«شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى پايىمداۋلارىن ۇيرەنۋ وقۋلىعى» باسپادان شىعىپ تاراتىلدى
2023.04.18 16:23 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 17 - كۇنى، بەيجيڭ. ورتالىقتىڭ اۋىل - قىستاق قىزمەتىنە باسشىلىق ەتۋ گرۋپپاسى كەڭسەسى ۇيىمداستىرىپ قۇراستىرعان «شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى پايىمداۋلارىن ۇيرەنۋ وقۋلىعى» (تومەندە قىسقاشا «وقۋلىق» دەلىنەدى) تاياۋدا حالىق باسپاسىنان، جۇڭگو اۋىل شارۋاشىلىق باسپاسىنان باسىلىپ شىعىپ، بۇكىل ەلدە تاراتىلدى.
پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندەگى ەڭ ماڭىزدى ورىنعا قويۋدا تاباندى بولىپ، اۋىل شارۋاشىلىعىنا ءمان بەرۋدى، اۋىل شارۋاشىلىعىن الۋەتتەندىرۋدى ۇزدىكسىز تىڭعىلىقتى يگەرىپ، اۋىل شارۋاشىلىعىندا، اۋىل - قىستاقتا تاريحي جەتىستىككە قول جەتكىزۋدى، تاريحي وزگەرىس تۋدىرۋدى ىلگەرىلەتتى. باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى پايىمداۋلارى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەۋدىڭ ارەكەت باعدارناماسى جانە ءتۇبىرلى تياناعى. «وقۋلىق» جيىنى 16 ارناۋلى تاقىرىپقا ءبولىنىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ تاريحي ورنى مەن ستراتەگيالىق ورنى، دامۋ نىساناسى مەن ءتۇيىندى مىندەتتەرى، ءتۇزىم جۇلگەسى جانە ساياسات جۇيەسى سياقتى جاقتاردان باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى پايىمداۋلارىنىڭ وزەكتى ءمانى، رۋحاني ءمانى، باي مازمۇنى، امالياتتىق تالابى جونىندە تۇسىنىك جاسالدى.
«وقۋلىقتىڭ» باسپادان شىعۋى قالىڭ كادر - جۇرتشىلىقتىڭ باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى پايىمداۋلارىن جان - جاقتى، ىشكەرىلەي، جۇيەلى ۇيرەنىپ، بۇكىل پارتيانىڭ، بۇكىل قوعامنىڭ كۇشىن ۇيىستىرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋ اياق الىسىن جەدەلدەتىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ جولىندا قۇلشىنا كۇرەس جۇرگىزۋىنە ءتيىمدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
