بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

وتاننىڭ بۇكىلدەي بىرلىككە كەلۋ اياق الىسىن توسۋعا بولمايدى

«حالىق گازەتىنىڭ» شولۋشىسى

2022.08.11 16:53     كەلۋ قاينارى : حالىق تورابى

  تايۋان ماسەلەسىن تۇبەگەيلى شەشىپ، وتاننىڭ تولىق بىرلىككە كەلۋىن جۇزەگە اسىرۋ − بۇكىل جۇڭحۋا ۇلاندارىنىڭ ورتاق تىلەگى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تابيعي تالابى، جۇڭگو كوممۋنيستىك پارتياسىنىڭ بۇلجىماس تاريحي مىندەتى.

  دۇنيە جۇزىندە ءجۇز جىلدان بەرى بولماعان ۇلى وزگەرىس الدىندا، وتاننىڭ بۇكىلدەي بىرلىككە كەلۋىن ىلگەرىلەتۋ جاڭا جاعدايعا ءدوپ كەلدى. 8 - ايدىڭ 10 - كۇنى مەملەكەتتىك كەڭەستىڭ تايۋان ىستەرى كەڭسەسى، مەملەكەتتىك كەڭەستىڭ اقپارات كەڭسەسى «تايۋان ماسەلەسى جانە جاڭا داۋىردەگى جۇڭگونى بىرلىككە كەلتىرۋ ءىسى» اتتى اق تىستى كىتاپتى جاريالاپ، تايۋان − جۇڭگونىڭ ءبىر بولەگى دەيتىن فاكتىنى جانە قازىرگى جاعدايدى ىشكەرىلەي قايتالاي دارىپتەپ، جۇڭگو كوممۋنيستىك پارتياسى مەن جۇڭگو حالقىنىڭ وتاننىڭ تۇتاستىعىنا تالپىنۋداعى بەرىك ەركى مەن بەرىك بەكىمىن ايگىلەپ، جۇڭگو كوممۋنيستىك پارتياسى مەن جۇڭگو ۇكىمەتىنىڭ جاڭا داۋىردە وتاننىڭ تۇتاستىعىن جۇزەگە اسىرۋدى ىلگەرىلەتۋدەگى مايدانى مەن ساياساتىن پايىمدادى، جۇڭگو كوممۋنيستىك پارتياسى مەن جۇڭگو ۇكىمەتىنىڭ كۇردەلى جاعدايدى مەڭگەرەتىن، حاۋىپ - قاتەر مەن سىن - سايىستى جەڭەتىن جالپىلىق قۋاتى مەن ءسوزسىز جەڭەتىن سەنىمى بار، وتاندى بىرلىككە كەلتىرۋ ۇلى ءىسىن ىلگەرىلەتىپ، ارشىندى قاداممەن العا باسۋعا قابىلەتى قاپتال جەتەدى.

  جۇڭگو كوممۋنيستىك پارتياسىنىڭ تايۋان ماسەلەسىن شەشۋ، وتاننىڭ تولىق بىرلىككە كەلۋىن جۇزەگە اسىرۋ جولىندا قاجىماي - تالماي كۇرەس جۇرگىزۋ بارىسى، تابىستارى جانە تاجىريبەلەرى جۇڭگو كوممۋنيستىك پارتياسىنىڭ باستان - اياق جۇڭگو حالقى مەن جۇڭحۋا ۇلتىنىڭ تىرەگى، ۇلتتىڭ گۇلدەنۋىنىڭ، مەملەكەتتىڭ تۇتاستىعىنىڭ پارمەندى باسشىلىق ۇيىتقىسى ەكەنىن تولىق ايگىلەدى. پارتيانىڭ 18 - قۇرىلتايىنان بەرى جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا بولمايتىن تاريحي ۇردىسكە قادام تاستادى. بۇل − جۇڭگونىڭ بىرلىككە كەلۋ ۇلى ءىسىنىڭ جاڭا تاريحي بەلەسى. شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، جۇڭگو كوممۋنيستىك پارتياسى مەن جۇڭگو ۇكىمەتى تايۋان قىزمەتى نازارياسى مەن امالياتىندا جاڭالىق اشۋدى بەلسەنە ىلگەرىلەتىپ، ەكى جاعالاۋ قاتىناسىنىڭ جەتەكشى ۇقىعى مەن ىرىقتىلىق ۇقىعىن مىقتاپ يگەرىپ، تايۋان بۇعازىنىڭ بەيبىتشىلىگى مەن ورنىقتىلىعىن پارمەندى قورعاپ، وتاننىڭ بىرلىككە كەلۋ اياق الىسىن تىڭعىلىقتى ىلگەرىلەتتى.

  باس شۋجي شي جينپيڭ بىلاي دەپ اتاپ كورسەتتى: «تايۋان ماسەلەسى ۇلتتىڭ السىزدىگىنەن، بىلىقپالىعىنان تۋىنداعان، بۇل، ءسوز جوق، ۇلتتىڭ گۇلدەنۋىنە ىلەسە شەشىلەدى». وتاننىڭ بۇكىلدەي بىرلىككە كەلۋىن جۇزەگە اسىرۋدى جۇڭحۋا ۇلتىنىڭ تاريحى مەن مادەنيەتى بەلگىلەگەن، سونداي - اق جۇڭحۋا ۇلتىنىڭ ۇلى گۇلدەنۋىنىڭ كەزەڭى مەن جاعدايى بەلگىلەگەن. مەملەكەتتىڭ دامىپ، العا باسۋى، اسىرەسە، ەكونوميكالىق قۋاتىنىڭ، عىلىم - تەحنيكالىق قۋاتىنىڭ، قورعانىس قۋاتىنىڭ ۇزدىكسىز كۇشەيۋى «تايۋان دەربەستىگى» بولشەكتەۋشىلىك ارەكەتى مەن سىرتقى كۇشتەردىڭ كيلىگۋىن ءونىمدى تەجەۋمەن بىرگە، ەكى جاعالاۋدىڭ اۋىس - كۇيىسى مەن سەلبەستىگىنە كەڭ ءورىس اشىپ، وراسان زور وراي الا كەلدى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادى، ءبىزدىڭ تايۋان ماسەلەسىن شەشۋدەگى نەگىزىمىز اناعۇرلىم مىعىم، قابىلەتىمىز اناعۇرلىم قۇدىرەتتى، ءسوز جوق، وتاننىڭ بىرلىككە كەلۋ اياق الىسىن پارمەندى ىلگەرىلەتەمىز. ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، ءتىپتى دە سەنىمدى جانە قابىلەتتى بولدىق، سونداي - اق وتاندى بۇكىلدەي بىرلىككە كەلتىرۋ نىساناسىنا ءتىپتى دە جاقىنداي تۇستىك، ءتىپتى دە سەنىمدى جانە قابىلەتتى بولامىز.

  دۇنيە جۇزىندە ءبىر عانا جۇڭگو بار، تايۋان − جۇڭگونىڭ ءبىر بولەگى دەيتىن تاريحي فاكتىدەن جانە زاڭدىق اقيقات فاكتىسىنەن كۇماندانۋعا بولمايدى، تايۋان ەجەلدەن مەملەكەت بولعان ەمەس، قايتا جۇڭگونىڭ ءبىر بولەگى بولۋ ورنى وزگەرمەيدى. الايدا، ءبىر مەزگىلدەن بەرى تايۋان دەموكراتيالىق العاباسارلىق پارتياسى بيلەۋشىلەرى «تايۋان دەربەستىگى» بولشەكتەۋشىلىك قيمىلىن جەدەل جۇرگىزدى، كەيبىر سىرتقى كۇشتەر «تايۋان ارقىلى جۇڭگونى شاۋجايلاۋعا» كىرىسىپ، جۇڭگونىڭ بۇكىلدەي بىرلىككە كەلۋىن جانە جۇڭحۋا ۇلتىنىڭ ۇلى گۇلدەنۋگە قادام تاستاۋىن توسۋعا ۇرىندى. تاياۋدا ا ق ش پارلامەنتى قاۋىم پالاتاسىنىڭ باستىعى پەلوسي جۇڭگونىڭ كۇشتى قارسىلىعىمەن جانە قاتاڭ تىلدەسۋىمەن ساناسپاي، ا ق ش ۇكىمەتىنىڭ ەركىنە قويا بەرۋىندە جۇڭگونىڭ تايۋان رايونىنا كوپە - كورنەۋ تىمىسكىلەپ باردى. بۇل تەرىس ارەكەت جۇڭگونىڭ يەلىك ۇقىعىنا اۋىر دارەجەدە سۇعاناقتىق جاساپ، جۇڭگونىڭ ىشكى ىسىنە اۋىر دارەجەدە كيلىگىپ، ا ق ش جاقتىڭ ۋادەسىنە اۋىر قايشىلىق جاساپ، تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزدى. جۇڭگو ۇكىمەتى بۇعان قاراتا ءبىرقىدىرۋ پارمەندى قارسى شارا قولدانىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاپ، سىرتقى كۇشتەردىڭ كيلىگۋى مەن «تايۋان دەربەستىگى» بولشەكتەۋ ارەكەتىنە پارمەندى سوققى بەرىپ، حالىقارالىق قوعامداعى ادىلەتتى كۇشتەردىڭ جاپپاي قولداۋىنا يە بولدى. اماليات مىنانى تاعى ءبىر رەت دالەلدەدى: حالىق تىلەگىنە قايشىلىق جاساۋعا بولمايدى، وتپەن ويناعاندار، ءسوز جوق، ءوزىن ورتەپ تىنادى، وتاندى بىرلىككە كەلتىرۋ تاريحي تەگەرشىگى مىعىم تەبىنمەن العا قاراي جىلجي بەرەدى، ءارقانداي ادام، ءارقانداي كۇش توسا المايدى. «مۇحيتتى قىسپاققا الىپ، دەربەستىكتى كوزدەۋدىڭ» شىعار جولى جوق، «تايۋان ارقىلى جۇڭگونى شاۋجايلاۋ»، ءسوز جوق، جەڭىلىسكە ۇشىرايدى.

  تايۋاننىڭ بولاشاعى مەملەكەتتىڭ تۇتاستىعىندا، تايۋاندىق باۋىرلاستاردىڭ ىرىس - قۇتى ۇلتتىڭ گۇلدەنۋىنە بايلانىستى. ۇلتتىڭ گۇلدەنۋىنىڭ جاڭا ساپارىندا جۇڭگو كوممۋنيستىك پارتياسى مەن جۇڭگو ۇكىمەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە ءجۇز جىلدان بەرى بولماعان زور وزگەرىس جاعدايىن ءبىر تۇتاس جوسپارلاپ، جاڭا داۋىردەگى جۇڭگو كوممۋنيستىك پارتياسىنىڭ تايۋان ماسەلەسىن شەشۋ جالپى جوباسىن ىشكەرىلەي دايەكتىلەندىرىپ، «بەيبىت جولمەن بىرلىككە كەلۋ، ءبىر ەل، ەكى ءتۇزىم» نەگىزگى باعىتىندا تاباندى بولىپ، ەكى جاعالاۋ قاتىناسىنىڭ بەيبىت دامۋىن، توعىسپالى دامۋىن قۇلشىنا ىلگەرىلەتىپ، «تايۋان دەربەستىگى» بولشەكتەۋشىلىگى مەن سىرتتىڭ كيلىگۋ قاسكۇنەمدىگىن باتىل تالقانداپ، تايۋاندىق باۋىرلاستاردى ىنتىماقتاستىرىپ، ۇلتتىڭ گۇلدەنۋى مەن مەملەكەتتىڭ تۇتاستىعىن بىرگە قاراستىردى. «ءبىر ەل، ەكى ءتۇزىم» بويىنشا ەكى جاعالاۋدىڭ بەيبىت بىرلىككە كەلۋىن جۇزەگە اسىرۋ جۇڭگونىڭ دامۋىنا، العا باسۋىنا جانە جۇڭحۋا ۇلتىنىڭ ۇلى گۇلدەنۋىنە جاڭا نەگىز قالاپ، تايۋاننىڭ ەكونوميكالىق، قوعامدىق دامۋىنا وراسان زور وراي جاراتىپ، قالىڭ تايۋاندىق باۋىرلاستارعا ناقتى پايدا جەتكىزەدى، ازيا - تىنىق مۇحيت ءوڭىرىنىڭ جانە دۇنيە ءجۇزىنىڭ بەيبىتشىلىگى مەن دامۋىنا دا ءتيىمدى.

  مەملەكەت تۇتاستىعى − جۇڭحۋا ۇلتىنىڭ ۇلى گۇلدەنۋگە بەت الۋىنىڭ تاريحي سوزسىزدىگى. ءبىز بەيبىت جولمەن بىرلىككە كەلۋ ءۇشىن كەڭ ءورىس اشۋدى قالايمىز، ءبىراق ءتۇرلى فورماداعى «تايۋان دەربەستىگى» بولشەكتەۋشىلىك ارەكەتىنە استە كەڭىستىك قالدىرمايمىز. تايۋان ماسەلەسى − جۇڭگونىڭ ىشكى ءىسى، ول جۇڭگونىڭ وزەكتى مۇددەسىنە جانە جۇڭگو حالقىنىڭ ۇلتتىق سۇيىسپەنشىلىگىنە سايادى، ءارقانداي سىرتقى كۇشتەردىڭ كيلىگۋىنە بولمايدى. ءبىز ەكى جاعالاۋداعى باۋىرلاستاردى قامتىعان بارلىق جۇڭحۋا ۇلاندارى ءبىر نيەت، ءبىر تىلەكتە بولا وتىرىپ، ىنتىماقتاسا كۇرەس جۇرگىزسە بولعانى، ءارقانداي فورماداعى «تايۋان دەربەستىگى» بولشەكتەۋشىلىگى مەن سىرتتىڭ كيلىگۋ قاسكۇنەمدىگىن، ءسوز جوق، تالقانداپ، وتاننىڭ تۇتاستىعى مەن ۇلتتىڭ گۇلدەنۋىن جەبەيتىن قۇدىرەتتى كۇش توپتاي الاتىنىمىزعا سەنەمىز. وتاندى بۇكىلدەي بىرلىككە كەلتىرۋ تاريحي مىندەتىن، ءسوز جوق، جۇزەگە اسىرۋ كەرەك، ءسوز جوق، جۇزەگە اسىرۋعا دا بولادى!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار