- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتىنەن بايانداما(4)
2013.04.01 16:36
ءتورتىنشى، ەلدى عىلىم - تەحنيكامەن، وقۋ - اعارتۋمەن كوركەيتۋ ستراتەگياسىن اتقارۋعا تاباندى بولىپ، ەكونوميكالىق، قوعامدىق دامۋدىڭ وزەكتى سۇيەمەلدەۋ قۋاتى ارتتىرىلدى. ءبىز مەملەكەتتىڭ ورتا، ۇزاق مەرزىمدىك عىلىم - تەحنيكانى دامىتۋ پلانى باعدارلاماسىن اتقارۋدى جەدەلدەتىپ، مەملەكەتتىڭ ورتا، ۇزاق مەرزىمدىك وقۋ - اعارتۋ رەفورماسى مەن دامۋ پلانى باعدارلاماسىن، مەملەكەتتىڭ ورتا ۇزاق مەرزىمدى دارىندىلاردى جەتىلدىرۋ پلانى باعدارلاماسىن جانە مەملەكەتتىڭ ءبىلىم مەنشىگى ۇقىعى ستراتەگياسىن جاساپ جانە اتقارىپ، عىلىم - تەحنيكا، وقۋ - اعارتۋ، مادەنيەت ىستەرىنىڭ جاپپاي دامۋىن ىلگەرىلەتىپ، مەملەكەتتىڭ بولاشاقتىق دامۋى جونىنەن بەرىك نەگىز قالادىق.
وقۋ - اعارتۋ ىستەرى الدىمەن دامىتىلدى. مەملەكەتتىڭ قازىنالىق وقۋ - اعارتۋ قاراجاتى شىعىسى 5 جىلدا جيىنى 7 تريلليون 790 ميلليارد يۋان بولىپ، جىلىنا ورتا ەسەپپەن ％58. 21 ارتىپ، 2012 - جىلى ىشكى ءوندىرىس جالپى قۇنىنداعى سالىستىرماسى ％4كە جەتتى. وقۋ - اعارتۋ بايلىعىنىڭ ءتۇيىنى اۋىل - قىستاقتارعا، شەكارا، شالعاي، ۇلتتىق رايوندارعا، كەدەي رايوندارعا بەيىمدەلىپ، وقۋ - اعارتۋداعى ادىلدىك كورنەكتى جاقساردى. قالا - اۋىل 9 جىلدىق اقىسىز مىندەتتى وقۋ - اعارتۋى جالپى بەتتىك جۇزەگە اسىرىلىپ، 160 ميلليون وقۋشى ودان يگىلىكتەندى. وقۋ جاسىنا دەيىنگى ءبىلىم الۋدىڭ 3 جىلدىق قيمىل جوسپارى اتقارىلىپ، «بالانى ياسىليگە تۇسىرە الماۋ» ماسەلەسى ءبىرشاما جەڭىلدەدى. مەملەكەتتىڭ وقۋعا كومەك بەرۋ ءتۇزىمى ۇزدىكسىز كەمەلدەندىرىلىپ، وتباسىندا ەكونوميكالىق قيىنشىلىعى بار وقۋشىلارعا قارجىلاي كومەك بەرۋ جۇيەسى ورناتىلىپ، وقۋ جاسىنا دەيىنگى ءبىلىم الۋدان اسپيرانتتىق تاربيەگە دەيىنگى وقۋ ساتىلارىن تولىق قامتۋ جۇزەگە اسىرىلدى، ءار جىلعى بەرىلگەن كومەك قاراجات سوماسى 100 ميلليارد يۋانعا تاياۋ بولىپ، قارجىلاي كومەك بەرىلگەن وقۋشىلاردىڭ سانى 80 ميلليون ادام - رەتكە جەتتى. ورتا دارەجەلى كاسىپتىك مەكتەپتەردە وقيتىن وقۋشىلاردىڭ وقۋ قاراجاتىن كەشىرىم ەتۋ ساياساتى اتقارىلىپ، اۋىل - قىستاقتاعى مەكتەپتەر، قالاداعى اۋىل شارۋاشىلىق كاسىبىن وقيتىن وقۋشىلار جانە وتباسىندا ەكونوميكالىق قيىنشىلىعى بار وقۋشىلار تۇگەل قامتىلدى. قالاعا كىرىپ جۇمىستانعانداردىڭ ەرىپ كەلگەن پەرزەنىتتەرىنىڭ قالالاردا مىندەتتى وقۋ - اعارتۋدان ءبىلىم الۋى العاشقى ادىمدا شەشىلدى، قازىر قىستاق نوپوسىنداعى 12 ميلليون 600 مىڭ بالا قالادا مىندەتتى وقۋ - اعارتۋدان ءبىلىم الىپ وتىر. اۋىل - قىستاقتاعى 30 ميلليوننان استام وقۋشىعا ءتيىمدى مىندەتتى وقۋ - اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارى اتقارىلدى. ورتا، باستاۋىش مەكتەپتەردىڭ ۇيلەرىن حاۋىپسىزدەندىرۋ ينجەنەرياسى ورىندالدى. كاسىپتىك وقۋ - اعارتۋدىڭ نەگىزدىك قۋاتى مەن ەرەكشە وقۋ - اعارتۋدىڭ نەگىزدىك قۇرىلعىلارى قۇرىلىسى جەدەلدەتىلدى. مىندەتتى وقۋ - اعارتۋ ساتىسىنداعى مەكتەپتەردە ناتيجەلىك ەڭبەكاقى ءتۇزىمى اتقارىلىپ، وقۋ - اعارتۋ مينيسترلىگىنە توتە قاراستى پەداگوگيكالىق داشۋەلەردە پەداگوگيكا وقۋشىلارىن تەگىن وقىتۋ جۇرگىزىلدى، اۋىل - قىستاق وقىتۋشىلار قوسىنى قۇرىلىسى كۇشەيتىلدى. وقۋ - اعارتۋدىڭ ساپاسى مەن ورەسى جاپپاي جوعارىلاتىلىپ، جوعارى دارەجەلى وقۋ - اعارتۋ ساتىسىنداعى وقۋشىلاردىڭ جالپى وقۋعا ءتۇسۋ مولشەرى ％30كە ارتتىرىلدى. جالپى حالىقتىڭ ءبىلىم الۋ دارەجەسى زور مولشەردە جوعارىلادى، 15 جاستان جوعارعىلاردىڭ ورتاشا ءبىلىم الۋ جىل شەكتەمەسى 9 جىلدان استى.
دەربەس جاڭالىق جاراتۋ بار كۇشپەن جەبەلدى. ورتالىق قازىنانىڭ عىلىم - تەحنيكاعا جۇمساعان قارجىسى 5 جىلدا جيىنى 872 ميلليارد 900 ميلليون يۋان بولىپ، جىلىنا ورتا ەسەپپەن ％18 ارتىق ارتىپ وتىردى. زەرتتەۋ جانە تاجىريبە ەتۋ، دامۋ قاراجاتى شىعىسىنىڭ ىشكى ءوندىرىس جالپى قۇنىنداعى ۇستايتىن سالىستىرماسى2007 - جىلعى %1.4تەن 2012 - جىلى %1.97كە جەتتى، كاسىپورىنداردىڭ زەرتتەۋ - اشۋ قيمىلدارىنا جۇمساعان شىعىسىنىڭ ۇستايتىن سالىستىرماسى ％74تەن استى. عىلىم - تەحنيكا ءتۇزىلىسى رەفورماسى ىشكەرىلەي ەتەك الدىرىلىپ، مەملەكەتتىڭ جاڭالىق جاراتۋ جۇيەسى قۇرىلىسىن جەدەلدەتۋ جونىندەگى پىكىر جاسالدى. مەملەكەتتىڭ عىلىم - تەحنيكادا جاڭالىق جاراتۋ ينجەنەرياسى مەن بىلىمدە جاڭالىق جاراتۋ ينجەنەرياسى ىشكەرىلەي جۇرگىزىلدى، مەملەكەتتىڭ عىلىم - تەحنيكالىق كەلەلى ارناۋلى نىساندارى تىڭعىلىقتى ىلگەرىلەتىلدى، ءبىر توپ مەملەكەتتىك ينجەنەريا ورتالىعى، ءتۇيىندى تاجىريبەحانالار، كاسىپورىن تەحنيكا ورتالىعى تىڭنان قۇرىلدى. نەگىزدىك زەرتتەۋلەر مەن الدىڭعى لەكتىك ىزدەنىستەر كۇشەيتىلىپ، ءبىر توپ وزەكتى، شەشۋشى تەحنيكالاردا قامال الىنىپ، ءبىرسىپىرا ماڭىزدى ونىمدەر مەن جابدىقتارداعى بوستىقتاردىڭ ورنى تولىقتىرىلدى.
ەلدى دارىندىلارمەن كۇشەيتۋ ستراتەگياسى ىشكەرىلەي جۇرگىزىلدى. جوعارى ورەلى، جوعارى تەحنيكالى دارىندىلار ماڭىزدى ءتۇيىن ەتىلىپ، ءتۇرلى دارىندىلار قوسىنى قۇرىلىسى كۇشەيتىلىپ، كاسىپتىك تەحنيكالىق ماماندار مەن جوعارى تەحنيكا دارىندىلارىنان جەكە - جەكە 8 ميلليون 600 مىڭ جانە 8 ميلليون 800 مىڭ ادام كوبەيىپ، شەتەلدەردەن وقۋ تاۋىسىپ وتانعا ورالعانداردىڭ سانى 540 مىڭ ادامعا جەتتى.
مادەنيەت قۇرىلىسى بارىنشا كۇشەيتىلدى. قالا مەن اۋىلدى قامتىعان الەۋمەتتىك مادەنيەت قۇرىلعىلارى تورابى جۇيەسى العاشقى ادىمدا ورناتىلىپ، مۇراحانا، كىتاپحانا، مادەنيەت سارايى )پۋنكتى( قوعامعا تۇگەلدەي تەگىن اشىلدى. مەملەكەت مەنشىگىندەگى تيجارات سيپاتىندىق مادەنيەت ورىندارىن كاسىپورىن تۇزىمىنە وزگەرتۋ مىندەتى نەگىزىنەن ورىندالىپ، الەۋمەتتىك يگىلىك سيپاتىنداعى مادەنيەتتىك ءىسورىندارىنىڭ ىشكى مەحانيزم رەفورماسى جالعاستى ىشكەرىلەتىلدى. فيلوسوفيا، قوعامدىق عىلىم، اقپارات - باسپا ءسوز، راديو، كينو - تەلەۆيزيا، ادەبيەت - كوركەمونەر قاتارلىلار ونان ارى گۇلدەنىپ - كوركەيدى، مادەنيەت شارۋاشىلىعىنىڭ دامۋى تەزدەتىلدى. مادەني مۇرانى جانە بەيزاتتىق مادەني مۇرانى قورعاۋ جاعىندا ماڭىزدى ىلگەرىلەۋشىلىكتەر بولدى. سىرتپەن مادەنيەتتىك اۋىس - كۇيىس جاندانا ءتۇستى. جالپى حالىقتىق دەنە شىنىقتىرۋ جانە باسەكەلىك سپورت تىڭ ناتيجەلەرگە قول جەتكىزدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
