- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتىنەن بايانداما(11)
2013.04.01 16:36
3. بيىلعى ۇكىمەت قىزمەتى جونىندە ۇسىنىس
وتكەن 10 جىلداعى، اسىرەسە، سوڭعى 5 جىلداعى قىزمەت اسەرىمەن بىرلەستىرىپ، بيىلعى ۇكىمەت قىزمەتى جونىندە مىناداي ۇسىنىستار بەرەمىز:
(1)ەكونوميكانىڭ دامۋ تاسىلىندە بۇرىلىس جاساۋدى جەدەلدەتىپ، ەكونوميكانىڭ باياندى، اقاۋسىز دامۋىن جەبەۋ.ەلىمىزدىڭ سوتسياليستىك وسىزامانداندىرۋ قۇرىلىسىنداعى بارلىق تابىستارىنا ەكونوميكانى باياندى، اقاۋسىز دامىتۋ نەگىزىندە قول جەتتى، ەكونوميكا دامىماسا، ەشقانداي ءىستى ىستەي المايمىز. ەلىمىز ءالى دە سوتسياليزمنىڭ العاشقى كەزەڭىندە تۇرعان ءارى ۇزاق ۋاقىت تۇراتىن نەگىزگى جاعداي وزگەرگەن جوق، حالىقتىڭ كۇن سايىن ارتىپ وتىرعان زاتتىق، مادەنيەتتىك قاجەتى مەن مەشەۋ قوعامدىق ءوندىرىس اراسىنداعى قايشىلىق سىندى قوعامداعى نەگىزگى قايشىلىق وزگەرگەن جوق، ەلىمىزدىڭ دۇنيەدەگى ەڭ ءىرى دامۋ ۇستىندەگى ەلدىك حالىقارالىق ورنى وزگەرگەن جوق، دامۋ ءالى دە ەلىمىزدەگى بارلىق ماسەلەنى شەشۋدىڭ تەتىگى بولىپ تابىلادى. ەكونوميكالىق قۇرىلىستى وزەك ەتىپ، بار زەيىنىمىزبەن قۇرىلىس جۇرگىزىپ، بار پەيىلىمىزبەن دامۋعا تالپىنۋعا تاباندى بولۋىمىز كەرەك. دامۋدىڭ ماڭىزدى ستراتەگيالىق ورايىن مىقتى يگەرىپ، دامۋ زاڭدىلىعىنا قۇرمەت ەتىپ، دامۋ كوزقاراسىن جاڭالاپ، دامۋداعى قيىن ماسەلەلەردى شەشىپ، ەكونوميكانى دامىتۋ تاسىلىندە بۇرىلىس جاساۋدى جەدەلدەتىپ، دامۋ بارىسىندا بۇرىلىس جاساۋدى جەبەپ، بۇرىلىس جاساۋ بارىسىندا دامۋعا ۇمتىلساق، ەكونوميكانىڭ باياندى، اقاۋسىز دامۋى، ءسوزسىز، جۇزەگە اساتىن بولادى.
ىشكى سۇرانىمدى ۇلعايتۋدى ەكونوميكالىق دامۋدىڭ ۇزاق ۋاقىتتىق ستراتەگيالىق باعىتى ەتۋگە تاباندى بولىپ، تۇتىنۋدىڭ نەگىزدىك رولى مەن قارجى قوسۋدىڭ شەشۋشى رولىن تولىق ساۋلەلەندىرۋ كەرەك. ىشكى سۇرانىمدى ۇلعايتۋداعى قيىندىق پەن ماڭىزدى ءتۇيىن تۇتىنۋدا، كومەسكى كۇش تە تۇتىنۋدا. تۇرعىنداردىڭ تۇتىنۋىن ۇلعايتۋ ءۇشىن، تۇتىنۋ قۋاتىن ارتتىرۋ، تۇتىنۋدىڭ مەجەلى مەرزىمىن تۇراقتاندىرۋ، تۇتىنۋ تىلەگىن كۇشەيتۋ، تۇتىنۋ ورتاسىن جاقسارتۋ جاقتارىندا كۇش سالىپ، تۇتىنۋدىڭ ەكونوميكانىڭ ارتۋىن جەبەۋ كۇشىن ۇزدىكسىز ارتتىرۋ كەرەك. قازىرگى كەزەڭدە، قارجى قوسۋدىڭ ەكونوميكانىڭ ارتۋىن جەبەۋدەگى رولىن تومەن شامالاۋعا بولمايدى. ەلىمىز ءارى قارجى قوسۋ قۋاتىنا يە، ءارى قارجىعا مۇقتاج، كىلت − باعىتتى دۇرىس تاڭداپ، قۇرىلىمدى جاقسارتىپ، قارجىلاندىرۋ ساپاسى مەن ونىمدىلىگىن جوعارىلاتۋدا. ۇكىمەتتىڭ قارجىلاندىرۋى قوعامدىق قارجىلاندىرۋ جونىنەن اسا ماڭىزدى جەتەكشى رولعا يە، الايدا، بۇكىل قوعامدىق قارجىلاندىرۋدىڭ ارا سالماعى بارعان سايىن ازايىپ بارادى، حالىقتىق قارجىلاندىرۋدىڭ بازارعا كىرۋ رۇقساتىن اناعۇرلىم كەڭ ۇستاپ، ونىڭ ومىرشەڭدىگىنە دەم بەرۋ كەرەك.
ەكونوميكانىڭ دامۋ تاسىلىندە بۇرىلىس جاساۋدى زور كۇشپەن ىلگەرىلەتىپ، شارۋاشىلىق قۇرىلىمىن رەتكە سالۋدى تەزدەتۋ قاجەت. ەلىمىزدە وندىرگىش كۇشتىڭ دامۋ ورەسى الۋان ءتۇرلى، رەتكە سالۋدىڭ مۇمكىندىگى زور، مەيلى ءداستۇرلى شارۋاشىلىق بولسىن، الدە گۇلدەنىپ كەلە جاتقان شارۋاشىلىق بولسىن، مەيلى ەڭبەككۇش تۇتىنىمى تىعىز شارۋاشىلىق بولسىن، الدە قارجى شوعىرلاندىرىلعان شارۋاشىلىق بولسىن، بارلىعىنىڭ دامۋ مۇمكىندىگى بار، ودان دا ماڭىزدىسى، بايلىقتى ىڭعايلاۋ مەن شارۋاشىلىقتىڭ ورنالاسۋىن ساپالىلاندىرۋ، ءوندىرىس قۋاتىنىڭ تىم ارتىپ قالۋى، وزەكتى تەحنيكالاردىڭ تاپشى بولۋى، ونىمدەردىڭ ۇستەمە قۇنىنىڭ تومەن بولۋى ماسەلەسىن، تومەن دەڭگەيدەگى قايتالامالى قۇرىلىستار مەن وڭىرلەردىڭ شارۋاشىلىق قۇرىلىمىنىڭ بىردەي بولۋى ماسەلەسىن شەشۋ كەرەك. ءداستۇرلى شارۋاشىلىقتى جاڭالاۋدى جەدەلدەتىپ، جوعارى، جاڭا تەحنيكالى شارۋاشىلىقتى زور كۇشپەن دامىتىپ، ونىمدەردىڭ ساپاسى مەن بازارداعى باسەكەلىك قۋاتىن جوعارىلاتۋ كەرەك. ساياسات ارقىلى جەتەكشىلىك ەتۋدى كۇشەيتىپ، كاسىپورىنداردى كاسىپ، ءوڭىر، مەنشىك اتتاپ بىرىگۋگە، قايتا قۇرىلۋعا شابىتتاندىرۋ، بازاردىڭ قاتاردان قالۋ مەحانيزمىنەن پايدالانىپ ساپالىنىڭ دامىپ، ساپاسىزدىڭ قاتاردان قالۋىن جەبەۋ كەرەك. ىشكى بازاردا قولدانۋدى دامىتۋدى، ماڭىزدى شەشۋشى تەحنيكالاردا قامال الۋدى ءتۇيىن ەتىپ، گۇلدەنىپ كەلە جاتقان ستراتەگيالىق شارۋاشىلىقتاردىڭ اقاۋسىز دامۋىن ىلگەرىلەتۋ كەرەك. ينفورماتسيالاندىرۋ مەن ونەركاسىپتەندىرۋدى ۇشتاستىرۋدى بەلسەنە ىلگەرىلەتىپ، جاڭا ۇرپاق ينفورماتسيالىق نەگىزدىك قۇرىلعىلار قۇرىلىسىن جەدەلدەتۋ، ينفورماتسيا تورابى تەحنيكاسىنان جاپپاي پايدالانۋدى جەبەۋ كەرەك. وندىرىستىك قىزمەت وتەۋ كاسىبى مەن تۇرمىستىق قىزمەت وتەۋ كاسىبىنە تەڭ ءمان بەرۋگە، وسى زامانعى قىزمەت وتەۋ كاسىبى مەن ءداستۇرلى قىزمەت وتەۋ كاسىبىن قاتار جۇرگىزۋگە تاباندى بولىپ، قىزمەت وتەۋ كاسىبىن ونان ارى دامىتۋ جانە ۇلعايتۋ كەرەك.
حالىق بۇقاراسىنىڭ تاماشا تۇرمىس ورتاسى جونىندەگى تىلەگىنە سايكەسىپ، ەكولوگيالىق وركەنيەت قۇرىلىسى مەن ورتانى قورعاۋدى بارىنشا كۇشەيتۋ كەرەك. ەكولوگيالىق ورتا حالىقتىڭ باقىتىنا، كەيىنگى ۇرپاقتار مەن ۇلتتىڭ بولاشاعىنا سايادى. بايلىقتى ۇنەمدەپ، ورتانى قورعاۋدان مەملەكەتتىڭ نەگىزگى ساياساتىنا تاباندى بولىپ، زالالسىز، اينالىمدى دامۋ مەن دامۋدا كومىرتەگىن از شىعارۋدى ىلگەرىلەتۋگە قۇلشىنۋ كەرەك. ەنەرگيانى، بايلىقتى ۇنەمدەۋ مەن قايتالامالى پايدالانۋدى پارمەندى ىلگەرىلەتىپ، ونەركاسىپ، قاتىناس، قۇرىلىس، الەۋمەتتىك قۇرىلىم قاتارلى سالالاردا ەنەرگيا ۇنەمدەۋدى ءتۇيىندى تۇردە ويداعىداي مەڭگەرىپ، ەنەرگيا تۇتىنىمىنىڭ جالپى مولشەرىن تىزگىندەپ، ەنەرگيانىڭ، ماتەريالدىڭ سارىپ بولۋى مەن كومىر تەگى قوس توتىعىنىڭ شىعارىلۋ مولشەرىن ازايتۋ كەرەك. شارۋاشىلىقتىڭ قۇرىلىمى مەن ورنالاسۋىن رەتتەۋدى جەدەلدەتىپ، ولشەمدى، ءتۇزىمدى جانە زاڭ - ءتۇزىم جۇيەسىن كەمەلدەندىرۋدى مىقتى يگەرىپ، لاستانۋدىڭ الدىن الۋ جانە ونى تىزگىندەۋدىڭ ناقتى شارالارىن قولدانىپ، ءوندىرىس، تۇرمىس تاسىلىنە بۇرىلىس جاساۋدى ىلگەرىلەتىپ، بۇقارانىڭ ءتول مۇددەسىنە ساياتىن اتموسفەرا، سۋ، توپىراق قاتارلى ورتانىڭ اۋىر دارەجەدە لاستانۋ ماسەلەسىن شەشۋگە بەل بايلاپ، ورتانىڭ ساپاسىن جاقسارتىپ، حالىقتىڭ دەنساۋلىعىن قورعاپ، ءىس جۇزىندىك ارەكەت پەن ناتيجە حالىققا ءۇمىت باعىشتاۋ كەرەك. اۋا رايى، گەولوگيا، جەر سىلكىنىسى سياقتى جاقتارداعى قىزمەتتەردى ويداعىداي ىستەپ، اپاتتىڭ الدىن الۋ جانە اپاتتىڭ زيانىن جەڭىلدەتۋ قۋاتىن جوعارىلاتۋ كەرەك. جەر بايلىعى مۇمكىندىگىن اشۋ ارناسىن ساپالىلاندىرىپ، اشۋ كۇشەمەلىلىگىن ۇيلەسىمدى تىزگىندەپ، مۇمكىندىك قۇرىلىمىن رەتتەۋ كەرەك. تەڭىز - مۇحيتتاردى جان - جاقتىلى باسقارۋدى كۇشەيتىپ، تەڭىز - مۇحيت شارۋاشىلىعىن دامىتىپ، تەڭىز - مۇحيت بايلىعىن اشۋ قۋاتىن جوعارىلاتىپ، تەڭىز - مۇحيت ەكولوگيالىق ورتاسىن، مەملەكەتتىڭ تەڭىز - مۇحيت جونىندەگى ۇقىق - مۇددەسىن قورعاۋ كەرەك. 'وڭىرلىك دامۋدىڭ جالپىلىق ستراتەگياسىن ۇزدىكسىز ىشكەرىلەي اتقارىپ، وڭىرلىك ەكونوميكانىڭ سايكەسىمدى دامۋىن جەبەۋ كەرەك. وڭىرلەردىڭ سالىستىرمالى باسىمدىعىن تولىق ساۋلەلەندىرىپ، ءبىرتۇتاس جوسپارلاپ، تۇرگە ءبولىپ جەتەكشىلىك ەتۋ، باتىس بولەكتى قاۋىرت اشۋدى الدىمەن ىلگەرىلەتىپ، شىعىس سولتۇستىك رايون سياقتى بايىرعى ونەركاسىپ بازالارىن جاپپاي گۇلدەندىرىپ، ورتا بولەك رايونداردىڭ سەرپىلۋىن پارمەندى جەبەۋ، شىعىس بولەك رايونداردىڭ الدىمەن دامۋىن بەلسەنە قولداۋ، بايىرعى توڭكەرىستىك رايون، ۇلتتىق رايون، شەكارا رايون، كەدەي رايونداردى دەمەۋ تەبىنىن ارتتىرىپ، ەرەكشە قيىنشىلىعى بار شوعىرلى، ۇلاسپالى وڭىرلەردە كەدەيلەردى سۇيەمەلدەۋدەن قامال الۋدى ىلگەرىلەتە ءتۇسۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
