مەملەكەتتىك ساۋدا ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
ۋاڭ ۋىنتاۋ، ما شيڭرۇي ءسوز سويلەدى، ەركىن تۇنياز، لي يفي قاتىستى قيمىلدارعا قاتىناستى
2022.04.26 14:45 كەلۋ قاينارى : حالىق تورابى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، لي ياڭ 4 - ايدىڭ 24 - كۇنى ۇرىمجىدەن حابارلايدى. مەملەكەتتىك ساۋدا ارقىلى شينجياڭعا كومەكتەسۋ قىزمەتى ءماجىلىسى 4 - ايدىڭ 24 - كۇنى تۇستەن بۇرىن ۇرىمجىدە اشىلدى، ءماجىلىس كەزەكتەگى جانە بۇدان بىلايعى ءبىر مەزگىلدەگى ساۋدا ارقىلى شينجياڭعا كومەكتەسۋ قىزمەتىنىڭ ءتۇيىندى مىندەتتەرىن اقىلداسىپ، جوسپارلاپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ساۋدا جاعىنان كۇش قوستى.
ساۋدا ىستەرى مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ ۋىنتاۋ، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتىناستى. ساۋدا ىستەرى مينيسترلىگى پارتيا باسشىلىق گرۋپپاسىنىڭ مۇشەسى، مينيستردىڭ كومەكشىسى گو تيڭتيڭ ءماجىلىستى باسقاردى.
ۋاڭ ۋىنتاۋ ساۋدا ىستەرى مينيسترلىگى اتىنان، ساۋدا ارقىلى شينجياڭعا كومەكتەسۋدىڭ ءبىرىنشى شەبىندە جان قيارلىقپەن شايقاسىپ جاتقان ءاربىر جولداستان شىنايى حال سۇرادى، ساۋدا ارقىلى شينجياڭعا كومەكتەسۋ قىزمەتىنە كوڭىل ءبولىپ، قولداۋ كورسەتكەن اۆتونوميالى رايوندىق پارتكوم مەن ۇكىمەتكە جانە بيڭتۋانعا شىن جۇرەكتەن العىس ايتتى. ۋاڭ ۋىنتاۋ بىلاي دەدى: تاياۋ جىلداردان بەرى، بۇكىل مەملەكەتتەگى ساۋدا جۇيەسى شينجياڭعا كومەكتەسۋدى كەلەلى ساياسي مىندەت ەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭنىڭ ساۋدا - ساتتىق اينالىمى جۇيەسىن جەدەل قۇرىپ، تۇتىنۋدىڭ دارەجەسىن كوتەرۋدى بىرتىندەپ ىلگەرىلەتىپ، سىرتقى ەكونوميكا - ساۋدانىڭ ورنىقتى دامۋىن جەبەپ، باقشا رايونى قۇرىلىسى دەڭگەيىن جوعارىلاتىپ، وڭىرلىك سەلبەستىكتى ۇزدىكسىز تەرەڭدەتتى، شينجياڭعا كومەكتەسۋشى قالىڭ كادرلار بۇكىل ىنتا - پەيىلىمەن ات سالىسىپ، قامال الىپ، قيىندىقتى جەڭىپ، ساۋدا ارقىلى شينجياڭعا كومەكتەسۋ قىزمەتىندە بەلسەندى ونىمدىلىككە قول جەتكىزدى. بۇكىل مەملەكەتتەگى ساۋدا جۇيەسى ”ەكى كەلەلى جاعدايدى“ كوكەيدە ءتۇيىپ، ساۋدا ارقىلى شينجياڭعا كومەكتەسۋ قىزمەتىن ويداعىداي ىستەۋدىڭ كەلەلى ءمانىن جەتە تانىپ، بۇكىل مەملەكەت ءبىر تۇتاس جۇيە يدەياسىن بەرىك ورناتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ولشەمگە، ۇلگىگە ىرىقتىلىقپەن تۋرالانىپ، ءتۇيىندى مىندەتتەردى اناعۇرلىم ايقىنداپ، نازاردى حالىق تۇرمىسى جاعىنان شينجياڭعا كومەكتەسۋگە، اقىل - پاراسات جاعىنان شينجياڭعا كومەكتەسۋگە، كاسىپ سالاسى بويىنشا شينجياڭعا كومەكتەسۋگە، جۇمىستاندىرۋ ارقىلى شينجياڭعا كومەكتەسۋگە، شينجياڭدى مادەنيەتپەن نارلەندىرۋگە شوعىرلاندىرىپ، شينجياڭنىڭ وسى زامانعى اينالىم جۇيەسى قۇرىلىسىن جەبەپ، جىبەك جولى ەكونوميكالىق بەلدەۋى وزەكتى رايونىنىڭ ساۋدا - ساتتىق زات اينالىمى ورتالىعى قۇرىلىسىنا قولداۋ كورسەتىپ، شينجياڭنىڭ وڭىرلىك ورىن ابزالدىلىعىن ساۋلەلەندىرىپ، ساۋداگەر شاقىرىپ قارجى ەنگىزۋ تەبىنىن ارتتىرىپ، ەكونوميكا - ساۋدا سەلبەستىگى ”دوستار شەڭبەرىن“ كەڭەيتىپ، ەرەكشە، ابزال كاسىپ سالاسىن زورايتىپ، ”قان جاساۋ“ يقۋاتىن ۇزدىكسىز كۇشەيتىپ، ۇيىمدىق باسشىلىقتى كۇشەيتىپ، ساياسي جەتەكشىلىكتى كۇشەيتىپ، جۇرەكتىلىكپەن جاۋاپكەرشىلىك ارقالاپ، ءۇرتىس كۇرەس جاساپ، ساۋدا ارقىلى شينجياڭعا كومەكتەسۋدى دامۋدى ىلگەرىلەتۋ ينجەنەرياسى، ۇلتتار ىنتىماعى ينجەنەرياسى، جۇرت تىلەگىن توعىستىرۋ ينجەنەرياسى ەتىپ شىن مانىندە تۇلعالاپ، ساۋدا ارقىلى شينجياڭعا كومەكتەسۋ قىزمەتىنىڭ ۇزدىكسىز جاڭا ناتيجەگە قول جەتكىزۋىن، جاڭا ساتىعا كوتەرىلۋىن ىلگەرىلەتۋ كەرەك.
ما شيڭرۇي اۆتونوميالى رايوندىق پارتكوم مەن ۇكىمەت جانە بيڭتۋان اتىنان ساۋدا ىستەرى مينيسترلىگىنىڭ جانە شينجياڭعا كومەكتەسۋشى ولكە، قالالاردىڭ شينجياڭعا ۇزاق ۋاقىتتان بەرى كوڭىل بولگەندىگىنە، قولداۋ كورسەتكەندىگىنە جانە كومەكتەسكەندىگىنە شىن جۇرەكتەن العىس ايتتى. ما شيڭرۇي بىلاي دەدى: ساۋدا ىستەرى مينيسترلىگى جانە شينجياڭعا كومەكتەسۋشى ولكە، قالالار پارتيا مەن مەملەكەت قىزمەتى جالپى جاعدايى بيىك تۇرعىسىندا تۇرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋدى كەلەلى ساياسي مىندەت ەتۋگە تاباندى بولىپ، شينجياڭدا تۇتىنۋدىڭ ۇزدىكسىز جاقسارۋىن، سىرتقى ساۋدانىڭ ورنىقتىلىق بارىسىندا ىلگەرىلەۋىن، ساۋداگەر شاقىرىپ قارجى ەنگىزۋ ونىمدىلىگىنىڭ كورنەكتى بولۋىن، سىرتقا باعىتتالعان سەلبەستىكتىڭ كۇن سايىن تەرەڭدەۋىن ىلگەرىلەتىپ، جاڭا داۋىردەگى شينجياڭنىڭ ساۋدا قىزمەتىندە جاڭا تابىسقا قول جەتكىزۋىنە كۇش ۇستەدى. شينجياڭ ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، كاسىپ سالاسى جاعىنان شينجياڭعا كومەكتەسۋ، تۇتىنۋ ارقىلى شينجياڭعا كومەكتەسۋ، اينالىم ارقىلى شينجياڭعا كومەكتەسۋ، ەلەكتروندى ساۋدا ارقىلى شينجياڭعا كومەكتەسۋ، ساۋدا ىستەرى كادر - دارىندىلارى ارقىلى شينجياڭعا كومەكتەسۋ سياقتى ساۋدا ارقىلى شينجياڭعا كومەكتەسۋدىڭ كوپ ءتۇرلى ۇلگىسىن قالىپتاستىرۋدى ىلگەرىلەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىمەن تىعىز بايلانىستىرىپ، شەتەل قارجىسى، سىرتقى ساۋدا قىزمەتىن جەدەل ىلگەرىلەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قۇرىپ، ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا شەكارا ساۋداسىن دامىتۋدىڭ ءونىمدى شاراسىن قاراستىرىپ، رايونىمىزدىڭ ساۋدا قىزمەتىنىڭ جوعارى ساپالى دامۋىن ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنادى.
ءماجىلىس تەلەۆيزور - تەلەفون ءماجىلىسى فورماسىندا اشىلدى. ماجىلىستە ساۋدا ىستەرى مينيسترلىگى ەۆروپا - ازيا مەكەمەسىندەگى، اۆتونوميالى رايوندىق ساۋدا ىستەرى مەڭگەرمەسىندەگى، بيڭتۋان ساۋدا ىستەرى مەكەمەسىندەگى جاۋاپتى جولداستار ساۋدا ارقىلى شينجياڭعا كومەكتەسۋ قىزمەتىنىڭ تياناقتانۋ جاعدايىنان مالىمەت بەردى. بەيجيڭ قالالىق ساۋدا ىستەرى مەكەمەسىندەگى، شاندۇڭ ولكەلىك ساۋدا ىستەرى مەڭگەرمەسىندەگى، جىجياڭ ولكەلىك ساۋدا ىستەرى مەڭگەرمەسىندەگى، گۋاڭدۇڭ ولكەلىك ساۋدا ىستەرى مەڭگەرمەسىندەگى جاۋاپتى جولداستار بەينەەكراندا پىكىر اۋىستىرىپ، ءسوز سويلەدى.
ماجىلىستەن ىلگەرى ما شيڭرۇي، ەركىن تۇنياز قاتارلىلار ۋاڭ ۋىنتاۋ جانە ونىڭ ساپارلاستارىمەن كەزدەستى. ساۋدا مينيسترلىگى اۆتونوميالى رايوندىق حالىق ۇكىمەتىمەن، شينجياڭ ءوندىرىس - قۇرىلىس بيڭتۋانىمەن سەلبەستىك جۇلگەلىك كەلىسىمىنە قول قويدى.
اۆتونوميالى رايون جانە بيڭتۋان باسشىلارىنان چىن ۋيجۇن، قادەن كابەن، سۇن حۇڭمەي، شۋە بين قاتارلىلار جوعارىداعى قيمىلدارعا قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
