ايقىندالدى! ءارقانداي باسقا زات قوسۋعا بولمايدى!
2022.05.06 16:28 كەلۋ قاينارى : حالىق تورابى
جۋىردا بازاردى باقىلاۋ – باسقارۋ باس مەكەمەسى وزگەرىس ەنگىزىلگەننەن كەيىنگى «بال اراسىنا قاتىستى ونىمدەردى وندىرۋگە تەكسەرۋ ارقىلى رۇقسات بەرۋ ەرەجەسىن (2022 – جىلعى نۇسقا)» (تومەندە «ەرەجە» دەپ اتالادى) جاريالاپ، بال اراسىنا قاتىستى ونىمدەردى ءوندىرۋ جانە مانەرلەۋ ارەكەتتەرىن اناعۇرلىم جۇيەگە ءتۇسىردى، جالعان ءونىم مەن باسقا زات ارالاستىرۋ سىندى زاڭعا قايشى ماسەلەلەردى ءتۇيىندى تۇردە جونگە سالىپ، بال اراسىنا قاتىستى ونىمدەردىڭ ساپاسى مەن حاۋىپسىزدىگىنە شىنايى كەپىلدىك ەتىپ، بال اراسىنا قاتىستى ونىمدەردى وندىرەتىن سالانىڭ ساپالى دامۋىن ىلگەرىلەتەدى.
«ەرەجەدە» مىنالار اتاپ كورسەتىلگەن: بال قاينارىن باسقارۋدى كۇشەيتۋگە ءمان بەرىپ، شيكزات ساپاسىن اناعۇرلىم جوعارىلاتۋ قاجەت. كاسىپورىنداردى شيكزاتتىق بال، انالىق ارا شىرىنى (كەپتىرىلگەن انالىق ارا شىرىنى ونىمدەرىن قامتيدى)، اراعا قاجەتتى گۇل توزاڭى قاتارلىلارمەن قامدايتىن ساۋداگەرلەر سالىستىرمالى تۇردە تۇراقتى بولۋى كەرەك؛ كاسىپورىنداردى وزدەرىنىڭ بال قاينارى بازاسىن قۇرۋعا نەمەسە بال قاينارى بازاسىمەن ورنىقتى ساتىپ الۋ كەلىسىمشارتىن جاساۋعا شابىتتاندىرۋ كەرەك؛ كاسىپورىنداردى ارا ۇياسىنان الىنعان بالدى شيكزات ەتە وتىرىپ ارا بالىن وندىرۋگە شابىتتاندىرۋ كەرەك.
«ەرەجەدە» مىناداي تالاپتار ورتاعا قويىلعان: ونىمدەردىڭ قۇرامىن قاتاڭ باسقارىپ، جالعان ءونىم مەن باسقا زات قوسۋدى تيۋ كەرەك. كاسىپورىندار ارا بالى، انالىق ارا شىرىنى (انالىق ارا شىرىنى كەپتىرىلگەن ونىمدەرىن قامتيدى)، بال اراسىنا قاجەتتى گۇل توزاڭى قاتارلىلاردى وندىرگەندە ءارقانداي باسقا زات قوسپاۋى كەرەك دەپ بەلگىلەنگەن؛ بال اراسىنا قاتىستى ونىمنەن وڭدەلگەن ونىمدە بال اراسى، انالىق ارا شىرىنى (انالىق ارا شىرىنى كەپتىرىلگەن ونىمدەرىن قامتيدى)، بال اراسىنا قاجەتتى گۇل توزاڭى نەمەسە باسقا قوسپا زاتتاردىڭ مانەرلەنگەن ءونىمنىڭ قۇرامىنداعى مولشەرى %50 تەن جوعارى بولۋى، ونىڭ ۇستىندە، ارا بالىن شيكىزات ەتىپ وندىرگەن ونىمدەرگە كراحمالدىق قانت، قانت قويمالجىڭى، ازىقتىق قانت قوسپاۋ كەرەك.
«ەرەجەدە» مىنالار تالاپ ەتىلگەن: ءوندىرۋ بارىسىن مەڭگەرۋدى كۇشەيتىپ، ازىق - تۇلىك حاۋىپسىزدىگىنە كەپىلدىك ەتۋ كەرەك. كاسىپورىندار ءوندىرۋ جابدىقتارى مەن مانەرلەۋ تارتىپتەرىن ۇيلەسىمدى ورنالاستىرىپ، توعىسپالى لاستانۋدان ساقتانۋى قاجەت؛ ءوندىرۋ جانە مانەرلەۋ بارىسىندا تەمپەراتۋرا، ىلعالدىلىق شارتتارىن قاتاڭ مەڭگەرۋ قاجەت؛ ءوندىرۋ جابدىقتارىن، قۇبىرلاردى دەر كەزىندە تازالاپ جۋىپ، ديزەنفەكسيالاپ، ورتا تازالىعىن ساقتاۋ كەرەك؛ ءوندىرۋ بارىسىنداعى شەشۋشى تۇيىندەردى قاتاڭ باقىلاپ، مانەرلەۋ بارىسىنىڭ ۇزدىكسىز جۇيەلى بولۋىنا كەپىلدىك ەتۋ قاجەت؛ بال اراسىنا قاتىستى ونىمدەردەن وڭدەلگەن ونىمدەردى جاساۋ بارىسىندا پايدالانعان ارا بالى، انالىق ارا شىرىنى (انالىق ارا شىرىنى كەپتىرىلگەن ونىمدەرىن قامتيدى)، بال اراسىنا قاجەتتى گۇل توزاڭى نەمەسە باسقا قوسپا زاتتاردىڭ اتى، مولشەرى، ۇستايتىن سالىستىرماسى قاتارلى ينفورماتسيالاردى شىنايى ەستەلىككە الىپ، ونىمدەردىڭ تەگىن انىقتاۋعا مۇمكىندىك جاراتۋ قاجەت.
«ەرەجەدە» مىنالار تالاپ ەتىلگەن: بەلگىنىڭ مازمۇنى ايقىن بولۋى كەرەك، جالعان ۇگىت جاساۋعا تيىم سالىنادى. بال اراسىنا قاتىستى ونىمدەردىڭ اتىنان، ءسوزسىز، ءونىمنىڭ شىنايى سيپاتى كورىنىپ تۇرۋى كەرەك، جالعان بەلگى جاپسىرۋعا بولمايدى، بال اراسىنا قاتىستى ءونىمىنى اتى بال قاينارىنا قاتىستى وسىمدىكتىڭ اتىمەن اتالسا بولادى؛ ارا بالىنان جاسالعان ءونىمنىڭ بەلگىسىنىڭ نەگىزگى ورنىنداعى كورنەۋ جەرگە «بال اراسىنا قاتىستى ونىمنەن وڭدەلگەن ءونىم» دەگەن ءسوز جازىلۋى كەرەك، ءارىپتىڭ ۇلكەن – كىشىلىگى ءونىم بەلگىسىندەگى باسقا ارىپتەردەن كىشى بولماۋى كەرەك، «ارا بالى»، «XX بالى»، «ارا بالى مايى»، «ارا بالى اسىلى» قاتارلى اتتار جازىلماۋى كەرەك؛ بال اراسىنا قاتىستى ونىمدەردەن وڭدەلگەن ءونىمنىڭ قۇرامىن جازعاندا، ارا بالى، انالىق ارا شىرىنى (انالىق ارا شىرىنى كەپتىرىلگەن ءونىمىن قامتيدى)، اراعا قاجەتتى گۇل توزاڭى نەمەسە باسقا قوسىمشا زاتتاردىڭ قوسىلعان مولشەرى نەمەسە وڭدەلگەن ءونىمنىڭ قۇرامىنداعى مولشەرى شىنايى جازىلۋى كەرەك.
«ەرەجە» جاريالانعان كۇننەن باستاپ اتقارىلادى. بال اراسىنا قاتىستى ءونىم ءوندىرۋ رۇقساتىن وسىدان بۇرىن الىپ بولعان، الايدا قاتىستى تالاپتارعا ۇيلەسپەيتىن بولسا، 2022 – جىلى 12 – ايدىڭ 31 – كۇنىنەن بۇرىن وزگەرتىپ بولۋى كەرەك، بال اراسىنا قاتىستى ونىمدەردى ءوندىرۋ رۇقسات كۋالىگىن العان سوڭ جالعاستى وندىرسە بولادى. بازاردى باقىلاۋ – باسقارۋ باس مەكەمەسى جەر – جەردەگى بازاردى باقىلاۋ – باسقارۋ تاراۋلارىنىڭ «ەرەجەنى» تياناقتاندىرۋى، بال اراسىنا قاتىستى ونىمدەردىڭ ساپاسى مەن حاۋىپسىزدىگىنە باقىلاۋ – باسقارۋ جۇرگىزۋدى كۇشەيتۋى جونىندە ورنالاستىرۋ جاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
