چيڭحاي ولكەسى ساتىلار بويىنشا قاتاڭ يگەرىپ، تاڭداۋلىلاردىڭ ىشىنەن تاڭداۋلىلارىن تاڭداۋعا كەپىلدىك ەتتى (پارتيا 20 - قۇرىلتايىنىڭ ۋاكىلدەرىن سايلاۋ)
«حالىق گازەتىنىڭ» ءتىلشىسى ۋاڭ مەي
2022.04.25 16:16 كەلۋ قاينارى : حالىق تورابى
تاڭ بوزىنان چيڭحاي ولكەسى حايدۇڭ قالاسى شۇنحۋا سالار اۆتونوميالى اۋدانى بايجۋاڭ قالاشىعى سۋحۋسا قىستاعىنداعى 18 پارتيا مۇشەسى پارتيا مۇشەلەرىنىڭ قيمىل بولمەسىنە كەلىپ، پارتيانىڭ 20 - قۇرىلتايىنىڭ ۋاكىل كانديداتىن كورسەتتى. «پارتيانىڭ باسشىلىعىندا تۇرمىسىمىز بارعان سايىن جاقساردى، ءبىز بار ىنتا - پەيىلىمىزبەن بۇقارانى كەدەيلىكتەن ارىلىپ، اۋقاتتانۋعا باستايتىن تاڭداۋلى پارتيا مۇشەلەرىن تاڭداۋىمىز كەرەك!» دەدى 69 جاستاعى ساقا پارتيا مۇشەسى ما ا - يىساۋ. قىستاق پارتيا ياچەيكاسىنىڭ ۇگىت القاسى حان يشاگى اۋدانداعى كۋرس پەن لەكسيادا ۇيرەنگەن قىزمەت تالابىن قاز - قالپىندا ءبىر رەت جەتكىزدى.
پارتيا 20 - قۇرىلتايىنىڭ ۋاكىل كانديداتتارىن كورسەتۋ، ۇسىنۋ قىزمەتىندە چيڭحاي ولكەسى ساياسي ولشەمدى ماڭداي الدى ورىنعا قويۋدا تاباندى بولىپ، قىزمەت بارىسىن قاتاڭ يگەرىپ، قىزمەت ءتارتىبىن قاتايتىپ، تومەننەن جوعارىعا، جوعارىدان تومەنگە قاراي تاڭداۋدى ۇشتاستىرىپ، قايتا - قايتا اقىلداسىپ، دارەجە بويىنشا سارالادى. «ساياسي ساپاعا باسا نازار اۋدارىپ، جايشىلىقتا قىزمەت جاۋاپكەرلىگىن اتقارۋ، قىزمەت ورنىنا ۇلەس قوسۋ جاعدايىمەن، شۇعىل، قيىن، قاتەرلى، اۋىر مىندەتتەردى ورىنداۋ جاعدايىمەن، بۇقارامەن بايلانىس جاساۋ، بۇقاراعا قىزمەت وتەۋ، بۇقارانىڭ مۇڭ - مۇقتاجىن شەشۋ جاقتارىمەن بىرلەستىرىپ تەكسەرۋ كەرەك» دەدى شۇنحۋا اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ۋاڭ ۋىنجيا.
پارتيانىڭ 20 - قۇرىلتايىنا ۋاكىل سايلاۋ قىزمەتىن جاقسى ىستەۋ − كەلەلى ساياسي مىندەت. چيڭحاي ولكەلىك پارتكوم ولكەلىك پارتكوم تۇراقتى كوميتەتىنىڭ ءماجىلىسىن اشىپ، قىزمەت جوباسىن زەرتتەپ جاساپ، باسشىلىق گرۋپپاسىن قۇرىپ، دەر كەزىندە ۇقتىرۋ باسىپ تاراتتى. ولكەلىك پارتكومنىڭ ۇيىمداستىرۋ ءبولىمى قىزمەت ورنالاستىرۋ، تاربيەلەۋ ءماجىلىسىن باستاماشىلدىقپەن ۇيىمداستىرىپ اشىپ، كانديدات كورسەتۋ، ۇسىنۋ قىزمەتىنىڭ ساياساتتىق بەلگىلەمەلەرى، ءتارتىپ بۋىندارى، ءتۇيىندى ماسەلەلەرى بويىنشا ارناۋلى تاقىرىپتا كۋرس ۇيىمداستىردى. چيڭحاي ولكەسى قاتاڭ ءتارتىپ، قادام بويىنشا، «3 جوعارى، 3 تومەن بولۋدى» ورىنداۋدا تاباندى بولىپ، بارلىق ۋاكىل كانديداتتارىنىڭ كوپ ساندى پارتيا ۇيىمدارى مەن پارتيا مۇشەلەرىنىڭ تىلەگىن ايگىلەۋىنە كەپىلدىك ەتىپ، ۋاكىل كانديداتتارىنىڭ ساپاسى جاقسى، قۇرىلىمى ۇيلەسىمدى، تارالۋى كەڭ، پارتيا مۇشەلەرى قولدايتىن بولۋىنا كەپىلدىك ەتتى.
چيڭحاي ولكەسى ساياسي وتكەلدى قاتاڭ يگەرىپ، ساياسي ساپانى تەكسەرۋدى كۇشەيتىپ، كانديداتتاردىڭ ساياسي تۇجىرىم جاساۋ قۋاتىنا، ساياسي سانالىلىعىنا، ساياسي اتقارۋ قۋاتىنا قاراپ، «ءتورت تانىمدى» كۇشەيتۋ، «ءتورت سەنىمدى» بەكەمدەۋ، «ەكىنى قورعاۋدى» ورىنداۋ سياقتى جاقتارداعى بەينەلەرىنە قاراپ، ساياسيدا شىڭدالعان بولۋىنا كەپىلدىك ەتتى.
پاك بولۋ وتكەلىن قاتاڭ يگەرۋ ءۇشىن، چيڭحاي ولكەسى «تورتكە يە بولۋ» تالابى مەن ۇكىمەت ىسىندە پاك بولۋ پىكىرىنە «بىردەي قول قويۋ» بەلگىلەمەسىن قاتاڭ تياناقتاندىرىپ، كانديداتتاردىڭ پاكتىك جاعدايىنا جان - جاقتى تالداۋ جاساپ، قاتاڭ تەكسەرىپ، پاكتىك ماسەلەسىنە استە جول بەرمەدى. كانديداتتاردىڭ اراسىنان تاڭداۋلىلارىن تاڭداۋعا كەپىلدىك ەتۋ ءۇشىن، تەكسەرۋ گرۋپپالارى ناق مايداندا تەكسەرۋ جۇرگىزۋمەن بىرگە، چيڭحاي ولكەلىك پارتكومنىڭ ۇيىمداستىرۋ ءبولىمى ولكەلىك ءتارتىپ تەكسەرۋ كوميتەتى، باقىلاۋ كوميتەتى، ولكەلىك قوعام حاۋىپسىزدىگى مەڭگەرمەسى، ولكەلىك قازىنالىق باقىلاۋ مەڭگەرمەسى جانە ولكەلىك ارىز - ارمان مەكەمەسى سياقتى ورىندارمەن بىرگە ولكە دارەجەلى ورىنداردا كانديداتتاردىڭ تولىمدىلىعىن بىرلەسىپ تەكسەرىپ، وتكەلدى بىرلەسىپ يگەرۋ مەحانيزمىن ورناتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
