارتى ايقىندالدى. «حالىق رازى بولاتىن ۇكىمەت قىزمەتكەرلەرىنە» ساياسي بەينە، قىزمەت ناتيجەسى، پاك، تارتىپشەڭ بولۋ سياقتى جاقتاردان تالاپ قويىلاتىن بولدى؛ «حالىق رازى بولاتىن ۇكىمەت قىزمەتكەرلەرى كوللەكتيۆتەرىنە» ساياسي بەينە، قىزمەت ناتيجەسى، باسشىلىق القا قۇرىلىسى جانە ۇكىمەت قىزمەتكەرلەرى قوسىنى قۇرىلىسى سياقتى جاقتاردان تالاپ قويىلاتىن بولدى.
«ۇقتىرۋدا» مىنالار تالاپ ەتىلدى: كورسەتۋشى ورىندار كورسەتۋ، باعالاۋ قىزمەتىنە ايرىقشا ءمان بەرىپ، ۇيىمدىق باسشىلىقتى كۇشەيتىپ، دەن قويا ۇيىمداستىرىپ اتقارىپ، پارتكومنىڭ (پارتگرۋپپا) باسشىلىق ەتۋ جانە وتكەلدى يگەرۋ رولىن شىنايى ساۋلەلەندىرۋى كەرەك. كورسەتۋ وبيەكتىلەرىنىڭ ساياسي ساپاسىن، قىزمەت ناتيجەسىن جانە ۇدايىلىق بەينەسىن جاپپاي تەكسەرىپ، كورسەتۋ وبيەكتىلەرىنىڭ العاباسارلىعىنا، ۋاكىلدىك سيپاتىنا جانە داۋىرلىك سيپاتىنا شىنايى كەپىلدىك ەتۋ كەرەك. دەموكراتيانى تولىق ساۋلەلەندىرىپ، قىزمەت بارىسىن قاتاڭ يگەرىپ، قىزمەت ءتارتىبىن قاتايتىپ، جاريالى، ءادىل، ادىلەتتى بولۋعا كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
