”تۇنىق سۋ، جاسىل تاۋ − باس شۋجي بىزگە كورسەتكەن جاڭا جول“
□ شينحۋا اگەنتتىگىنىڭ تىلشىلەرى چىن سۇڭ، شۇي كايشين
2022.04.26 14:48 كەلۋ قاينارى : شينجياڭ گازەتى
باس شۋجي شي جينپيڭ 2016 - جىلى 5 - ايدىڭ 23 - كۇنى حيلۇڭجياڭنىڭ يچۇنىندا تەكسەرۋ - زەرتتەۋ جۇرگىزگەندە شاڭگانليڭ ورمانشىلىق مەكەمەسى ورمان الاڭىنىڭ زەينەتكەرى ليۋ ياڭشۇن وتباسىنا ارناۋلى امانداسا باردى. جاقىندا شينحۋا اگەنتتىگىنىڭ تىلشىلەرى ليۋ ياڭشۇنعا قايتالاي تىلشىلىك ىستەدى.
”سول كەزگە قايىرىلا قاراۋ“
شاڭگانليڭ ورمانشىلىق مەكەمەسى شيشۇي مەملەكەتتىك ورمان باقشاسىندا باس شۋجي شي جينپيڭ شارباق جولدى بويلاي بايىرعى قىزىل قاراعاي ورمانى سياقتى باعالى اعاشتاردى كورىپ، ورمان الاڭى قىزمەتكەرلەرىنە ورمان بايلىعىن، ءسوز جوق، ويداعىداي قورعاۋدى تاپسىردى.
ىلە - شالا باس شۋجي ورمان الاڭىنىڭ قىزمەتكەرى ليۋ ياڭشۇننىڭ وتباسىنا كەلدى. ول اس ۇيگە كىرىپ، قازاننىڭ قاقپاعىن اشقاندا، اۋىل تاعامىنىڭ حوش ءيىسى اڭقىدى، ”قاراعاندا - اق دامدىلىگى كورىنىپ تۇر“، - دەدى باس شۋجي كۇلە سويلەپ. باس شۋجي ەسكى ءۇيدى رەمونتتاۋ، سۋ، ەلەكتر جولدارىن وزگەرتۋ سياقتى ءبىر ءۇيلى جاننىڭ جاتىن ورىن، تۇرمىس جاعدايىن سۇرادى، ليۋ ياڭشۇن وتباسىنداعىلارمەن ورمان الاڭىنىڭ دامۋ تاريحىن اڭگىمەلەسىپ، كىرىس - شىعىس ەسەبىن جاسادى.
كەشقۇرىم باس شۋجي شي جينپيڭ ليۋ ياڭشۇن وتباسىنداعىلارمەن جانە كورشى - قولاڭدارمەن شاعىن اۋلادا قورالانا وتىرىپ اڭگىمەلەستى. باس شۋجي ورمان رايونى اعاش كەسۋگە تيىم سالعاننان كەيىن، ولاردىڭ نەگىزىنەن نەمەن اينالىساتىندىعىن، كىرىس قاينارىنىڭ قايدان كەلەتىندىگىن، كۇندەلىكتى تۇرمىس جانە جۇمىستانۋ، وقۋ سياقتى جاقتاردا تاعى قانداي قيىنشىلىقتار بار ەكەندىگىن تاپتىشتەي سۇرادى.
كەيبىرىمىز اعاش ساڭىراۋقۇلاعىن ەگەمىز، كەيبىرىمىز شياڭگۋا ەگەمىز، كەيبىرىمىز باعىمشىلىقپەن شۇعىلدانامىز... كوپشىلىك وزدەرىنىڭ اۋقاتىن جاپا - تارماعاي ايتىپ جاتتى. باس شۋجي بىلاي دەدى: ورمان الاڭى قىزمەتكەرلەرى تۇرمىسىنىڭ جاقسارا تۇسكەندىگىن كورىپ، قاباعات قۋاندىم، كوڭىلىم جاي تاپتى. ورمان رايونىنىڭ ەكونوميكا تيبىن وزگەرتىپ دامۋى ۋاقىتشا قيىنشىلىقتارعا ءدوپ كەلەدى، پارتكوم مەن ۇكىمەت، ءسوزسىز، كوڭىل ءبولىپ، تۇرمىستارىڭىزدى بارعان سايىن جاقسارتادى، سىزدەر دە ءوز كۇشتەرىڭىزگە سۇيەنىپ ءومىر ءسۇرىپ، جاڭا جولداردى كوبىرەك قاراستىرىڭىزدار.
”ليۋ ياڭشۇننىڭ جۇرەك ءسوزى“
باس شۋجي ۇيىمە كەلگەن كۇندى قالايشا ۇمىتايىن! ءبىزدىڭ وتباسى عانا ەمەس، ورمان الاڭىنداعى كوپتەگەن ادام وسى بىرنەشە جىلدا جاڭا تۇرمىسقا قول جەتكىزدى.
سول كۇنى باس شۋجي ءبىزدىڭ اس ۇيگە كىردى، مەن باس شۋجيگە تەگەشتەگى دالا كوكونىسىن تانىستىردىم، مۇنىڭ ءبارىن ورمان ىشىنەن تەرىپ اكەلگەنبىز، كەيىن وتباسىمىزدىڭ شارۋاشىلىق قۇرۋداعى ماڭدايشالىعىنا اينالدى.
سول كەزدە يچۇن تابيعي ورمانىن ساۋدا سيپاتىندىق كەسۋ جالپى بەتتىك توقتاتىلىپ، ورمان الاڭىنداعىلار بولاشاقتاعى كۇن كورىسكە ءجىپ تاعا الماي اڭتارىلىپ قالعان ەدى. باس شۋجيدىڭ ءسوزى ماعان نۇسقاۋ بولدى. باس شۋجي بىزگە جاڭا جول تابۋدى ايتقان ەكەن، دەرەۋ ارەكەتتەنۋىمىز كەرەك قوي.
سول جىلى جازدا وتباسىمىزدىڭ شارۋالار شاتتىعى ساياجايى اشىلدى، زايىبىم ەكەۋىمىز قۋىرماش قۋىرىپ، تاماق ىستەۋگە جاۋاپتى بولدىق تا، ۇلىم مەن كەلىنىم قۋىرماشتاردى تاسىپ، شاي قۇيدى... وتباسىمىز وسىنداي دۋمانعا بولەنىپ كورمەگەن ەدى.
وسى بىرنەشە جىلدا ءبىزدىڭ ورمان الاڭ جوعارىدان تومەنگە دەيىن جاسىل تاۋ، تۇنىق سۋدى قورعادى، ماڭايىمىزدىڭ قورشاعان ورتاسى بارعان سايىن جاقسارا ءتۇستى. بۇرىن ءۇيىمىزدىڭ الدىندا شاعىل تاس جول بار بولاتىن، اۆتوكولىك وتكەندە شاڭ قاۋىپ قالاتىنبىز. قازىر ورمان الاڭى اسفالت جول سالىپ، ءتۇستى شىراق ورناتتى، اعاش ەكتى، ءۇيىمىزدىڭ قارسىسىنداعى سازدىقتان ”زۇيدە حۋاگۋ“ ساياحات ءتۇيىنىن قۇردى.
ەكولوگيالىق قورشاعان ورتانىڭ جاقسارۋى بىزگە وراسان زور پايدا جەتكىزدى، ساياحاتتاي كەلەتىندەر دە بارعان سايىن كوبەيدى. قاۋىرت كەزدە شاعىن اۋلامىز ساياحاتشىلارعا تولادى. ولار سوناۋ شالعايدان وسىندا نەنى كورۋگە كەلەدى؟ ارينە، وسى ارانىڭ اشىق اسپانىن، تۇنىق سۋىن، تازا اۋاسىن اڭساپ كەلەدى ەمەس پە؟
شارۋالار شاتتىعى ساياجايىن اشۋ ارقىلى جاقسى بولعاندا ءبىر جىلدا ءبىز 100 نەشە مىڭ يۋان كىرىس كىرگىزەمىز. تۇنىق سۋ، جاسىل تاۋ − باس شۋجي بىزگە كورسەتكەن جاڭا جول ەكەندىگىن ەندى عانا شىنايى ءتۇسىندىم.
جەكە ءبىزدىڭ وتباسىمىز ەمەس، توڭىرەكتەگى اۋىلداستار جانە ورمان الاڭىنان زەينەتكە شىققان كوپتەگەن جۇمىسشىلار دا شارۋاشىلىق قۇرا باستادى. ءبىز اس - سۋ قىزمەت وتەۋ كوشەسىن قۇردىق، 30عا تارتا شارۋالار شاتتىعى ساياجايى مەن حالىقتىق تۇسەلحانا تابىستى تيجارات جۇرگىزۋدە. ورمان مەرگياسى، تىكەندى اراليا، قىزىل قاراعاي قالامشاسىن ەگەتىندەردىڭ دە قالتاسى قامپايدى. ورمان الاڭىنداعىلار ”ەكولوگيا اسىن“ ءىشىپ، ورماندى قورعاپ، جاڭا تۇرمىستارىن باستادى.
(شينحۋا اگەنتتىگىنىڭ 4 - ايدىڭ 24 - كۇنى حاربيننەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
