ەرەكشە كاسىپ سالاسى اۋىل - قىستاقتى گۇلدەندىرۋگە دەم بەردى (جاڭا جورىقتا العا باسىپ، جاڭا داۋىرگە ۇلەس قوۋ − بايىرعى رايوننىڭ جاڭا بەت - بەينەسى)
2022.04.29 18:04 كەلۋ قاينارى : حالىق تورابى
تاڭعى ساعات 4 مولشەرىندە گانسۋ ولكەسى حۋاچى اۋدانى نانلياڭ قالاشىعى لييۋانباۋ قىستاعىنداعى مەيجيا بۇرشاق ىرىمشىگى دۇكەنىنەن بۇرشاقتىڭ حوش ءيىسى اڭقيدى. ەرلى - زايىپتى دۇكەن يەلەرى بۇرشاق سالىنعان قازاندى اۋىق - اۋىق ارالاستىرىپ قاربالاس بولۋدا.
مەي جيانشۇن: «ءبىز شيكىزاتتىڭ ساپتىعىنا ءمان بەرەمىز، ءداستۇرلى ادىسپەن مانەرلەيمىز، كوز بوياۋشىلىق ىستەمەيمىز، ءبىر قازان بۇرشاق ىرىمشىگىن جاساۋعا كەم دەگەندە 6 ساعاتتان استام ۋاقىت كەتەدى» دەدى.
مەيجيا بۇرشاق ىرىمشىگى دۇكەنىنىڭ بۇرشاق ىرىمشىگى الىس - جاقىنعا ايگىلى، مەيجيانشۇن وسى كاسىپتى جالعاستىرعان ءۇشىنشى ۇرپاق سانالادى. نانلياڭ − باتىس سولتۇستىكتەگى تۇڭعىش قىزىل ۇكىمەت شانشي - گانسۋ شەكارا رايونى سوۆەت ۇكىمەتىنىڭ تۇرعان جەرى. مەي جيانشۇننىڭ اتاسى مەي شىڭگۇي 1935 - جىلى 4 - ايدا شەكارا رايونداعى پارتيا، ۇكىمەت، ارميا ورگاندارىنان جوتكەلگەن قىزمەتكەرلەردى قورعاعان كەزدە قۇربان بولادى؛ اجەسى جاۋ ليانيىڭ مەيجيا بۇرشاق ىرىمشىگى دۇكەنىن اشىپ، وتباسىنداعىلاردى اسىراۋمەن بىرگە، شەكارا رايوننىڭ توڭكەرىسىنە قارجى توپتايدى.
2013 - جىلدان بەرى نانلياڭ قىزىل قالاشىعى، نانلياڭ توڭكەرىستىك ەسكەرتكىش سارايىنىڭ جاڭا سارايى ىركەس - تىركەس سالىنىپ بولدى، شانشي - گانسۋ شەكارا رايونى سوۆەت ۇكىمەتىنىڭ كونە جۇرتى سياقتى 43 قىزىل ەسكى جۇرت قىزىل ساياحات كورىنىس رايونىنا اينالىپ، ءار جىلى ءبىر ميلليون ادام - رەتتەن استام ساياحاتشى قابىلدادى. قىزىل جۇرتتاردى قۇرمەتپەن كورىپ بولعاننان كەيىن كوپتەگەن ساياحاتشى مەيجيا بۇرشاق ىرىمشىگى دۇكەنىنەن ءدام تاتاتىن بولدى.
قىزىل ساياحات تاۋ قويناۋىنداعى بۇقاراسى كەدەي نانلياڭگە قۇت سيلادى
«13 - بەسجىلدىقتان» بەرى نانلياڭ ۇلكەن كورىنىس رايونى قۇرىلىسى ۇزدىكسىز ىلگەرىلەپ، ۇزاق جورىق مادەنيەت باقشاسى شانشي - گانسۋ بازاسىنىڭ توڭكەرىستىك جۇرتتارىن قايتا قالپىنا كەلتىرۋ سياقتى ينجەنەريالار جەدەل سالىنىپ، ساياحاتشىلار سانى 8 ميلليون ادام - رەت، ساياحات كىرىسى 3 ميلليارد 500 ميلليون يۋان بولدى.
بالشىق جول اسفالت جولعا اينالىپ، جولاۋشىلار اۆتوموبيلى ەسىك الدىنا كەلدى. قىزىل شاعىن قالاشىقتىڭ بەيقۇت ءۇي ينجەنەرياسى مەي جيانشۇن سياقتى لييۋانباۋ قىستاعىنىڭ تۇرعىندارىن ۇڭگىرگە قوش ايتىپ، جاڭا ۇيگە كوشىپ كىرۋىنە مۇمكىندىك جاراتتى. مەي جيانشۇن: «2 قابات شاعىن عيماراتىمىز بار، اۋماعى 220 شارشى مەتر، 1 - قاباتتى مايعا بەرگەندە، ءار جىلعى ماياقى كىرىسى 20 مىڭ يۋان بولادى. قازىر وتباسىمىزدىڭ جىلدىق كىرىسى 100 مىڭ يۋاننان اسادى. مەن پارتيا مەن ۇكىمەتتىڭ ابزال ساياساتىنا شىن جۇرەكتەن العىس ايتامىن!» دەدى.
2012 - جىلى «شانشي - گانسۋ - نيڭشيا توڭكەرىستىك بايىرعى رايونىن گۇلدەندىرۋ جوباسى» رەسمي جاريالاندى، بۇل مەملەكەتتىك كەڭەس بەكىتىپ ماقۇلداعان تۇڭعىش توڭكەرىستىك بايىرعى رايوننىڭ دامۋ جوباسى بولىپ، ساياساتتىق قولداۋدى اناعۇرلىم كۇشەيتىپ، قارجى ۇسىنىلىمىن ارتتىرىپ، بايىرعى رايونداردىڭ دامۋىن جەدەلدەتۋ العا قويىلدى. 2015 - جىلى 2 - ايدا باس شۋجي شي جينپيڭ شانشي - گانسۋ - نيڭشيا توڭكەرىستىك بايىرعى رايونىنىڭ كەدەيلىكتەن ارىلىپ، اۋقاتتانۋ اڭگىمە ءماجىلىسىن باسقارىپ اشقاندا مىنانى تالاپ ەتتى: ۇسىنىلىم مەن قولداۋ سەرپىنىن ارتتىرىپ، اناعۇرلىم بەيىمدەلۋ ساياساتىن قولدانىپ، بايىرعى رايونداردىڭ دامۋىن قولداۋدى كۇشەيتىپ، كەدەيلەردى سۇيەمەلدەۋ - وركەندەتۋدىڭ قازىنالىق قارجى ۇسىنىلىمى مەن نىسان ورنالاسۋىن ارتتىرىپ، قوعامدىق قارجىنى بايىرعى رايون قۇرىلىسىنا جۇمساۋعا شابىتتاندىرىپ، جەتەكتەپ، بايىرعى رايونداردىڭ دامۋىن قولدايتىن قۇدىرەتتى قوعامدىق بىرىككەن كۇش قالىپتاستىرۋ كەرەك.
پارتيانىڭ 18 - قۇرىلتايىنان بەرى تەك حۋاچى اۋدانىنىڭ وزىندە ورتالىق پەن ولكە دارەجەلى قارجىنىڭ قولداۋىمەن 18 ميلليارد 532 ميلليون يۋان قارجىعا قول جەتكىزىلدى، جەرگىلىكتى ورىننىڭ وقۋ - اعارتۋ، ەمدەۋ سياقتى حالىق تۇرمىسى ىستەرى جەدەل دامىدى.
بىلتىر 5 - ايدا لييۋانباۋ قىستاعى حۋاچى اۋدانى ۋانجياحۇڭ ەرەكشە اۋىل شارۋاشىلىق ونىمدەرى شارۋالار كاسىپتىك سەلبەستىك كووپەراتيۆىن قۇرىپ، بۇرشاق ىرىمشىگى، بۇرشاق قابىعى جانە بۇرشاق بامبۇگى سياقتى نانلياڭنىڭ ەرەكشەلىگىنە يە ازىق - تۇلىكتى كەڭ كولەمدە ءوندىردى، مەي جيانشۇن تەحنيكالىق اقىلشى بولىپ، جٷمىسشىلارعا جاساۋ ونەرىن ۇيرەتتى.
سەلبەستىك كووپەراتيۆىنىڭ باس القاسى شاۋ سايلۇڭ 90 - جىلداردىڭ تۇلەگى، كەزىندە چاڭچيڭ مۇناي الابىندا جۇمىس ىستەگەن. شاۋ سايلۇڭ بىلاي دەدى: «اۋىلعا قايتىپ يگىلىك جاراتۋدا، بىرىنشىدەن، قارتتارعا، بالالارعا قارايلاسۋدى ويلاستىردىم، ەكىنشىدەن، اۋىلىمىزدىڭ دامۋ بولاشاعىنا نازار اۋدارۋدى ءجون سانادىم. 10 اۋىلداسپەن بىرگە ءارقايسىمىز 10 مىڭ يۋاننان جارنا قوسىپ، توڭىرەكتەگى 40 نەشە وتباسىن جاسىل بۇرشاق، سارى بۇرشاق ەگۋگە باستاپ، كاسىپ تىزبەگىن ونان ارى ۇزارتتىق، سەلبەستىك كووپەراتيۆى كۇنىنە مىڭ جىڭنان استام بۇرشاق ىرىمشىگىن وندىرەدى، بىلتىر سىناق رەتىندە ىسكە قوسىپ، جارتى جىلدان استام ۋاقىتتا بۇرشاق ىرىمشىگىنىڭ وزىنەن 300 مىڭ يۋاننان استام كىرىس ەنگىزدىك، قازىر بار كۇشپەن ءوندىرىس جۇرگىزۋدەمىز».
ءبىر قىستاقتا ءبىر ءونىم ءوندىرىلىپ، جەر جاعدايىنا قاراي شارۋاشىلىق جۇرگىزىلدى، حۋاچى اۋدانى اۋىل - قالاشىقتاردىڭ ەكولوگيالىق سەيىل - سەرۋەن، تىنىعۋ، كۇتىنۋ، اۋىل شارۋاشىلىق داقىلدارىن ءۇزۋ سياقتى اۋىل - قىستاق ەرەكشەلىگىنە يە كاسىپتەردى جەتىلدىرۋىنە جەتەكشىلىك ەتىپ، قولداۋ كورسەتىپ، لينجىن كاڭياڭ سياقتى ەرەكشە شاعىن قالاشىقتاردى شوعىرلى قۇرىپ، اۋىل - قىستاقتاردى كوركەيتۋدىڭ كاسىپ نەگىزىن بەكەمدەدى.
«تاماشا تۇرمىس − ەڭبەكپەن ورناعان». مەي جيانشۇن تاعى ءبىر قالتا كوك بۇرشاقتى كوتەرىپ، شەلەككە قۇيىپ جاتىپ: «ساياسات وسىنداي جاقسى، ونان دا ماڭىزدىسى، قايراتتانا ىستەۋ كەرەك!» دەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
