اۋىل شارۋاشىلىعىن، اۋىل - قىستاقتى وسىزامانداندىرۋ ارشىندى قاداممەن العا باستى (جاڭا جورىققا ەكپىندەي ىلگەرىلەپ، جاڭا داۋىرگە ۇلەس قوسۋ − ۇلى وزگەرىس)
«حالىق گازەتىنىڭ» تىلشىلەرى گۋ جۇڭياڭ، ۋاڭ حاۋ، چاڭ چين
2022.04.25 16:14 كەلۋ قاينارى : حالىق تورابى
باس شۋجي شي جينپيڭ: «ۇلتتى گۇلدەندىرۋ ءۇشىن، اۋىل - قىستاقتى گۇلدەندىرۋ كەرەك»، «ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى كەلەلى ساياساتتارىن، باعىتتارى مەن شەشىمدەرىن، ورنالاستىرۋلارىن دايەكتىلەندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋدا تاباندى بولىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتىپ، قالىڭ شارۋالاردىڭ تۇرمىسىن كۇننەن - كۇنگە جاقسارتا بەرۋى كەرەك» دەپ اتاپ كورسەتكەن بولاتىن.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، ادامزات تاريحىنداعى كولەمى بۇرىن بولىپ كورمەگەن، تەبىنى ەڭ زور، حالىققا ەڭ كوپ يگىلىك جەتكىزەتىن كەدەيلىكتەن ارىلتۋدان قامال الۋ شايقاسىن ۇيىمداستىرىپ اتقارىپ، اۋىل - قىستاقتى گۇلدەندىرۋ ستراتەگياسىن باستاپ اتقارىپ، اۋىل شارۋاشىلىعىنىڭ، اۋىل - قىستاقتىڭ تاريحي جەتىستىكتەرگە قول جەتكىزۋىن، تاريحي وزگەرىستەردىڭ جارىققا شىعۋىن ىلگەرىلەتتى. اۋىل شارۋاشىلىعىنىڭ جالپىلىق ءوندىرىس قۋاتى ورنىقتى جوعارىلاپ، استىق ءوندىرۋ قۋاتى ءۇرتىس ءبىر تريلليون 300 ميلليارد جىڭدىق ورەدە ورنىعىپ، كەدەيلىكتەن ارىلتۋدان قامال الۋ جاپپاي جەڭىسكە جەتىپ، بۇكىل ەلدەگى اۋىل - قىستاق تۇرعىندارىنىڭ جان باسىندىق يگەرىلمەلى كىرىسى ەكى ەسەدەن استى، اۋىل - قىستاقتى گۇلدەندىرۋ جاپپاي ىلگەرىلەپ، اۋىل شارۋاشىلىعىن، اۋىل - قىستاقتى وسىزامانداندىرۋ ارشىندى قاداممەن العا باستى.
شاندۇڭ ولكەسى جياشياڭ اۋدانىنىڭ جوعارى ولشەمدى اتىزىندا استىق ەگەتىن ءىرى وتباسى مۇشەسى ياڭ چىڭدۇڭ تەتىكتى باسىپ ەدى، بۇركىپ سۋارۋ قۇرىلعىلارى اۆتوماتتى ىسكە قوسىلىپ، ۇساق سۋ تامشىلارى كوكپەڭبەك ءبيداي مايسالارىنا بۇركىلدى. ول: «عىلىم - تەحنيكانىڭ دەم بەرۋىندە ەگىن ەگۋگە قولايلىلىق جاراتىلدى، ونىمدىلىك نىعايدى، ءبىر مۋ جەردەن جىلىنا 300 يۋان ارتىق كىرىس كىرگىزەتىن بولدىق» دەدى.
انحۇي ولكەسى مىڭچىڭ اۋدانى فىڭچىڭ قالاشىعى سۇڭشۇي قىستاعىندا ەگىنشى سۇڭ شياۋلي: «جەلىدە ءوتىنىش بەرسەك، وكىلەتتى جۇمىس بىتىرۋشىلەر زىر جۇگىرىپ جۇمىس ىستەيدى، مەن سىرتقا شىقپاي - اق مۇگەدەكتەر كۋالىگىن ءبىتىرىپ الدىم، سيفرلى اۋىل - قىستاق قۇرىلىسى بىزگە شىنىندا قولايلى وبلىپ وتىر!» دەدى. مىڭچىڭ اۋدانىندا 23 مىڭنان استام اكىمشىلىك قىزمەت وتەۋ جۇمىس ءتۇرىن تۇگەلدەي ينتەرنەتتە ءبىتىرۋ جۇزەگە اسىرىلىپ، شارۋالاردىڭ «كىشى - گىرىم ىستەردى قىستاقتان شىقپاي بىتىرۋىنە، قيىنشىلىققا جولىققاندا كومەك قابىلداي الۋىنا» مۇمكىندىك جاسالدى.
جۇڭحۋانىڭ بايتاق دالاسىندا كاسىپ سالاسى شالقىعان، اۋىل - قىستاق كورىكتەنگەن، شارۋالار باي - باقىتتى تۇرمىس كەشىرگەن كوركەم كارتينا كەستەلەندى.
عىلىم - تەحنيكانىڭ قوزعاۋشى كۇشى تاسقىنداپ، ساپا، ونىمدىلىك جوعارىلادى، اۋىل شارۋاشىلىعى بارعان سايىن بولاشاعى بار كاسىپكە اينالدى.
«وسى زامانعى اۋىل شارۋاشىلىعى، ءسوز جوق، جوعارى ءونىمدى اۋىل شارۋاشىلىعى بولادى، كۇرىش ەگۋدىڭ بولاشاعى بار». 5 جىلدىڭ الدىندا جياڭشي ولكەسى گاۋ - ان قالاسى شىناۋ قالاشىعىنداعى اۋىلىنا قايتقان جاس ديڭ دان كاسىپتىك سەلبەستىك كوپەراتيۆىن اشىپ، سەرىكتەستىك قۇرىپ، بىرنەشە جىلدىق دامۋ ارقىلى 10 مىڭ مۋ جەردەگى كۇرىش ءوندىرىسىنىڭ جالپى بارىسىن ماشينالاندىرۋدى جۇزەگە اسىرىپ، سەلەن قۇرامى مول كۇرىش، ورگانيكالىق كۇرىش ەگىپ، كۇرىش پەن كوكونىستەردى اۋىستىرىپ ەگىپ، اتىزدا سۋ شايانىن ءوسىىرپ، سترەولدى شارۋاشىلىقتى دامىتىپ، ونىمدىلىكتى ۇزدىكسىز ارتتىردى.
كەڭ - بايتاق اۋىل - قىستاقتا ەگىنشىلىكپەن شۇعىلداناتىن اۋىلداستار بارعان سايىن كوبەيە ءتۇستى. اتىزدار تەگىستەلىپ، شاعىن جەرلەر بىرىكتىرىلىپ، جەتىقاراقشى جول نۇسقاۋ جۇيەسى قولدانىلىپ، ءدارى شاشىپ، تىڭايتقىش بەرۋدە ۇشقىشسىز ۇشاق ىستەتىلەتىن بولدى. قازىر ەلىمىزدە ەگىس داقىلدارىن ەگۋ - جيناۋدىڭ جالپىلىق ماشينالانۋ شاماسى %72 كە جەتىپ، اۋىل شارۋاشىلىق عىلىم - تەحنيكا العاباسارلىعىنىڭ ۇلەس سالىستىرماسى %61 تەن اسىپ، اۋىل شارۋاشىلىق وندىرىسىنە ءاۋ باستان قوزعاۋشى كۇش ۇستەدى. اۋىل - قىستاقتا كاسىپتىڭ تىزبەگى كەڭەيىپ، يقۋاتى كوبەيدى، بىلتىر بۇكىل ەل بويىنشا اۋىل شارۋاشىلىق ونىمدەرىن مانەرلەۋ ءونىم قۇنى مەن اۋىل شارۋاشىلىعىنىڭ جالپى ءونىم قۇنى سالىستىرماسى 1 : 2.48 ندايعا جەتتى، بۇكىل ەل بويىنشا اۋىلىنا قايتىپ، اۋىلعا بارىپ جاڭالىق اشىپ، يگىلىك جاراتۋشىلار 11 ميلليون 200 مىڭ ادامعا جەتتى.
نەگىزدىك قۇرىلعىلار جاقسارىپ، الەۋمەتتىك قىزمەت كورسەتۋ ساپالىلانىپ، اۋىل - قىستاق شارۋالاردىڭ باقىتتى تۇرمىس كەشىرۋدەگى كورىكتى مەكەنىنە اينالدى.
گۋاڭدۇڭ ولكەسى چاۋجوۋ قالاسى چاۋ - ان رايونى گۇيحۋ قالاشىعى شىفىڭ قىستاعىندا باۋ - باقشا كورىنىسى ادامدى وزىنە باۋرايدى. «وسى بىرنەشە جىلدا قىستاق جولعا قارا ماي توسەدى، ۇيلەر جاڭارتىلدى، قىستاق جاسىلداندى، سۋ تازاردى، توپىراق، بالشىق بولىپ جاتاتىن جول كورىنىس جولىنا اينالدى، ساسىق سۋ سايى باقشاعا وزگەرتىلدى، اۋىلداستار باقشا ىشىندە وتىرعانداي سەزىنەتىن بولدى» دەدى شىفىڭ قىستاعى پارتيا ياچەيكاسىنىڭ شۋجيى لي تۇڭۋەي ماقتانىشپەن.
«ىرگەدە اۋرۋ كورسەتەمىز، بارعان سايىن قولايلى بولا ءتۇستى!» شانشي ولكەسى نيڭچياڭ اۋدانى يانزىجيان قالاشىعى داۋۋان قىستاعىنىڭ تۇرعىنى سۇڭ شيڭفا بىلاي دەدى: قىستاق ەمدەۋ ءۇيى اۋداندىق شيپاحانامەن، اۋىل - قالاشىق ەمحاناسىمەن بىرىككەن تۇلعا قۇردى، تاڭداۋلى شيپاگەرلەر ءوزارا بايلانىس جاساپ، ەمدەۋ بايلىعىنان تەڭ يگىلىكتەنۋدە، اۋىلداستاردىڭ اۋرۋ كورسەتۋ ەندىگارى قيىنعا سوقپايتىن بولدى.
جانعا جايلى، كاسىپكە قولايلى قىستاقتار قالىڭ شارۋالاردىڭ باقىتتى مەكەنىنە اينالدى. قازىر بۇكىل ەل بويىنشا شارت - جاعداي ازىرلەگەن قۇرىلىمدىق قىستاقتاردا جولعا قارا ماي توسەلۋ شاماسى %100 كە جەتىپ، اۋىل - قىستاقتا قۇبىر سۋىنىڭ جالپىلاسۋ شاماسى %84 كە جەتتى. ساپالى الەۋمەتتىك قىزمەت وتەۋ بايلىعى اۋىل - قىستاققا قاراي ۇزدىكسىز كەڭەيىپ، ساپالى ەمدەۋ بايلىعى ۇزدىكسىز تومەنگە ءتۇسىرىلىپ، مىندەتتى وقۋ - اعارتۋدىڭ نەگىزىنەن بىركەلكى بولۋى جاپپاي جۇزەگە اسىرىلدى.
قالتا قامپايىپ، مادەني تۇرمىس بايىپ، قالىڭ شارۋالاردىڭ تۇرمىسى بارعان سايىن جاقساردى.
جىجياڭ ولكەسى شاۋشيڭ قالاسى كىچياۋ رايونى تاڭدي قىستاعىنا بارساڭىز، گۇلدى الاپقا كىرگەندەي بولاسىز. قىستاق پارتيا باس ياچەيكاسىنىڭ شۋجيى ليۋ جيانميڭ بىلاي دەپ تانىستىردى: «سەرىكتەستىك + سەلبەستىك كووپەراتيۆى + بازا + شارۋالار وتباسى» سىندى دامۋ ۇلگىسى ارقىلى قىستاق مادەنيەتتى جالعاستىرۋدى، گۇل - اعاش كاسىبىن دامىتۋدى كورىكتى اۋىل - قىستاق قۇرىلىسىمەن ءونىمدى ۇشتاستىرۋ جولىمەن ءجۇرىپ، بىلتىر بۇكىل قىستاقتىڭ جان باسىندىق كىرىسى 110 مىڭ يۋانعا جەتتى. قىستاق تۇرعىنى چيان يوۋفۋ: كىرىسىم جىل سايىن ارتتى، تۇرمىسىمىز جاقسارىپ كەلەدى! − دەدى.
كاسىپ سالاسى گۇلدەنىپ، جۇمىسقا ورنالاستىرۋ جەبەلىپ، حالىقتى اۋقاتتاندىرۋ كاسىبى گۇلدەنىپ، اۋىلداستاردىڭ تۇرمىسى بارعان سايىن جاقساردى. ساندى مالىمەتتە كورسەتىلۋىنشە، بۇكىل ەلدەگى اۋىل - قىستاق تۇرعىندارىنىڭ جان باسىندىق يگەرىلمەلى كىرىسى 2012 - جىلعى 7 مىڭ 917 يۋاننان 2021 - جىلعى 18 مىڭ 931 يۋانعا ارتقان. قازىر بۇكىل ەل بويىنشا %95 تەن استام قىستاقتا تازالىق قيمىلى ورىستەتىلىپ، اۋدان وڭىرىندەگى ەمدەۋ تۇلعاسى 4 مىڭنان اسىپ، اۋىلداستاردىڭ تاماشا تۇرمىسقا دەگەن تالپىنىسى ۇزدىكسىز رەالدىققا اينالۋدا.
شارۋالاردى باي - باقىتتى تۇرمىسقا جەتكىزۋدە قالتاسىن دا قامپايتۋ، كوز اياسىن دا اشۋ كەرەك. ىشكى موڭعۇل اۆتونوميالى رايونى حاڭجين حوشۇنى رىگالاڭ قالاشىعى گۋاڭچيان قىستاعىنىڭ تۇرعىنى ليۋ جينچيدىڭ ۇيىنە كەلدىك، ەسىگىنە ىلىنگەن «ون جۇلدىزدى وركەنيەتتى وتباسى» دەگەن ماڭدايشالىق كوز تارتادى. حاڭجين حوشۇنى اۋىل - قىستاقتى گۇلدەندىرۋ مەكەمەسىنىڭ باستىعى جاڭ يۇڭلياڭ: «<جۇلدىز دارەجەلى وركەنيەتتى وتباسى>، <يبالى كەلىن> سياقتى باعالاۋلار ارقىلى كوپتەگەن اۋىلداستار قورشاعان ورتانى كورىكتەندىرۋ، قارتتارعا وپالى بولۋ، تۋىس - تۋعاندارىن ايالاۋ، تاتۋ - ءتاتتى ءوتۋ سياقتى جاقسى ادەتتەردى قالىپتاستىردى» دەدى.
وركەنيەتتى اۋىل سالتى كەڭ - بايتاق اۋىل - قىستاقتى ارلەندىردى. قازىر بۇكىل ەل بويىنشا 575 مىڭ قىستاق دارەجەلى جالپىلىق مادەنيەت قىزمەت وتەۋ ورتالىعى قۇرىلىپ، بارلىق اكىمشىلىك قىستاقتا شارۋالار كىتاپ ءۇيى، ەلەكتروندى كىتاپ وقۋ ءۇيى جانە مادەنيەت قيمىل ءۇيى سالىنىپ، اۋىل - قىستاق وركەنيەتى ۇزدىكسىز تىڭ تىنىس بايقاتتى.
اۋىل - قىستاقتى كوركەيتۋدىڭ تەتىگى ادامدا، تەتىگى ىستەۋدە. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان وسى مەزگىلدە ءجۇز ميلليونداعان شارۋا بىلەك سىبانىپ قايراتتانا ىستەسە، اناعۇرلىم تاماشا جاڭا تۇرمىسقا ارشىندى قادام تاستايتىن بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
