- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتىنەن بايانداما(14)
2013.04.01 16:36
(4)رەفورمالاۋ، ەسىك اشۋ اناعۇرلىم زور ساياسي باتىلدىق جانە اقىل - پاراسات ارقىلى ىشكەرىلەي ىلگەرىلەتىلەدى.رەفورمالاۋ، ەسىك اشۋ − مەملەكەتتىڭ دامۋى مەن العا باسۋىنىڭ ءتۇبىرلى قوزعاۋشى كۇشى. رەفورمالاۋ مەن ەسىك اشۋعا تاباندى بولعاندا عانا، ىستەرىمىزدى جالعاستى العا باستىرا الامىز. ەلىمىز رەفورماسى قامال الۋ ساتىسىنا قادام تاستادى، يدەيانى ونان ارى ازات ەتىپ، ەكونوميكالىق ءتۇزىلىس رەفورماسىن جاپپاي تەرەڭدەتۋ، ساياسي ءتۇزىلىس رەفورماسىن ۇزدىكسىز بەلسەنە، ۇيلەسىمدى ىلگەرىلەتىپ، مادەنيەت ءتۇزىلىسى رەفورماسىن تەرەڭدەتۋ، قوعامدىق ءتۇزىلىس رەفورماسىن جەدەلدەتۋ، ەكولوگيالىق وركەنيەت ءتۇزىمى قۇرىلىسىن كۇشەيتۋ، رەفورمانى ۇزدىكسىز ىشكەرىلەتۋ كەرەك.
سوتسياليستىك بازار شارۋاشىلىعى ءتۇزىلىسى ونان ارى كەمەلدەندىرىلەدى. جالپىلىق مەنشىكتەگى شارۋاشىلىق تيتتەي دە اۋىتقىماستان بەكەمدەلەدى جانە دامىتىلادى، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماستان دەم بەرىلەدى جانە قولداۋ بەرىلەدى، جەتەكتەلەدى، تۇرلىشە مەنشىكتەگى شارۋاشىلىق ءوندىرىس فاكتورلارىن زاڭ بويىنشا تەڭ تۇرعىلى پايدالاناتىن، بازار باسەكەسىنە ادىلدىكپەن قاتىناساتىن، زاڭ جاعىنان تەڭ قورعالاتىن تۇزىلىستىك ورتا قالىپتاستىرىلادى. مەملەكەت مەنشىگىندەگى كاسىپورىندار، سونداي - اق ماڭىزدى سالالار رەفورماسى ىشكەرىلەتىلەدى. قازىنا - باجى ءتۇزىلىسى رەفورماسى تەزدەتىلىپ، ورتالىق پەن جەرگىلىكتى ورىنداردىڭ قازىنا كۇشى مەن ۇقىق قاتىناسى رەتتەلىپ، قازىنادان ءبولىپ تولەۋ ءتۇزىمى كەمەلدەندىرىلىپ، الەۋمەتتىك قازىنا جۇيەسى اقاۋسىزداندىرىلىپ، جەرگىلىكتى باجى جۇيەسى ورناتىلىپ، قۇرىلىمدى ساپالاندىرۋعا، الەۋمەتتىك ادىلدىككە ءتيىمدى باجى ءتۇزىمىن قالىپتاستىرۋ جەبەلەدى. فينانس ءتۇزىلىس رەفورماسى ىشكەرىلەي جۇرگىزىلىپ، تۇلعالىق شارۋاشىلىقتى دامىتۋدىڭ وسى زامانعى فينانس جۇيەسى كەمەلدەندىرىلىپ، جەبەلىپ، بانكە، باعالى قاعاز، قامسىزداندىرۋ سياقتى سالالاردىڭ باسەكەلىك قۋاتى كۇشەيتىلەدى، كوپ جۇيەلى كاپيتال بازارىنىڭ دامۋى تەزدەتىلىپ، باعالى قاعاز بازارى بەلسەنە دامىتىلىپ،ءوسىمدى، سىندىرىلىمدى بازارلاندىرۋ رەفورماسى ورنىقتى ىلگەرىلەتىلەدى، حالىق اقشاسىن شەكارا اتتاتىپ پايدالانۋ كولەمى كەڭەيتىلىپ، حالىق اقشاسىندىق كاپيتال نىساندارىنىڭ ەركىن اۋىسۋى بىرتىندەپ جۇزەگە اسىرىلادى. قارجىلاندىرۋ، قارجى قۇراۋ ءتۇزىلىسى رەفورماسى ىشكەرىلەتىلەدى، باعا رەفورماسى ىلگەرىلەتىلىپ، بايلىق سيپاتتى ونىمدەر باعاسىن قالىپتاستىرۋ مەحانيزمى جانە ەكولوگياعا تولەم بەرۋ ءتۇزىمى كەمەلدەندىرىلەدى. ءىسورىنداردى تۇرگە ءبولۋ رەفورماسى ونان ارى بەلسەندى، ورنىقتى ىلگەرىلەتىلەدى. كىرىس ءبولىسى ءتۇزىمى − ەكونوميكالىق، قوعامدىق دامۋداعى ءتۇبىرلى، نەگىزدىك سيپات الاتىن ءتۇزىم، سونداي - اق سوتسياليستىك بازار شارۋاشىلىعى ءتۇزىلىسىنىڭ ىرگە تاسى. ءبىز كىرىس ءبولىسى رەفورماسىن ىشكەرىلەي جۇرگىزۋ تۋرالى ءبىرقانشا پىكىردى بەلگىلەدىك، ەندى بۇل جونىندەگى ناقتى ساياساتتاردى زەرتتەۋ، بەلگىلەۋدى مىقتى يگەرىپ، تۇزىمدىك قۇرىلىستى ىسكە قوسۋعا، ساياساتتاردى تياناقتاندىرۋعا شىنايى كەپىلدىك ەتىپ، كىرىس ءبولىسى سالاسىندا ءومىر ءسۇرىپ وتىرعان ماسەلەلەردى ۇتىمدى شەشىپ، كىرىس بولىسىندەگى پارىقتاردى ازايتىپ، جالپى حالىقتى دامۋدىڭ جەتىستىكتەرىنەن اناعۇرلىم كوپ، ادىلدىكپەن يگىلىكتەندىرۋىمىز كەرەك.
سوتسياليستىك دەموكراتيالى زاڭمەن باسقارۋ قۇرىلىسى ىلگەرىلەتىلەدى. حالىقتىڭ نەگىزگى تۇلعالىق ورنىنا تاباندى بولىپ، اناعۇرلىم كەڭ، اناعۇرلىم تولىق، اناعۇرلىم كەمەلدى حالىق دەموكراتياسى دامىتىلىپ، حالىقتىڭ زاڭ بويىنشا كەڭىنەن يگىلىكتەنەتىن ۇقىق - مۇددەسى مەن ەركىندىگىنە كەپىلدىك ەتىلىپ، ادامنىڭ جان - جاقتىلى دامۋى جەبەلەدى. قوعامدىق تەڭدىك، ادىلدىك قورعالادى. ەلدى زاڭمەن باسقارۋعا تاباندى بولىپ، نەگىزگى زاڭنىڭ جانە زاڭداردىڭ بەدەلىنە تولىق قۇرمەت ەتىلەدى، شەشىم جاساۋ، اتقارۋ، باقىلاۋ ۇقىعىنىڭ ءبىرىن -ءبىرى تەجەۋىنە ءارى ءوزارا سايكەسۋىنە، مەملەكەتتىڭ اكىمشىلىك ورگاندارىنىڭ ۇقىعىن زاڭدا بەلگىلەنگەن ۇقىق شەگى مەن ءتارتىبى بويىنشا جۇرگىزۋىنە شىنايى كەپىلدىك ەتىلەدى. ۇكىمەت فۋنكتسياسىندا بۇرىلىس جاساۋعا تاباندى بولىپ، ۇكىمەت پەن كاسىپورىنداردى، ۇكىمەت پەن كاپيتالدى، ۇكىمەت پەن ءىسورىندارىن، ۇكىمەت پەن قوعامدىق ۇيىمداردى ءبولۋ ىلگەرىلەتىلىپ، فۋنكتسياسى عىلمي، قۇرىلىمى ساپالى، پاك ءارى ءىسى ءونىمدى، حالىق ريزا بولاتىن، قىزمەت وتەيتىن جاڭا ۇكىمەت قۇرىلادى. قىزمەت ستيلىن جاقسارتىپ، بۇقارامەن تىعىز بايلانىس جاساۋعا تاباندى بولىپ، قاجىرلىلىقپەن كۇرەس جاساۋدى دارىپتەپ، ۇقىپتى - ۇنەمشىل بولىپ، استا - توك ىسىراپشىلدىققا قارسى تۇرۋ، فورماشىلدىقتى، تورەشىلدىكتى جويۋ كەرەك. دەموكراتيالىق، زاڭدىق، جاماعات پىكىرىندىك باقىلاۋعا تاباندى بولىپ، بيلىك جۇرگىزۋ تەجەمى مەن باقىلاۋ جۇيەسىن كەمەلدەندىرىپ، حالىقتىڭ بيلىك جۇرگىزۋدى باقىلاۋىنا، بيلىكتى اشىق جۇرگىزۋگە مۇمكىندىك تۋدىرۋ كەرەك. ءىرىپ - شىرۋگە قارسى تۇرۋعا تاباندى بولىپ، پاكتىك قۇرىلىسىن كۇشەيتىپ، بيلىكتىڭ تىم شوعىرلى ءارى تەجەمسىز جۇرگىزىلۋ جاعدايىن تۇزىمدىك جاقتان وزگەرتىپ، كادرلاردىڭ ادال، ۇكىمەتتىڭ پاك، ساياسيدىڭ ءادىل بولۋىن جۇزەگە اسىرۋ كەرەك.
ىشكى - سىرتقى جاعدايداعى تەرەڭ وزگەرىس ەلىمىزدىڭ اشىق شارۋاشىلىعى جونىنەن تىڭ، اناعۇرلىم جوعارى تالاپتار قويىپ وتىر. مەملەكەتتىڭ سىرتقا ەسىك اشۋ سىندى نەگىزگى ساياساتىنا تاباندى بولىپ، اناعۇرلىم بەلسەندى، ىرىقتى ەسىك اشۋ ستراتەگياسىن اتقارۋ كەرەك. ەكسپورتتى ورنىقتىرۋ مەن يمپورتتى كەڭەيتۋدى ۇشتاستىرىپ، سىرتقى ساۋدانىڭ كولەمدىك كەڭەيۋدەن ساپاسىن، تيىمدىلىگىن جوعارىلاتۋعا، وزىندىك قۇن جانە باعا باسىمدىعىنان امبەباپ باسەكە باسىمدىعىنا قاراي ويىسۋىن ىلگەرىلەتىپ، تەحنيكا، ايگىلى ماركا، ساپا جانە قىزمەت وتەۋدى وزەك ەتكەن ەكسپورت باسەكەسىندە تىڭ باسىمدىقتىڭ قالىپتاسۋىن جەبەۋ؛ شەتەل قارجىسىن پايدالانۋ مەن شەتەلدە قارجىلاندىرۋدى ۇشتاستىرۋعا تاباندى بولىپ، كاسىپورىنداردىڭ «سىرتقا بارۋىن» سۇيەمەلدەپ، ەكونوميكالىق دامۋدىڭ تىڭ ءورىسىن اشۋ؛ تەڭىز جاعالاۋىنداعى رايونداردا ەسىك اشۋ مەن ىشكى ولكەلەردەگى جانە شەكارا بويىنداعى رايونداردا ەسىك اشۋدى ۇشتاستىرۋعا تاباندى بولىپ، وزىندىك ەرەكشەلىككە يە، ءبىرىن - ءبىرى تولىقتىراتىن، جۇمىستى ءبولىسىپ الىپ سەلبەسىپ ىستەيتىن، تەڭگەرىلمەلى ءارى سايكەستى اشىق وڭىرلىك جۇيە قۇرۋ؛ دامىعان ەلدەرگە ەسىك اشۋ مەن دامىپ كەلە جاتقان ەلدەرگە ەسىك اشۋدى ۇشتاستىرۋعا تاباندى بولىپ، ءار جاقتىڭ مۇددەسى توعىساتىن تۇيىندەردى كەڭەيتۋ جانە مولايتۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
