2022 - جىلى بۇكىل ەل بويىنشا استىق ءونىمى ورنىقتىلىق بارىسىندا ارتتى (جاڭا ساندى مالىمەت، جاڭا ءتۇيىن)
ءۇرتىس 8 جىل ءبىر تريلليون 300 ميلليارد جىڭنان استى
2022.12.14 19:18 كەلۋ قاينارى : حالىق تورابى
«حالىق گازەتى»، 12 - ايدىڭ 13 - كۇنى، بەيجيڭ (تىلشىلەر گاۋ يۇنساي، لۋ يانان، چاڭ چين). مەملەكەتتىك ساناق مەكەمەسى 12 - ايدىڭ 12- كۇنى مىنانى جاريالادى: 2022 - جىلى بۇكىل ەل بويىنشا استىقتىڭ جالپى ءونىم مولشەرى ءبىر تريلليون 373 ميلليارد 60 ميلليون جىڭ بولىپ، الدىنداعى جىلداعىدان 7 ميلليارد 360 ميلليون جىڭ، ياعني %0.5 ارتتى، استىق ءونىمى ءۇرتىس 8 جىل ءبىر تريلليون 300 ميلليارد جىڭنان استى.
استىق ءونىمىنىڭ ارتۋى وڭاي - وسپاق قولعا كەلگەن جوق. پارتيا ورتالىق كوميتەتى، مەملەكەتتىك كەڭەس استىق وندىرىسىنە ايرىقشا ءمان بەرىپ، جەر - جەر، تاراۋلار استىق حاۋىپسىزدىگىندە پارتكوم مەن ۇكىمەت بىردەي جاۋاپكەرلىك ارقالاۋ تالابىن قاتاڭ تياناقتاندىرىپ، استىق ءوندىرىسىن قولداۋ تەبىنىن ۇزدىكسىز ارتتىردى.
باعانى ورنىقتىرىپ، شارۋالاردىڭ استىق ەگۋ بەلسەندىلىگىن جوعارىلاتتى. 2022 - جىلى ورتالىق ءبيداي، كۇرىشتىڭ ەڭ تومەنگى ساتىپ الۋ باعاسىن ۇزدىكسىز جوعارىلاتىپ، جۇگەرى، سويا بۇرشاق وندىرۋشىلەرگە قوسىمشا قاراجات بەرۋ جانە كۇرىشكە قوسىمشا قاراجات بەرۋ ساياساتىن ورنىقتىرىپ، ناقتى استىق داقىلىن ەككەن ەگىنشىلەرگە ىلگەرىندى - كەيىندى 40 ميلليارد يۋان ءبىر رەتتىك قوسىمشا قاراجات تاراتتى.
اپاتقا قارسى اتتانىپ، كۇزگى استىقتىڭ ءونىم مولشەرىن ارتتىردى. مەملەكەتتىك ساناق مەكەمەسى اۋىل - قىستاق تارماق مەكەمەسىنىڭ باستىعى ۋاڭ گۇيرۇڭ بىلاي دەپ تانىستىردى: بيىل وڭتۇستىك رايونداردا ءۇرتىس جوعارى تەمپەراتۋرا، قۋاڭشىلىق بولىپ، كۇزگى استىق وندىرىسىنە ءتيىمسىز ىقپال جاسادى. ورتالىق قازىنا اۋىل شارۋاشىلىق ءوندىرىسى مەن سۋ يگىلىگى اپاتتان قۇتقارۋ قارجىسىن شۇعىل ورنالاستىردى، جەر - جەر قۋاڭشىلىققا قارسى اتتانىپ، اپاتتان قۇتقارۋعا كۇش سالىپ، اتىز باسقارۋدى كۇشەيتتى، اسىرەسە، تاياۋ جىلداردان بەرى سالىنعان جوعارى ولشەمدى اتىزدار اۋىل شارۋاشىلىعىندا اپاتتان ساقتانۋ، اپات زيانىن ازايتۋ جونىنەن ماڭىزدى رول اتقاردى. بيىل بۇكىل ەل بويىنشا كۇزگى استىقتىڭ ءونىم مولشەرى ءبىر تريلليون 22 ميلليارد جىڭ بولىپ، الدىنداعى جىلداعىدان 4 ميلليارد 250 ميلليون جىڭ ارتتى.
كومەسكى كۇشتەردى اشىپ، استىق ەگىلەتىن جەر كولەمىن ارتتىردى. جەر - جەر استىق ءوندىرىسى جاۋاپكەرلىگىن ناقتىلاندىرىپ، ەگىستىك جەردىڭ پايدالانىلۋىن باسقارۋدى كۇشەيتىپ، ورماندى قالپىنا كەلتىرىپ، اتىزدى تىنىقتىرۋ، ارالاتىپ قايتالاي ەگۋ، اتىزداردى تۇتاستىرىپ جونگە سالۋ سياقتى تاسىلدەر ارقىلى جەر كولەمىنىڭ كومەسكى كۇشىن اشتى. كوپ ءتۇرلى شارانى قاتار قولدانىپ، بىرىككەن كۇش قالىپتاستىرىپ، بۇكىل ەل بويىنشا استىق ەگىلەتىن جەر كولەمى ءبىر ميلليارد 775 ميلليون مۋ بولىپ، الدىنداعى جىلداعىدان 10 ميلليون 519 مىڭ مۋ، ياعني %0.6 ارتتى. مۇنىڭ ىشىندە ءبيداي كولەمى نەگىزىنەن ورنىقتى بولىپ، جۇگەرى مەن كۇرىشتىڭ كولەمى ورنىقتىلىق بارىسىندا ازداپ تومەندەدى. بۇرشاق تەكتەستەردىڭ كولەمى زور مولشەردە، ياعني 17.4 پايىز ارتىپ، كارتوپ تەكتەستەردىڭ كولەمى ازىراق تومەندەدى.
2022 - جىلى بۇكىل ەل بويىنشا جازعى استىق پەن ەرتە پىساتىن كۇرىشتىڭ ءونىم مولشەرى جەكە - جەكە 294 ميلليارد 810 ميلليون جىڭ جانە 56 ميلليارد 250 ميلليون جىڭ بولىپ، الدىنداعى جىلداعىدان جەكە - جەكە 2 ميلليارد 890 ميلليون جىڭ جانە 210 ميلليون جىڭ ارتتى.
تانىستىرۋعا قاراعاندا، بيىل بۇكىل ەل بويىنشا استىق ءونىمى ءبىر تريلليون 266 ميلليارد 490 ميلليون جىڭ بولىپ، الدىنداعى جىلداعىدان 970 ميلليون جىڭ، ياعني %0.1 ارتقان؛ بۇكىل ەل بويىنشا بۇرشاق ءونىمى 47 ميلليارد 20 ميلليون جىڭ بولىپ، الدىنداعى جىلداعىدان 7 ميلليارد 710 ميلليون جىڭ، ياعني %19.6 ارتقان. مەملەكەت بويىنشا 23 ولكە، اۆتونوميالى رايون، توتە قاراستى قالادا استىق ءونىمى ارتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
