- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتىنەن بايانداما(3)
2013.04.01 16:36
ءۇشىنشى، اۋىل شارۋاشىلىعى، اۋىل - قىستاق، ديقاندار قىزمەتى تيتتەي دە بوساڭسىماي ويداعىداي ىستەلىپ، اۋىل شارۋاشىلىعىنىڭ نەگىزدىك ورنى بەكەمدەلدى جانە كۇشەيتىلدى. ءبىز ونەركاسىپتەندىرۋدى، ينفورماتسيالاندىرۋدى، قالا - قالاشىقتانۋدى ىشكەرىلەي دامىتۋمەن قاتار، اۋىل شارۋاشىلىعىن وسىزامانداندىرۋعا تاباندى بولىپ، كۇشتى شوعىرلاندىرىپ، اۋىل شارۋاشىلىعى مەن اۋىل - قىستاقتىڭ بولاشاقتىق دامۋىنا، ديقانداردىڭ ءتول مۇددەسىنە ساياتىن ءىرى ىستەردى ىستەدىك. قازىنالىق قوسىلىمدى كوبەيتتىك، ورتالىق قازىنادان اۋىل شارۋاشىلىعىنا، اۋىل - قىستاققا، ديقاندارعا جيىنى 4 تريلليون 470 ميلليارد يۋان شىعىس ەتىلدى، بۇل جىلىنا ورتا ەسەپپەن %23.5 ارتىپ وتىردى. استىق ەگەتىن ديقاندارعا جاردەم قاراجات بەرۋ ءتۇزىمى جانە نەگىزگى استىق ەگىلەتىن رايونداردىڭ مۇددەسىنە تولەم بەرۋ مەحانيزمى ورناتىلىپ جانە اقاۋسىزداندىرىلىپ، جاردەم ولشەمى جىل سايىن جوعارىلاتىلىپ، قامىتۋ كولەمى ۇزدىكسىز كەڭەيىپ وتىردى، جاردەم قاراجات 2007 - جىلعى 63 ميلليارد 900 ميلليون يۋاننان ارتىپ، 2012 - جىلى 192 ميلليارد 300 ميلليون يۋانعا جەتتى. اۋىل - قىستاققا فينانستىق قىزمەت وتەۋ كۇشەيتىلىپ، اۋىل شارۋاشىلىعىنا ساياتىن قارىز اقشا سوماسى 2007 - جىلدىڭ سوڭىنداعى 6 تريلليون 120 ميلليارد يۋاننان 2012 - جىلدىڭ سوڭىندا 17 تريلليون 630 ميلليارد يۋانعا جەتتى. استىق جونىنەن ەڭ تومەنگى ساتىپ الۋ باعاسى ساياساتى اتقارىلىپ، ءبيداي، كۇرىشتىڭ ەڭ تومەنگى ساتىپ الۋ باعاسى جيىنى %41.7تەن %86.7كە كوتەرىلدى. ەگىستىك جەردى قورعاۋ كۇشەيتىلىپ، ديقانداردىڭ ۇقىق - مۇددەسى قورعالىپ، اۋىل - قىستاقتا كوللەكتيۆتىك جەردىڭ وتكىزىپ الۋىنا تولەم بەرۋ ءتۇزىمىن كەمەلدەندىرۋ جونىنەن كوپتەپ دايىندىق جۇمىستار ىستەلدى. اۋىل شارۋاشىلىق عىلىم - تەحنيكالىق العاباسارلىق جانە وسى زامانعى اۋىل شارۋاشىلىق قۇرىلىسى جەدەل ىلگەرىلەتىلىپ، استىق تۇقىمداردى جەتىلدىرۋ، حايۋاناتتار مەن وسىمدىكتەردىڭ ىندەت - دەرتىنىڭ الدىن الۋ جانە ونى تىزگىندەۋ، نەگىزگى ساتى اۋىل شارۋاشىلىق تەحنيكالارىن جالپىلاستىرۋ كۇشەيتىلدى. سۋ يگىلىگى قۇرىلىسى بارىنشا جۇرگىزىلىپ، اۋىل - قىستاق جەرى جونگە سالىنىپ، جوعارى ولشەمدى اتىز جاسالدى، ەگىستىك جەردىڭ اۋدانىءبىر ميلليارد 820 ميلليون مۋدان ارتىق قالپىن ساقتادى. جالپىلىق استىق ءوندىرۋ قۋاتى جاڭا ساتىعا كوتەرىلىپ، استىقتىڭ جالپى ءونىم مولشەرى ۇدايى 6 جىل تۇراقتى تريلليون جىڭنىڭ ۇستىندە بولدى جانە جىل سايىن ارتىپ وتىردى. اۋىل - قىستاق سۋ ەلەكتر، جول، گاز قاتارلى نەگىزگى قۇرىلعىلار قۇرىلىسى كۇشەيتىلىپ، ءبىر ميلليون 465 مىڭ كيلومەتر اۋىل - قىستاق تاس جولى تىڭنان جاسالدى جانە جاڭالاندى، اۋىل - قىستاقتاعى 10 ميلليون 330 مىڭ وتباسىنىڭ حاۋىپتى ءۇيى جاڭالاندى، اۋىل - قىستاقتا 300 ميلليوننان استام ادامنىڭ اۋىز سۋ حاۋىپسىزدىگى جانە ەلەكتر جەتكىزىلمەگەن 4 ميلليون 450 مىڭ ادامنىڭ ەلەكتر تۇتىنۋ ماسەلەسى شەشىلىپ، اۋىل - قىستاقتىڭ ءوندىرىس - تۇرمىس شارت - جاعدايى ۇزدىكسىز جاقساردى. اۋىل - قىستاقتاعى ارتىق ەڭبەككۇش اۋىل شارۋاشىلىعىنان باسقا سالاعا اۋىسۋعا بەلسەنە جەتەكتەلدى، ديقانداردىڭ ورتاشا ناق كىرىسى ءۇرتىس، ءبىرشاما تەز ارتتى، 2010 - جىلدان بەرى قالا مەن اۋىل تۇرعىندارىنىڭ سالىستىرمالى كىرىس پارقى بىرتىندەپ ازايىپ كەلەدى. اۋىل - قىستاق جان - جاقتىلى رەفورماسى ىشكەرىلەتىلدى. كوللەكتيۆتىك ورمان ءتۇزىمىنىڭ نەگىزگى تۇلعالىق رەفورماسى نەگىزىنەن ورىندالدى، اۋىل - قىستاق كوللەكتيۆتىك جەرىنىڭ ۇقىعى ايقىندالىپ، كۋالىك بەرىلدى. اۋىل - قىستاق جەرىن كوتەرەگە الىپ شارۋاشىلىق جۇرگىزۋ ۇقىعىن تىزىمگە الۋدى تۇيىندە سىناق ەتۋ ەتەك الدىرىلدى. اۋىل شارۋاشىلىعى مەن اۋىل - قىستاق دامۋىنداعى تاماشا جاعداي حالىقارالىق فينانس داعدارىسى مەن ءتۇرلى جاراتىلىستىق اپاتتاردىڭ اۋىر سوققىسىنا توتەپ بەرىپ، ەكونوميكالىق، قوعامدىق دامۋدىڭ زور جاعدايىن ورنىقتىرۋعا كۇشتى سۇيەنىش بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
